كوشة عرسج !

[ملكة جمال]

كوش الاجانب تكون بسيطة لا ستيج ولا ممر متروس ورد وفازات وشموع ودمى بعد شفت وتطلع احلى وورعة في التصوير، في وايد صور في النت تقدرين تشوفين ومحل عادي يرتبها لك.

بالعكس كوش الاجانب مكلفة اكثر هم ماعندهم كوشة بمعنى الكوشة لكن القاعة لين السقف ممزورة ورد والسنتر بيس الفخم على كل طاولة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ملكة جمال]

عذر ان الدنيا صارت غاليه صحيح لكن ما يوصل لدرجه الغلاااااء الفاحش...
الكوشه اللي تتركب بالعرس..ترى هي نفسها تتركب بعرس ثاني و ثالث و عاشر...
الخشب هو نفسه ما تغير..الشيفونات هي نفسها..الستاند نفس الشي...الشي اللي يتغير كل مره هو الورد المطلوب و ديزاين الكوشه...
اما المواد الخام نفسها ما تغيرت... ف ليش الغلااااء؟؟

انا بعرسي على اخر لحظه توفقت مع محل يتكلف بعرسي كاااااااامل (تزيين طاولات+مقهوجيات+اضاءه القاعه+اضاءه الكوشة+دانس فلور+ تصوير فوتو+فيديو+كرين لكل عروس..(كنا ثنتين عرايس) مع البوم العروس و البوم للعريس..و البوم للاهل لكل عروس+ و احللللللللللللللللى شي الكوشة...الكوشة كانت غريبة و جديده..كلها شاشات عرض متحركه)..بالاضافه الى شاشة عرض للضيوف لدخله العرايس للقاعه...+ الدي جي

اما السعر... تقريبا 40 الف..

و يوم العرس تكون وحده من هالمحل تشرف على الترتيبات لين اخر الحفله..

حبيت شغلهم ...و سعرهم..

على فكرة هالسعر كان بكج لكل الخدمات...لو بتاخذون كوشة بس..بيتغير السعر كاااامل

فالافضل بكج

و موفقات ان شاء الله

ما اعرف اذا يستوي اكتب اسم المحل او لا...اللي تبى تراسلني

لان حبيبتي التخزين يكلفهم وشي مواد لازم يرجعون يشترونها ويركبونها مثل الاصباغ وغيره والسموحه ما اشوف ان كوشتج سعرها قليل اللهم ان معاها التصوير والاشياء الثانية اساسا الكل ياخذها مع الكوش مثل الشاشات وهالوسالف

[جنان الفجيره]

للاسف في ناس يسوون كوش اغلا عسب على قولتهم تعطي استايل

انا اقول لو التاجرات في المنتدى يكونون على ايد وحده وكل عروس تبي تعرس وتزدهب تروح عندهم وتختار وتكون اسعار معقوله مثلا الفساتين او الملابس والى مالا نهايه

[احتاجك..]

الله يعين فعلا كل شي غااااالي ضو

[قيثارة]

خالي الله يهنيه توه عرّس ... الكوشة الي اختارته العروس كان كله ورد طبيعي و كشافات
و ديكور من الخلف بس الصراحة الكوشة كانت شرات الف ليلة
و ليله ،،، ثمنها شي و اربعين
حجم الكوشة لو انتي سرتي قاعة الانتر في ابوظبي تقريبا ربع المكان بس صدق فخامه


حسيت ان كوشة بشي و اربعين و خاصة ان الورود من الخارج نوعا ما معقول
مب خقة او شي ... بس هي ليلة العمر ... يمكن لو كانت الورود من داخل البلاد بيكون
ارخص بس ما بيكون بنفس الفخامة لان الالوان حلوة كانت و متناسقة

اختي ياليت اتطرشيلي اسم المحل عالخاص صندوق الرسايل عندج متروس وماقدرت اتواصل معاج

يزاج الله خير

[[..دانــة..]]

حتى المحلات الراقية لو رحتيلهم انتي حددي الميزانية وقوليله شوه الباكج اللي توفره ع هالسعر
وابني عليه بالعكس ولفي كذا محل وقارني بالاسعار

وربي يوفقج

[لحنْ #]

يغلق للاكتفاء