يالعبدات!!!

[شعاع امل]

السلام عليكم ورحمة الله وبركاته ....

اليوم موقف عجيب مر علي ....

مادري شو اقول عنه....
في اخوات كريمات اليوم كانن في العين مول وانا وطالعه من المول كنت اريحه اشتري غرض من السوبرماركت هناك

وانا عند البوابه في شباب


قاعدين يصارخون على البنات ....... البنات سمر ماريد اقول سود بس سمر ....

صاروا يصارخون عليهم يالعبدات ياسود


باعلى الصوت في العين مول ...... عند المخرج والناس يطالعون ..... وحاله .....

وحده من البنات كانت تريد ترد ... اختها او ربيعتها قالت لا

الشباب يريدون حد يعبرهم خاصه هل العين.... يمكن هي من الزعل قالت

وقالت نحن مب عبيد عشان نرد!! فلا طالعين


انا كنت اريد ارد اصرخ فيهم واشتكي بس طلعت يوم شفت البنات راحن ويا امهن


انا الحين مضايقه من هذا الموقف نحن نتقد الاجانب ونقول عندهم تمييز عنصري


الحين الشباب الامه !! مالتنا!!! يقولون جي!!!! شو الفايده!!!


شي جاب لي احباط ..... افكر كيف الناس تقول جي ....


طالعت في الشباب من بعيد واحد حنطي ثاني دب ونفس اللون وفي بعضهم عصيان يابسه !!!!!


الواحد يطالع شكله بعدين يتكلم عن الناس
!

أعرف ان في ناس زينه .... بس ذيله ممكن تقولين مراهقين في 18مافي تعليم؟؟؟

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

[صاحبة السمو85]

الله يهديهم جيمع فالنهايه هي تربيه

[شعاع امل]

مشكوره اختي ... بس للحين محبطه ... مب معقول هذا الكلام

اي شي سلبي يثير اكتئابي ... يمكن البنات نسن ... انا الحين بقعد شهر مكتئبه!!!!

لاني احس الدنيا مب زينه ..... والناس زفت!

وبعد في نفس المكان حصلت شباب يغازلون بنات بس اكبر عمرا فكرتهم من نفس العائله عشان عدال بعض يمشون

وانا اريد طريق عشان امر .. وهم زاحمين علي ... واسمع ارقام تطير ... اخر شي صرخت عليهم.... كيف البنات

مايردن بعد!! مثل بعض!

[شعاع امل]

[اسيرت شوق]

كلنا عبيد الله سواء اسود ولا ابيض
ولا حنطي
حتى نحن نعتبر عند الاجانب سمر
تذكرت كلام قريته
بما معناه
ان نحن بالمجتمع كل طبقة تدور عن طبقة اقل منها تشوف نفسها عليها واذا ما حصلنا عادي نختلق طبقة على شان نشوف نفسنا عليها

[شعاع امل]

كلنا عبيد الله سواء اسود ولا ابيض
ولا حنطي
حتى نحن نعتبر عند الاجانب سمر
تذكرت كلام قريته
بما معناه
ان نحن بالمجتمع كل طبقة تدور عن طبقة اقل منها تشوف نفسها عليها واذا ما حصلنا عادي نختلق طبقة على شان نشوف نفسنا عليها

ههههههههه مشكوره اختي اسيره تفسير منطقي

عقدة النقص متفشيه في المجتمع .......... الحين قبل ماامشي مع اي حد اشوف شو يريد ......!!!! لاني اشوف الناس مريضه!

[شعاع امل]

[مراسيل الوفاآ]

كلنا عبيد الله سواء اسود ولا ابيض
ولا حنطي
حتى نحن نعتبر عند الاجانب سمر
تذكرت كلام قريته
بما معناه
ان نحن بالمجتمع كل طبقة تدور عن طبقة اقل منها تشوف نفسها عليها واذا ما حصلنا عادي نختلق طبقة على شان نشوف نفسنا عليها

فعلا، مع انه المفروض نحن نكون من احسن الامم اللي يتساوى فيها كل حد
الغني والفقير، الابيض والاسود، القوي والضعيف لكن شوفي عند الاجانب
عندهم عادي جدا انه المدير يسولف مع واحد يحصل اقل راتب ف الشركه
وعندنا من يستوي مدير رفع خشمه ع الكل !! ومع ذلك القى مواضيع
سواء هني ف المنتدى او اصادف ناس يذمون الاجانب ، طيب اتبعوا تعاليم
دينكم اول عشان تذمونهم

وضعنا مخزي، اخجلتني معلمه بريطانيه اتدرسني ف الجامعه تقول انه عندهم
الكل نفس الشي ، يعني ما عندهم مفهوم الطبقات ف تقول انها انصدمت عندنا
ومن بعض الدول اللي عندها هالمفهوم من ناحيه المسافه مثلا اللي نخلقها بين المعلم
والطالب وللأسف هاللي شفناه ف المدرسه من العربيات سواء المواطنات او الوافدات
ف صار الطالب ما يعرف يفكر او يعبر عن رايه ومن يدخل الجامعه ينصدم من المسافه
القريبه اللي تكون بينه وبين الاستاذ او المعلمه ف يكون له مجال انه يعبر عن رايه
او يطرح افكاره لكن للأسف من بين 30 طالبه/طالب ف الصف تلقين الربع بس اللي
يقدر انه يعبر عن رايه والباقي ما يقدرون يفكرون، عندنا غلط ف فهم الفرق بين الاحترام
والتعبير عن الرأي وهذا هو احد اسباب وجود مفهوم الطبقات ف مجتمعنا

[ساحره العين]

كلنا عبيد الله سواء اسود ولا ابيض
ولا حنطي
حتى نحن نعتبر عند الاجانب سمر
تذكرت كلام قريته
بما معناه
ان نحن بالمجتمع كل طبقة تدور عن طبقة اقل منها تشوف نفسها عليها واذا ما حصلنا عادي نختلق طبقة على شان نشوف نفسنا عليها

[مراسيل الوفاآ]

تعرفين هاييل ف منو يذكروني !

الاهل اللي يربون عيالهم ع احترام "شباب بلادنا" فقط
وتلقين الياهل يسب ويهين عمال النظافه او اي آسيوي
يشوفه ف الشارع ، التربيه تلعب دور كبير ف لا تتضايقين
لانه نحن ف زمن التربية الصالحه فيها انعدمت الا عند من
رحم ربي ، الحينه نادر تحصلين الصغير يحترم الكبير
وهذا اللي شفتيه مثال من امثله على سوء التربية

[صفوويه]

تعرفين هاييل ف منو يذكروني !

الاهل اللي يربون عيالهم ع احترام "شباب بلادنا" فقط
وتلقين الياهل يسب ويهين عمال النظافه او اي آسيوي
يشوفه ف الشارع ، التربيه تلعب دور كبير ف لا تتضايقين
لانه نحن ف زمن التربية الصالحه فيها انعدمت الا عند من
رحم ربي ، الحينه نادر تحصلين الصغير يحترم الكبير
وهذا اللي شفتيه مثال من امثله على سوء التربية

هيه والله صدقج

الله يعييننااا على تربيه عيالنااا

[شعاع امل]

مشكوره اختي مراسيل في شباب مره .... كنت طالعه من السينما واحد منهم سوى عمره يريد يسلم على عامل النظافه يوم عامل النظافه مد يده يسلم

الشاب شل يده بسرعه يعني سحبها وضحك عليه... ربيعه زعل منه بس هو قال عادي ... يعني بعد يسلم علي!!!!!!! لاحول ولاقوة الا بالله


في ناس مااتصور حتى تربوا يحترمون اي شي!!!!


المهم انا من النوع اكتئب من هذه الاشياء فتره ..... فكلمت ..... كان مفروض انا ارد بنفسي واخذ حق الجميع

[مراسيل الوفاآ]

مشكوره اختي مراسيل في شباب مره .... كنت طالعه من السينما واحد منهم سوى عمره يريد يسلم على عامل النظافه يوم عامل النظافه مد يده يسلم

الشاب شل يده بسرعه يعني سحبها وضحك عليه... ربيعه زعل منه بس هو قال عادي ... يعني بعد يسلم علي!!!!!!! لاحول ولاقوة الا بالله


في ناس مااتصور حتى تربوا يحترمون اي شي!!!!


المهم انا من النوع اكتئب من هذه الاشياء فتره ..... فكلمت ..... كان مفروض انا ارد بنفسي واخذ حق الجميع

ما تدرين لو تكلمتي يمكن تسمعين لج كلمه منهم وتتضايقين اكثر
ف هالمواقف اتركي فيها الظالم والمظلوم لربج في النهايه كما تدين
تدان، اليوم قالوا للبنات يا سود وما تدرين باجر الله يبتليهم بعيال سود !
ياما ناس اتمصخروا ع اشخاص من ذوي الاحتياجات الخاصه والله ابتلاهم
بعيالهم، ف لا تخافين ما في حد حقه يضيع ف هالدنيا بيي الوقت المناسب
اللي بيحصل فيه كل حد ع يزاه

[شعاع امل]

ما تدرين لو تكلمتي يمكن تسمعين لج كلمه منهم وتتضايقين اكثر
ف هالمواقف اتركي فيها الظالم والمظلوم لربج في النهايه كما تدين
تدان، اليوم قالوا للبنات يا سود وما تدرين باجر الله يبتليهم بعيال سود !
ياما ناس اتمصخروا ع اشخاص من ذوي الاحتياجات الخاصه والله ابتلاهم
بعيالهم، ف لا تخافين ما في حد حقه يضيع ف هالدنيا بيي الوقت المناسب
اللي بيحصل فيه كل حد ع يزاه

امي تقول لي لا دافعين حد .... هم يدافعون على نفسهم ....

تقول لو انتي قايله كلمه لهن يمكن يردن عليك .... !!!!!!!!

بس هن مالهن شده عليه ..... لو في شده كانن تكلمن وبلغن ......

مب انتي تتكلمين!!! امي تقنعني دائما مادري ليش

بس لو حد سبني انا ... برد

[Ward-uae]

يهال هذي من الافلام اللي يشوفونها
كلنا عباد الله
عندي ربيعات ايام الجامعه كانن يطلبون اني اناديهم بلقب بمعنى اختي عادي بالعكس وابد ما شي حساسيه بينا
لكن هالجيل متأثرين باللي يشوفونه
وهذيلا البنات ما عندهم اخ ولا اب معاهم يتمشن بمول رواحهم لو معاهم ريال جان هالشباب اصطلبوا حتى عيونهم ما بيرفعونها ولا بيقدرون يقولون اق