بقايا الولاده بالرحم

[No way5]

السلام عليكم

عزيزاتي انا والده من اربع شهور وقبل امس قالت لي الدكتوره بعد ما فحصتني ان عندي بقايا دم متكتل ومتجلط بالرحم وان الرحم ما رجع لحجمه بسبب بقايا الولاده هذي ياليت تفيدوني باي شي اسويه قبل ما اراحعها لان قالت لي عقب خمس ايام اذا ما تنظف الرحم من الدوره (كرمكم الله ) راح تسويلي غسيل فياليت الي مرت بتفس التجربه تفيدني ومشكورات

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام حمده 77]

بالعكس اختي

الغسيل أفضل وأسرع واضمن طريقة لتنظيف الرحم

راح تكوني مخدرة وما راح تحسي بشي

وتقدري تطلعي من المستشفى بنفس اليوم

[ريم العسووله]

ما عليج شر حبيبتي
و عليج بالاكلات الي تنظف الرحم
مشروب الدارسين او الحبة حمرة ( الحسو)

[game over77]

مآعليج شر ..شربي الاشيا الحاره اللي نشربها بالعادة ف الدورة بشري زنجبيل مع شاي احمر بدون سكر صح طعمه مب حلو بس وايد اوكي .. شربي منقوع القرفه وسويلج حبة حمرا وكلي فلفل اسود مع العيش .. ان شالله ينظف رحمج قبل لاتروحين لهآ واذا سويتي التنظيف بعد ماله ضرر ان شالله

[ام فــطــامي]

هلا حبيبتي
انا عانيت نفس مشكلتج بس ضربتني حمى نفاس بسم عليج بعد الولادة بخمس أيام ورجعت ترقدت في المستشفى وتموا يعطوني حبوب تنزل القططع تعععب من الخاطرر ولين احين اتعالج عند دكتورة سوسن في العين وتعطيني تحاميل ومن كم يوم نزلتلي قططعه بعد وانا مربي من خمس شهور ونص تقريبا لاتحاتين بالغسيل بينظف الرحم
هاي الحمل والولادة تعب في تعب

[أم حمامه]

اول شي حمد الله على سلامتج ومبروك ما ياج
ربي يفكج من الشر وترد الامور طبيعيه الصراحه ما عندي خلفيه عن الموضوع

[مالتيزرس]

أحسن لج الغسيل سويه وتوكلي ..

[ماما سلطان]

أكيد تعرضتي للبرد بعد الولاده وما دفيتي بطنج وريولج عدل... هذا يخلي الدم يجمد وما ينزل.... ولازم خواتي المربيات من أول يوم ادفين بطنج وتربطينه وما تمشين على الارض البارده وانتي حافية أبدا....

وأختي سوي تنظيف أحسن عشان تضمنين إنه ما تم شي وعشان يرجع رحمج نظيف... شو ضمنج إن الاعشاب اللي بتشربينها راح تنزل كل شي... خليج تحت متابعة طبيبتج أفضل وأضمن لصحتج...

ربي يقومج بالسلامه يارب...

[رؤوس الجبال]

حبيبتي شربي زنجبيل واااايد ينظف الرحم واكلي عيش ابيض وحطي عليه سمن وفلفل اسود ناعم وخلي اكلج حار بتتنظفين على طول ان شاء الله

[صفوويه]

الحمدلله على سلامتج اختي ومبروووووووك مايااج ^^

وعن موضوع الغسيل انا بعد اشوفه اسرع واضمن حل ... بتتخدرين وبتظهرين في نفس اليوم ولا كأنج مسويه شي
بس يمكن اييج ويع بطن خفييييف شرات الغازات بس هذا كله بيروح ثاني يوم

والحين في فتره الدوره شربي دارسين مطبوخ مع شويه سكر

والله يعطيج العاااااافيه ياااارب

[ليندااااا]

سلامتج اختي
اشربي القرفة وحبة البركة ومنقوع الزنجبيل
حتى عملية التنظيفات وايد تفيدج

[Ward-uae]

اول شي سيري عند حرمة تمسحج
بعدين ردي المستشفى شيكي اذا قالت بعده فيه بقايا توكلي وسوي تنظيف

[طيبة*قلب]

التنظيف مو سهل
مثل ماقالت ورد الامارات سيري لممرخه تمرخك وخليها تربطلك
بس سيريلها بوقت عندك الدوره وبعد هي بتعرف اذا في والا لا
وبتدعيلي روحي للمحامص اللي عند سوق الروله
اشتري قشر قهوه اكيد اخواتي اليمنيات والسعوديات يعرفونه
سوي هالخلطه
ملعقه طعام قشر
وملعقه طعام قرفه
وملعقه طعام كمون
وجنزبيل كثريه وخلي يفور بماي واشربي كل يوم ثلاجه خلال الدورة

[ام راشد وسعيد]

ما عندي فكرة . في المستشفى احسن يسوولج عشان يتنظف الرحم احسن في البيت لو تشربي اللي تشربيه ما تعرفي نزل كل الدم او لا ......ومآعليج شر الغالية