اختي الصغيره وايد ضعيفه فالدراسه تعبنا وياها بليزززز ابا حل

[دم وردي]

السلام عليكم

اختي صف ثالث ابتدائي و مستواها الدراسي وايد ضعيف مثلا الاملاء شوي تحسنت
بس القراءه زيرووو و الرياضيات والعلوم

يعني ترد من المدرسه و نوديها عند مدرسه خصوصيه تذاكر وياها كل المواد و ترد البيت اذاكر وياها واحفظها و جي

بس في المدرسه يوم اشوف كتبها كله مكتوب بالاحمر

الخلل مب في المدرسه بس الخلل فيها ماتركز ابدا و تقول مااحب المدرسه و مااحب اذاكر طلعوني من المدرسه ابي العب
لما اذاكر معاها سرحانه ومافي تركيز اعيد الشي معاها مليون مره مافي فايده وتقول ماعرف
وهالشي مب وراثه يعني نحن الحمدلله كلنا كنا شطار ايام المدرسه و نطلع من الاوائل وهاي تنجح غصب

ياريت الي عندها حل او نصيحه تعطيني

المزيد من آخر المواضيع من نفس القسم:

• مادة تربية جنسية
• اعادة ثانوية العامة في الامارات
• اتمنى لجيمع الطلاب التوفيق في الامتحانات...
• معلمة فلسطينية
• بنات ساعدوني هل اقدر أعيد ثانوية العامة ؟
• اعادة ثانوية العامة في الامارات
• ادور على مدرسة
• أسويلكم بحوث تقارير وغيره
• ايش رأيكم في مدرسة الدوحة؟
• بحوثات وتقارير

[ام عنوده]

الله يدلج انشالله للحل اعتقد عند التنميه البشريه في شي من هذا النوع من فهم نفسيات الطلاب

[fatima.aljundi]

اختي انا مدرسة صعوبات تعلم وتشتت ادرس عندي بالبيت لو تحبين ممكن اساعدك اتواصلي معي على الخاص وشكراً

[الذكية]

مرحبا اختي فاطمة الجندي انتي من اي امارة ابغي اتواصل معاج عشان ولدي في الكي جي

[mayat]

الله يصلح حالها

[الذكية]

اها انتي من العين صعب انا من عجمان

[العين الجميلة]

السلام عليكم اختي
ما دام هي حابة اللعب اكثر من الدراسة ليش مثلا ما تدمجيج اللعب مع الدراسة يعني مثلا عن طريق النت في حاجات مثل هيك
مثلا تعلم الرياضيات بطرق مرحة
او مثلا تشجعيها تقوليلها لو اخذت مثلا علامة كويسة في هذه المادة اشتريلك اللعبة الي اتحبيها او اروح انا وانت مدينة الملاهي او اسيبك تلعبي مع صديقاتك

[أم سيف و سارة]

أنا عيالي يقولون لي ماما ما نحب المدرسه
بس أنا أرد عليهم مب ﻻزم تحبونها أهم شي تدرسون و تشاركون مع المعلمة و تيبون علامات زينه و إﻻ مافي هدايا و بابا ما رح يسوي لكم اي شي تبونه
تبون تطلعون و العاب و مادري شو ؟ ادرسوا
و بعدها يخظعون لسلطتي انهاهاهاها 8
بالعين الحمره ماشيين

[هادئة الروح]

صح لسانك

[شعاع امل]

بس مثل ماقالت احدى الاخوات انك تندمجين اللعب مع الدراسه .... وهي تروح لبيت معلمه تاكدي ان المعلمه تعلمها .... وفي البيت حاولي تشترين لها

العاب تعليميه .. لاب توب تعليمي مال الاطفال هي الحين صف ثالث صغيره بعدين تتازم ... مفروض توصل الخامس وهي تعرف تحسب الاساسيات الاملاء يكون

جيد ....

وثاني شي اختي العين الحمرا اذا ماتقدرين تضربينها خلي امك او اي حد يشد عليها او المدرسات خبريهم ..... عشان مايصير بعدين البنت تتشتت

ويوم تكبر بتحس ان البنات ثانيات ا حسن عنها وهي ماتفهم

وبتغار ومشكله بعدين بتلومكم ........!!!

رغم ان في ناس وهم كبار يتحسنون من نفوسهم

[Jawharah]

نفس حالة بنت ربيعتي صف ثاني تحب اللعب حصلت مدرسة خبرة تدرسها بطريقة اللعب وتسويلها مسابقات وتشتريلها هدايا استوت تحب الدراسة ماشاء الله انتقلت من مستوي Dلمستوى A

[الوردة الجورية]

نظمي وقتها بحيث يكون لها وقت راحة و وقت لعب

مسكينة ترد من المدرسة لمدرسة خصوصي وعقب انتي بعد تدرسينها!!
... مسكينة اكيد بتكره الدراسة

بعد ماترجع من المدرسة المفروض تتسبح وتتغدا وترتاح شوي عقب درسوها احسن في البيت، خلى المدرسة الخصوصية بنفسها تي البيت او تغيرونها اذا البنت ماتحسنت ممكن ماتستفيد منها بشكل صح
من تخلص مع المدرسة وتكون كملت واجباتها خلاص تركيها تلعب.. من حقها تلعب
لما يكون جدولها " عادل لها" بتتقبل نفسياً العلم والتعلم

[أم زمرده]

اللهم صل وسلم على سيدنا محمد في الأولين وفي الآخرين، وفي كل وقت وحين، وفي الملأ الأعلى إلى يوم الدين

[الانسة الصغيرة]

فيه مواقع تعليمه حلوة وايد خل تلعب عليها
وشجعيها مثلا تشترين لها لاب توب آخر السنه أو ايباد شي تحبه بس ابعدي عن الفون

[الانسة الصغيرة]

اختي الغاليه حبيت افيدج بكذا نقطه
اول شي المدرسة لازم تروحين مدرستها وتاخذين ارقام المدرسات عشان فيه تواصل بينكم وتعرفين اذا المستوى تغير إليها هي توعد معلماتها بالتغيير للافضل بس يكون فيه اتفاق بين وبينها قبل لا تروحين مدرستها عشان ما تنصدم وتنتظرج واوعقب كافئيها بشي بسيط
ثاني شي غيري معلمه التقوية والأفضل معلمه اتييكم البيت وانتي تشوفينها أو حد من العايله يشرف

حاولي تدروين أوراق عمل جاهزة من النت واطبعيها خليها تسوي نشاط للمعلمات عشان تحببينها في السكول إذا فيه مناسبه أعزمي ربيعاتها البيت عصرونيه خفيفه عشان تحب زميلاتها ترتبط فيهن وتحب تسير مدرستها اتمنى افدتج