خايفه وايد

[ذكرى جميلة]

السلام عليكم ورحمة الله وبركاته ..أنا حامل الحين ف الاسبوع الثامن عشر واول حمل لي ... اللي صارلي اني اعالج عند دكورة قلب عشان دقات قلبي مرتفعه وايد فوق وقالت بتعطيني حبوب بس بعد ماكمل 14 اسبوع .. المهم يوم كملت 14 اسبوع خذته اسمه " لابيتالول" هو ياخذونه بعد اللي يرتفع الضغط عدهم .. المهم من ذاك ليوم وانا اوسوس وخايفه وايد وكله احس اني بيب ولد مشوه لنه كل حد يشوفني يقولي مايصير تاخذين ادويه ونتي حامل .. وغير جيه من اسبوع تقريبا ياني اسهال فضيع وزواع .. ورحت الطواري ف عياده خاصه حطولي مغذي ودواء عن الزواع عبر الوريد .. وبعدها كتبلي الدكتورة دوا وقلتلها عادي للحامل قالت هيه اسمه " فلاجيل 400" هو عباره عن مضاد حيوي .. ونفس الشي خذت الدوا لنه الدكتورة طمنتني .. ويوم عرفت اختي قالتلي كيف تاخذين ادوية من مستشفات خاصه !! ويوم رحت اقرا. نشرة الدوا لقيت مكتوب انه مايصير نعطيه الحامل الا إذا كان ضروري جدا .. وعاد من ذاك اليوم وانا اوسوس ونفسيتي تعبانه وايد لدرجه اقول انيي بين ولد متخلف عقليا والله تعبت حتى مب قارده اروح اتشرا للبيبي .. اقول شيء بصيرله من الادوليه اللي خذتها .. التفكير ذبجني .. .. بليز اللي خذ هالادويه او عرف حد خذاهن يطمني ..وايد خايفه واحاتي واللي حاولي يزيدوني للاسف واتوتر اكثررررر تعبت .. وانا بروحي ماعرف شيء عن الحمل ..

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[[..دانــة..]]

محد بيفيدج هني روحي مستشفى موثوق وعند دكتورة زينه وتنشديها
خذي معاج كل الأدوية اللي استخدمتيها

والله يسهل عليج

[صرصوره]

حبيبتي دام الدكاتره عطوج ادويه فعرفي ان شاءالله ما بيضرج لا تيلسين توسوسين ع الفاضي وخلي عنج كلام الناس

[Like Star]

اختي لاتوسوسين كل دكتور يوصف الدوا عارف اضراراه
واهم شي الحمدالله انتي خذتي الدوا وانتي ف الرابع معديه مرحله تكون الجنين
وعفكره كل الادويه مكتوب عليها مضره للحامل لاكن في ادويه الدكاتره يكونون ادرى فيها حسب خبرتهم ويوصفونها لج
الله بتمملج ع خير يارب

[فوااغي 11]

حبيبتي انتي مريضه ومجبوره تاخذين الدوااا ولا بتخلين دقات قلبج مرتفعه وتأثر ع الياهل

حبيبتي وايد خربطنا فالحمل وخذنا ادويه وقعنا عليها ان مانحمل وصار الحمل ولا وسوسنا ولا حاتينا وكلنا امرنا لله كله رزق والحمدالله مافيهم شي كاملين والكمال لله
انتي هذا اول حمل لج عشان جذه تحاتيين وفي شي ماتعرفينه فالشهر السابع يسولج سونار يطلعلج كل شي تشوهات وكل شي فالجنين فلاتحاتين مول حبيبتي

[شهرزاد30]

مش شرط ادويه الخاص غلط! بعدين اقطعي الشك اختي و خبري دكتورتج و شوفي رايها بخصوص الادويه هاذي, انا صديقتي عندها مشكله في الغده و تاخذ حبوب الغده طول فتره الحمل و أحياناً يزيدولها الجرعه بعد لأنها اذا وقفتها خطر على البيبي

[غلاي ميمو]

مدام انج تحتاجين الدواء لصحتج فان شاء الله ما بيضرج لانه الدكاتره متخصصين ويعرفون شو يعطون كل مريض على قد حاجته و اكيد يعرفون انج حامل عشان جذه لا تحاتين وخوزي عنج هالافكار السيئة و توكلي على الله

[قصايد الهاملي]

فديتج ان شاء الله مافي شي هالوسواس طبييييعي انا عانيت من التهابات حاده في حملي وخذت ادويه ومضاد ومن عياده خاصه بس الحمدالله ربيت واللهم لك الحمد ولدي بخير وسهاله

[عنودان]

اختي اذا مب مرتاحة للادوية استشيري طبيب ثاني
واذا انتي تعبانة ومحتاجة للادوية اخذيها بعد استشارة الطبيب


الله يقومج بالسلامة

[أم زمرده]

اللهم صلِّ على مُحمّد وعلى آل مُحمّد، كما صليت على إبراهيم وعلى آل إبراهيم، وبارك على مُحمّد وعلى آل مُحمّد، كما باركت على إبراهيم وعلى آل إبراهيم، في العالمين إنك حميد مجيد