فزعتكم ي بنات زايد...

[جويج السعوديه]

السسلام عليكم بنات
كيفكم ان شاءالله تمام..
بنات في شغله مره مضايقتني قلت ابي حل من بنات زايد من بعد الله ..
هي مشكله وابيكم تفيدوني وتحلونها معاي وربي ضايقه الدنيا فيني بسبتها

المشكله هي..
انا تقدم لي واحد من الامارات واعطاني المهر وجهزت وخلصت الحمدلله
جهههزت قبل لااتملك على اساس البعد بين الامارات والسعوديه اتفقنا اني اذا جهزت وخلصت تكون الملكه والزواج بنفس اليوم او اليوم الي بعده..
المشكله ان المعرس عسكري وقالوا لازم موافقه من وزارة الداخليه قدم على موافقه مرتين ورفضونا قالوا مافي سبب مقنع عشان يوافقون علينا..
اتمنى فهمتوا عليه ..
وربي جهزت وفرحت حالي حال كل عروس اخر شي وقفت بوجهي الموافقه..مابي خاطري ينكسر
بلييييييييز بنات ساعدوني كيف نخلي الوزاره توافق ابي واسطه شي اوسبب مقنع مع اني سعوديه خليجيه
الي تقدر تتواصل معاي خاص او ارفعوا الموضوع افيدوني ي لبى قلوبكم..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مراسيل الوفاآ]

اختي الريال ادرى بقوانينهم العسكريه يعني صعبه حد يتدخل فـ شي عسكري له قوانينه
الخاصه، اذا تم الرفض يعني خلاص ماشي مجال ولو يستوي بالواسطه المفروض هو
يدورله حد يعني صعب يتم الموضوع من خلال المنتدى وخاصه انه قدم مرتين وتم الرفض
يعني هالشي مستحيل انه يصير الا اذا هو خالف هالشي واكيد بتكون له عقوبه من قبل الجهه
اللي يشتغل فيها لكن هل الواسطه بتمشي اموركم ولا ما عندي علم، بس خليه هو يتصرف لانه
ادرى بشغله


لكن خلنا نكون واقعيين اكثر

الريال اكيد عارف بالقوانين قبل لا يتقدملج والمفروض كنتي تسألين عن هالشي
قبل لا تاخذين المهر لانه المهر ما ينعطى الا عقب عقد القران وانتي الله يهديج
جهزتي كل شي قبل لا تعرفين القرار الاخير ف هالموضوع ، ع العموم لو لج
نصيب وياه بتاخذينه والله يجدملج اللي فيه الخير

[شعاع امل]

صارت اختي .....اعرف عمانيه رفضوها زوجها بالشرطه ......بس زوجها كان يريدها غصب عن الجميع وسوى المستحيل ليييييييين ماخذها ووافقوا بالغصب........!!!!

فهو رجال اختي يدبر عمره اذا كان يقدر .....العمانيه كان زوجها مواطن وامه هنديه وعائلتهم عاديه بس يشتغل في الشرطه ولكن حاول لييين مانحج


بس احذرك اختي سواء في مسالة الزواج واي ماساله اخرى والزواج مهم

لازم الشخص هو الطالب يدور مب انتي ......صح تساعدينه وتسالين بس يكون انتي متاكده انه يسعى .......مب انتي تسالين وهو نايم .....

لان في اشياء تعلمتها واغلب مشاكلي في الحياه اني من طرف واحد!!! فالحين اذا حد مايسال عني ماسال عنه مب عشان شي بس المشاكل!!

[جويج السعوديه]

بس بنات تهقون ديوان الحاكم او ولي العهد اذا راحلهم يوافقون ؟؟؟
انا قاعده ادور حلول وهو بعد يدور حلول حتى قال اذا مالقينا حل ابي استقيل بس قلت اصبر
حنا ماكنا نعرف من الاول لازم موافقه ع بالنا شي عادي

[جويج السعوديه]

وربي كلامك ريحني الله يريحك دنيا واخره

[طيبة*قلب]

هلا ببنت عمي

اعرف ثنتين سعوديات خذوا عسكرين
واحد ضابط والثاني بعد

خلي زوجك يحاول

بس الثنتين سعوديات اصل وفصل من جهه الام والاب
اذا كنتي زيهم خليه يوريهم انك سعوديه اصل وفصل

واللي يكتبه ربي اعرفه فيه خير

[طيبة*قلب]

لا مو شئ عادي الله يهديه كان سال قبل لايتقدم

ان شاءالله تبشرينا وان شاء الله تطلعون معاي بالشارقة

[جويج السعوديه]

هلا فيك ي الغلا..
اي سعوديه اصل وفصل من جهة الام والاب الحمدلله..
بس فديتك تقدرين تسالين البنات كيف قدموا بالضبط يعني راح لديوان ولا كيف ياليت تفيديني اكثر الله يسعدك
وان شاءالله ابشركم بزواجي واشوفك ي طيبة قلب ونصير صديقات..

[ام حمده 77]

هو عسكري واكيد يعرف القانون
المفروض يطلع الموافقة بعدين تجهيزي للعرس

انا عندي ريال من قرابي بالعسكرية رتبة عالية

ويبغي يخطب وحدة سعودية من سنتين يحاول يحصل الموافقة

وطبعن اذا تفنش دراسته و مستقبله بيضيع

ولين اليوم ينتظر

الله ييسر اﻻمور

[لحنْ #]

صحيح اختي ، كيف مهر وتجهيز قبل كتب الكتاب ، شو بنقول بعد
الله يسهل امورج

[ورقة ناعمة]

الله يوفقج اختى خليه يحاول او يعقد عليج برع الامارات يمكن يوافقون عقب ,,,,

[uae girl22]

ماعتقد يستوي وهاي شغلته هو يدور الحل اختي مب شغلتج انتي واذا استقال من شغله عشانج هل تتوقعين بيحصل شغل بسهوله؟؟

هو عسكري واكيد يعرف هالشي من قبل ما يتقدملج فكان لازم من البدايه يشوف حل

خليه يحاول وياهم كم مره واذا لج نصيب وياه الله بيسر... واذا ما استوى ماتعلمين يمكن يكون خير حقج وحقه

والله ايسر امركم

[munamoor]

يروح برزة الشيخ محمد بن زايد ( بو خالد )
و إن شاء الله يحصل الموافقة منه ،،،
موفقة عزيزتي ،،، على فكرة اذا كنتوا من نفس القبيلة و العشيرة
ما راح يطول الموضوع

[أم شيوومة]

هلا اختي خليه يكلم كبار الي فدوام عنده ان شاءالله بيوافقون انا حد من قرايبنا نفس الشي خطب وحدة خليجية هو نفس خطيبج البداية ماوافقو سار عندهم ثاني مرة عقبها وافقو بس جنه يعطونه مدة لازم يعرس أظن ثلاث الشهور
وبعد مثل ما قالت الاخت لو من اهلج او قبيلتج الموضوع ما بيطول
موفقة اختي

[jumana]

معروف العسكريين ماياخذون من برع ...بس خله يحاول وان شاء الله يارب تتيسر أموركم يارب