تجاربي الفاشلة مع موقع علي اكسبرس aliexpress

[غلاك]

السلام عليكم ورحمة الله

بتكلم عن تجاربي للأسف الشديد الفاشلة مع موقع على اكسبرس aliexpress

اشتريت من عندهم وايد طلبات

و كنت دايما اختار التجار اللي مستوى الفيد باك عالي يعني عدالهم يا ألماسة يا تاج
وحد منهم مكتوب عدالهم BEST SELLER

شوفوا التجارب مع هالتجار

1- الحركة الشائعة ان التاجر يهف البيزات يلبسج و ما يطرش البضاعة ولما تطالبينه يقولج انه شحنها و اتري و شيكي البريد الين و يماطل الين ما تنتهي مدة الفيد باك و صارتلي اكثر من مرة
2- يطرش لج بضاعة غير عن الصورة يعني الصورة wow والبضاعة خرطي صارتلي وايد وايد
3- يشحنون الاغراض ببوكس صغير ويكدسونها او يلفونها بأكياس بس بدون تغليف حافظ والنتيجة توصل مكسرة و ما استفتدت منها صارتلي وايد وايد .
4- يطرشون نص الطلب يعني ناقص بحيث ما استفيد من الطلبية يعني مثلا( صندوق بدون غطاء) وصارتلي اكثر من مرة ولما اطالبهم بالباجي يا انهم يطنشون يا انهم يماطلون الين ما تخلص مدة الفيدباك
5- صارلتي مع تاجر يعتبر من البست سلر : كتب اهوه عنواني غلط بعدين رجعوله الطلبية، و بعدين راسلني يطالبني بفلوس علشان يشحنها مرة ثانية ،ولما رفضت لأن هذي غلطته ما طاع يرسلي البضاعة وبذمته ان شاء الله ينحرق فيها بنار جهنم
6- طول ما انه فيه فرصة اني ارد على الفيد باك يعاملوني باحترام و يماطلون وبمجرد ما تنتهي اخر طناش وفلوسي تطير

خسرت وايد بيزات على هالموقع وصراحة تجارب فاشلة مع تجار وايد و انا ما اختار الا الالماسين و مع ذلك جي حالتهم

حتى اني وقفت اطلب منه

مع العلم ان تجاربي هذي كانت في 2014 و 2015 يعني الحين مش من زمان

على عكس موقع امازون توصلني الطلبات بالضبط مثل الصور و مشحونة بنظافة و توصلني سليمة

المزيد من آخر المواضيع من نفس القسم:

• الشارقة
• ممكن مواقع تبيع شنط DKNY
• موقع يرجع نسبه اذا طلبتي من المواقع
• سويتوو sweetoo
• هل هذا الموقع موثوق؟
• الشحن للامارات ومكسب
• كيف طريقة الشراء من موقع I herp
• ترجيع ملابس مت موقع كوزي كوكون
• عطوني مواقع اتشرا منها للعرس
• اكواد خصم