قهههههههههههههر

[ام فــطــامي]

السلام عليكم ورحمة الله وبركاته
انا غبت فتره عن المنتدى والحين رجعت

حبيت اكتب مشكلتي وابغي الحل منكن خواتي
انا متزوجه من سنتين وعندي بنت وولد يبتهم ورا بعض عشان ماتقولون كيييف يبتيهم

ريلي وياي من احسن ما يمكن احبه ويحبني وحياتنا جدا طبيعيه بس مشكلته مغاززززلجي ويكلم وكم مره زخيته ينككر بالرغم اني اكلمهن ويقولولي هيه انكلمه وووقاحه

وأقول بتغاضى عشان عيالي وما بهدم بيتي عسب خايسات بس يوم الاحد كنت مداومه في الجامعه من الصبح للعصرر فالعصر دق ريلي قالي انتي وين قتله اتغدا قبل شوي راده قال انتي ماكنتي في الجامعه قتاه نعم قال هيه طرررشي جدووولج انا طبعا رفضت لان ما اسمحله يشك فيني قال لو ما طرشتي بطلقج قتله طلق دام جي ورحت كلمت ابووي لان الموضوع كبر دام شك وعدم ثقه قتله روح حق ابوي اذا تبا الجدوول قال برايج انا أساسا مليت منج قتله انا كل شي ممكن اسكت واتغاضى بس تتهمني وتشك وتجذبني لا الله معاك
المهم ثاني يوم مطرش مسج ان حقج علي حبيبتي والبيت بيتج
انا طبعاااااا ططططططططططططاف من الخاطر
وابوي قالي ماترجعين لين احسابه لان الموضوع كبير ووعدم الثقه بين الزوجين مصيبه لازم يعرف قدر الكلام الي قاله

انا صصج هالمره زعلانه من خاطري عليه انا زوجته ام عياله ما تووصل لهدرجه امبينا شك وعدم ثقه

شو رايكم وعطوني حل

اسفه طوولت عليكن حبيباتي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بريد الذكريات]

تصرف جيد علشان مايعيدها ﻻن في حد يبالهم العين الحمرا ،والشك دمار ودايما ها النوع يتحرا الكل مثله

[ام يوسف ويس]

يمكن هو يريد يوصلك احساسه لما انت تشكي فيه
بس نصيحه مني الك لا تتركي بيتك مهما كان السبب الله يرضى عليكي

[خياطة]

رأيي مب انه شك فيج لا ،
شكله وحدة من اللي يكلمهم قالت له أنج اتصلي بها
وعاد هو حب أنه يطلعج انتي غلطانة في شي وحب انه يلعب دور الريال يعني .
تصرفج كان في محله نوعا ما ،بالرغم انه انا مثل هالامور ما احب انه نناقشها ونوصلها للأهل .
تظل الحرمة هي راعية البيت و هي المسؤولة عن حياتها والمفروض أنه اهلها خلاص ما يتدخلون
لأنج أم عيال مثل ما قلتي وتقدرين تتصرفين في حياتج ، بدون تدخل الاهل .
الريال المغازلجي هذا موجود في كل بيت غناتي إن ماكان ريلج فهو أخوج او ولدج أو أبوج حتى .
لازم الحرمة تحاول انها تملي حياة ريلها نوعا ما ، الريال يحب الحرمة اللي قاعدة فالبيت و ما تشتغل ويغار من اللي تكمل دراستها وتداوم .
سبحان الله هالشي لمسته في زوجي بالرغم انه هو يشجعني على كل خطوة جميلة أقررها ،بس بعد تظل الغيرة لها حيز في قلوب الرجال .

[khaleejiya]

زين ادبتيه عشان مايفكر يتمادى مره ثانيه وشاف وراج رياييل

[(خيماويه)]

يمكن يكلم معرسات وهالشي خلاه يشك فيج وجهة نظري بس زين تصرفتي وياه عيبتيني والله يهديه ويبعد عنه هاﻻشكال

[ماسه حساسه]

ابوك صح كلامه لازم يثمن كلامه
وانتو بينكم عيال وتحبون بعض

[مالتيزرس]

توج حرمة وبنت ابوج ..عيبني تصرفج ..كله ولا العرض

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[ام راشد وسعيد]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[ليندااااا]

زين ما سويتي معاه

[Fa.R]

لا تسامحينه بسرعة

[وضـــحـــى]

رأي ابوج صح ... وتحملي ترجعين له لين يحس بلي يسويه

[انثى بس غير]

الله يعينج حبيبتي

[Cobon]

كلن يرى الناس بعين طبعه
خاصة لو هو يرمس معرسات لازم بيشك فيج
حبيبتي مب مشكلة انتي خلج ف بيتج لا تروحين بيت اهلج البيت بيتج و انا ضد الحرمة تطلع من بيتها لو شو ما صار

هو يمكن يرمس وحدة معرسة او وحدة من اللي يرمسهم خرطت عليه و قالت انج اتصلتي فيها او قابلتيها ترى بنات ابليس شياطين هدامات بيوت


اصبري و خلج ف بيتج معززة مكرمة و اسكتي عنه لين ما يقولج شو الموضوع بالضبط
و نصيحة اطبعي جدولج و قولي له انا متربية و مب انا اللي اخون ربي قبل لا اخونك ؟
صدقيني عقب بيندم و بيى يراضيج و هاك الوقت طنشيه ع راحتج لو تبغين