خدامتي وزيادة الراتب

[سحابة غيث]

هلا خواتي
خدامتي مكملة عندي 4 سنوات وانا على كل عقد ازيدها 200 درهم غير ادوات النظافة وبطايق التليفون واللبس وهي بس وظيفتها تشوف الصغارية عندي شغاله ثانية للبيت

الحين تبا تجدد وانا قلت لها بعطيج 200 زيادة بيصير راتبها 1300 هي تبا 1500 تقول جي العقود في السفارة بصراحة انا ما ابا اخسرها زينه ويا اليهال بس احسها تستغلني تباني ازيدها 400 مرة وحده

يالسه افكر لو عطيتها 1500 وقطعت عنها الامور الثانية بتتضايج .. وانا بغيت اجددلها عقب يمكن تساومني على زيادة اكبر شو الحل

ريلي عصب وقالي قوليلها على كل عقد بزيدج بس 200 درهم تبين تبين ما تبين سافري المشكلة انا اداوم وما فيني اتوهق بنفس الوقت ما احب حد يستغلني

شوروا علي بليز

المزيد من آخر المواضيع من نفس القسم:

• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات
• شورايكم بمركز تدبير
• خادمة فلبينية للتنازل
• نصائح هامة ومفيدة عند استقدام الخادمة

[لحنْ #]

مانصحج ، ضيفي 200 وخلاص .. قوليلها ماقدر عندي مسووليه وغيري مايعطون وووو
رمسيها باسلوب حلو ودامها زينه لا تخسرينها ، موفقه عزيزتي

[المغتربة]

زيديها مب مشكلة
مب كل مرة تلقين خدامة زينه في حالة ما رضت
بس اقولج لا تشترين لها بطاقة ولا رصيد ولا شي اللهم لبسها و اكلها عليج فقط
انا جي اسوي الحين

[خياطة]

غناتي احيد خدامتي الفلبينية اول ما يتني كان راتبها 750 درهم
الحينه عقب 8 سنوات تستلم 1500 مثل ما قلتي فيما يقارب 200 درهم على كل عقد .
بس انا الزيادة كانت عشوائية يعني بدون اتفاق مسبق معاها
عمرها ما تكلمت عن الفلوس نهاااااااائيا و انا ما اقصر معاها
راتبها تشتري منه كل اغراضها : بطاقة الفون و ادواتها الشخصية
اشتري لها ثياب واكشخها بدون حساب عادي من محلات غالية و عطور وتجي بس من فترة لفترة مب دوم
البيت بيتها وما اقصر معاها بشي .
بخليها تكمل سنة و بزيدها 100 هههههه عشان تطمع و تقعد المشكلة انه ريلي عليه التزامات و عندي خدامة غيرها
وريلي يدفع حق خدم ثانيين و هي مقدرة هالشي بس احاول اخليها هي مميزة عن الباقيين في كل شي في لبسها وراتبها وكل شي حتى لو شي بسيط بصراحة
اتفقي وياها انه الاغلبية راتبهم 1200 و عطيها 1300 مثلا وقولي لها على العقد اليديد بزيدج و تجي بس
ولا تعطينها شي ثاني غير الراب واللبس وبس

[ليندااااا]

صج مو كل يوم يحصل الواحد خدامة زينة
زيديها الله اعلم لو بتيبين وحده ثانية تكلفج نفس الراتب وتقولين عندكم من اربع سنين يعني اولادج متعودين عليها والله اعلم لو اجتمكم وحده ثانية ما ترتاحون وياها

[أم عيالها]

مدام هي زينه معاج ومع الصغاريه زيديها لأنه صعب تحصلين وحده زينه بس لاتشتريلها رصيد أما باقي الأغراض من لبس واغراض النظافه عليج

[سحابة غيث]

خواتي انا عندي مقدرة ازيدها بس اخاف اطمعها فيني واتم كل فترة تطالب بزيادة

لاني بصراحة حتى عيالها اتشرالهم ثياب واغراض ويوم تسافر ما اقصر يمكن اعطيها 4000 درهم بايدها وهي مسافرة

واذا ردت من السفر اعطيها على طول راتب شهر كامل مع انها تكون واصلة قبل نهاية الشهر باسبوع بس

ريلي يقولي لا اطمعيها فيج لو هالمرة تهاونتي بتييج عقب فترة بتقولج زيديني... وما بتخلصين منها ... خلج صرامة وتراج مع الراتب وادوات النظافة والثياب تقطين عليها كل شهر 1500 واكثر

اللي ما تقدر النعمة وتطالب بزيادة وهي عارفه انج ما تقصرين معاها بشيء عينها قوية ...

اذا يينا على شروط السفارة السفارة بس مشترطة نوفر لها حجرة واكل وراتب نحن نعطيهم كل شيء لي يبنا حق عيالنا حتى اكل من برا يبنالهم لي يه العيد عيدناهم مع انهم مب مسلمين

احس صدقه ريلي نحن طمعناهم فينا

[munamoor]

أنا خدامتي كانت تستلم ٨٠٠ و اللحينه زدتها ٢٠٠
فصار راتبها ١٠٠٠ درهم
من تروح لانها ما سافرت هالسنة راح اعطيها قيمة التذكرة
و طبعا كل شي انا اشتريلها اياه ،،،
بس بطاقات الفون أنا اخذ لها مرات و مرات هي تأخذ حق عمرها


احس ١٢٠٠تكفي لا تطمعينها فيج ،،، بس المشكلة لو قالت لج ما ابغي سفروني
هني الطامة ،،، شو راح تسوين ،،،
علشان اتييبين وحدة يديدة بتدفعين للمكتب ١٥٠٠٠ او ١٨٠٠٠ بالاضافة الى راتب
١٥٠٠ و كانگ يا زيد ما غزيت

[ftat]

اختي لو بتسافر عنج كم بتدفعين حق وحدة جديدة... 15 ألف غير الفحوصات والبلاوي الثانية لو تدفعين لها 1500 بعدج ربحانة

[امراه]

اممم زيدها ومنعي عنها الاشيا الثانيه ولو مابغت خلاص لااتزيدينها وبدالها بتحصلين وايد

[ftat]

اممم زيدها ومنعي عنها الاشيا الثانيه ولو مابغت خلاص لااتزيدينها وبدالها بتحصلين وايد

أختي وين بتلقى وحدة تعرفها زين واعيالها اتعودوا عليها

لو تحسبينها انتي بس بالألة الحاسبة

اذا يبتي وحدة يديدة بتدفعين اقل شي 15 ألف للمكتب قسميهن على 24 شهر كل شهر بيطلع 625 يعني بعدج انتي الربحانة

اذا ما تبينها وما تبا اتسافر طرشي لي خاص بليز

[ماسة شرجاويه]

انا عن نفسي وحده اعرفها وزينه بزيدها بدون ما افكر ما يخصه تطمع ولا لاء
ترى فالاول والنهاية انا اتحكم بزمام الامور معاها ولا مع غيرها
عيل لو ما طاعت الا تبا زياده ؟؟ اتغرم ب غيرها ويالله زينه ويالله مب زينه وتعال دور من اول ويديد
لا تسوين لها الاشياء الاضافيه اللي مب ضرورية مثل ملابس لعيالها ولا هدايا اهم شي فترة يوم هي وياج وتشتغل لج ..
لان هذاك بالنسبالهم مب محسوب ما يبين ف عينهم يحبون الكااااش
امني لها الضروريات بس
مع اني ما احب اللي يتشرط يمكن صح ع قولة ريلج عينها قويه ��
ممكن حتى تقولين لها بالسياسه ان شغلها مب كراف مثل الطبخ والغسيل نفس غيرها الا هو مجابل يهال
وانج بتزيدين راتبها لو زاد شغلها وانها ما بتحصل اربابه مثلج
وعاد هني تكاسروا يمكن ترضى ب 300 هههه او يمكن تصر ع ال 400 واكيد ما بترضى ب 200
.
.
بشكارتي بدون ما تكمل عقد بس كملت سنه ريلي قال بنزيدها 100 اونه مثل البونس ولان شغلها زين حسيتها وايد استانست
مع ان قبل كنت اقوله ما يحتاي كنت افكر ان ما اباها تطمع لان انا بعد اعطيها غير الراتب بيزات للرصيد عسب تكلم اهلها
واخذ لها كل اللي تباه والله حتى من الشامبو والصابون والمعجون اللي انا استخدمه اخذ لها هذا غير الفازلين والامور الاضافيه اللي تحتاجها .. اللي تباه اقولها تمام .. تغمضني .. حتى يوم اسير اخذ لعيالي بجايم ولا لبسه لازم ايب لها شي يعني موول مب مقصره .. الحمدالله
بس هو اقنعني لما قال انتي ما تفرحين لما تيج زياده .. قلت له طبعا استانس ف هم نفسنا .. عندهم الراتب شي غير
ودام انه صاحب الفكره ومن جيبه طبعا ما عندي مانع لووول
حرام امنع عنها الرزق

.
.
.

عاد انتي شوفي شو يناسبج وقرري

[فتنة الكون@]

انا لو عندي خدامه بهاي المواصفات لو تبا الف بعد بزيدها خاصه انها زيينه لصغاريه وصعب هالايام تحصلين وحده زينه كل وحده اخس عن الثانيه

[ام بدور1]

حبيبتي ان كانت نافعتنج بامور الصغاريه ومرتاحه لها لاتخسرينها انا كانت عندي اختين اثيوبيات خوات وحده كملت سبع سنين والثانيه قبل اسبوعين سافرت كملت عندي ثمان سنين سافرن يعرسن وخلاص مايبن يردن يشتغلن مع اني جددت لها يمكن تفكر ترد مع انها يوم يتني كان راتبها 500 وكل سنه ازيد راتبها 100 وابد ماكانت تطلب زياده والله من بعد ماسافرت حتى لو تطلب مني الفين والفين اختها اردها هي واختها مع اني عندي غيرهن ثلاث ماأظلمهن وايد اوكي بشغل البيت الا اني ماأأمنهن على الصغاريه
سبحان الله في ناس ماتتعوض

[كتكوتة حبيبي]

زيديها بس لاتشترين لها مستلزماتها الشخصيه من شامبو وغيره
ولو انت مقتدره زيدي واخذي اجرها