قصتي الحزينه ><

[حرم الكعبي]

السلام عليكم و رحمة الله و بركاته

شحالكن بنات ؟

انا متزوجه من 5 شهور و للحين ما حملت و ريلي خاطره ف عيال بس ما باليد حيله ، الله كريم كل شي من عند الله .

اول شهر زواج رحت اعالج ف مستشفى الامارات عشان تنظيم الدوره ، دخلت عند دكتوره !!!! لا تعليق الصراحه من بدايتها ضرابه ما خلت ريلي يدخل معاي ، المهم سوت لي فحص دم ، و شافت البويضه و الرحم قالت اوك ما فيهن شي و الغده قالت حجمها كبير بس عادي ما فيها شي ، و بعدين قالت كيف الافرازات عندج قلتلها عادي طبيعيه قالت انزين خليني اخذ عينه قلتلها اوك ، خذت عينه و اتصلت فيني بعد 3 ايام قالت لي فيج التهابات

انا !!!

المهم انا ما اعتمدت على كلامها لاني صراحه ما ارتحت لها ، بس تميت استخدم غسول betadine و انا كنت استخدمه من تزوجت صبح و ليل ، فيني هوس على نظافة المنطقه .

11/12/2014

^
يتني الحلوه ( الدوره الشهريه ) و كان المفروض اذا ما صار حمل تييني تاريخ 16 او 17 او 18 لانها مب منتظمه عندي ، بس ما يت .

19/1/2015

رحت مستشفى كروميل عند دكتوره ( روبيلا ) خبرتها عن سالفتي مع هذيج الدكتوره ، قالت لي اوكي تعالي بجيك لج ، فحصت لي البويضات قالت في بويضتين و بعيدات عن الرحم ، و في وحده كبيييره و الثانيه صغيره وايد ، و خذت عينه من الافرازات و قالتلي بعطيج تحاميل نوعين بس ما اذكر اساميهن الصراحه ، و عطتني كبسولات دوفاستين عشان اذا صار حمل يثبت و اذا ما فيه حمل تنزل الدوره ، و غسول نفس اللي كنت استخدمه ، و قالتلي تعالي ثاني يوم دوره بجيك لج ع الهرمونات .
المهم استخدمت التحاميل و الكبسولات و الغسول بانتظام بس بعد يومين ياني اسهال فظيع ما وقف .

24/1/2015

^

رحت عند الدكتوره بدون موعد ، قلتلها ما اتحمل الاسهال كل 5 دقايق لازم ازور دورة المياه يمكن من الكبسولات او التحاميل ، قالت لا ما يخصه يمكن هذا قولون و قالت اذا ما يتج الدوره تعاليلي تاريخ 2/2 و تخبرتها عن الفحوصات قالت سليمه ما فيها شي ووصفت لي ادويه عشان الاسهال و اللوعه و خذيتها و ما شي فايدت و اسبوعين و نص و انا ع هالحاله .

2/2/2015

^
رحت الموعد ، سألتني الدكتوره يتج الدوره ؟ قلتلها : لا ، قالت ب فرحه : مبروووك يمكن حامل ، قلتلها : لاااا قالت انزين روحي ع السرير بسويلج سونار ، رحت ع السرير ، فحصتني قالت ما في كيس يعني ما في حمل ، بعدين قالت يمكن فيج التهاباات ، قلتلها هذيج المره خذيتي عينه و قلتي ما في ، عطتني موعد تاريخ 14/2 و اذا ما يتني الدوره بتسويلي منظار و اذا في التهاباات طبعا بيروح بالكوي اما اذا يتني الدوره اروح لها ف ثاني يوم .

10/2/2015

^

لين اليوم ما يتني الدوره و موعدي بعد 4 ايام ، احاول ف ريلي يوديني عياده ثانيه اسوي فحوصات بس مب طايع يقول المنظار احسن ، بالمنظار يبين كل شي و اذا في شي بيروح ف ثواني ، اما اذا عياده ثانيه فحوصات و علاج ثاني بنطول .

و هذي هي كل قصتي ، حد بيقترح علي ب شي يمكن يقتنع

و لا تحرموني من دعواتكم ، و عسى ربي يرزقنا بالذريه الصالحه الباره

المزيد من آخر المواضيع من نفس القسم:

• فيتامينات ومعادن هامة تساعد على الحمل وزيادة...
• أسباب وطرق علاج مشكلة تأخر الحمل
• تحديد نوع الجنين
• اعرفي سبب تأخرك في حدوث الحمل
• اهم الأسباب التي تأخر الإنجاب لدى الإناث...
• افضل طرق علاج تاخر الحمل بالاعشاب
• فحوصات تأخر الإنجاب للزوجين بالتفصيل
• افضل طرق التعامل مع تأخر الحمل
• تنبيهات بعد اجراء عملية الحقن المجهرى
• نسبة هرمون الحمل في توأم بعد عملية الحقن...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ناروتا]

حبوبه عادي 5 شهور ما حملتي شي جدا طبيعي , مب شرط من اول شهر زواج تحملين
وترى هالنفسية الحزينه وكثرة التفكير ممكن تأثر سلبا عالنتيجة , وكلي امرك لله وخذي بالاسباب
ولا هي قصة حزينه ولا شي ترى كلنا نزور العيادات النسائية حتى الي سبق وربت مره واثنين وثلاث
أسأل الله العظيم يقر عينك وعين زوجك بالذرية الصالحة

[حرم الكعبي]

حبوبه عادي 5 شهور ما حملتي شي جدا طبيعي , مب شرط من اول شهر زواج تحملين
وترى هالنفسية الحزينه وكثرة التفكير ممكن تأثر سلبا عالنتيجة , وكلي امرك لله وخذي بالاسباب
ولا هي قصة حزينه ولا شي ترى كلنا نزور العيادات النسائية حتى الي سبق وربت مره واثنين وثلاث
أسأل الله العظيم يقر عينك وعين زوجك بالذرية الصالحة

صح كلامج 5 طبيعي جدا ، بس انا توني 5 شهور و طلع فيني كل هذا لازم اتلاحق ع عمري
و الا اتريا لين ما يفوت الفوت !!؟

لو حد مر ف نفس حالتي البويضات بعيده و في بويضه صغيره ، و سوا منظار يا ليت يفيدني

[الوردة الجورية]

وعليكم السلام والرحمة


أولاً وقفي عن الجماع و المطهرات ثلاثة ايام عقب روحي فحصي عن الالتهابات

بعدين غلط طريقتج في التنظيف
في بكتيريا نافعة في منطقة المهبل اللي تدافع عن انواع البكتيريا الضارة الدخيلة
بالمطهرات عاذي انتي تقضين على الكل ومايكون في مناعة


خلج ثلاثة ايام لا تدقين المنطقة عقب روحي فحص في اليوم الرابع

[حرم الكعبي]

وعليكم السلام والرحمة


أولاً وقفي عن الجماع و المطهرات ثلاثة ايام عقب روحي فحصي عن الالتهابات

بعدين غلط طريقتج في التنظيف
في بكتيريا نافعة في منطقة المهبل اللي تدافع عن انواع البكتيريا الضارة الدخيلة
بالمطهرات عاذي انتي تقضين على الكل ومايكون في مناعة


خلج ثلاثة ايام لا تدقين المنطقة عقب روحي فحص في اليوم الرابع

ان شا الله ^^

[فديت منطوقي]

مرحبا اختي ...

أنا من عرست أسير لعيادة وحدة بسس وخلاااص ما احب أسير لغيرها ، تعودت على الدكتورة واسلوبها الطيب ، و العيادة وايد زينه ...

فإذا حابه اسم العيادة و مكانها راسليني ع الخاااص ... وان شاء الله ربي يرزقج بالذرية الصالحة يارب و ادعيلي ...

[جواهر الامل]

هلا اختي شخبارج
بالعكس توج خمس شهور
وثاني شي انا مرتاحة للدكتوره اسيل فالتخصصي جربي تروحيلها اسلوبها وايد حلو

[Jawharah]

الله يرزقج الذرية الصالحة عاجلاً الله كريم

[um 3weesh]

الله يرزقج الذرية الصالحة عاجلا غير اجلا

[sa7el]

أصلا حبيبتي طريقتج كلها غلط في غلط،، منو جي يسوي وتبين تحملين بعد،، شكلج ما تعرفين حد يعلمج

أول شي ودري البيتادين اللي تبا تحمل ما تستخدم معقمات لانها على طول تموت الحيوانات المنوية،،، خليج عادية وودري كل انواع الغسول


الجماع يكون من عقب ما تخلصين الدورة ب 5 أيام يوم وترك أو يوميا مب مشكلة

النفسية أهم عامل يمنع الحمل

التحاميل ابتعدي عنها لانها تمنع الحمل

ومثل ما قلتي توج 5 شهور،، هالايام المفروض كنتي تستانسين فيها مع ريلج رحلات وسفر وكشتة مب اتضيعينها في العيادات

دام افرازاتج طبيعية ومافيها حجة أو لون مش طبيعي معناته مافيج التهابات لا تخسرين فلوسج ووقتج عالفاضي

حاولي تشربين مرمية من يوم الدورة لين ما تخلصين أيام الجماع اللي مثل ما قلت من عقب الدورة ب5 أيام وخذيها لين اسبوع تقريبا،،، واشربي مريمية خلال هالايام كوب يوميا ،،،، ولاتفكرين ووقفي كل اللي يالسة تسوينه لا تلعبين في عمرج
ترى هالعيادات تجارية ياخون فلوسج ويحبطونج بعد
الدوفستون ينزل الدورة ما يثبت الحمل وهالشي وااايد حريم يعرفونه،، ولو يثبت مفعوله مرة خفيف وتعبان يعني وقفي احسن

سيري ارتاحي واستانسي ومارسي روتينج مع الاشيا اللي قلت لج وعطي عمرج 3 شهور زيادة وعقب ان شاء الله تبشرينا،،،،


بالتوفيق

[حرم الكعبي]

مشكورات خواتي ع المرور

و هذي حريه شخصيه كيفي احمل و لا لا مابا نصايح روحي استانسي و شو تبين فالحمل من الحين انا براحتي انتو ما تعرفون ظروفي و انا مب كل شي بقوله

و اذا انا مسويه شي غلط يفضل الرد باسلوب لبق ، اكره البنات اللي يهاجمون بدون اسلوب

ع العموم يسلمو مره ثانيه

[حرم الكعبي]

و الاخت اللي قالت كبسولات دوفاستين يستخدمونهن بس حق تنزل الدوره لا فديتج غلطانه شوفي شو كاتبين عنه ف قوقل و اذا ما عايبنج كلام قوقل انا بقولج و كلامي بيعيبج ان شا الله

وحده من اهليه كانت حامل و نزلت يوم حملت مره ثانيه و هي حااااامل الدكتوره وصفتلها دوفاستون عشان يثبت حملها لين الشهر الثالث و بعدين قالتلها خلاص وقفي عنه ، ماشوف نزلتلها الدوره !!!!؟ الحمدالله ربت و كل شي و احين ولدها عمره ٥ سنين

[الوردة الجورية]

و الاخت اللي قالت كبسولات دوفاستين يستخدمونهن بس حق تنزل الدوره لا فديتج غلطانه شوفي شو كاتبين عنه ف قوقل و اذا ما عايبنج كلام قوقل انا بقولج و كلامي بيعيبج ان شا الله

وحده من اهليه كانت حامل و نزلت يوم حملت مره ثانيه و هي حااااامل الدكتوره وصفتلها دوفاستون عشان يثبت حملها لين الشهر الثالث و بعدين قالتلها خلاص وقفي عنه ، ماشوف نزلتلها الدوره !!!!؟ الحمدالله ربت و كل شي و احين ولدها عمره ٥ سنين

اختي حرم الكعبي ترى الخوات يبون لج الخير

ادري انتي متوترة عشان ظروفج و ريلج غير فعشان جذي مستعجلين

الاخت ساحل ماقصرت عطتج المعلومات الصح
وبالنسبة للدوفاستون ينزل الدورة اذا استخدمتيه بس عشرة ايام وو قفتيه خلال كمن يوم تنزل الدورة.. اذا بتستخدمينه للتثبيت تستمرين عليه في حال وجود حمل للاسبوع 12

اتمنى تتقبلين بصدر رحب ردود خواتج وممكن بعضنا في سن أمج


الله يهدّي سريرتج و يرزقج الذرية الصالحة. ويجعلهم قرة عين لج و لأبوهم

[حرم الكعبي]

اختي حرم الكعبي ترى الخوات يبون لج الخير

ادري انتي متوترة عشان ظروفج و ريلج غير فعشان جذي مستعجلين

الاخت ساحل ماقصرت عطتج المعلومات الصح
وبالنسبة للدوفاستون ينزل الدورة اذا استخدمتيه بس عشرة ايام وو قفتيه خلال كمن يوم تنزل الدورة.. اذا بتستخدمينه للتثبيت تستمرين عليه في حال وجود حمل للاسبوع 12

اتمنى تتقبلين بصدر رحب ردود خواتج وممكن بعضنا في سن أمج


الله يهدّي سريرتج و يرزقج الذرية الصالحة. ويجعلهم قرة عين لج و لأبوهم

هلا

عطتني معلومات صح يزاها الله خير ، بس اسلوبها ف بداية كلامها ما عيبني
انزين و انا قلت غير هالكلام عن كبسولات دوفاستون !!

اتقبل بصدر رحب اذا الرد انطرح باحترام و امي متوفيه الله يرحمها و مشكوره فديتج

[dalia ahmed]

اختي حرم الكعبي الله يرزقج عاجلا غير اجل

وكرري دوم دعاء " ربي لاتذرني فردا وانت خير الوارثين"

وفعلا المنظار يبين كل شي وايد بنات اعرف حملو بعد المنظار يعني لو فيه شي متسكر او التصاقات المنظار يفتحها

وان شاءالله تحملين بعد المنظار يارب بس سويه مكان زين شوفي احسن مكان