معرس جاهز

[(( بسمه ))]

السلام عليكم

بدخل فالموضوع علطول اعرف واحد من المعارف يدور بنت ناس ومسكين كان خاطب بس الاهل الله يهديهم شروط المهر والزهبه

الريال امه راضيه عليه ماشاءالله خدوم واللي فيه خير فاهله فيه خير فكل الناس اهل البنت كانوا متمسكين فيه يبونه بس هو ما قدر على شروطهم

الريال عمره 22 سنه ويشتغل معاشه بسيط وعنده ملحق جاهز فبيت اهله

يبا يعرس ويحصن نفسه مب لاقي بنت الحلال اللي ما عندها لسته طلبات هالطول والحين يفكر ياخذ وافده

شو مخلي العنوسه توصل فهالبلاد لهالدرجه غير الطلبات الزايده والله مع ان البنت كانت وايد زينه ماشاءالله بس ما قدر على شروطهم

هو يبا وحده بيضا طويله وفيها صحه مب متينه قصدي يعني جسمها مب رقيق لانه هو ماشاءالله طويل وفيه صحه شديد الله يحفظه

والجمال مقبول مب لازم ملكة جمال واكيد قبل كل شي بنت ناس اخلاق ودين وتكون قنوعه يعني ترضى بملجة ومهر وزهبه شي بسيط
العمر ما بين ١٨ و ٢٤ مب مشكله اصغر او اكبر شوي مب وايد

على فكره هو ابيضاني ووسيم ومن القبايل المعروفه فالامارات بس هو على قد حاله



اللي تعرف وحده زينه ترمسني عالخاص

بنت البلاد اولى من الوافده

والله اني ما افكر غير اللي فعياله اللي بيبهم فالمستقبل

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فاطمة الدبه]

صوبنا

[Ward-uae]

دوري مني مناك بتحصلي واسألي ربيعاتج
واذا على المبلغ مقدور عليه انتو ساعدوه وجمعوا له وعطوه كهديه و بيعطونه صندوق الزواج
واذا وحده طلبت مبلغ كبير اعتذروا منهم ودوروا غيرها

[انثى بس غير]

الله يوفقه ويعينه

[عاشقة السعادة]

اختي الغالية.. دام الريال يدور على الستر ربي بيوفقه وبتتسهل اموره. حاولي ادورين له عروس بين ربيعاتج او خواتهم بس تكون عاقلة وتتفهم وضعه مب تتغيره عليه بعد فترة.

[jameela200]

الله يوفقه يارب

[ورقة ناعمة]

غريبة المعرس ماعنده اهل من أمه او ابوه ,,, ربيعاتهم جيرانهم ,,,, خوات الجيران بنات عم بنات خال صديقاتهم

ويدور عن طريق المنتدى ....

[(( بسمه ))]

ان شاء الله انا ناويه استلم المهمه وادورله بنت الحلال

تسلمون جميعا يارب

ورقه ناعمه

حبوبه ماشاء الله البنات مكثرهم بس ما حصلوا البنت المناسبه

ماشاءالله هو حتى اثنين من خواله بروحهم قالوا نباك حق بناتنا
بس الاولى عايشه طول عمرها متريشه ماشاءالله الاهل والبنت كانوا موافقين عشان اخلاق الولد بس ام الولد هي اللي رفضت قالت اكيد ما بتتعود عالبساطه

والثانيه واايد صغيره يعني توها مراهقه

وخالته قبل شهرين يايه تقول ياليتكم خطتبوا بنتي الحين بعد ما زوجتها كانوا يبونها هالبنت بس يعرفون طلباتهم وايد فما تقدموا من ااساس

 

[وضـــحـــى]

الله يرزقه بلي تسعده دنيا واخره ...
ولله يعطيج على قد نيتج ...

[Dont_Care]

الله يوفقه ويرزقه ببنت الحلال

[ريم العسووله]

الله يوفقكم
و بنات البلاد فيهم الخير و البركة

[لولو12]

يارب ارزق شبابنا البنات الصالحات هو فيه وأيد بنات وسبحان الله يبالج ادورين استعينوا بخطابة تساعدكم وفيه خطابات بدون مقابل والله ييسر الامور

[الأحلام الملونة]

يغلق الموضوع بناء علي رغبة صاحبة الموضوع