نفسيتي تعبانة

[ماسه حساسه]

عادي ترا لما تتزوجين بتحصين ريل يحن عليج وان شاء الله نونو .. ليش انتي مسوية بلوك لفكرة الزواج احسج مستصعبة هالشي خلق الله كلهم يتزوجون تفاءلي ؛)

وترا اهم شي في الحياة العبادة حمدي ربج إنج على الطريق المستقيم والله يكرمج ويحفظج من كل شر.. ثانيا نعمة الأمان والصحة والعافية.. ربيعاتج الي تزوجوا باركيلهم يوم من الايام بتكونين مكانهم.. لاتفكرين بسلبية

وانا انصحج تغيرين طبعج شوي لا تكونين كتومة في بعض الاشياء حاولي تتكلمين مع الي حواليج وحتى لو في خاطرج سوال ومب عارفة اسألي ..

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بسمة أمـل]

ربي يفرج همج أن شاء الله ويرزقج الزوج الصالح عاجل غير اجل يارب آمين وتشوفين عيالج وتفرحيين فيهم ياربي يا كريم ..

آمين اختي

" لا تفكر في المفقود حتى لا تفقد الموجود "

تفكري بنعم رب العالمين وتمتعي بها عزيزتي
انتي بصحة وعافية والله العالم الوحدة من بعد الولادة
كيف تكون صحتها وبعد المسؤولية والاولاد كيف تكون حياتها

أنا كنت شراتج اداوم وادرس واتمنى اتزوج
حملت وربيت في أول سنة و ماتدرين شكثر احن للدوام
لكن ماقدر بسبب انشغالي ببيتي وزوجي وطفلي

اشتاق لايام الجامعة وصديقاتي لكن هيهات
ماعندي وقت اتواصل معهم و لاعندي وقت اتسبح أحيانا

صدقيني انتي تحرقين على روحج استمتاعج بأحلى
أيام حياتج .. عيشي هالمرحلة انتي في زهرة العمر
كوني على ثقة ان ربج بيرزقج وربنا بيحقق ظنج

لا تخلي الموضوع شغلج الشاغل كل شي بوقته حلو

إن شاء الله فديتج يعطيج العافية على الكلام الطيب

ممكن تشغلين روحج بطريقة حلوة

اكفلي لج يتيم
اذكر في المرحلة الاعدادية كنا نكفل ايتام
بعد تشجيع احدى المعلمات يزاها الله خير

ومن فترة لفترة يطرشولنا صور اليتيم اللى نحن كافلينه
و توصلنا منه رسائل بخطه ماتتصورين حجم السعادة اللى تغمرنا

جميلة الفكرة والله وياريت أقدر أكفل يتيم

عادي ترا لما تتزوجين بتحصين ريل يحن عليج وان شاء الله نونو .. ليش انتي مسوية بلوك لفكرة الزواج احسج مستصعبة هالشي خلق الله كلهم يتزوجون تفاءلي ؛)

وترا اهم شي في الحياة العبادة حمدي ربج إنج على الطريق المستقيم والله يكرمج ويحفظج من كل شر.. ثانيا نعمة الأمان والصحة والعافية.. ربيعاتج الي تزوجوا باركيلهم يوم من الايام بتكونين مكانهم.. لاتفكرين بسلبية

وانا انصحج تغيرين طبعج شوي لا تكونين كتومة في بعض الاشياء حاولي تتكلمين مع الي حواليج وحتى لو في خاطرج سوال ومب عارفة اسألي ..

ربي يرزق كل خير الحمد الله على كل حال
بحاول إن شاء الله يعطيج العافية حبيبتي

[جنان الفجيره]

تصبري ان شاء الله و ربي يفتححها عليج وكثري من الاستغفار وسوره البقره وحصني عمرج

[ورقة ناعمة]

اهتمي بنفسج دللي نفسج دلعي نفسج ها كله بيكون شي ممتع لج صدقيني لاتترين من حد يحن عليج او يحس فيج

في ناس حتى مايحسون بنفسهم فاقدين هالشعور ,,,انتي ولله الحمد تفكرين بنفسج ويهمج أمر ذاتج

[ليندااااا]

الا بذكر الله تطمئن القلوب
الدعاء والاستغفار تشيل الهم والغم من النفس
خلج مواضبة على صلواتج في وقتها والله يفرج همج وهم المكروبين اجمعين

[احلى عيمانيه]

حد يتع و يشقى عشان يعرس ما عندج سالفه بعدج صغيره و الحياه جدامج عيشي حياتج الا الريال خروف ما يملي عينه شي حلاتج و حلات سنج الصغير عيشي ولا عليج من حد

[مكيفة دبي]

الله لا يرضى للنساء الحزن
( فناداها من تحتها ألا تحزني قد جعل ربك تحتك سريا ¤ 24 ¤ سورة مريم
( وَأَوْحَيْنَا إِلَى أُمِّ مُوسَى أَنْ أَرْضِعِيهِ فَإِذَا خِفْتِ عَلَيْهِ فَأَلْقِيهِ فِي الْيَمِّ وَلا تَخَافِي وَلا تَحْزَنِي إِنَّا رَادُّوهُ إِلَيْكِ وَجَاعِلُوهُ مِنَ الْمُرْسَلِينَ ) سورة القصص 7
(فَرَدَدْنَاهُ إِلَىٰ أُمِّهِ كَيْ تَقَرَّ عَيْنُهَا وَلَا تَحْزَنَ وَلِتَعْلَمَ أَنَّ وَعْدَ اللَّهِ حَقٌّ وَلَٰكِنَّ أَكْثَرَهُمْ لَا يَعْلَمُونَ ) سورة القصص

أسعدي قلبج بسماع القرآن وقراءة القرآن لأنه كلام الله الذي يسعد الروح

[بسمة أمـل]

مشكورات على النصايح خواتي

[��@ سوما@��]

حبيبتي انتي ياعمري الله يسر ويسهل عليج ويرزقج الزوج الصالح يارب وتكونين سعيده وفرحانه امين يارب

[snowhite_lady]

أختي الحياة هالأيام اتعب الواحد نفسيا وواحنا البنات بهالجيل مع تقدم الأيام ما ورانا غير العبادات، الدوام، الدراسة، طلعات ويا الاهل او الربيعات.. كلنا نتمنى يكون عندنا عيال بس شو الفايدة اذا الريل مش أوكي،، مو بإيدنا الزواج الا حسب كتبة ربنا،، وعلى عاداتنا وتقاليدنا الريال اللي يتقدم للبنت مش العكس،، وكمجتمع مغلق تفكيريا بالرغم من تطورها، ما بيتقبل فكرة انه البنت اللي تخطب لنفسها،، اصلن الشباب ما يبون الزواج ومسؤولية وصدعة الراس،، عكسنا نحن البنات اللي ندور على الاستقرار وتكوين الأسرة
أغلبها موب جديا،، أصلن مش مؤهلين لتحمل مسؤولية البيت ما يبون غير الترفيه والسفر
خلنا ناخذ على سبيل المثال // قبل كانوا الشباب يتحججون انه مهر البنت الإماراتية وتكاليف العرس وايد غالية يعني نفترض المهر 100 الف + حفل العرس مثلا 80 - 100 الف ما يروم يدفعون اونه بيكون عليهم ديون البنك،، بس نجي نتكلم عن سيارة قيمتها 400 الف ،، عااادي
الوقت الحالي الحكومة وضعت قانون او إجراءات لزواج المواطن من مواطنة بس وينه اللي يعرس،،، الحمدلله الدولة توفر لنا كإماراتيين جميع سبل الراحة حتى البيوت،،، بس وينه اللي يرضى يعرس
وفي جانب ثاني لو عرس وافدة أونه ما بيدفع عليها شرات ما يدفع على الاماراتية،،، وين العقل والتفكير إذا الوافدة تحتاج سفر بشكل دوري، غير تأشيرة حق أهلها (عدد لا يحصى) بالإضافة الي أشياء أخرى
حتى أغلبهم يرجع للخطابة بحجة تدور له على عروس بس الواقع انه يدور على بنت يتعرف عليها بس مش للزواج،، والدليل انه يشوفها ويكلمها وبعدين فص ملح وذاب،، حتى مشروع الخطابة الإماراتية صار مشروع فاشل بسبب نوايا الشباب..
أنا مريت بمرحلتج وما تركت درب ما طقيته عشان أعرس وأستقر، بس للأسف نوايا الأشخاص شينة حتى لو جيت بدرب شرعي.. كنت أصيح الليل بس الحين تجاوزته،، اغلب الأوقات أحن عشان يكون عندي ياهل بس مش بإيدي، شغلت نفسي بدراستي ودوامي والحمدلله أنا مرتاحة وقادرة اشيل مسؤولية بيت،، بس شو فايدة الزوج اذا هو موب قد مسؤولية الزواج
نصيحتي،، اتوكلي على رب العالمين، اعتمدي على نفسج، كملي دراستج العليا وفكري اتسوين لج مشروع
حاولي تطلعين تتمشين، ولاقي لج بنية تأخذ وتعطي وياج،، البنت اللي انتي ترتاحين لها أكثر،، ترا موب كل زين زين وموب كل شين شين،، هذا يعتمد على الشخصية اللي تتعاملين معاها
وتمنياتي أختي الغالية بالتوفيق وربي يحفظج من الناس اللي ما ترحم البنية

[غرنوق]

صدقيني اول ماتعرسين بتقولين يا ريت ماعرست
كل الي فيج وساس شيطان وافكار سلبية

لاتزم ترضين بالي انتي فيه واستمعتي بحياتج مافي احلى من الاستمتاع بالحياه بنات اكبر منج في الثلاثينات مستانسات ولامهتمات في الزواج لانه مقتنعات وعندهن يقين انه الزواج من الله مثله مثل الموت والحياة
مشكلتج انتي سببها وافكارج السلبية انتي الي حاطتنها في راسج انتي بخير ونعمة وماعليج قاصر

[بسمة أمـل]

أختي الحياة هالأيام اتعب الواحد نفسيا وواحنا البنات بهالجيل مع تقدم الأيام ما ورانا غير العبادات، الدوام، الدراسة، طلعات ويا الاهل او الربيعات.. كلنا نتمنى يكون عندنا عيال بس شو الفايدة اذا الريل مش أوكي،، مو بإيدنا الزواج الا حسب كتبة ربنا،، وعلى عاداتنا وتقاليدنا الريال اللي يتقدم للبنت مش العكس،، وكمجتمع مغلق تفكيريا بالرغم من تطورها، ما بيتقبل فكرة انه البنت اللي تخطب لنفسها،، اصلن الشباب ما يبون الزواج ومسؤولية وصدعة الراس،، عكسنا نحن البنات اللي ندور على الاستقرار وتكوين الأسرة
أغلبها موب جديا،، أصلن مش مؤهلين لتحمل مسؤولية البيت ما يبون غير الترفيه والسفر
خلنا ناخذ على سبيل المثال // قبل كانوا الشباب يتحججون انه مهر البنت الإماراتية وتكاليف العرس وايد غالية يعني نفترض المهر 100 الف + حفل العرس مثلا 80 - 100 الف ما يروم يدفعون اونه بيكون عليهم ديون البنك،، بس نجي نتكلم عن سيارة قيمتها 400 الف ،، عااادي
الوقت الحالي الحكومة وضعت قانون او إجراءات لزواج المواطن من مواطنة بس وينه اللي يعرس،،، الحمدلله الدولة توفر لنا كإماراتيين جميع سبل الراحة حتى البيوت،،، بس وينه اللي يرضى يعرس
وفي جانب ثاني لو عرس وافدة أونه ما بيدفع عليها شرات ما يدفع على الاماراتية،،، وين العقل والتفكير إذا الوافدة تحتاج سفر بشكل دوري، غير تأشيرة حق أهلها (عدد لا يحصى) بالإضافة الي أشياء أخرى
حتى أغلبهم يرجع للخطابة بحجة تدور له على عروس بس الواقع انه يدور على بنت يتعرف عليها بس مش للزواج،، والدليل انه يشوفها ويكلمها وبعدين فص ملح وذاب،، حتى مشروع الخطابة الإماراتية صار مشروع فاشل بسبب نوايا الشباب..
أنا مريت بمرحلتج وما تركت درب ما طقيته عشان أعرس وأستقر، بس للأسف نوايا الأشخاص شينة حتى لو جيت بدرب شرعي.. كنت أصيح الليل بس الحين تجاوزته،، اغلب الأوقات أحن عشان يكون عندي ياهل بس مش بإيدي، شغلت نفسي بدراستي ودوامي والحمدلله أنا مرتاحة وقادرة اشيل مسؤولية بيت،، بس شو فايدة الزوج اذا هو موب قد مسؤولية الزواج
نصيحتي،، اتوكلي على رب العالمين، اعتمدي على نفسج، كملي دراستج العليا وفكري اتسوين لج مشروع
حاولي تطلعين تتمشين، ولاقي لج بنية تأخذ وتعطي وياج،، البنت اللي انتي ترتاحين لها أكثر،، ترا موب كل زين زين وموب كل شين شين،، هذا يعتمد على الشخصية اللي تتعاملين معاها
وتمنياتي أختي الغالية بالتوفيق وربي يحفظج من الناس اللي ما ترحم البنية

وياج حق انه شو فايدة الريال الي ما يتحمل مسؤولية ما منه فايدة يا اختي ولكن الإنسان بعد يتمنى يلاقي ولد الحلال الخلوق الي يخاف على الوحدة ويراعاها مب عيب انه البنت تفكر وتحاتي تعرفين مثل ما في الشين في الزين مب كل الشباب شينين الا ما يكون في ولد حلال متربي واخلاق بس وينه الله اعلم المشكلة البنت ما بيدها حيلة وقدرها يتأخر زواجها او حتى ما تتزوج الي مب متزوجة تحاتي متى بكون عندها عيال بالنهاية كل وحدة تآخذ نصيبها ان ما كان في الدنيا أنا واثقة بكون لها نصيب في الآخرة

صدقيني اول ماتعرسين بتقولين يا ريت ماعرست
كل الي فيج وساس شيطان وافكار سلبية

لاتزم ترضين بالي انتي فيه واستمعتي بحياتج مافي احلى من الاستمتاع بالحياه بنات اكبر منج في الثلاثينات مستانسات ولامهتمات في الزواج لانه مقتنعات وعندهن يقين انه الزواج من الله مثله مثل الموت والحياة
مشكلتج انتي سببها وافكارج السلبية انتي الي حاطتنها في راسج انتي بخير ونعمة وماعليج قاصر

يمكن يكون وسواس مثل ما تقولين اختي لكن شعور يتم في خاطرج انه يتقدم بج العمر وماحد دق بابج ماحد بحس بالي أحسه ان ما كان مر فيه ربما في بنات في الثلاثينات ما تزوجن سواء لأسباب تخصهن او لأنه ربي ما ياب لهن نصيب بس إسألي وحدة فيهم شو شعورها يوم تشوف الناس يتزوجون وهي يالسة تنطر إسأليها يوم ان كان ودها هذا الشيء وهل يضايقها إنه تقدم بها العمر وما تزوجت صدقيني ان انكرت انه ما ييها هذا الشعور هذا دليل انه في مشكلة فيها لأنه كلنا نمر بهذا الشعور وهذه فطرة في الانسان البنت غير الريال هي تتنظر نصيبها في حين هو حر في تصرفه ومب محاسب ويقدر يأشر على اي بنت ويتزوجها عكس الحرمة أو حتى يلعب بشبع الشعور الي يحسه

[دبي للابد]

حبيبتي خذديها من ناحية ثانية انتي الحين ماعندج مسئولية ريل وعيال فانطلقي فحياتج طلعي مع ربيعاتج شاركي في اندية مارسي هوايات اخذي دورات تعلمي لغة يديدة اشغلي وقتج واستمتعي ونصيبج بييج لين عندج يوم ربج يريد

[عنا العاصمة]

الله يفرج همج يا غاليتي ..
اشغلي نفسج .. حاولي تغيرين من نط حياتج .. كوني علاقات اجتماعيه .. روحي زيارات ..
عطي نفسج احقية .. عيشي حياتج وسنج .. توج شباب .. والعمر قدامج .. لا تحصرين عمرج في دايره
كلنا عندنا مشاكل وهموم .. متزوجه .. عزبا .. مخطوبة .. ارملة .. مطلقة ..
بس كله خيره من الله .. وسن الزوااج ماله عمر محدد .. لا تفتحين اذنج للناس السلبية حولج ..
واخلصي النيه لله .. وتيقني انه كل تاخيره فيها خييييره ..
توكلي على الله .. وكل ما تضايقتي .. اذكري الرحمن .. اشغلي نفسج ..
باشيا انتي تحبينها ومع ناس يحبونج .. !


الله يطمن قلبج غاليتي

[ماسه حساسه]

هههه
كل بنت بتعرس وبتعيل
ان شاء الله ايي نصيبج
بس لاتحسدين غيرج حتى لو بالتفكير
هذا غلط استغفرالله
ترى ممكن تخترب علاقتهم اويستوي شي بعيالهم
استغفري وتمي متفائلة
قال تعالى
لا يياس من روح الله الا القوم الكافرون
سوي اعمال خير يمعي حسنات
لان الزواج بروحه وظيفة بدوام كامل
هههه
راجعي نفسج
هل كنتي تزعجين احد
امج ابوج مثلا رفعتي صوتج
او اخوانج خواتج
رمستي من ورى احد
ترى كلها ذنوب
استغفري لله اولا
وعددي النعم
وخلي علاقتج بالخالق وليس المخلوق
حتى لما تتزوجين ان شاء الله
واهتمي بنفسج
ان لنفسك عليك حقا
تثقفي في بعض المواضيع
الله يوفقج