اخواتي ضروري افيدوني ..دبلوماسي واجنبيه

[لحنْ #]

خليه حاول ، لا تسمعين لكلام حد
لو الله كاتبكن لبعض ، بياخدج يعني بياخدج
وننتظر الاخبار الحلوه وتبشرينا حبيبتي
موفقه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[^^ Dream]

بس في البداية احب اوضح نقطه هو ان انا شخصيا ما بقول ضد بس (سالفه ان تكون شي علاقة بين الولد والبنت >> (مهما كانت حتى لو بالفون) ما تدش راسي، احس انه ماله داعي بس بعد ما اقدر احكم على هالاشخاص
بس ما شاء الله عليه دام انه صج يبى يتقدم لج ها يدل انه صج يعزج ويقدرج وهالشي جميل
وما عليج من الي ييلس يقولج انتي لاعبه عليه ومن هالكلام الفاضي >> لان كل واحد لازم يراقب افعاله واقواله بدل ما يراقب اقوال وافعال الناس
وثانيا: اظن ديننا علمنا بحسن الظن بالناس فموب حلوة ولا من حقنا نتهم اي حد بدون حق
بس للاسف انا بعد الي اعرفه انه ما يستوي دبلوماسي يتزوج من غير مواطنه >> للاسف (هالشي دوم حيرني)
المهم بس ها موب معناته انه ما يجرب. انتي خلي ثقتج بربج كبيرة وادعي واهم شي استخيري
وان شاء الله ربكم بيكتبلكم الي فيه الخير لكم ^^

[امراه]

الله ايسر امورج اختيه

[ام مصطفى..]

اقول خلي الريال بحاله وروحي دوريلج غيره من بلادج لانه اذا بهدلج بعدين بتندمين واقرب طياره لبلادج و مايحق لج تشلين عيالج والحضانه ما بتكون عندج و مابيكون عندج حقوق ولا درهم اماراتي حبيبتي ،، دام اليوم حبج باجر بيشبع منج وبيدور غيرج

[طيبة*قلب]

ااستغفر الله اللي مو عاجبها لاتتفلسف
ذا نصيب والولد اذا يبيبغا بنت بلاده بياخذها وهو عارف بس النصيب ربي كاتبه لاتحسدون الناس على نصيبهم عشان مااخدتوا واحد عسكري او دبلوماسي

صديقتي اماراتيه امس اامها كلمتني تباني اشواشوف اخواتي او وحده حلوه
طبعا من وقتها قتلها مايحتاج اسال خواتي لانه عارفه مراح يوافقون وسالت صديقتي ونفس الشئ رفضت
ومع انه ذو وضيفه مرررررموقمرررررموقه ومهمه بس النصيب

[أم مغاوي]

كل شي قسمه ونصيب

وبعدين ليش دايما نلوم البنت
والريال في كل الظروف معفاي

اذا الريال غازل محد يقوله شي بس البنت ياويلها
اذا الريال خان محد يتكلم بس الحرمه ياكلونها

الحين الريال من نفسه اختار ويبا البنت شو فيها بالحلال
شو يعني نضربه عشان ياخذ بنت البلاد هههههههههههههههه مب غصب ياخي الريال استايله مختلف
مايستوي نفرض عليه باجر يطلق خلوه ع راحته ويجرب ويشوف

اهم شي لاتتمادين معاه انتظري الموافقه عن يقص عليج بعد تعرفين التماسيح ههههههههههههههههههه كيف ياخذون اللي يبونه وعقب طاف

[Unkonwn]

اعرف شخص منصب كبير بالجيش و ماخذ اجنبية و عادي .. وايد اصحاب مناصب و مدراء و شيوخ ماخذين اجنبيات وامورهم طيبة .. خلو الريال يستفسر ويشوفون رد الدوام شو بيكون

[% الكاذي %]

أعتقد هو يعرف القوانين أكثر عنك

ويعرف انه مستقبله بيضيع

والدولة عينته بمهمة دبلوماسية مب مهمة غرامية

الله يهديهم وييسر أمورك

👍

[طيبة*قلب]

أعتقد هو يعرف القوانين أكثر عنك

ويعرف انه مستقبله بيضيع

والدولة عينته بمهمة دبلوماسية مب مهمة غرامية

الله يهديهم وييسر أمورك

ياسلام شئ مضحك واللي بمبمهمه دبلوماسية مايحب ويتزوج
لا احسن نقلبها فتوئ ونقول حرام مايجوز وان حب وقع في المحظور

[أم سيف و سارة]

اذا في نصيب و الله كاتب بيتم
و اذا مالج نصيب الله يعوضك كل خير

[Ward-uae]

هههه انتو ردودكم اللي تضحك
قالوا شو نصيب ثلاث مواضيع في يومين ومن عضوات يداد ولاه والجواب معروف ومكرر في كذا موضوع ما عليه منحسن النيه ومنقول صدفه
رايي وكتبته وما ارضى انه ولدي ياخذ له وحده غير بنت بلاده حلاة الثوب رقعته منه وفيه

[شعاع امل]

هو صحيح في واحد في قسم الحوارات وفي ثاني هني وماعرف اذا في غير ... في نفس التوقيت ماعرف شو السبب؟ هل نفس العضوه ولا تزامن بالصدفه

بس بشكل عام الزواج نصيب ... مواطن غير مواطن كله نصيب من الله .... اعرف وافدات من ايام ماكنت ادرس كثير في منهن يفشرن يوم ياخذن مواطن

عشان الفلوس والقيمه يفكرن ..... في منهن يظنن هن فوق ويختلف عن المواطنات .....!!!!!!!!! الحين ماشاء الله اغلب المواطنات متعلمات وفي منهن

منهن بيض وحنطيات من قبايل يعني .... بس الوافدات يسون عمارهن غير وماعرف شو ......


لاحظت هذا الشي كثير


بس طلع القانون هذا لشرطه عشان الامن اتذكر كان واحد يشتغل في الشرطه بس مب رتبه كبيره ... تقدم لي مره بس على ايام 2007 يمكن

رفضت مارتحت له عشان شافني وقتها اشتغل .... وماتصور وقتها كان في قانون ...


في ربيعه لي وافده فتحت حلقها ...... وتقول اييييييوه خخخخ تفكر شلون ياخذ هذه ... عبالها هي الاحسن!! المهم

كان متزوج ويريد دخل يمكن زياده ...... عرفت من اسلوبه بالكلام .... واختكم شعاع طيرته

مب كل الشرطه منهم فايده!!


هن يفكرن كل شرطي منه فايده وفلوس لا ..... مب كل في ناس يقصون

[قصة]

السلام عليكم
أولا: أقول الله يقدم اللي فيه الخير، واللي له نصيب في شي بياخذه رغم كل شي، لأنه مكتوب من رب العالمين

ثانيا: أنا وحدة أكيد لو اخواني بيتزوجون أتمنى ياخذون من البلاد، بس إذا النصيب خالف ما بجرح في الناس

ثالثا: اللي تعترض تقدر تعترض باحترام وبدون ما تجرح، الواحد ما يعرف، كل جنس وجنسية وجنسية فيه الزين وفيه الشين، مواطن ما يعني إن ملاك ووافد ما يعني إن شيطان وكل حد يعرف هالشي ماله داعي نسوي المواطنين كلهم ملائكة والوافدين من أهل النار

رابعا: أمنيا الموضوع صعب على حسب معلوماتي بس نفس ما ذكرن بعض الخوات إن في ناس أصحاب مناصب عُليا، وحطوا خطين تحت علي، ماخذين وافدات، يعني الموضوع صح مب سهل بس مب مستحيل

خامسا: الريال مسؤول والحرمة مسؤولة، كل واحد فيهم يتحمل النتيجة سواء إيجابية أو سلبية

وختاما ما أقول إلا الله يقدم اللي فيه الخير

[غلآ نفسي]

ماله داعي هالهجوووم

واذا حاطه عينها ع ولد بلادي واذا حاطه عينها ع منصبه

فيها شي ؟؟؟؟؟؟؟؟؟؟؟؟

انتوا كلكم ادورون الريال الزين والمريش

يات عليها هي ؟؟

الصراحه بعض الردود تنرفز

ترا عادي جدا بنت البلاد تاخذ واحد وافد وتستانس فيه وتقول انه احسن من ولد بلادها

كل شي قناعات كل شي نصيب

بالتوفيق

[Cobon]

القوانين واضحة سواء دبلوماسي او من القوات المسلحة
يمنع الزواج من غير مواطنة اماراتية حاملة للجنسية و خلاصة القيد

معظمهم اللي حابين يتزوجون يفنشون من دواماتهم لدوام ثاني

الله يعينج لا تعلقين قلبج و عقب تنجرحين