شو تعتقدون السبب في زيادة نسبة الطلاق و تأخر الزواج ؟

[twinkle star]

السلام عليكم و رحمه الله و بركاته
شحالكم ؟ ان شاءالله الكل بخير

حبيت اطرح موضوع نقاش و تبادل اراء .. كل وحده تدخل تقول شو في ظنها السبب في الطلاق و تأخر الزواج في هذه الايام؟
ليش زاد عن الماضي؟
شو اللي تغير ،، و شو اللي لازم يتغير ..
اي شي يدور في بالكم اعتبروه ساحة فضفضه
طبعا الزواج قسمه ونصيب وكل شي يصير قضاء وقدر
ولكن في اشياء نقدر نتحكم فيها مثل تصرفاتنا ك بشر

انا ببدا ..
اولا الطلاق :
في نظري و من اللي شفته حولي ، اكبر سبب هو مدح الناس المبالغ فيه اما للزوج او للزوجه ، وفي عيوب مايقولونها و تكون من ضمن الاشياء اللي ممكن تسبب مشاكل فالمستقبل
ثاني سبب الاهل كل مابغت البنت شي قالولها يوم بتعرسيين ،، والبنت بدورها تتحمس للعرس عشان تحقق احلامها و يمكن الريال مافيه شي لكن ! مش مستعد يحقق لها كل شي او في اشياء مثل ما اهلها مايبونها تسويها هو بعد مايباها تسويها ..
و السبب الثالث انه الشخصين بعد الزواج يكتشفون تضارب في شخصياتهم و عدم وجود توافق ،، وهالشي مانقدر نعرفه نحن كبنات لين نعيش ونجرب
اخر سبب في نظري هو عدم السماح بالنظره الشرعيه، بحيث يشوفون بعض على الكوشه يوم العرس …. وانا سمعت وايد قصص طلاق سببها عدم وجود نظره شرعيه مثلا الريال يبا وحده مليانه ويته بنت ضعيفه ،، او يبا ضعيفه ويته مليانه و الخ .


اما عن تأخر الزواج ،، رفض الاهل لاشخاص معينيين رغبه منهم في الحصول على شخص افضل لبنتهم و يمكن فالنهايه يضيعون نصيبها ، و في نفس الوقت البنت نفسها ترفض و تتريا االافضل و ماا ايي الافضل
البنت اللي كبرت في بيئه مفككه و اسره مفككه تخاف من الزواج وتخاف تعيش حياه مفككه فالمستقبل و يعتبر العامل النفسي كبير و تأثيره قوي عالبنات
شروط بعض الرجال مبالغ فيها لا تستطيع البنت تلبيتها ،، او العكس ،، البنت تبا شي الريال مايقدر يلبيه لها ..


انا هالاشياء استنجتها من المواقف حولي

انتو شو رايكم وشو تحسون ؟؟

المزيد من آخر المواضيع من نفس القسم:

• تأثير الطلاق على الاطفال
• اشهر العلامات التي تسبق الطلاق بين الزوجين
• ابرز التغيرات في نفسية المرأة بعد الطلاق
• نصائح للتغلب على الحزن والألم بعد الطلاق
• نصائح للمرأة للتغلب على الم الطلاق
• اسباب غير مباشرة قد تؤدي للطلاق
• دعاء تيسير الزواج
• اسباب تؤدي لحدوث الطلاق السريع بين المتزوجين...
• تقرير عن تأثير الطلاق على الابناء في سن...
• اشهر اسباب الطلاق المبكر بين الازواج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مناية النعيمي]

الحرية الزايده للطرفين خلتهم يحصلون على امور ماتحصل الا بالزواج
البنت ورغبتها بالدراسه وتاجيل فكرة زواج
الشاب وحريته وعدم تحمله مسؤليه
مفهوم زواج نغير عن قبل للطرفين اول كلن استقرار وامن الحينه فشره وماركات وعيال اهم شي لبسهم ماركة غاضين الطرف عن التربيه.

وايد امور شو بنقول وشو بنخلي

[الوردة الجورية]

الحرية الزايده للطرفين خلتهم يحصلون على امور ماتحصل الا بالزواج
البنت ورغبتها بالدراسه وتاجيل فكرة زواج
الشاب وحريته وعدم تحمله مسؤليه
مفهوم زواج نغير عن قبل للطرفين اول كلن استقرار وامن الحينه فشره وماركات وعيال اهم شي لبسهم ماركة غاضين الطرف عن التربيه.

وايد امور شو بنقول وشو بنخلي

صح كلامج اختي

الصراحة اشوف واااايدات تفكيرهن تافه من تتزوج ماتصبر على زوجها وتتخقق عليه وتتحرى عمرها صدق ملكة قلبه!!!

مابتصيرين ملكة قلبه الا بعد عِشره طيبة

والله في وحدة تطلقت عشان زوجها ماياب لها ساعة!!! وحدة ثانية عنّست وااايد و يوم الله رزقها بزوج كله تطلب منه ذهب.. تزن ذهب.. ذهب.. وعقب ماتطيق تشوف ويهه!!!! تطلب الطلاق و يطلقها عقب تندم وتقول كنت مسحورة!!

انزين الحين الزوج مصباح علاء الدين السحري؟؟!!! جيه هو مب آدمي و له امكانيات محددة!!! ترى مب كل الرياييل عندهم!! و لا كل اللي عندهم يعطون!!

اللي تبا الستر تتحمل الحياة مع زوجها اذا ما كان مدمن او شرّيب خمور أو زير نساء


بالنسبة للشباب للأسف كثير منهم أول حياتهم يتزوجون الكاشفات امهات قصير و بنطلونات لا عباه و لا شيلة او حجاب ،،، توهم أول شبابهم و اختاروا من المعروض جاهز.. ماحد قالي بس اللي شفته بعيني في المحاكم قديماً و حديثاً وفي التوجيه الاسري.. شباب مواطنين صغار ماخذين من هذي الاشكال رايحين يطلقون!!

وأحد زيجاتي السابقة كان نفس الشي واهله مايدرون يتحرون انا اول زوجه له،، طبعاً زيجات الشباب الصغار من هذي الاشكال في الغالب ماتعمّر

واللي مايخافون من الله و ما يخافون من الامراض يعيش بالحرام ومايفكر بالزواج لين اهله يضغطون عليه يتزوج!! والزوجة تتحمل تبعات ماضيه (هذا اذا ما كان بعد حاضره) والأمراض التناسلية


الله يهدي و يصلح و يستر على شباب المسلمين والمسلمات

[ام عنوده]

سبحان الله ممكن

[twinkle star]

الحرية الزايده للطرفين خلتهم يحصلون على امور ماتحصل الا بالزواج
البنت ورغبتها بالدراسه وتاجيل فكرة زواج
الشاب وحريته وعدم تحمله مسؤليه
مفهوم زواج نغير عن قبل للطرفين اول كلن استقرار وامن الحينه فشره وماركات وعيال اهم شي لبسهم ماركة غاضين الطرف عن التربيه.

وايد امور شو بنقول وشو بنخلي

كلامج صحيح في اعذار وايد وهي مش اسباب يستخدمونها الناس الحين و يضيعون على نفسهم
و مثل ماقلتي كله بطره و يبون يتباهون و وقت التربيه مخلين العيال على الخدم

[twinkle star]

صح كلامج اختي

الصراحة اشوف واااايدات تفكيرهن تافه من تتزوج ماتصبر على زوجها وتتخقق عليه وتتحرى عمرها صدق ملكة قلبه!!!

مابتصيرين ملكة قلبه الا بعد عِشره طيبة

والله في وحدة تطلقت عشان زوجها ماياب لها ساعة!!! وحدة ثانية عنّست وااايد و يوم الله رزقها بزوج كله تطلب منه ذهب.. تزن ذهب.. ذهب.. وعقب ماتطيق تشوف ويهه!!!! تطلب الطلاق و يطلقها عقب تندم وتقول كنت مسحورة!!

انزين الحين الزوج مصباح علاء الدين السحري؟؟!!! جيه هو مب آدمي و له امكانيات محددة!!! ترى مب كل الرياييل عندهم!! و لا كل اللي عندهم يعطون!!

اللي تبا الستر تتحمل الحياة مع زوجها اذا ما كان مدمن او شرّيب خمور أو زير نساء


بالنسبة للشباب للأسف كثير منهم أول حياتهم يتزوجون الكاشفات امهات قصير و بنطلونات لا عباه و لا شيلة او حجاب ،،، توهم أول شبابهم و اختاروا من المعروض جاهز.. ماحد قالي بس اللي شفته بعيني في المحاكم قديماً و حديثاً وفي التوجيه الاسري.. شباب مواطنين صغار ماخذين من هذي الاشكال رايحين يطلقون!!

وأحد زيجاتي السابقة كان نفس الشي واهله مايدرون يتحرون انا اول زوجه له،، طبعاً زيجات الشباب الصغار من هذي الاشكال في الغالب ماتعمّر

واللي مايخافون من الله و ما يخافون من الامراض يعيش بالحرام ومايفكر بالزواج لين اهله يضغطون عليه يتزوج!! والزوجة تتحمل تبعات ماضيه (هذا اذا ما كان بعد حاضره) والأمراض التناسلية


الله يهدي و يصلح و يستر على شباب المسلمين والمسلمات

انا معاج ،،
الحين قامو البنات والشباب يتشرطون بزياده و كنهم بيفصلون الناس تفصيل و اكبر غلط يوم الاهل عشان يقنعون بنتهم بالزواج يعطونها امال الريال بيحقق لها امنياتها و بعدين تنصدم يوم ماتسوي شي من الاماني اللي كانت تتريا تسويها
انا اعرف وحده قالولها يوم بتعرسين بتكملين دراسه فالجامعه و خلوها تعرس اول ماخلصت ثنويه و الحين مسكينه لا خلاها ريلها تدرس ولا شي قالها ليش مادرستي وانتي عند اهلج الحين انا اباج اديرين البيت و تيلسين ويا عمتج الي هي امه و تجابل العيال ،،
و احس بعض الاجيال يت في زمان كل اللي يبونه يحصلونه ماحسو بالنقص اهلهم ماقصرو فيهم و اذا تزوجو حد فلوسه اقل يحسون بالنقص ،، عيل حد يطلب طلاق عشان ساعه؟ ليش الناس متعلقين باالاشيا الماديه و نسو العرس مش ماده
ومثل ماقلتي كل حد على حسب قدراته يمكن الريال قدرته الماديه ماتسمح ولا يشوف خساره ياخذ شي بهاك السعر عشان ينلبس كمن مره و البنت تروح تزعل تقول مستخسر ياخذلي
الشباب بعد قامو يتشرطون بزياده و وايد يهمهم الشكل و المظهر، سمعت عن وحده طلقها ريلها ثاني يوم عقب العرس لانها ضعيفه ؟ و وحده ثانيه طلقها ريلها عقب اسبوع لنها متينه؟ انزين ليش ماتصبرون و تكلمونهن و الضعيفه تمتن والمتينه تضعف ! احس هذا كله اعذار ومش محترمين الناس عيب والله توك ماخذنها و اطلق شو بنات الناس لعبه ؟
في وايد اشياء سببها الناس نفسهم وتفكيرهم اللي مايكون على اساس تحقيق الاستقرار و تكوين اسره ،،
اللي جد قد المسؤوليه بيتحمل وبيقعد و بيذوق المر و الحلو و يتقبله بصدر رحب
لكن الحين من سالفه وحده ممكن ينتهي كل شي .

[twinkle star]

سبحان الله ممكن

شكرا ع المرور

[ريم العسووله]

والله يا اختي اسباب كثيرة جدا
سوف اناقشها معك عندما اجد فرصة مناسبة
لي عودة لموضوعك غاليتي ♡♡♡

[ملكة المملكة]

لي عودة يابعدي ق1

[جدران ملتهبة]

بالنسبة للطلاق في هذه السنوات الحالية من سنة 2009 الي الحين
برامج تواصل الاجتماعي هي السبب الرئيسي حاليا. بتقولوا لي لا ومايخصه لا تضحكون على اعماركم المشاكل اللي ذكرتوها موجوده من زمان لكن يوم دخلت علينا برامج التواصل الاجتماعي حياتنا وحياة كل الناس زادت نسبة الطلاق و المشاكل الاسرية. والله ما الوم بعض الدول يوم حظرت هذه البرامج.
ما تم الا يخترعون التنقل للمكان الفلاني او الشخص الفلان بكبست زر

[$*ملكه*$]

احدى اسباب الطلاق الدلع الزائد من قبل اهل البنت ولما تعيش مع زوجها بس تشوف مشكله وحده نقلتها للي مدلعها في بيت اهلها مثلا الاب او الام فغالبا تكون المصلحه الكبرى مع البنت

والاسباب كثيره مثلا صارت مشكله بين الزوج والزوجه ومن ثم تدخل الاهل وهذا اكبر خطا لانه قبل المشكله يجب ان يكون المشكله بين الزوج والزوجه واذا لم يتمكنو من حلها يعرضو المشكله على شخص واعي ومثقف ولكن للاسف مثلا بعض الامهات وانا لا اعمم تقول بنتي مب طايحه في كبدنا طلقوها وتكبر المشكله وكلمه من الطرف وكلمه من الطرف الاخر وينتهي كل شي بالطلاق اسفه على الاطاله هذا رايي