الحقوو عليه زووجي الخااااين لكن بطريقة ثانية

[noora100]

السلام عليكم ورحمه الله وبركاته
قصتي مع زوجي الحبيب الخائن ..الحمدالله على كل حال لعله خيـــــــــــــــــــــــــــر.....
انخطبت لشخص كان جدا متتدين ويتكلم عن الدين وغيـــره كنت ما اشك فيه أبدا ...لانه ولد ناس وريل اختي دووم يمدحة... كان معاي زين ..الين الحين بس ما يستحمل القعدة في البيت ليش لانه عرف اني اكتشفت خيانته .. ويمكن يعرف اني شاكه فيه وانا اعرف انه هاي اكبر غلطه؟؟ وانه زوجي يحب الطلعه ويقولي دووم ان ربيعه ما يخبر حرمته وين طالع وين ياي ..وما يعطي سالفه لحرمته بس يوم السبت الصبح يطلع الصغاريه الألعاب وحرمته راضيه ومب زعلانه ..واني تزعلين اذا ما طلعتج ..

فتره الحمل كنت في امرقدة في المستشفى . والحمدالله من بعدها ربيت ويبت أحلى ولد في الدنيا..
اشوف ريلي تغيـر ما يذكر الله ومايصلي الفير والصلوات يودرها ..ويجمعها.. ..وقام يسير
عند ربعه .دوووم وانا كنت اضايج وابين له .وفي يوم اتصل فيني كمن مره يقولي لا
تطلعين من البيت اليوم قلتله انا رايحة الخياط قالي انا زووجج وانا اأأمرج ؟؟قلتله اوك
خلاص ...بس اذكر كان كاشخ ها اليوم ..لبس اليديد وغتره يديده وعقاال يديد وكل شي يديد استغربت بس قلت لا حرام وساوس الشيطان؟؟واتعوذت بالله وطنشت ..فجأه اشوف ريلي يتصل فيني ورديت على مكالمته واقول الووووو الوووو ..شكله ريلي اتصل فيني بالغلط .كنت ببندت ولا اسمع صوت وحدة غريبه مع ريلي ؟؟؟وبنــــــــت ومش من محارمه ويسولف معاها ويمشيها في الفريج ؟؟؟تتخيلون ويشكرها ع الاهدااء وانا اعرف ريلي ما يسمع اغاني .ويضحكون وسوااالف وانا منهاره والله مب قادره اقووول شي ..بس اسمع من دووون ما اتحرك هديت ولدي ماقدرت امسكه ؟؟قلت لازم اواجهة فجأه هو حس انه حد يسمع الي دار يبنه وبين الي معاه ..اتخبل الريال ورد البيت يعتذر ؟؟وكنت معصبه منه واقووله ليش انا بشو مقصره يقولي ولا شي هذيج وصخة وهاي نزوه ..خلاص توبه وما بكلمها
قلتله اتخبرني عنها ..كل الشي قالي انها مطلقة وهيه لحقت ورااه في المول..وانه هاي بنت شوارع وغيره .وعقب يومين اتصالحنا ..وردت المياه لمجاريها لانه قالي ان ودرها ومن ها الكلام ..
عقب ها الموضوع دوم يغلق مبايله ويلعب بالمبايل وامسوي له باسورد وحاله ؟؟ ومن القهر الي فيني طرشت لها مسج يا بنت الناس ليش تخطفين الريال يا محترمة ؟ وعصبت اتصلت في ريلي وريلي عصب عليه قالي كيف اتقول لها انه خطفتني ما يصير بدخلنا المحاكم ها قويه وهم واصلين في البلاد الله يخليج لا اتكلمينها ؟ عقب عرفت منو هاي وحده عادية بس مديره قسم في جهة حكومية وعرفت هي من قوم شو احس ريلي كان يجذب عليه ؟؟ وهي كانت ذكيه اتسبني واتنازعني وادقولي لا تتدخلين بموضوعي مع فلان قلتلها ها ريلي ..صدق الوصخ وصخ ؟؟وحتى ريلي نفس شخصية الحرمة دووم ينازعني ويجذب عليه ويقولي يا شكاكه بس انا سمعت بإذني ؟؟كارهتنه والله ؟؟استغفر لله ؟
مرت شهور ياني فضول قلت بسجل صوت ريلي سمعت يكلم وحده ويبوسها بالفون و يتكلم مع الجديمة ولا يديده ما اعرف والله واعرف انه حرام وما يجووز تعبت يابناات ابغي ريلي يرد شرات قبل ؟؟ واجهت ريلي وعصب قالي يا خبله انتي شكاكه يقول ...........ويحلف بالله انه ما يكلم بنات ويوم انا اقوله احلف بالقران يقول ما ابغي ويتهرب ؟؟انا قلت بطنشه لاعت جبدي ؟؟ ودوم احاول مع ريلي انه ما يكلم بنااات نتمشكل في النهاية ..دووم يطيح في المولات ..دووم اقوله انا في شو مقصره معاك يقولي ولا شي بس مره قالي هيه انتي مقصره ..كله تبين تطلعين قلتله انا ما اطلع مكان غير الممشى وبيت امي يوم واحد لمدة 5 ساعات ولا اقل ..ما اطول ..الله يخليكم ابغي اتواصل مع ناعمة الهاااشمي عندي مواضيع ثانيه ..ما كتبتها ..ابغي اعدل من عمري واحب عمري واسوي سالفه لريلي

انا احس اخترب ريلي من كثر ما الناس تتطنز عليه يا المطوع والحسد بعد ؟يقولون حظها فلانه خذت واحد ملتزم . يا بختها ؟؟حتى خواتي جي كانوا يقولون لي حظج.... العين حق..

وحلمت حلم المفسر قالي الفئران في المنام دليل على العداوة من إمراة مؤذية في تحذير من إمرة سيئة تلصق أذى انصحك بالرقية الشرعية ..الحلم خرعني ..وحتى التفسير

دعواتكم بنات وابغي رقم ناعمة الهاشمي لا تنسوني

الي عندها نصاايح اتخبرني ....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[noora100]

انا كتبت بسرعه ..سامحوني اذا في كلمات املائية غير صحيحه

دعواااتكم

[مالتيزرس]

لا حول ولا قوة الا بالله العلي العظيم .الله يكون فعونج ويخفف عنج الغالية .وبيعد ريلج عن البنات اللي مايخافون الله فالرياييل المتزوجين ..
مااقول غير حسبي الله ونعم الوكيل فكل وحدة تتعلق وتكلم ريال متزوج وتبعده عن زوجته وعياله .وتحرق قلب زوجته ع ريلها ..اتقو الله ..
اختي صلي القيام ع الاقل ركعتين كلمي ربج صيحي اخشعي كانج تكلمي شهص ادعي ان الله يهدي ريلج ويرده ردا جميل ..
اكثري من الصدقة
استغفري اكثر عن الف مرة فاليوم
اقري البقرة
دوم استودعي الله ريلج سمعه وبصره وجميع جوارحه ..
والله يهديه لج ويحنن قلبه

[غرووب 22]

لا اله الا انت سبحانك اني كنت من الظالمين

[jumana]

الله يهديه ويريح بالج يارب

[Cobon]

ها النوعية لا يفيدهم شي لا كشخه ،
استغفر الله ترى الدعاء وحدة مب كفاية بدون شغل
نفس اللي يدعي بالرزق و هو بطالي ف البيت
لازم تركضين عسب تحافظين ع بيتج مع الدعاء و تعلقين قلبج برب العباد



تعطينه العين الحارة الحمراء عسب يصطلب لا تفتيح مجال انج تسامحين ؟
تشغلينه -يوصلج و يردج و يلبي طلباتكم لا تخلينه مول فاضي خليه حركي و يشتغل و يكرف

و اكبر نقطة لازم تنتبهون لها بنات مول لا تتواصلون مع العشيقة لانهم شياطين حتى الشياطين اهون منهم
هي بدورها بتتصل ف ريلج و ريلج بينازعج فأنتي خسرانة ف النهاية

لا تنسين يكون عندج دليل سبحان الله صار شي بيكون عندج دليل ؟؟
لا تنسين دام خان مليون مرة خلاص لا تواجهين لان بيبدأ يخش عنج

حاولي تسدين الثغرات و تنبشين عن عشيقته بدون ما يحسون يعني تشوفين لو عندها علاقات ثانية
لان أغلب العشيقات اللي يلعبن يكون عندهم كوده و لسته شباب

مرة زميلتي كانت متوهقة و قلت لها نفس الشي
بعدين اكتشفت ان العشيقة عندها 3 شباب ترمسهم و هني صار عندها دليل ( صور محادثات كلام اي شي او حتى رقم تلفون )
و طرشته لزوجها ف ظرف لشغله و انصعق طبعا ما يعرف منو اللي مطرش بس عرف حقيقة العشيقة و بدى يشك و لحق وراها لين ما جكها و تركها و رجع لبيته و قال توبة

و نقطة وايد مهمة و الحريم يطنشونها
يوم ترقدون ف المستشفى خليه يرتز يقعد عندج لين المساء ليش تخلونهم بروحهم ف البيت
ليش في وقت الربى ترقدون بيت اهاليكم بالشهور - مب مشكلة ارقدوا بس يكون لج غرفة و حمام و ريلج يبات وياج ف بيت اهلج مب عيب و يكون معاج دوم

اغلب المصايب تصير يوم الحرمة تربي و تترك بيتها صدقوني نص المصايب من ها السالفة

بتقولين شكثر براقب و بلحق عليه بقولج هاي ضريبة الزواج لازم تحافظين ع بيتج بشتى الطرق


لا تنسين اهم شي : ادلعين نفسج و اطلعي و استانسي لو تغيرين لوكج بالكامل و كشختج و طريقة لبسج


اهني بيموت قهر و غيرة و بيخاف انج تروحين لحد ثاني

[noora100]

ها النوعية لا يفيدهم شي لا كشخه ،
استغفر الله ترى الدعاء وحدة مب كفاية بدون شغل
نفس اللي يدعي بالرزق و هو بطالي ف البيت
لازم تركضين عسب تحافظين ع بيتج مع الدعاء و تعلقين قلبج برب العباد



تعطينه العين الحارة الحمراء عسب يصطلب لا تفتيح مجال انج تسامحين ؟
تشغلينه -يوصلج و يردج و يلبي طلباتكم لا تخلينه مول فاضي خليه حركي و يشتغل و يكرف

و اكبر نقطة لازم تنتبهون لها بنات مول لا تتواصلون مع العشيقة لانهم شياطين حتى الشياطين اهون منهم
هي بدورها بتتصل ف ريلج و ريلج بينازعج فأنتي خسرانة ف النهاية

لا تنسين يكون عندج دليل سبحان الله صار شي بيكون عندج دليل ؟؟
لا تنسين دام خان مليون مرة خلاص لا تواجهين لان بيبدأ يخش عنج

حاولي تسدين الثغرات و تنبشين عن عشيقته بدون ما يحسون يعني تشوفين لو عندها علاقات ثانية
لان أغلب العشيقات اللي يلعبن يكون عندهم كوده و لسته شباب

مرة زميلتي كانت متوهقة و قلت لها نفس الشي
بعدين اكتشفت ان العشيقة عندها 3 شباب ترمسهم و هني صار عندها دليل ( صور محادثات كلام اي شي او حتى رقم تلفون )
و طرشته لزوجها ف ظرف لشغله و انصعق طبعا ما يعرف منو اللي مطرش بس عرف حقيقة العشيقة و بدى يشك و لحق وراها لين ما جكها و تركها و رجع لبيته و قال توبة

و نقطة وايد مهمة و الحريم يطنشونها
يوم ترقدون ف المستشفى خليه يرتز يقعد عندج لين المساء ليش تخلونهم بروحهم ف البيت
ليش في وقت الربى ترقدون بيت اهاليكم بالشهور - مب مشكلة ارقدوا بس يكون لج غرفة و حمام و ريلج يبات وياج ف بيت اهلج مب عيب و يكون معاج دوم

اغلب المصايب تصير يوم الحرمة تربي و تترك بيتها صدقوني نص المصايب من ها السالفة

بتقولين شكثر براقب و بلحق عليه بقولج هاي ضريبة الزواج لازم تحافظين ع بيتج بشتى الطرق


لا تنسين اهم شي : ادلعين نفسج و اطلعي و استانسي لو تغيرين لوكج بالكامل و كشختج و طريقة لبسج


اهني بيموت قهر و غيرة و بيخاف انج تروحين لحد ثاني

حبيبتي والله ..ما تميت بيت امي الا اسبوع ..قال انا ابغي حرمتي وما ابغي الحرام ومن ها الكلام ؟؟

تميت في بيت اهله وهو موجد عشان خاطره تعبت ها الفتره وطحت في المستشفى من حمى الحليب ما قدرت ارضع بنتي من كثر ما الناس ايون عدنا

من اهل زوجي ..وكنت مغيره لوكي .وقاصه شعري وصبغته كم مره ..ودووم يقولي جنج اليوم سعودية جنج كويتيه جنج اليوم مغربية ..بس انا ما اقصد اني اكون نفسهم ..والله ..بس ريلي عيونه زااايغة

ما بودر الاستغفار واتمنى دعواتكم الله يبعدها عنها ويبعد البقية عن زوجي يارب..ويكفينا شر الناس

[khaleejiya]

سيروا العمره خلي يتذكر ربه ويرجع لصوابه دام انه كان ملتزم عسى الله يهديه ويرده لصوابه

[حرم الكعبي]

مرحبا

اول شي و قبل كل شي حطي قران كل يوم ف بيتج يمكن يوم يسمعه يهدا و يأنبه ضميره

ابدي بدايه يديده و حلوه معاه ، انسي كل شي جدامه ، خلج عاديه و طبيعيه
لبسي و كشخي و لبي طلباته ، و لا اتمين كل ما اتشوفينه تذكرينه ب سوالفه و تعيدين السوالف الجديمه لانه هذا بينفره منج ، و عليج بالصبر يمكن حد مسوي له سحر و لا شي انتي ما تعلمين !!!
و مثل ما قلت لج حطي قران ، و يوم بتكونون قاعدين مع بعض حطي محاضرات ، و وقت الصلاه خليه يصلي فالمسيد و اذا قال لا و ما يبا قوليله نصلي جماعه

و هيك حاولي تسوين الاشيا اللي يحبها ، الاكله اللي يحبها ، تروحين معاه المكان اللي يحبه ، تعزمينه على مطعم و لا ع فندق ليله وحده و هيك يعني وايد اشيا

و عسى ربي يساعدج ^^

[AL_REEM]

كرري 7 مرات مسا و صبح

حسبي الله لا إله إلا هو عليه توكلت وهو رب العرش العظيم

اقري فائدها

[الوردة الجورية]

وعليكم السلام والرحمة

اختي لاتدورين على حد يصلح امورج خاصة لو عنده شعوذة وياكثرهم فاتحين مكاتب ويعطون محاضرات حتى اللي يراجعون معاهم تتحسن حياتهم مؤقتاً عقب تنجلب جحيم


المهم

حلم الفأرة يعني امرأة فاسقة وهي أساساً قديماً الفارة اسمها الفاسقة

فاسقات و دارن حول ريلج وشكلهن طاح سوقهن ماحد يباهن و دورن الفقير اللي ماله أساساً فهذي السوالف لكنهن خبرة وهو لا

المهم


قرائتج لسورة البقرة يومياً بتشوفين نتيجتها عليه

قوميه لصلاة الفجر حتى لو ما وراج صلاة

لاتنبشين وراه (طبعاً غلطتي انج واجهتيه وغلطتي الغلطة الاكبر انج تواصلتي مع فاسقة والعياذ بالله)

الحين طنشيه.. واهتمي بنفسج ولا تسألين عنه.. اذا قالج طالع من البيت قولي له مع السلامة بابتسامة عريــــــضة.. و قولي له قبل ماتوصل ضروري دق لي تلفون حبيبي عشان ألبس لك

عادي خليه يشك فيج

هو بيبتعد عن هذي الأشكال وبيتم يراقبج ولا تخلينه يمنعج قولي خلاص انا طالعة محتاجة اطلع الخياط او الصالون او عند ربيعتي
خلّج غاااامضة وحتى لو اعتدل لا تخبرينه عن هذي الحركات

اذا ما سأل عنج ولا همه تطنيشه لج واهتمامج بنفسج و طلعاتج انتقلي للخطة الثانية

[noora100]

وعليكم السلام والرحمة

اختي لاتدورين على حد يصلح امورج خاصة لو عنده شعوذة وياكثرهم فاتحين مكاتب ويعطون محاضرات حتى اللي يراجعون معاهم تتحسن حياتهم مؤقتاً عقب تنجلب جحيم


المهم

حلم الفأرة يعني امرأة فاسقة وهي أساساً قديماً الفارة اسمها الفاسقة

فاسقات و دارن حول ريلج وشكلهن طاح سوقهن ماحد يباهن و دورن الفقير اللي ماله أساساً فهذي السوالف لكنهن خبرة وهو لا

المهم


قرائتج لسورة البقرة يومياً بتشوفين نتيجتها عليه

قوميه لصلاة الفجر حتى لو ما وراج صلاة

لاتنبشين وراه (طبعاً غلطتي انج واجهتيه وغلطتي الغلطة الاكبر انج تواصلتي مع فاسقة والعياذ بالله)

الحين طنشيه.. واهتمي بنفسج ولا تسألين عنه.. اذا قالج طالع من البيت قولي له مع السلامة بابتسامة عريــــــضة.. و قولي له قبل ماتوصل ضروري دق لي تلفون حبيبي عشان ألبس لك

عادي خليه يشك فيج

هو بيبتعد عن هذي الأشكال وبيتم يراقبج ولا تخلينه يمنعج قولي خلاص انا طالعة محتاجة اطلع الخياط او الصالون او عند ربيعتي
خلّج غاااامضة وحتى لو اعتدل لا تخبرينه عن هذي الحركات

اذا ما سأل عنج ولا همه تطنيشه لج واهتمامج بنفسج و طلعاتج انتقلي للخطة الثانية

حبيبتي والله

كتبت على ورقة النقاااااط وبحاول انفذه حبه حبه

اللهم سخرلي زوجي ..وياااارب اتهدي التفووووووووس

والله عطيتوووني دااااااااافع ..احس عمري قويه ...ويارب تبعد ها البنات عن زوجي ويرجع زوجي شرااات قبل واحسن يارب

واهم شي يصلي الفجر على وقته ...

[احلى بعفويتي]

شو بتفيدج ناعمه هاي تلقط من كتب وبسماعليج منها

تدبيرج وياي
حبيبتي الخاين يباله كف ع ويهه الحثالة عائله يترك الحلال ويروح المفصخ و العريان

جوفي راجعتلج بقوووووه بعد ماخذ قيلولة

[Unkonwn]

انزين يمكن يخونج ويا وايدات و بعدين معقولة هاي بتودر كل الشباب و بتركض ورا ريلج المعرس ؟ اكيد ريلج هو الى لاحقنه واكيد قاص عليهم وعادي جدا تتحسبج ربيعته مب مرته فالافضل تكلمينها و تتواصلين وياها و تعرفين كل شي منها ولا تواجهين ريلج وقلت هالشي مليون مرة، يمعي و تنصتي وشوفي الادله وشوفي و حاولي تعرفين منو يكلم وشو يقولون و اااخر شي واجهيه

[بريد الذكريات]

حل المشاكل مثل الخيانه مايبا لها تعدلي او سوي هذا وهذا
ومايبالها ناس ما عندها خبره تحل مشاكلها فتيلس تعطي الناس حلول يمكن ماتفيد !!
استوت لي سالفه وكان تصرفي نهاية توهميه ﻻ واجهة وﻻ صحت
الا استويت عفريت متشكل
وقطعت العنق بكم كلمة خلته يتخبل
كان عندي صديقة حكيمه ساعدتني ، انتي الحين تفكرين بمشاعرج ويبالج حد يفكر بعقله

من وجهة نظري الا بتفيدج ناعمة الهاشمي ونص انتي وماودج بشخص تقوده مشاعره تبين شخص ينبهج على الصح والغلط ويقودج بعقله

من خلال قرأتي لموضيع ناعمة الهاشمي استفدت ووايد واحس انها انسانه حكيمه وتقدر تفيد
نصيحه خليج منا وسيري لوحده تحل لج الموضوع بعقل

بس اوﻻ وقبل كل شيء

حطي جدام عيونج شيء تدرين ماغير حياتي كثر الاستغفار وقرأت سورة البقره والقراءن هذيل قبل كل شيء وصدقني بتشوفين العجائب بس ﻻزم تصرف حكيم وقوي منج