مطلقة .... واحلم بالزواج

[angel.heart]

مسا الخير جميعا


عزيزاتي ... بطرح لكم قصتي واتمنى منكم مشاركتي الراي من ذوات الخبرة والمشورة واللي مرت عليهن بحياتهن مثل هاي القصه..



انا مطلقة من 6 سنوات وعندي ولدين الله يحفظهم ويحميهم عمري 32 سنة ( سبب طلاقي قصه ثانية لو اقولها بتستوي فلم تركي ) المهم سبب الطلاق كان مشاكل مالها حل وعدم انسجام وتفاهم بيني وبين طليقي الله يهديه ...

من تطلقت وانا انخطب ولله الحمد رفضت طبعا لاني كنت كارهه الزواج خير شر ويتني عقدة من الزواج مرة ثانية وهذا بسبب اللي عانيته مع طليقي

اشتغلت وكملت دراستي واعتمدت عنفسي وتمكنت من تكوين شخصية كانت معدمه 10 سنين

خطبني المتزوج والاعزب والمطلق كنت ارفض وارفض وخصوصا المتزوج لاني ماحب اشارك رجل مع حرمته واخاف انها تدعي علي

ماكنت مقتنعه ابداااا اكون زوجة ثانية

بحكم شغلي كانت لي اتصالات مع ناس وايد وبمؤسسات حكومية وخاصة , تعرفت فيها على شخص كان بينا شغل وتواصل دائم لين حسيت بانجذاب وراحة تجاهه , حسيته عاقل وفاهم امور الدنيا بالرغم من صغر سنه , يعني عقله اكبر من عمره , وفي يوم من الايام عرض علي الزواج وانا بعدني ماعرف عنه شي سالته عدة اساله عن شغله وحياته واهله وكل شي ...

الزواج بالنسبة لي كان تجربة مخيفة الخوف من تكرار الفشل .. قلتله عطني وقت افكر

وعرفت وتوقعت رفض اهله وخبرته هالشي ... بحكم اننه اعزب وكان خاطب قبل وفسخ خطبته وانا مطلقة وام عيال

رد علي هذي حياتي وهذا قراري وانا مقتنع فيج وابيج زوجة

رفضو اهله هالزواج وكنت متوقعه هالشي من البداية وهو مصر عقراراه بعم الزواج من اي وحده ثانيه غيري , علاقتنا استمرت انا اقتنعت اننه لو في نصيب لهاشخص محد بيرده , صبرت وتوكلت ودعيت ربي اننه لو فيه خير الله يجدمه ولو فيه شر لي الله يبعده ,

مع الايام اكتشفت اننه اصغر مني بسنتين ,, هالشي صدمني وجرحني وقررت اتركه , قلتله جذبت علي والله العالم بشو جذبت بعد ,, قال يخفت ترفضيني من البدايه فخبيت عنج عمري ,,, وانا بصراحه من عرفته احسه اعقل مني بواااااايد بتصرفاته بكثير من المواقف بحياتي..


احبه وصرت ماتخيل حياتي من دونه ... تواصلت معاي اخته وتعرفت علي اكثر وهي انسانه جدا متفهمه وعاقله وخبرتني اننه اهله كلهم موافقين ومفتنعين بقرار ولدهم الا الوالد الله يحفظه رافضني بشكل كبييير والسبب مب لاني مطلقة


لانه يبغي ولده ياخذ وحده من قرايبه , صارحته لو هذي رغبة ابوك الله يسهل امورك وتوكل على الله , صح انجرحت وانكسرت بس مارح افرض نفسي اكثر , وهو رااافض ويبغيني وانا خلاص يأست واحس انني مارح اقدر ارتبط فيه وشلت فكرة الزواج من بالي خلااااص


مع اننه كان اول شخص افكر ارتبط فيه واحقق معاه حلمي بالزواج

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عساك تبقى لي]

ان كان لج نصيب أختي أن شاء الله ..الله بيسر أموركم
الله يفرجها عليج أختي ويرزقج بالزوج الصالح اللي يعوضج خير

[لحنْ #]

صحيح ، توكلي ع الله
لا تخلطين معاه وايد ولا تحسسيه انج بتموتي بدونه
عودي نفسج وحطي ف بالج فكره ، اذا ماصار نصيب مابيصيرلي شي بدونه
خبريه اقنع الوالد لو تبيني ، وتعرف وين بابي
ماقتنع الوالد الله يسهل لك ويسهلي
وربي يكتب لج الخير حبيبتي
لكن قبل كل شي اختي # اولادج كيف ؟
هل بتتخلين عنهم لو تزوجتي هل بيقبلون بانج تتزوجين شخص غير والدهم
يعني برايي ك ام لازم تفكرين باولادج قبل نفسج حتى
اذا نفسيتهم اوك ومتقبلين توكلي ع الله لو الوالد وافق وصار النصيب
لو نفسيتهم مب اوك مانصحج ، ولا تقولين باجر يكبرون ويفهمون بالعكس
بياخدون عنج نظره سيئه ويمكن يبعدون عنج ..
حبيت انصحج مب اكثر لان مايبتي طاري اولادج
موفقه عزيزتي .

[غرنوق]

ان كان لج نصيب أختي أن شاء الله ..الله بيسر أموركم
الله يفرجها عليج أختي ويرزقج بالزوج الصالح اللي يعوضج خير

[angel.heart]

مشكورين خواتي عالدعوة الطيبة


الاولاد ماعندي مشكلة لو تزوجت لانهم تقبلو فكرة الطلاق والانفصال والحمدلله مو مأثر عليهم ابد

لا ما حسسته انني ميته عليه بالعكس اقنعته انه الدنيا قسمة ونصيب وكل حي بياخذ نصيبه



صعب شعور الوحده جداااا صعب
افكر بعيالي دوووم بس بعد افكر بنفسي من حقي اعيش حياة حلمت فيها وايد وبكل بساطه انني ارتبط واستقر واكون عايلة مره ثانيه

[غلآ نفسي]

حبوبه انتي من حقج تعيشين

وانا معاج الوحده تذبح وتقتل

انا ريلي مداوم يرجع الويكند احس بوحده واموت مليون مره

فما بال انتي ومن حقج

دامه هو مصر ويباج صلي الاستخاره وتوكلي

وانتي ماشالله مب فاره عمرج عليه بس بعد لا تخالطينه وايد صار نصيب صار ما صار الله يحفظه

بالتوفيق حبوبه

اتمنى تعرسين قريب

[munamoor]

حرمة ولد خالي الله يوفقها عيالها قالوا لها عرسي يا أمي من بعد خمس سنوات
من بعد وفاة المغفور له بإذن الله ولد خالي ،،، و عادي عرست و سكنت في البيت
الي بناه ولد خالي ،،، كلنا رضينا لانها شابة و كان عمرها يوم عرست 16 يعني صغيرة
فما حبينا نظلمها ،،،


صلي الاستخارة ،،،، ما خاب من استخار ،،، موفقة غاليتي

[angel.heart]

حبوبه انتي من حقج تعيشين

وانا معاج الوحده تذبح وتقتل

انا ريلي مداوم يرجع الويكند احس بوحده واموت مليون مره

فما بال انتي ومن حقج

دامه هو مصر ويباج صلي الاستخاره وتوكلي

وانتي ماشالله مب فاره عمرج عليه بس بعد لا تخالطينه وايد صار نصيب صار ما صار الله يحفظه

بالتوفيق حبوبه

اتمنى تعرسين قريب

الله يخليكم لبعض ويسعدكم يااارب

تسلمين حبيبتي عالدعوة

[angel.heart]

حرمة ولد خالي الله يوفقها عيالها قالوا لها عرسي يا أمي من بعد خمس سنوات
من بعد وفاة المغفور له بإذن الله ولد خالي ،،، و عادي عرست و سكنت في البيت
الي بناه ولد خالي ،،، كلنا رضينا لانها شابة و كان عمرها يوم عرست 16 يعني صغيرة
فما حبينا نظلمها ،،،


صلي الاستخارة ،،،، ما خاب من استخار ،،، موفقة غاليتي

اثلجتي صدري

مشكووورة عمرورج الطيب

[ليندااااا]

الدنيا قسمة ونصيب وكل حي بياخذ نصيبه

[A+k]

لازم رضا الوالدين اذا ابوه هب راضي لاترتبطين فيه.

[شموخ النفوس]

الدنيا قسمة ونصيب وكل حي بياخذ نصيبه

الزبدة
رفعت الاقلام و جفت الصحف

[احلى بعفويتي]

حبيبتي هو ريال يباج بيي يخطبج من عند اهلج حتى لو ابو مب راضي بس هالخطوه تبين جديته

اذا ابوه يبا وحده من قرايبه اتركيه ترى والله الرياييل بس كلام في الحب بس من تستوين حرمته يستوي اسباني مثله مثل كل الاسبانين و لا يفرق بشي .. بيعيش انه عزابي و انتي الي متزوجه

من تجربتي الخاصه اقولج اهله موب راضين بتتعبين وانتي موب اقل من اي وحده اللهم الطلاق سبب مر عليج وخلاص

لو يباج بيصر عليج و بتم يحنحن على ابوه لو سنه وبيبه ياخذج

اعرف وحده خذت واحد امه موب راضيه .. ابوه خطب البنت حقه بس امه ما يت و طرشت حد من بناته و سوت مشكله بس الولد بار بامه ودوم عندها بس لين احينا ما راحت مرته بيت ابوه لان امه موب راضيه بس والله عايشين ويحبها و كل شي
وموب مقصر بامه بس عاد العيايز مناجر بعد


اقولج اقطعي علاقتج فيه واذا صدق يباج بيسوي شي وبتلحلح

[Ward-uae]

يعني عمره 30 مب ياهل وعقله براسه
انتي استخيري وتوكلي على الله هو اللي بيسر الامور اما عن ابوه الرياييل سهل يتقبلون عكس الحريم راسهم يابس
وفكري بعيالج لانه بتسقط الحضانه عنج وامني مستقبلهم وانهم على الاقل يكونون مع امج

[jameela200]

الله يفرج عليج حبيبتي
استخيري .. وتوكلي ..