تأخير الزواج !!!

[ام جاسم2]

لقد تضافرت الادله من الكتاب والسنه والآثار في الترغيب والحث علي الزواج
اما من الايات"لقوله تعالي "تعضلوهن ان ينكحن ازواجهن"(1)
وقال تعالي "وانكحوا الايامي منكم "(2) وهنا منع من العضل ونهي عنه
وقال تعالي : في وصف الرسل ومدحهم" ولقد ارسلنا رسلاً من قبلك وجعلنا لهم ازواجاً وذريه"(3)
وذلك فى معرض الامتنان واظهار الفضل ومدح أولياؤة بسؤال ذلك فى الدعاء.
وقال تعالى " والذين يقولون ربنا هب لنا من أزواجنا وذرياتنا قرة أعين .(4)
وغير ذلك من الايات .
أما بالنسبة للسنة :
قول النبى المصطفى صلى الله علية سلم " يامعشر الشباب من أستطاع منكم الباءة فليتزوج فأنه أغض للبصر واحصن للفرج ومن لم يستطع فعلية بالصوم فأنه له وجاء "
وقولة صلى الله علية وسلم " النكاح سنتى فمن رغب عن سنتى فقد رغب عنى
وقولة صلى الله علية وسلم" تزوجوا الولود الودود فانى مكاثر بكم الامم يوم القيامة ".
وقولة صلى الله علية وسلم " كل عمل بن ادم ينقطع الا ثلاث , ومنه ولد صالح يدعوا ,له ...... الخ الحديث " ولايوصل هذا الا بالنكاح.
وقولة صلى الله علية وسلم " من تزوج فقد أحرز شطر دينه فليتق الله فى الشطر الثان





فما هي اسباب التأخير في الزواج " الأنثى او الذكر " ... ؟!!

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فديت عقالك]

عدم الجدية
وكثرة الاختيارات
غياب النضج الفكري وادراك قيمة الامر
وعدم تقدير الموضوع والمسؤولية
واسباب كثير

يجزاج الخير اخيتي

[غرووب 22]

لا اله الا انت سبحانك اني كنت من الظالمين

[Unkonwn]

لان مافي امكانيات وايد ولان الحياة ماتساعد ان الواحد يتزوج مبكر ولان هالجيل مايفهم الحياة و ينضج الا بسن متاخرة جدا

[شعاع امل]

نصيب ......ممكن بنت ماتقدم لها واحد جدي معها .... يريدها كزوجه

الرجل او الشباب بشكل عام يتزوجون مافي تاخير يكون الا في حال الماده فقط ....وياخذون اغلبهم سلفه

بس الحرمه تتاخر بسبب النصيب على الغالب

[Miss PiXy]

بسبب المغريات الكثيره والحرام صار اسهل من الحلال من اولى اسباب عزوف الشباب عن الزواج يوم يفكر يتزوج يكون تعدى الثلاثين وبالتالي يختار وحده بالعشرينات الاغلبيه جيه .. وبعضهم بسس يختارون قريبه من عمرهم

والبنات تفضل الدراسه والشغل لين تكبر وتقل الفرص عندها

واشوف اساسا هالجيل مب قد الزواج والمسؤوليه الا من رحم ربي

[Cobon]

انا اختلف معكم ان الزمن تغير
زمان أول الريال بعمر ال 18 تلقونه يشتغل و يكد
و الحرمة تتزوج بسرعه
الحين لين ما الواحد يتخرج 23 و بعدين يشتغل و يكون نفسه لان الحياة صعبة قولي بيعرس اقل شي 25


و معظم اخواني اللي ف البيت تزوجوا بعمر ال 29 و 30 يشتغلون بعمر كبير
و عقب ايمعون للزواج و للسكن و عقب يستقرون
لانهم مرتاحين ماديا و عندهم سكن خاص و قادرين يصرفون ع بيوتهم
البعض من الشباب بيعرس في حجرة و حمام ما عنده مشكلة لكن البعض منهم يجوف للامور بزاوية ثانية


اما عن البنات تتخرج بعمر ال 23 و عقب تقول ابغي اشتغل و اثبت نفسي لان محد يضمن نفسه
غير عن الارتباط صار موضوع مهم و الواحد يخاف منه
قبل ف دقيقة نقدر نسأل عن الطرف الثاني الحين لازم نسأل و نتاكد هذا لو طلع زين ولا مب زين
و ع ها الموال كل واحد منهم يتأخر في الزواج
الزواج صار مسؤولية مب لعبة و الواحد يحسب حساب كل شي

بالاضافة إلى ان ايام اول يتزوجون من نفس المناطق يعني "دهنا في مكبتنا "
مب سايرين ماخذين لي وحدة ع الوحدة و نص لا من ديينا ولا من ثقافتنا ولا من عاداتنا
الحين 30 % من المواطنين يتزوجون من اجنبيات ف تقل فرص بنات البلد


الموضوع مب ان نرمس عن الاسباب

ياريت نرمس عن الحلول :

1- حملات تشجعيه للزواج ( زواج جماعي )
2- قاعات افراح مجانية ع مستوى جيد في كل إمارة لكل مواطن يتزوج من مواطنة
3- صندوق الزواج لجميع المواطنين اللي يتزوجون من مواطنات بدون استثناء الراتب
4- توفير المسكن المناسب لو شقة في بداية الزواج مباشرة مب يتريى 10 سنين لين ما يطلع له بيت العمر
5- التوعية ما تمشي مع المالجين لازم يكون في دورات اجبارية للجميع عن الاسرة و الترابط الاسري و الزواج و اهميته بصورة حلوة و مش معقدة و مناسبة لعمرهم و اللي يحضر الدورات يحصل ع صندوق الزواج و الاسكان و اللي ما يحضر ما يحصل ولا فلس ولا بيت .
6- سن قانون يمنع زواج المواطن باجنبية و ع نفس الموال زواج المواطنة باجنبي
7- التوعية و الدورات تكون ممتدة حتى بعد الزواج لان زادت قضايا الطلاق
8- بعض الاسر تضع شروط تعجيزية للشباب مب بس المهر يعني في اهالي ما يرضون الا من نفس مناطقهم او قبيلتهم او يحيرونهم لعيال عمهم و يخربون عليهم النصيب ، البنت تتشرط في البداية تبغي كذا و كذا و كذا و كلما كبرت قلت فرص زواجها .

لو وضعت ها القوانين و المبادرات ان شاء الله كل المشاكل بتحل

[Dont_Care]

للبنت طبعا النصيب لين يجيها الريال الصالح

اما الريال مايبي يرتبط لانه يتعذر بالمهر والتكالف انه كل شي غالي وغير هذا مافيه جدية والمغريات المتوفرة بكثرة الحين

الله يوفق ان الجميع ان شاء الله

[ماحد شراتي]

طبعا فالنهايه كلشي نصيب

بس مثل ما قالت وحده من الخوات انه صار الحرام اسهل من الحلال والكل يتحجج بالغلاء وغيره

[ماسه حساسه]

لان الاهل مب واعين لعيالهم / سواء في حالة زواج ولا لا ولا حتى مشاكلهم

ولان العيال مب واعين لأنفسهم / بين الدراسة والشغل والحياة

[المغتربة]

صار الحرام مقبول و الحلال مذموم
الحرام سهل و واضح وما فيه تعقيد مع انه بيشتري شقة لحبيبة قلبه و هدايا و سوالف و ممكن يسوي فيز لاهلها و طوايفها
و الحلال بالنسبة ليهم مسؤولية و طلبات و مسكن و التزام اخلاقي ؟

الاهل ما يشجعون الشباب ع الزواج و يذكرون الزواج انه مسؤولية و و و و يخرعونهم و المشاكل الاسرية تعقد الشباب
و يسون مشاكل و يدخلون في الخطبة و في اختيارات الشباب و البنات

ام الشاب مدخله خشمها في اختيارات عيالها و تدخل ف حياتهم الشخصية و ام البنت سوالفها كوشة و معازيم و ضرايب

و بعض الاهالي يجبرون بناتهم ع عدم الزواج يا بسبب دراستهم او محيرة لولد عمها او هذا مب من مواخيذنا مع انه قد يكون فيه كل المواصفات الجيدة
و بعض البنات يدلعون و يدللون ابغي الراهي الغني الجامعي الوفي الطيب المحترم الوسيم بو عيون خضر
و بعض الشباب يشوف نفسه مهند زمانه مع انه مكرش و خسف و محترق توه طالع من دورة عسكرية ياخي جوف عمرك ف المنظرة ههههههه


هذا هو حال الاهل و الشباب و البنات حاولت اختصر
المشكلة الاساسية من الاهل نفسهم لو صلح حالهم بيصلح حال عيالهم

[twinkle star]

طرحت من فتره نفس فكره الموضوع للنقاش في الاسباب
انا اعتقد السبب من الطرفين
اولا الرجال :
شروطهم صارت خياليه (البعض وليس الكل) و يفصلون البنت تفصيل يعني يبونها مثل ماهم متخيلين بمواصفات معينه شكليه
مافيهم نضج مثل رياييل زمان كانو ينضجون بسرعه لانهم متحملين مسؤوليات من هم صغار، الحين الريال سيارته و بيته و مهره من فلوس ابوه وهو لا حاس بمسؤوليه ولاشي مرتاح معزز مكرم، واحيانا يتشرطون البنت ماتدرس ماتشتغل معنه الحين مفروض خلاص وصلنا زمن البنت حره تدرس او تشتغل .

ني للبنات:
اهلها من يوم هي صغيره كل ما قالت تبا شي قالولها يوم بتعرسين لين خلاص حطت في بالها تبا ذاك الريال اللي يحقق لها كل امنياتها و هالشي مستحيل لان هو مش ملزوم يلبي كل شي ؟
تطلب هي او اهلها المهر بذاك الحجي محد يقدر يدفعه هالايام و الحين الاعراس صارت مهرجانات و استعراضات ماصار عرس وخلاص، فالرياييل مايقدرون يوفوون الفلوس يا انه يرفض الزواج ولا انه يلبي طلبهم و يعيش مديون ،، حسب امكانيات الشخص بس هالشي منتشر !
والا الاهل يتشرطون وايد يعني يريدون قبايل معينه شكل معين ولا راتبه معين و ينتظرون الاحسن ايي الي يتوافق مع شروطهم ومايحصلونه .
وبعض الاسباب تكون نفسيه او انه مواقف صارت عقدت بالبنت او بالريال يمكن عاشو حياه مشتته و اثر على نظرتهم للزواج
الاسباب كثيره مش كلها بسيطه ،، في اشياء تنحل وفي اشياء صعب تنحل

و طبعا اكبر سبب الاهل هو اللي يربون فالبدايه وهم الي يتشرطون اكثر من الريال و الحرمه
يمكن البنت تقدم لها انسان على دين و خلق و ممدوح بين الناس والاهل يركزون ع شي معين ويرفضونه لجنسيته او لاصله او لانه مش من القبايل الي يبونها،والريال يمكن في بنت يباها واهله مب راضين و اخرتها يقرر يقعد عزابي لا عرس ولا شي
في فجوه كبيره بين الاجيال الاوليه والاجيال اليديده ، مثل ما ماشاءالله الدوله نمت في فتره قصيره وتغيرت من صحرا لعماير ، الناس تغيرو مع هالتغيرات لكن مش الكل مقتنع بالتغير
انا عن نفسي ما احب الزواج الجماعي لان البنت ماتتهنى في عرسها مثل يوم هي بروحها و في ناس غرب وايد
انا ارشح الاعراس البسيطه و الي في حدود المعقول و يكون في مبلغ معين محدد من الدوله انه لا تعدى هالمبلغ لانه حرام واسراف ! يسون عرس و حفله ويسوون كوشه وكل شي بس بمبلغ معقول و الفستان بدال ما يكون ب ٥٠ الف تروح البنت توفر هالبيزات حق سفره ولا حق شي فالمستقبل.

الله يهدي الجميع