تجربتي مع خلطة ماسك الجرجير والصبار .. حل مثالي لتساقط الشعر !!!

[Fa.R]

السلام عليكم ورحمة الله وبركاته


مرحبا خواتي الغاليات ، من كمن يوم سويتلي خلطة ماسك الجرجير والصبار
حلوووة وايد وسهلة

طبعاً يتني فترة أهملت شعرية ومن الناحية الثانية مهتمة في جسمي وايد
وياني هوس عالتنظيف والتفتيح

المهم ...

سمعت عن هالماسك وشفت التاجرات يسوونه بعد وقلت بسويييه وما يكلفني واااايد
بس اللهم أحتاي المكونات وبس .. طبعاً ترومون تستخدمون زيوت ثانية على هواكم
مثل زيت فيتامين اي أو الخروع .. أنا كنت أبا أضيف الخروع بس خلص عندي

{فوايدها روووعة خصوصاً الصبار فوايده عظيمة وعناصره عدة مثل الفيتامينات ، والمعادن مثل الصوديوم والمغنسيوم والبروتينات والأحماض الأمينية والزنك، طبعاً فايدة الخلطة تقوي البصيلات، وتخفف التساقط، وتغذي الشعر وتعطيه حيوية وجمال ولمعان ونعومة وغير فوايد زيت الحبة السودة اللي بنستخدمها فالخلطة}

المكونات:

صبار الطويل - ربطة جرجير - زيت الزيتون - زيت الحبة السودة - زيت اللوز المر - حلبة
- عصرة ليمون


طريقة عمل الماسك:

تقصين لج ثلاث أو أربع من الصبار وتغسلينهم عدل
وعقب قطعيه قطع قطع في ناس يحبون يطلعون الجل ماله بس
عني أنا عقيته كله فالخلاط هههههه

وعقبها قصيت ربطة الجرجير وضفت زيت الزيتون
وعقبها زيت الحبة السودة و زيت اللوز المر وفورت الحلبة
وعقبها حطيت كل هالمكونات فالخلاطة ومع عصرة ليمون

على فكرة فالبداية يمكن الخلاطة ما بتخلط بتقولين يباله ماي بس أنا أقولج
يباله زيوت يعني ضيفي الزيوت المذكورة زيادة وبس


صح شيء ناس تبا فايدة زيادة مثلا يحطون زيت الثوم أو فص ثوم صغيرة
أنا عني ماحطيت لأن ريحة الثوم تعلق فالشعر لفترة طويلة وهاي تجربتي عاد
ماعرف كيف شعوركم

وبعد ترومون تضيفون أفوكادو فوايده روووعة وللأسف ماكان متوفر عندي
فقلت المرة الياية بضيفه في خلطتية

ونفس الشيء ترومون تضيفون خلاصة البابونج يعطيج لمعة للشعر

على فكرة الليمون اللي الي استخدمناه زين للقشرة ومضاد للأكسدة
فـ عادي بتحسوون بحجة شوي

عقبها تحطون الخلطة في أي علبة بلاستيك أو غرشة زجاج وتخلونها فالثلاجة واليوم الثاني استخدميها
على شعرج وخليه لمدة 3 ساعات عني أنا رقدت فيه
لأن فيه زيووت قلت أبا شعري يتشربه وبس والله هاي الخلطة الجميلة


ها الشكل النهائي للخلطة اللي سويتها شوفن لونها كيف

واسمحلي ماصورت الطريقة بالتفصيل بس بإذن الله بصور قريب



أنا ما أبدع إلا يوم أكون عند يدتية ههههههه

،


إن شاء الله أكون افدتكن حبيبات البي

المزيد من آخر المواضيع من نفس القسم:

• خلطة عصير البصل السحرية لتطويل الشعر حصري
• طريقة استخدام المايونيز لترطيب الشعر
• ابرز فوائد بذور الكتان للشعر
• طريقة عمل شامبو طبيعي للعناية بالشعر الجاف...
• افضل خلطة طبيعية لعلاج قشرة الشعر نهائيا
• افضل خلطات زيت الارغان الفعالة للعناية بالشعر
• ماسك طبيعي لترطيب وتغذية الشعر الجاف حصري
• خلطة البيض والزبادي لاستعادة صحة وجمال الشعر...
• 3 أسباب تجعل زيت جوز الهند معجزة للشعر حصري
• 6 أسباب تجعل زيت الزيتون رائعًا لشعرك حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[munamoor]

السلام عليكم ورحمة الله و بركاته
ما شاء الله تبارك الرحمن غناتي فاطمة
منورة القسم ،،،، عيبتنيه الخلطة بس عاد المشكلة الي شعرها
دهني ينفع لها هالخلطة و الا لا ?
هاتي منه شوي حق لطوفه بنتي بجربه على شعرها ،،،

[Fa.R]

السلام عليكم ورحمة الله و بركاته
ما شاء الله تبارك الرحمن غناتي فاطمة
منورة القسم ،،،، عيبتنيه الخلطة بس عاد المشكلة الي شعرها
دهني ينفع لها هالخلطة و الا لا ?
هاتي منه شوي حق لطوفه بنتي بجربه على شعرها ،،،

وعليكم السلام ورحمة الله وبركاته

النور نورج حبيبتي ، يناسب طبعاً بس حطيه ع شعر نظيف مغسول
، سويييلج وعن العيازة

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[أبل7]

يزززاج الله خير على هالماسك العجيب

[Fa.R]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

يزاج الله خير عالتذكير ، منورة

[Fa.R]

يزززاج الله خير على هالماسك العجيب

آمين ويجزيج يارب ...

هيه والله الماسك وايد عجيب أمس حطيته ع شعري
ومستوي ناااااااااعم وايد

[شعاع امل]

هلا اختي فاطمه يعني ينفع حق الشعر الجاف المتقصف .....من وين اختي احصل صبار في العين!!!

[senyrita]

مشكوووورة

[الوردة الجورية]

وعليكم السلام والرحمة فاطمة


الصراحة شجعتيني اجربه جزاج الله خير

اشوف وايد يطرونه في الانستجرام

[+حلوه موت+]

جريت هالماسك جفف شعري واايد افضل شي تقصون صبار فرش وفركون جذور وشعر بيستوي شعر ينعمه وينبت الشعر

[Fa.R]

هلا اختي فاطمه يعني ينفع حق الشعر الجاف المتقصف .....من وين اختي احصل صبار في العين!!!

ينفع حبيبتي بس أهم شيء تحطين هالزيووت
بتحصلينه من أي مشتل أنا يبته من ييرانا

[Fa.R]

مشكوووورة

العفو حبيبتي ، مرحبابج

[Fa.R]

وعليكم السلام والرحمة فاطمة


الصراحة شجعتيني اجربه جزاج الله خير

اشوف وايد يطرونه في الانستجرام

هيه صدقتي الكل يطريه وعاد التاجرات يبيعنه بعد
بس أنا حبيت أسويه بروحي وحطيت هالزيوت
والحمدلله ^^


جربيه يستاهل

[Fa.R]

جريت هالماسك جفف شعري واايد افضل شي تقصون صبار فرش وفركون جذور وشعر بيستوي شعر ينعمه وينبت الشعر

بدون زيوت ما ينفع عسب جي حطيت زيوت وياه

موفقة :*