شو رايكم وشوركم

[مناية النعيمي]

بنات ها الموظوع لربيعتي وانا بطرحه حقكم هنيه تبا رياكم

ربيعتي تدور لاخوها حرمة من فتره قبل سنه خطبت له ربيعتها وصارت الامور تمام بس اخر المشوار شافت على البنت امور وعلوم غريبه المهم طنشت ومشت الامور لحد ماوصلوا للمهر وماستدوا وتكنسل كل شي طبعااخو ربيعتي ارتاح للبنت وبغاها بس لانه مايبا يزعل امه مشى موظوع لانه مابيفهم حتا لو قالوا له البنت ماتنفع لك

مرت الايام وربيعتي تدور لاخوها ومني ومناك ومايصير نصيب قالت بتفاتح ربيعتها بالموظوع مره ثانيهعل وعسى البنت تغيرت واهتدت ... وبعد دام اخوها ماقتنع بغيرها .
رمستها وقالت لها بالسالفه ربيعت ربيعتي وافقت بس ربيعتي شرطت عليها انها تتواصل ويا اخوها مره وحده بس عشان اخو ربيعتي يوضح كل شي لها قبل لا يرد يتقدمونورسمي وماتصير مشاكل تواصل وياها ربيعتي ماتدخلت ولا سالت عن شي قالت كيفهمم يتصافون المهم من يومين وصل كلام لربيعتي انه قوم ربيعتها سوري على اللفظ فيهم عرج ومن مش نسبهم ومايناسبونهم
اهل ربيعتي انصدموا من الموظوع ربيعتي حبت تتاكد من ربيعتها عشان مايظلمون البنت هني المشكله
انه ربيعت ربيعتي ماتعاملت وياها بعقلانيه ربيعتي تسالها تقول لها سمعنا جي وجي وحابه اتاكد منج ومابمشي على كلام الناس .. ربيعتي تقول لها سمعنا انكم بتاخذون واحد فيه عرج لوحده من خواتج
ربيعت ربيعتي ترد عليها والله نحنا مافينا شي واسلوب مش حلو وقالت لها محد يانا غيركم اخر ناس جان يقصدونكم انتواالله اعلم هنيه ربيعتي عصبت و وسكتت وماردت عليها

يت تشاورني تقول هاي من الحين لا حشمة لا احترام لو ييت البيت شو بتسوي تفكر انها تقول لاخوها تخاف مايتقبل موظوع ام ربيعتي مش مرتاحه للبنت بس عشان ولدها تمشي الامور ويم درت عن ها الشي زاد الخوف
شو الحل برايكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[ملاآك قلبكـ،،]

لا هالبنيه مول ماتنفع
حشى كلتها بقشورها
مايسوا عليها

ودام الحين ماحشمت ربيعتها
فالمستقبل مابتحشم عمتها
وبتتلاسن وياها
الكتاب باين من عنوانه

[الوردة الجورية]

شافت عليها أمور وعلوم غريبة؟؟!!!!!

وبتغش اخوها؟؟!!! وبعدها مرابعتنها؟؟!!!!

[مناية النعيمي]

شافت عليها أمور وعلوم غريبة؟؟!!!!!

وبتغش اخوها؟؟!!! وبعدها مرابعتنها؟؟!!!!

سلامات اختي شو ياب طاري الغش هيه تقصد انها شافت عليها اسلوب وحركات مش حبوة مش الي فهمتيه انتي اي وحده مابترضى تاخذ لاخوها وحده على ماقهمتي انتي بس بشكل عام الرياييل مايدققون نفس مايدققن الحريم وحتا لو خبرت اخوها اخوها بيقول سوالف حريم

[ورقة ناعمة]

شافت منها او ماشافت عند الريال غير البنت تتعامل مع البنت بنفس عمرها بعفوية او باي أسلوب لكن مع الزوج يمكن تكون افضل

لانحكم على الاشكال او أي حركة ونرسم على شخصية الواحد من أسلوب واحد اذا الله كاتب لها نصيب بتاخذها ,,,

وبعدين ليش مايستخير ,,,, يمكن الله كاتبله الخير معها او لا

[الوردة الجورية]

دام انهم على البر يتخبرون أكثر و أكثر و يستخيرون

والله يكتب لهم اللي فيه خير

اختي صاحبة الموضوع اختاري مفردات مناسبة، اذا البنت مافيها شي يسيء لأخلاقها فلاتوصفين ان عندها أمور و علوم غريبة، يعني اذا مافي شي يمس اخلاقها يعني صاحبة مكائد او صاحبة سحر و شعوذة؟! هذا اللي فهمته بوصفج لها والسموحة

[مناية النعيمي]

دام انهم على البر يتخبرون أكثر و أكثر و يستخيرون

والله يكتب لهم اللي فيه خير

اختي صاحبة الموضوع اختاري مفردات مناسبة، اذا البنت مافيها شي يسيء لأخلاقها فلاتوصفين ان عندها أمور و علوم غريبة، يعني اذا مافي شي يمس اخلاقها يعني صاحبة مكائد او صاحبة سحر و شعوذة؟! هذا اللي فهمته بوصفج لها والسموحة

مسموحه اختي معاجحق يمكن وصفي غلط للموظوع لكن ربيعتي تقول انها مرات تطلع منها تصرفات مش متوقعه منها مثلا يوم في البدايات الخطبه الاوليه كانت ربيعت ربيعتي تحب ام ربيعتي على راسها يوم يزورونهم البيت بس يوم اتفقوا وكل قامت ماتحبها ولا شي بس سلام عادي
ربيعتي قالت مابدقق وايد ..وايد تصير بين ربيعتي وربيعتها نقاشات ربيعتها تتكلم باسلوب خالي من الاحترام والتقدير وماتحسب انها بتكون حرمة اخوهم وفي بيتهم يعني ماتفكر لجدام..
مختصر وصف ربيعتي لها انها ماتحس انها تحشمهم ولا بتحشم امها وربيعتي الزم ماعليها امها وماتبا اتييب وحده البيتتفرق الام عن ولدها بقيل وقال

[مناية النعيمي]

دام انهم على البر يتخبرون أكثر و أكثر و يستخيرون

والله يكتب لهم اللي فيه خير

اختي صاحبة الموضوع اختاري مفردات مناسبة، اذا البنت مافيها شي يسيء لأخلاقها فلاتوصفين ان عندها أمور و علوم غريبة، يعني اذا مافي شي يمس اخلاقها يعني صاحبة مكائد او صاحبة سحر و شعوذة؟! هذا اللي فهمته بوصفج لها والسموحة

دام انهم على البر يتخبرون أكثر و أكثر و يستخيرون

والله يكتب لهم اللي فيه خير

اختي صاحبة الموضوع اختاري مفردات مناسبة، اذا البنت مافيها شي يسيء لأخلاقها فلاتوصفين ان عندها أمور و علوم غريبة، يعني اذا مافي شي يمس اخلاقها يعني صاحبة مكائد او صاحبة سحر و شعوذة؟! هذا اللي فهمته بوصفج لها والسموحة

مسموحه اختي معاجحق يمكن وصفي غلط للموظوع لكن ربيعتي تقول انها مرات تطلع منها تصرفات مش متوقعه منها مثلا يوم في البدايات الخطبه الاوليه كانت ربيعت ربيعتي تحب ام ربيعتي على راسها يوم يزورونهم البيت بس يوم اتفقوا وكل قامت ماتحبها ولا شي بس سلام عادي
ربيعتي قالت مابدقق وايد ..وايد تصير بين ربيعتي وربيعتها نقاشات ربيعتها تتكلم باسلوب خالي من الاحترام والتقدير وماتحسب انها بتكون حرمة اخوهم وفي بيتهم يعني ماتفكر لجدام..
مختصر وصف ربيعتي لها انها ماتحس انها تحشمهم ولا بتحشم امها وربيعتي الزم ماعليها امها وماتبا اتييب وحده البيت تفرق الام عن ولدها بقيل وقال

[.Noura.]

يمكن البنت ما اعجبها اسلوب اخت الريال وردت عليها على هالاساس الفهم الغلط يستوي مرات
واحس الحرمه اسلوبها مع ريلها يكون غير عن البقيه .. بس ماخاب من استخار !

[غلآ نفسي]

والله زين سوت فيها ردت عليها جي

يعني بالاول رفضوتها بعد كل ما كان رسمي

وهم رديتو لها وقلتو لها نباج حق اخونا

وبعدين طلعتو سالفه عرج ما عرج

وتبونها تسكت

عجبني ردها زين سوت

كم وكم تسكت يعني

اذا ما يبونها اهل ربيعتج خلاص قولو مع السلامه

بس الصراحه حركه اهل ربيعتج ابد ما عيبني

من قهرها ردت جي

والحين ترا محد شريف مكه الا من رحم ربي

بالتوفيق

[مناية النعيمي]

والله زين سوت فيها ردت عليها جي

يعني بالاول رفضوتها بعد كل ما كان رسمي

وهم رديتو لها وقلتو لها نباج حق اخونا

وبعدين طلعتو سالفه عرج ما عرج

وتبونها تسكت

عجبني ردها زين سوت

كم وكم تسكت يعني

اذا ما يبونها اهل ربيعتج خلاص قولو مع السلامه

بس الصراحه حركه اهل ربيعتج ابد ما عيبني

من قهرها ردت جي

والحين ترا محد شريف مكه الا من رحم ربي

بالتوفيق

اختي منوه قال انه اهل ربيعتي رفضوها هم الي رفضوا طلبوا مهر غالي وماطاعوا يتنازلون وماصار نصيب وردوااهل ربيعتي مره ثانيه للبنت لانه ربيعت ربيعتي لمحت لها موافقين على الي يبونه بعد فتره ياليت تفهمون الامور عدل

[غلآ نفسي]

اختي منوه قال انه اهل ربيعتي رفضوها هم الي رفضوا طلبوا مهر غالي وماطاعوا يتنازلون وماصار نصيب وردوااهل ربيعتي مره ثانيه للبنت لانه ربيعت ربيعتي لمحت لها موافقين على الي يبونه بعد فتره ياليت تفهمون الامور عدل

ايا كان من القهر ردت جي

وبعدين هي ربيعه ربيعتج معقوله ما تعرف عن عرجهم شي ؟؟

[مناية النعيمي]

نفس الوقت ربيعتي خايفه انه هاي البنت تسوي مشاكل لو يت بيتهم دام هار ردودها واسلوبها دامها بعدها وبيت اهلها وجيه وتعاملهم

[غلآ نفسي]

نفس الوقت ربيعتي خايفه انه هاي البنت تسوي مشاكل لو يت بيتهم دام هار ردودها واسلوبها دامها بعدها وبيت اهلها وجيه وتعاملهم

دام كل هااا ف قلبها تقول لاخوها

انا بعد مره فاتحة اخوي اني ما ارتاح لخطيبته وتم يحاول معاي قلت له ماقدر مب متقبلتنها

ولين يومج هذا ما دشت خاطري

بس اخوي مستانسه وياها ومرتاح وياها الله يسعدهم دنيا واخره

وترا عليها لسان الله اكبر

بس دام اخو ربيعتج يحبها ويباها ما بيتاثر في كلامكم

ومثل ما قالت وحده من البنات تعاملها مع الناس غير تعاملها مع ريلها

واكبر مثال حرمه اخوي

بالتوفيق

[مناية النعيمي]

وبخصوص الي تقول انه الحرمة غير تعاملها ويا زوجها انا من وجهة نظري بالعكس اهم شي التعامل مع اهل الزوج لازم يكون حلو وخصه الام يعني..