حسبي الله على كل حرمه

[الصبر الطويل]

اللهم آمين وانا عرفت اني غلطانه واستغفرت ربي والله يتقبل مني ويسامحني يارب كانت لحظة غضب وغيره وحزن وألم . وأرجو من الله عز وجل أن يغفر لي زلتي وخطيئتي.

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[jumana]

الله يريح ويطمن بالج يارب

[almal3ka1]

صباحوووووو..

انا اشوف انج ما تلومين الحرمه و اللوم الاكبر للريال لان هو اتخذ هالقرار و لو بخاطرج بشي رمسيه بهدوء و عسى ربي يهدي سرج ..

[الوردة الجورية]

اللهم آمين وانا عرفت اني غلطانه واستغفرت ربي والله يتقبل مني ويسامحني يارب كانت لحظة غضب وغيره وحزن وألم . وأرجو من الله عز وجل أن يغفر لي زلتي وخطيئتي.

الله يبارك فيج ولج الأجر بإذن الله على صبرج الله يشغل قلبج ولسانج في طاعته و مرضاته

[دانتله]

مشكلت معظمنا الحريم يحطو الريال محور حياتهم ويلغو اعمارهم , كل الي شاغلهم وين سرت وليه اتأخرت
وشكوك لين يطفش الريال ..والريايل الحين يطالعو الحريم الي حواليهم وخاصه الموظفات

معظمهم مثقفات وانيقات مهتمين بعمارهم ..واحنا الحريم من قعدت الواحده بالبيت خلت محور حياتها العيال والمطبخ وريلي
شو مشتهي ياكل وملابسه نظيفه وبس :وتهمل الجانب العطفي من غزل ورمانسيه وليالي رومانسيه ,كأن البس بس لرفيجاتها
او طلعه او عرس ..
وثانيا : ثقفو اعماركم كملو تعليمكم ولاتقولو الوقت اتاخر العلم ماله سن واخذو دورات سواء في الحياه الزوجيه اوتربيه الاولاد
او تطوير اعماركم ترى الازواج يحبون المثقفات إلي يفتح معها حوار وتاخذ وتعطي معاه وشوفي شو المواضيع الي ريلج يحب
النقاش فيها وتابعيها سواء سياسيه او اسهم وت ايفر المهم شاركيه افكاره وميوله ولاكن لاتخليه محور حياتك وطوري في نفسج
عشانج انتي ..وبعد اهتمي بريحتج من عطور وبخور والبسي اشياء ناعمه من ملابس واكسسوارات , واهتم برشاقتج ومارسي الرياضه

هاي الكلمه حبيت انصح فيها خواتي وراعيه الموضوع ..والضره قهر ولاكن الله يصبرج ويحنن قلب ريلج عليج واولادج

كلنا مبتلى

[دانتله]

تعقيب ثاني والسموحه ع الاطاله
احيان صج يكون غريزه عند الرياليل مو لتقصير في الزوجه عسب ما اظلم الحريم ولهذا ربي حلل لهم التعدد

ولو ريلي اتزوج افضلي من ان يروح للحرام وييب لي امراض

[شيوخ الامارات]

حسبي الله عليج
ليش تحسبين علينا

[مناية النعيمي]

قلة ايمان في النهاية الله كاتب ها الزواج لا هيه خذته من بيته وعياله ولا ركظت وراه بعدين ليش ماتلومون رياييلكم يوم يزوجون ليش تلومون الحرمة بس .. شو ها العقليات...
مثل الله ماكتب انه ياخذج كتب انه ياخذ الثانيه ...

[طاغية الأنوثة]

خلص يا بنات الحرمه اعترفت بغلطها فماله داعي تردون تفتحون موضوع التحسب
عزيزتي صاحبة الموضوع اسأل الله ان يربط على قلبك وتنعمين براحة البال ونفس ما قالوا الخوات
الموضوع انتهى وتزوج لا تخلين زوجك محور اهتماماتك قسمي وقتج لنفسك ولعيالج ولأهلج وبعد لزوجك يوم بييج لا تقصرين بحقه

[nooraaaa]

اصعب شي الرجل يتزوج على زوجته .. لو يموتها يوع عادي عندها بتتحمل لكن انه يعرس عليها و يعاشر وحده غيرها حتى لو كان بالحلال فصعبة وايد الله لا يكتبها على حد

[الصبر الطويل]

الرجاء من المشرفات إغلاق الموضوع بطلب مني . سبحانك اللهم وبحمدك أشهد أن لا إله إلا أنت أستغفرك وأتوب إليك.

[ام راشد وسعيد]

الله يكون في عون كل وحده ريلها متزوج عليها لان السالفه مب هينه .

و حسبي الله ونعم الوكيل....

[ام مصطفى..]

لا حول ولا قوة الا بالله

[دلوعه حمودي]

ربي شرع الريال يتزوج 4 مو الريال ولا الحرمه لو زواج الريال مره ثانيه حرام شي لكنه حلال ربي حلاله والريال اللي مو مرتاح مع حرمته بيروح للحرام مثلا ولا يتزوج بالحلال طبعا الحلال

[بريد الذكريات]

المشكله في الي يتعرفن على ريايل متزوجين ويغازلن ويخربن البيوت

مب في الحريم المصونات الي وافقن بطريقة صحيحة وخذن بالطريقة نزيهه

الله يهدينا ويصلح ازواجنا وذرياتنا