طليقت أخوي تبغي ترد ،،،، شو الحل

[ام حمده 77]

من العنوان شو الحل

اتصلت فيني طليقت أخوي تترجاني أكلم اخوي يرجعها

اخوي مطلقنها من 10 سنوات وعندهم بنت عمرها 8 سنوات

هي اللي طلبت الطلاق واصرت عليه وعرست بعدها بسنة وانتقلت الحضانة عند اخوي

طبعا اخوي الله رزقه بزوجة من خيرة الحريم وربت بنته وعمرها 3 سنوات ما شاء الله عليها من المتفوقات والكل يشهد على تربيتها لها حتى أهل طليقت أخوي يعرفوا انها ما مقصره معاها

تزوجت بعد ما طلقها اخوي بسنة ويابت منه بنت وبعدها طلقها


وتمت فترة وتزوجت وافد ويابت منه ولد وانسجن وسفره بلاده بعدها تطلقت ورجعت تعيش بيت أبوها مع عيالها البنت والولد

الحين اخوي متزوج وسعيد بحياته مع عياله

وهي متبهدله محد يصرف على عيالها واخوانها ملتهين بحياته

ﻻ شهادة وﻻ وظيفة

الحين شو الحل أخبره اخوي ﻻنها حلفتني أخبره وراضية بأي شرط يشرطه عليها

اللي هامني حرمة أخوي شو بيكون موقفها مني

وانا متأكدة انه اخوي بيرفض يرجعها



للعلم على اللي سوته في اخوي علاقتها معاها زينه ومع اهلها
وايد كلمتها ونصحنها بس ما شي فايدة لين ضيعت حياتها للعلم بنت اخوي متعلقة بحرمة ابوها وتحبها ﻻنه بالشهر كانت تشوفها واخوه يوصلها لها عشان تشوفها والحين حنت لبنتها بعد ما تطلقت

المزيد من آخر المواضيع من نفس القسم:

• تأثير الطلاق على الاطفال
• اشهر العلامات التي تسبق الطلاق بين الزوجين
• ابرز التغيرات في نفسية المرأة بعد الطلاق
• نصائح للتغلب على الحزن والألم بعد الطلاق
• نصائح للمرأة للتغلب على الم الطلاق
• اسباب غير مباشرة قد تؤدي للطلاق
• دعاء تيسير الزواج
• اسباب تؤدي لحدوث الطلاق السريع بين المتزوجين...
• تقرير عن تأثير الطلاق على الابناء في سن...
• اشهر اسباب الطلاق المبكر بين الازواج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Ward-uae]

السالفة مب غريبة علي
لو كنت مكانج ما رمست وهي اذا تبي ترمس شي راجع لها لو حلفت تكفر عن اليمين
اما عن انه ما عندها شهادة ووظيفة تقدر تقدم على الشؤون بيعطونها + نفقة اليهال اللي معاها
اذا ردت تتصل وترمس احسن شي تربي عيالها محد بينفعها غيرهم بعد رب العالمين
اما عن حرمة اخوج انتي ادرى بها واضن ربت عيالها واعتبرت بنت زوجها وحده من بناتها

[munamoor]

نصيحة لوجه الله ما يخصج فيها ،،،
شكلها بعد ما دمرت حياتها تبغي تدمر حياة اخوج
قولي لها عندج شي كلمي اخوي روحج ،،،
أنا ما يخصني ،،، بعد ما شبعت تبغي ترد لأخوج
و الله ثم و الله لو كانت حرمة اخوي جان ما رضيت
ما تدرين شو هدفها ،،، لو هدفها صدق انها تبغي تكون
جريبة من بنتها جان ما تطلقت خير شر


طليقة اخوي ( اخوي بالرضاعة )
يوم قالت لي برجع لأخوج بعد ما تزوجت من
ثلاث رياييل و تطلقت منهم ،،،، قلت لها
آسفة اخوي سعيد بحياته و لا يمكن افكر بهدم سعادته
علشانج و علشان نزواتج

[غزالة AD]

مالج خص. اذا هي تبا تكلمه. مرت اخوج بتزعل وبتاخذ منج موقف لو عرفت.

[twinkle star]

لا تدخلين اخوج ماشاءالله سعيد بحياته والله عوضه
مالها حق تي ترجع الحين بعد ماطلبت الطلاق بنفسها الله يهديها
في كل الاحوال تبا شي خليها ترمس بنفسها وانتي لا تدخلين ابدا عشان حرمه اخوج ماتزعل منج بعد

[ريم العسووله]

لا تدخلين نفسج في مشكلة
الموقف صعب

الأولى ام لبنت اخوج و سبحان الله يمكن ندمت ، ما في انسان ما يغلط
و الثانية بعد ام لعيال اخوج ، فالموقف صعب لانهن الثنتين امهات لعياله ...

اذا هي حابة ترجع خلها هي تفاتحه بالموضوع و انها حابة ترجع عشان مصلحة بنتهم و عاد حزتها كيفه اخوج و له حرية الاختيار

[بســـــكوته]

انا اشوف تنصحينها قولي لها توبي وارجعي لربج ولاتركضين ورا اخوي ولا غيره هو رب العالمين باايده قلوب الكل ولو شي مكتوب لج يصير بيصير
انصحيها ترجع لربها وتكثر من قيام الليل والدعاء والاستغفار واكيد ربي ارحم فيها حتى من نفسها الله يصلح حالها كسسرت خاطري والله

[Miss PiXy]

يالله شو سالفه الحريم عقب عشره سنين يطلبون الطلاق عقب يندمون بعد مايجربون ازواج غيرهم

تذكرت سالفه اخو ربيعتي ماخذ من اهله وعقب 10 سنين طلبت الطلاق وبينهم عيال وبدون سبب يستاهل .. الي صدق احسه حرق قلبها انه كانو يبينون بيت يديد وهي اختارت كللل شي فالبيت الارضيات وغيره وعقبها اطلقت والريال راح تزوج وحده ثانيه وسكنها بهالبيت ؟ يت حرمه ثانيه خذت عنها البيت والحين ندمانه عالطلاق .. الله يهدي هالحريم

عزيزتي شي طيب انها حست بغلطتها لكن دام اخوج مرتاح ويا حرمته لا تكلمينه ولا شي لا تخلينها تضغط عليج عشان تكلمينه لا تدخلين بمواضيع ويا اخوج وحرمته خاصه , تخيلي انج كلمتي اخوج واقتنع نوعا ما بالفكره ؟ شو ذنب حرمته؟ جنج بتدمرين بيت جيه انهي الموضوع وياها

[لحنْ #]

لا تكلمينه ابد .. موفقه عزيزتي

[ماسه حساسه]

على كل حال الله يعينها حالتها صعبة حرام ..
خلها ترجع لربها وتزيد إيمانها

[jumana]

صدق إنها قوية !!!! يعني هي من نفسها اللي طلبت الطلاق وعرست مرتين ووووو

وإلحين عقب هالسنين تبا ترد لأخوج وطبعا بس عشان يصرف عليها جي شو تتحرا عمرها على كيفها متى مابغت تتطلق او ترد ..الناس مب لعبة عندها....دام أخوج مرتاح وياحرمته لاتفتحين الموظوع وياه ولاشي .. الظاهر تبا تسوي مشاكل لأنه شي طبيعي حرمته مابترضى

[ورود الثلج]

ماشاء الله وين تحصل ريايل هذه

ههه ونحن واحد مب محصلين

الله يعينها

[أم زمرده]

اللهم اظلنا تحت ظل عرشك يوم لا ظل إلا ظلك

[مس جوتشي]

صدق إنها قوية !!!! يعني هي من نفسها اللي طلبت الطلاق وعرست مرتين ووووو

وإلحين عقب هالسنين تبا ترد لأخوج وطبعا بس عشان يصرف عليها جي شو تتحرا عمرها على كيفها متى مابغت تتطلق او ترد ..الناس مب لعبة عندها....دام أخوج مرتاح وياحرمته لاتفتحين الموظوع وياه ولاشي .. الظاهر تبا تسوي مشاكل لأنه شي طبيعي حرمته مابترضى

مع الاخت

[mrs.abk]

يعني إنتي ما فكرتي بحرمة أخوج الحين الحرمة اللي تصبرت على وجود بنت أخوج وربتها وأحسنت فيها وتعبت علشان خاطر عيونه ..

كيف الحرمة اللي تصبر على ريال مطلق وتبدا معاه حياة يديدة وتساعده وتعينه يصير مالها قيمة في أول لحظة تقرر ست الحسن الاولية ترد للريال

المفروض منج تهزبينها وتسمعينها كمن كلمة حارة عسب ما تتدخل بحياة أخوج

الله يعينه أخوج