ياليت حد يساعدني

[العين الشقيه]

السلام عليكم ورحمه الله وبركاته 


ياليت اتساعدوني .اناامر بظروف الله يعيني عليها .انا متزوجة للمره الثانية. لأكن من اول ايام الملكه حاولت انسحب وتعوذت من الشيطان لأَنِّي حسّيت أني موقادره أحب واتعلق في هالشخص قلت الحب يجي بعد الزواج. لأكن من تزوجت مااقدرت اتقبله حاولت وحاولت وجاهدت نفسي أني اتاقلم واعيش معاه لأكن مافي فايده والله العظيم ولافي قلبي شي له حتى يوم يسافر ماييني اي شعور اتجاهه لدرجه أني صرت اضايق منه ورحت بيت اهلي لأكن امي رفضت وبشده أني أفكر في الانفصال منه يلست تصيح عندي ورجعت عشان الوالده لأكن ماشي تغير لين حملت وتمنيت أني مااحمل لأكن هذا قدر الله وصبرت وقَعَدت وبعدين ماصرت اتحمل أني اقعد عنده وعلمته بكل شي لانه صار يسألني ويتضايق من أسلوبي معاه والحين انا حامل بشهر السادس وكل ماافكر أقول شي لامي اخاف تنهار اويصير فيها شي لأكني تعبت تعبت أرجوكم ساعدوني وريال مافيه اي عيب لأكن انا خايفه من الذنوب أني أيلس عنده وانا موقادره اعطيه حقه في كل شي والله مابيدي حيله ارجووكم ساعدوني امي ماتتفاهم معاي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[غلآ نفسي]

قلتي له انج ما تبينه وتحبينه ؟؟

حرام عليج الريال ما ينسى

الله يهديج

شو تبين انتي بالضبط ؟

ريال يحبج ويباج ومعيشج بكرامه ويصرف عليج وهااا بعد حملتي منه

بعد شو تبين ؟

تبين تكونين كامله ؟؟ مستحيل ما في شي كامل

والا يالسه تقارنينه بطليقج ؟

تراج انتي يالسه تدمرين نفسج بنفسج الريال ماله ذنب ولا اللي في بطنج له ذنب

خلاص ارضي بنصيبج وقولي دايما حق نفسج انج تحبينه وتبينه وهذا حياتج كلها

لين انتي تستوعبين هالشي

يمكن بعد الحمال زاد الطين بله ونفسيتج داااون وطلعتي كل شي عليه

سيري احين احين عنده وقوليله سامحني الحمال متعبني مادري شو قاعده اخبص

بالتوفيق

[الوردة الجورية]

قلتي له انج ما تبينه وتحبينه ؟؟

حرام عليج الريال ما ينسى

الله يهديج

شو تبين انتي بالضبط ؟

ريال يحبج ويباج ومعيشج بكرامه ويصرف عليج وهااا بعد حملتي منه

بعد شو تبين ؟

تبين تكونين كامله ؟؟ مستحيل ما في شي كامل

والا يالسه تقارنينه بطليقج ؟

تراج انتي يالسه تدمرين نفسج بنفسج الريال ماله ذنب ولا اللي في بطنج له ذنب

خلاص ارضي بنصيبج وقولي دايما حق نفسج انج تحبينه وتبينه وهذا حياتج كلها

لين انتي تستوعبين هالشي

يمكن بعد الحمال زاد الطين بله ونفسيتج داااون وطلعتي كل شي عليه

سيري احين احين عنده وقوليله سامحني الحمال متعبني مادري شو قاعده اخبص

بالتوفيق

جزاج الله خير على ردج الطيب


صاحبة الموضوع
مب كل يوم ريل
زوجج مافيه عيب، الله يجعل المحبة والمودة والرحمة بين قلوبكم ويصرف عنكم كل سوء

[Crystal_Rose]

كيف بنساعدج ترا هاي مشاعرج و ها قلبج ما نقدر نقولج حبيه غصب و لا نقدر نقولج اتركيه لانه ماله ذنب و لا اللي في بطنج له ذنب الله يكون بعونج ادعي و اتقربي من رب العالمين و حاولي تلهين نفسج بشي ثاني .

[العين الشقيه]

كيف بنساعدج ترا هاي مشاعرج و ها قلبج ما نقدر نقولج حبيه غصب و لا نقدر نقولج اتركيه لانه ماله ذنب و لا اللي في بطنج له ذنب الله يكون بعونج ادعي و اتقربي من رب العالمين و حاولي تلهين نفسج بشي ثاني .

ادري مابتقدرون تساعدوني حبيبتي لكن حتى مشاعري موب بيدي لكن الوالده شو الحل معاها

[لحنْ #]

كيف بنساعدج ترا هاي مشاعرج و ها قلبج ما نقدر نقولج حبيه غصب و لا نقدر نقولج اتركيه لانه ماله ذنب و لا اللي في بطنج له ذنب الله يكون بعونج ادعي و اتقربي من رب العالمين و حاولي تلهين نفسج بشي ثاني .

[شموخ النفوس]

الريال عزوة و سند اذا هو صدق ريال
والشي ما ينحس بقميته الا بعد الفقد
حكمي عقلج

[jumana]

الله يهديج مابتحسين بجيمته إلا يوم تخسرينه وإييج اللي أخس عنه

إنتي أدرا بمصلحتج وقلبج

[قصة]

السلام عليكم
الله يا رب يحنن قلبج عليه ويقرب بينكم

انتي خايفة وهذا شعور طبيعي خصوصا انج طالعه من تجربة فاشلة، بس في نفس الوقت ما دام الريال مب مقصر معاج وطيب مثل ما اتقولين لازم تضغطين على نفسج واتحاولين تتأقلمين، لأن مب من صالج الانفصال خصوصا انج حامل الحين

عزيزتي مثل ما قالت وحدة من الخوات كات خطأ منج انج تقولين له انج مب مرتاحة معاه، ونصيحتي اتسيرين وتتعذرين بموضوع الحمل وانه نفسيتج تعبانه من الحمل عشان جذي قلتي هالكلام بدون ما تقصدينه
وانتي اقري قران وارقي نفسج وان شالله الله يحنن القلوب

[khaleejiya]

ليش حبيبتي شو اللي يضايقج منه؟؟

[ورقة ناعمة]

انتي حتى لو خذيتي واحد ثالث بعد نفس الشعور بيصيرلج

لان ماعندج قناعة باي شخص تاخذينه انتي براسج أفكار وحاطتنها على أساس تطبق على أي شخص بتاخذينها لكن متمسكة بهالافكار

وماتعرفين ان كل شخص وطبيعته وكلن يختلف عن الاخر

الريال مافيه عيب تقولين شو اللي انتي .....

حريم تتمنى تعيش بظل رجل بدون مشاكل وبدون اهانات وبدون ...الخ وصح ان الحياه تمشي بعد بدون رجل

بس انتي الغالية لازم تشوفين نفسج بالبداية وتراجعين نفسج صح مب كل ما تضايقنا وكرهنا شي نبا نبدل ونبا نعيش على كيفنا

لو كانت الدنيا سهلة ميسرة لما كان الصبر مفتاح الجنة

[احلى بعفويتي]

واي منكم يا الحريم
احينا الريال شاريج وانتي تقولين عايفتنه

لا اميه لا تعيفينه وعندج بذرا حبيبتي انتي انسي ريلج القبلي يمكن هو السبب
و عادي ترى الحب عادي ينولد مع الايام
لا ت تطلقين من غير سبب ترى ما تشمين ريحة الجنه

قبل البنات ينغصبون ع الزواج وتعيل و تنستر و تمشي امورها
وانتي يباج وشاريج و يسالج بعد ليش مضايقه قولي الحمدالله غيره بيصكج بربيعته مال جميرا اشكره ولا بيسويلج سالفه

ماما الحياه يباله مهاود ترى لو هو زين وطيب ترى بيرضيج و بيرحج

شو تبين بواحد تحبينه ويغربلج

[ليندااااا]

الله يهديك
دام ما عنده عيوب ليش تبين الطلاق
والحين مع الحمل لازم تفكرين بطريقة مختلفه
اختي الزواج مب حب بس
الزواج مسوؤلية واولاد وحياة فيها حقوق وواجبات
من كلامج ما عنده عيوب شيلي فكرة الطلاق من راسك لانها تسوي فتور بينكم الاثنين

[ميثا عبدالله]

السلام عليكم ورحمه الله وبركاته 


ياليت اتساعدوني .اناامر بظروف الله يعيني عليها .انا متزوجة للمره الثانية. لأكن من اول ايام الملكه حاولت انسحب وتعوذت من الشيطان لأَنِّي حسّيت أني موقادره أحب واتعلق في هالشخص قلت الحب يجي بعد الزواج. لأكن من تزوجت مااقدرت اتقبله حاولت وحاولت وجاهدت نفسي أني اتاقلم واعيش معاه لأكن مافي فايده والله العظيم ولافي قلبي شي له حتى يوم يسافر ماييني اي شعور اتجاهه لدرجه أني صرت اضايق منه ورحت بيت اهلي لأكن امي رفضت وبشده أني أفكر في الانفصال منه يلست تصيح عندي ورجعت عشان الوالده لأكن ماشي تغير لين حملت وتمنيت أني مااحمل لأكن هذا قدر الله وصبرت وقَعَدت وبعدين ماصرت اتحمل أني اقعد عنده وعلمته بكل شي لانه صار يسألني ويتضايق من أسلوبي معاه والحين انا حامل بشهر السادس وكل ماافكر أقول شي لامي اخاف تنهار اويصير فيها شي لأكني تعبت تعبت أرجوكم ساعدوني وريال مافيه اي عيب لأكن انا خايفه من الذنوب أني أيلس عنده وانا موقادره اعطيه حقه في كل شي والله مابيدي حيله ارجووكم ساعدوني امي ماتتفاهم معاي

نصيحه شيلى ريلك وسافري سوي عمرة وردي قبل الولاده

[العين الشقيه]

والله ياأخواتي الوضع ماينطاق مبينا

يوم اروح بيت اهلي ارتاح نفسيا..ويوم ارجع عنده احس بضيق وان شالله في هالفترة اروح عند شيخ يقراء علي ..وياليت ايلس عند اهلي لين إربي لكن الوالده الله يهداها مافي تفاهم