تقاعد المراة بعد 50 سنه

[علوكه]

السلام عليكم خواتي العزيزات ...
حبيبت اشارك وياكم في موضوع محيرني واتمنى يوصل صوتي وابا تفاعلكم معي .. انا موظفة اعمل في مؤسسه حكوميه وقانون التقاعد فيه ان يجب ان تكمل الموظفة 20 سنة عمل بشرط ان يكون عمرها 50سنه يعني تكون قضت فيها كل طاقتها وظلمت اهلها وزوجها وعيالها وفي فئة من الموظفات كان تعيينهن في عمر صغير يعني يوم تكمل الموظفة 20 سنه في العمل يكون عمرها في حدود 38 سنه يعني لازم تكرف بعد 11 ولا 12سنه هذا اذا ما ماتت في هالفتره .... في من الناس قالوا استقيلي بس الوحده يوم تكون متعوده على الراتب 18 ولا 20 سنه صعب فجاة تستقيل وتنتظر المعونات من زوجها ولا ابوها .. طول بعمار شيوخنا يارب وهم دايما يسعوون بما فيه الخير لنا ... نتمنى بس يتغير القانون ما يكون متقيد في العمر تعبا ويعالنا تعبوا وتحصيلهم الدراسي والدرجات في نزول... علما في فئة من هلحالات يحملن الشهادات الثانويه ورواتب ضعيفة ..

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[احلى بعفويتي]

ماعرف احس يبالهم تغير وجهه النظر

بس اذا انتي تعبانه في بيتج و يا عيالج
دشي سنه جمعيه بمبلغ حلو
عقب استقيلي وخلهم يولون

[بنت الملحم]

كيف جي اول مرة اعرف
انا مش موظفة بس حرام الوحدة تخلص عشرين سنة وما يحقلها تتقاعد الا بعمر الخمسين
لو انا اشتغل والله ما بكمل وبستقيل على طول
الله يعين

[شعاع امل]

انا اشجع التقاعد المبكر ... بس هم عشان يدفعون راتب التقاعد اتصور ... فمايفضلون الواحد يوم يكبر في العمر يكون احسن له يتقاعد ... لهذا السبب في ناس اتجهوا للعمل في اعمال خاصه

عشان يتركون الوظيفه وروتين ويحصلون رواتب من شغلهم الخاص ...

بس التقاعد جميل يوم يوصل الواحد 30 سنه ......مب ضروري 50 او 60 بس المشكله الفلوس

[غرووب 22]

سبحان الله وبحمده سبحان لله العظيم

[مراسيل الوفاآ]

50 عند الأجانب يعني الوحده بعدها شباب

[الوردة الجورية]

وعليكم السلام والرحمة اختي


لين تنحل هذي القضية

ممكن تطلبين نقل مكان العمل إلى مكان ساعات العمل فيه اقل عشان ترجعين البيت من وقت ترتاحين شوي قبل اليهال ما يرجعون من المدارس و تتفرغين لهم اكثر

وقبل النوم سبحي و حمدي وهللي والله يعطيج القوّة

[صفوويه]

انا احس التقاعد مب اجباري
واعرف وايد حريم يداومن واعمارهن ماشااء الله وخبرتهن فوق ال20 سنه

وياختي اذا تحاتين عيالج ترى حتى لو داومتي 15 سنه او 10 سنين وتقاعدتي بيكونون عيالج خلاص كبروا ويلستج فالبيت مالها فايده غير الملل

[jameela200]

وعليكم السلام والرحمة اختي


لين تنحل هذي القضية

ممكن تطلبين نقل مكان العمل إلى مكان ساعات العمل فيه اقل عشان ترجعين البيت من وقت ترتاحين شوي قبل اليهال ما يرجعون من المدارس و تتفرغين لهم اكثر

وقبل النوم سبحي و حمدي وهللي والله يعطيج القوّة

وايد ركزت على سبحي وحمدي وكبري قبل النوم تذكرت ان هالذكر بيعيني ثاني يوم على كل شي سبحان الله ...
انا من سمعت بهالموضوع فكرت وايد شو اسوي عسب يوم اتقاعد بعد 20 سنة ما اتريا 10 سنوات عسب احصل التقاعد لا ..
اسوي جمعية واحط هالمبلغ في البنك لين ما اتقاعد ... واصرف على نفسي مرتاحة لين 10 سنوات ...
انا يوم بتقاعد ان شاء الله بيكون عمري 42 سنة ان شاء الله وولدي 10 سنوات ... ان شاء الله بتفرغ لعيالي ..
وهم صغينونين

[Jawharah]

50 عند الأجانب يعني الوحده بعدها شباب

بعض الدول سن القاعد 60 أو خدمة 25 سنة

[dnyailwalah]

للحين ماتعير القانون ؟؟؟؟

[همس البحوور]

أنا معاج مليون بالمائة كان يصح التعبير لأن فعلا أديت اللي عليه واللي هم 20 سنة عمل واجتزتهم فمايخص العمر بالموضوع أحسه شي مب منطقي يوم دخلت على وظيفتي ماعطوا تحديد العمر بال أو ماعطوا أهمية لعمري فليش يوم أطلع يكون عمري الأساس في التقاعد من وجهة نظري لازم يراجعون هالموضوع وخاصة إن المرأة تتعب وايد ، دورها وشغلها في الوظيفة والبيت يعني طول يومها وهي تكرف مثل الآلة فنرجو مراعاة ذلك وبصراحة أنا أشوف 15 سنة عمل كافية للتقاعد ومنها نعطي الفرصة لغيرنا بالحصول على وظيفة فعلا الوحده تخلص عشرين سنة وحتى لو عمرها صغير تحس إنها عيوووووز وهلكااانة لأن بيت وحمل وعيال وتربية ودراسة وفوق ها زوج ومقابل ومسؤوليات بالإضافة للوظيفة شيوخنا مايقصرون وبيدهم القرار اللي يحقق لنا السعادة في دولة السعادة

[همس البحوور]

حتى لو عيالي كبروا وجودي بالبيت وتنظيمي وإدارتي له بحد ذاته يعطي دافع للعيال يتوجهون صح في جميع الأمور ومب معناته يلست في البيت خلاص ملل بل بالعكس بمارس هواياتي من طبخ وقراءة ورياضة وغيره لأن الوحده بعد لازم تشوف عمرها ومن حقها وممكن تكمل دراسة لأن الدين وصانا بالتعلم لنهاية عمرنا وممكن لها والدين كبار في السن أهملتهم وقت عملها وهم اللي اهتموا بعيالها فصغرهم فهي من تتقاعد بتقابل والدينها وتحاول ترد الجميل وتكسب برهم ، من وجهة نظري إن بيدينا نخلق الملل وبيدينا نقدر نقتله

[همس البحوور]

وبالنسبة للمقارنة مع الدول الغربية خواتي لاتقارنون التفكك الأسري واضح عندهم بشكل كبيرومايهمهم لكن نحن دينا يهتم يتواصلنا وتقاربنا والأم هي الركيزة الأساسية في البيت ونور البيت أصلا واشتغلت فشبابها علشان توفر الحياة الرغيدة لأبناءها فمن حقها تريح بعد ماكبرتهم وربتهم وبعدين احنا مسلمين ولنا عبادات وعادات وأجواء جدا مختلفة عنهم وإلا لو مثل ماقلتوا تشتغل الحرمة عندهم لعمر الستين كان عندنا وافقوا على بنات بعدهم بالثلاثين ويقولج والله العمر يمكن ماتحصلين وظيفة إذا من وجهة نظر البعض لاتقبل وحده للوظيفة بعمر الثلاثين عيل من الأولى تتقاعد قبل الأربعين بما إنها توظفت صغيرة

تفاعلت لأني حبيت موضوعج

[وجدان الفجر]

أنا معاج مليون بالمائة كان يصح التعبير لأن فعلا أديت اللي عليه واللي هم 20 سنة عمل واجتزتهم فمايخص العمر بالموضوع أحسه شي مب منطقي يوم دخلت على وظيفتي ماعطوا تحديد العمر بال أو ماعطوا أهمية لعمري فليش يوم أطلع يكون عمري الأساس في التقاعد من وجهة نظري لازم يراجعون هالموضوع وخاصة إن المرأة تتعب وايد ، دورها وشغلها في الوظيفة والبيت يعني طول يومها وهي تكرف مثل الآلة فنرجو مراعاة ذلك وبصراحة أنا أشوف 15 سنة عمل كافية للتقاعد ومنها نعطي الفرصة لغيرنا بالحصول على وظيفة فعلا الوحده تخلص عشرين سنة وحتى لو عمرها صغير تحس إنها عيوووووز وهلكااانة لأن بيت وحمل وعيال وتربية ودراسة وفوق ها زوج ومقابل ومسؤوليات بالإضافة للوظيفة شيوخنا مايقصرون وبيدهم القرار اللي يحقق لنا السعادة في دولة السعادة