انا تعبت سااعدوني!

[Ward-uae]

الم الديسك يعور لكن انتي تقعدين وايد على الارض او تنامين بسرير مب طبي؟
حاولي تتجنبين هالاشياء
وقعدتج خلج معتدله لا مايله او قعدة مب مريحه او تشلين اشياء ثجيله هذي كلها تزيد الالم
انتي وزنج مناسب ولا زايد ؟
ما عليج هو مب مرض خطير وسالفة العملية والشلل وايد سبقتي الاحداث تعوذي من ابليس
عندي الديسك من عمري 20 سنة وكله من قعدتي ومن ايلس اشتغل ما يهمني كيف ايلس اهم شي اخلص شغلي و من عرست زاد علي وعلى كل حمل يزيد الضغط على الفقرات لكن من اقعد عدل واريح نفسي الحمد الله يخف
تدرين اكثر كلمه شدتني في موضوعج هو عزكم الله
ما ادري تذكرت واحد كل شوي قال هالكلمه حتى من يطري زوجته جيه يرمس نصيحه مني لا تتعودين تقولينها وايد
المهم عن الاكتئاب الحين عندكم فتره امتحانات مواد وضغط دراسه ما عليج ريحي وردي ذاكري وحطي هدف جدامج انج تبين تصيرين مهندسه او دكتوره الدراسه حلوه لو عرفتي كيف ترتبين امورج وتذاكرين صح وتعدلين رقادج وتاكلين عدل
الله يوفقج