لا للمناسبات؟

[Emancita]

لازم يعرف انو في الشرع حرام عليه .الزوجة عباره عن كتلة مشاعر كلمه جميله واحده ترفع معنوياتها و تعطيها القوة والنشاط.وعدم الكلام يحطم معنوياتها.كلميه من ناحية ديننا حتى يعرف انو عليه واجبات. منها اشباع رغباتك الروحيه الي هي اهم من الرغبات الاخرى.انا بشد على ايدك من ناحية انو يجب ان يتكلم معك و تتناقشو في كل شي و يقضى اكبر وقت معك . الله يفرجها عليكي و على جميع المتزوجات .والله يكون بعونكم على ازواجكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[mrs.abk]

اللي تقول الزواج موب طلعات بقولها صادقة لكن الطلعات مع الزوج هي نص الزواج .. شو يعني أكون مربية وقاعدة في البيت مجابلة الطوف وهو موووول ساحب علي !! هل هذا زواج ؟؟

أنا جربت وضعج أول سنة ونص من زواجي بسبب شغل زوجي بالحسرة أسير مكان حتى العيادة ما أقدر والله إن سنة ونص يمكن رحت الجمعية مرتين

والحمد لله إني أداوم واللا كنت بنفجر من الملل .. بس مع الوقت زوجي تغير دوامه واستويت أعيش جو أفضل وهالشيء وايد


أختي في حالة زوجج مالج إلا تقنعينه إنج تطلعين مع حد من أخوانج .. ما بيطلعج لين اييب عيال ويكبرون ويحنون هم عليه ..

وبعد حاولي تسجلين في جم أو معهد وتطلعين من جو الكآبة شوي

[[..دانــة..]]

كلميييه وتفاهمي معااه
واذا الكلام والتفاهم ما فاد

ف ماعرف إن شاء الله اللي مرت في حالتج
تقدر تنصحج بطريقة تغييره للأفضل

[khaleejiya]

هل في فارق بالسن بينكم كبير؟؟ اكبر منج هو؟ كم عمره؟؟

[um YaSs]

ههههههه اللي قالت بييبلج ينسون ضحكتيني

حبوبه اغلللب الرياييل جي مايعرفون الرومانسيه وكل هالسوالف عندهم تافهه

انتي توج عروس ويبالج لين تتعودين وتعودينه عالشي اللي تبينه

ماعليج منه انتي سويله وفاجئييه حتى لو ما لقيتي أي ردة فعل

صدقيني مع الايام والسنين لو يت مناسبه وما سويتي فيها شي بيستغرب لانه بيكون متعود

دخلي النت طلعي فندق حلو في اماره ثانيه مثلا قوليله شو رايك نحجز فهالفندق ليله مثلا

واذا قال لا وماحب هالسوالف تدلعي عليه واضحكي والوي عليه مثلا قوليله حبيبي يالله عاد

خلنا نغير جووو .. واذا هو يقولج انتي نكديه غيري طبعج خلج بشوووشه كله مبتسمه

لان الوحده يوم تطلب شي من ريلها وهي مبتسمه غير عن يوم هي مبوزه خخخخخخ

وان شاءالله مع الايام يتغير بس صبري وحاولي

[أم لاكشمي]

اصبري فديتج ان شاء الله بيي يوم وبيتغير

[الوردة الجورية]

و عليكم السلام و رحمة الله و بركاته


في نقطة مهمة جداً جداً انتي بنفسج ذكرتيها
زوجج وصفج انج 24 ساعة مكتئبة!!!!!!! بالرغم انتي من داخلج تبين تفرفشين و تتنططين

ابتسمي في ويه زوجج!

صدقيني هذي أول خطوة خلى الإبتسامة على طول جدامه
خليه يرتاح نفسياً وقت يشوف ويهج

ثانياً انسي سوالف أعياد الميلاد و عيد الزواج حتى فكرة عيد الميلاد اصلها قربان عند الوثنيين الرومان يقدمونها كل سنة عشان ما تنأخذ روحهم!! فابعدي عن عادات الوثنيين..

خصصي يوم في الاسبوع لج انتي و زوجج بس، واتفقي معاه كلميه قولي له (أنا افتقدك.. أبا أعيش لحظات خاصة بروحنا أنا وأنت. خصص لي مرة في الاسبوع يوم لي.. أكون معاك في أي مكان أنا اشتهي وخاطري أروح له)

هذا اليوم ممكن يكون في البيت او برع البيت حسب اختيارج انتي

بعد لازم تراعين شخصية زوجج.. ممكن من النوع اللي مايحب الزحمة او الاماكن العامة فانتي راعي احاسيسه.. وابتدي تختارين الأماكن اللي تتناسب معاكم يعني اذا مطعم اختاري اللي فيه كابينات او غرف اذا هو مايحب حد يشوفج او من النوع المحافظ
وخلي طلعتج معاه خفيفة و قصيرة خاصة في البداية عشان يتشجع يستمر يطلعج كل اسبوع

بالنسبة للهدايا أجليها الحين، لين يتعود على الطلعات معاج ويسير من ضمن روتينكم الاسبوعي


اذكرج بالابتسامة تراها اهم نقطة

[السنقباســـية]

هههههه كوبون خس الله عدوج ههههه حرام لا تقولين جيه بصيح .......... اتعرفون البارحه من قريت كلامكم ........ حسيت بغصه وانها صدق مشكله ورحت الحجرة اصيح من كل قلبي اني انا صدق محبوسة وماعندي شيء اسويه وهو مب رومانسي الخ الخ الخ الخ وخلاص هذا نصيبي وفوق هذا هو كان متأخر فجأة دخل علي وانا اشاهق من الصياح ...... قال شو فيج انا شو مسولج الخ الخ الخ الخ ..... اخر شيء كل واحد راقد ع صوب ومضايق من الثاني ..... وهو ماياه رقاد واشوفه يتأفف واخر شيء ماراح الدوام وطلع مضايق انه انا كنت اصيح ومادري شو سالفتي وكله يقول لي انتي كله تصيحين مادري ع شو الي يقول ظالمنج .... جان اضايق زيادة هههه ... سبحان الله ... مادري ليش مايفهمني ...

[مراسيل الوفاآ]

هههههه كوبون خس الله عدوج ههههه حرام لا تقولين جيه بصيح .......... اتعرفون البارحه من قريت كلامكم ........ حسيت بغصه وانها صدق مشكله ورحت الحجرة اصيح من كل قلبي اني انا صدق محبوسة وماعندي شيء اسويه وهو مب رومانسي الخ الخ الخ الخ وخلاص هذا نصيبي وفوق هذا هو كان متأخر فجأة دخل علي وانا اشاهق من الصياح ...... قال شو فيج انا شو مسولج الخ الخ الخ الخ ..... اخر شيء كل واحد راقد ع صوب ومضايق من الثاني ..... وهو ماياه رقاد واشوفه يتأفف واخر شيء ماراح الدوام وطلع مضايق انه انا كنت اصيح ومادري شو سالفتي وكله يقول لي انتي كله تصيحين مادري ع شو الي يقول ظالمنج .... جان اضايق زيادة هههه ... سبحان الله ... مادري ليش مايفهمني ...

هالشي الغلط اللي تسوينه، انج تاخذين كلام الناس واتطبقينه ف حياتج

عزيزتي، لا تحطين ف بالج كل وحده بتي تكتب هني يعني حياتها الورديه وانتي
حياتج التعيسه، الكل بيرمس بس مب شرط اللي يكتبونه كله صح يعني
ما قالوا للبيوت اسرار هباء انتي ما تعرفين هاللي ترمس عن حياتها الورديه
يمكن تتخيل وتكتب ولا فعلا هي جي حياتها لكن شخصية ريلها غير عن شخصيه
ريلج مب كلهم نفس الشي ولا اي وحده تقدر تقول انه الرياييل كلهم يقدرون
يستوون نفس الشي من حركات الدلع والهدايا وغيره، اغلب الحريم تخصص تقليد
من شافت شي سارت بتطبقه وما تعرف بعواقبه او هل هالشي ينفع ويا ريلها ولا
ولا كل ريال طوف حركه من حرمته يعني هو عايبنه هالشي، يعني الرياييل انواع
في اللي يسكت ويبين انه مستانس وشي اللي يستانس فعلا لانه هو يحب هالاشيا
وشي اللي يرمسون ويقولون انه هالاشيا ما تعيبهم نفس ريلج وبالعكس اشوفه
طبع حلو انه يخبرج عن الاشيا اللي يحبها واللي ما يحبها عشان تعرفين كيف
تتقربين منه من خلال الاشيا اللي يحبها بدون لا اتعبين عمرج واتمين تجربين
اشيا وتتريين تشوفين ردة فعله، يعني قيسيها انتي حبيبتي شو الافضل هل انج
تسوين شي متأكده انه ريلج يحبه وبيستانس عليه ولا تسوين شي ما تعرفين
هل بيعيبه ولا ويمكن يخترب يومكم كله بسبة هالشي ؟


حبيبتي الحياه الزوجيه مب نفس الافلام، انتي ما خذتي هالريال عشان تعيشين
وياه قصة قيس وليلى ولا عنتر وعبله، راعي جانب الشاب ف مجتمعنا
او اغلب الشباب انهم يحبون الروتين لكن هالشي ما يمنع انج تكسرينه
من خلال عشى رومنسي ف البيت، او وانتوا طالعين تتعشون ف مطعم
او تخصصين وقت تسولفون فيه عن حياتكم مع بعض وشو الاشيا اللي
تسعدج وتسألينه عن الاشيا اللي يحبها، واذا تبين تستانسين بباقي وقتج
ف عادي اختي مب لازم بوجود الريل، مثل ما قالت بنت الصقر اشتري
لعمرج هديه وراويه مثلا قوليله انا خذت هالشي لعمري خليه يشوف
انتي شكثر تحبين نفسج وتبين تسعدين نفسج بنفسج ومره خذيله هو
مب لازم مناسبة بدون مناسبة تقدرين تاخذيله شي يحتاجه وبيستانس
اطلعي ويا ربيعاتج ولا ازقريهم عندج ف البيت ولا اختاري فلم وشوفوه
ويا بعض ف البيت اذا ما يحب السينما ، عادي اختي عندج وايد اشيا


افهميه عشان يفهمج، طول ما يشوفج بـ هالحاله بتطلعين انتي النكديه
فـ حين انج لو تعودتي ع طبعه وعلمتيه ع الاشيا اللي تحبينها بتلقين
اللي يسرج

[الوردة الجورية]

هههههه كوبون خس الله عدوج ههههه حرام لا تقولين جيه بصيح .......... اتعرفون البارحه من قريت كلامكم ........ حسيت بغصه وانها صدق مشكله ورحت الحجرة اصيح من كل قلبي اني انا صدق محبوسة وماعندي شيء اسويه وهو مب رومانسي الخ الخ الخ الخ وخلاص هذا نصيبي وفوق هذا هو كان متأخر فجأة دخل علي وانا اشاهق من الصياح ...... قال شو فيج انا شو مسولج الخ الخ الخ الخ ..... اخر شيء كل واحد راقد ع صوب ومضايق من الثاني ..... وهو ماياه رقاد واشوفه يتأفف واخر شيء ماراح الدوام وطلع مضايق انه انا كنت اصيح ومادري شو سالفتي وكله يقول لي انتي كله تصيحين مادري ع شو الي يقول ظالمنج .... جان اضايق زيادة هههه ... سبحان الله ... مادري ليش مايفهمني ...

مادري ليش مايفهمني؟؟؟!!!!


ههههههه.. يعني هو يعلم الغيب؟؟!!!

لازم تتكلمين


انا زوجي وايد ينبه عليّ على هذي النقطة ويقولي: أنا أعلم الغيب؟؟

انتي ممكن تفهمين زوجج او ولدج اذا محتاج شي حتى لو ماتكلم

لكن معظم الرياييل مايفهمون الحرمة اذا ماتكلمت


كوني واضحة معاه
ليش تكتمين في قلبج وتنكدين على نفسج وعلى المسكين اللي مب فاهم شو السالفة

[بنت الصقر]

الله يهديج أختيه يقولون لج الرياييل نفس الشي إلا البعض .. وانتي فتحتيها مناحه وطفرتي الريال ههههه

استهدي بالله وجهزي عمرج وانسى كل شي وخلي في نفسج عزيمة إني أنا بونس عمري روحي ..

اشتري هدية لعمرج ترا عادي ^^

وطرشي لريلج إنك اسمحلي ( مع أي كلمة دلع له ) وقولي له أنا روحي كنت متضايقه من شي وصحت عشان أفجج عن عمري وخلاص ارتحت الحين وحطي ابتسامه شو كبرها

وعيشي حياتج وانتي ابتسامتج على ويهج لأنه هالشي وايد بيقربه منج .. والريال ما يحب الحرمه النكدية لو انتي ونحن الحريم نحس نبا هالأمور

بس لازم نكبر عقلنا ولا نخلي شي تافه مثل هذا يخرب حياتنا لأنه لو نشوف مصايب غيرنا تهون علينا الأمور إللي نفكر فيها

خلج إيجابيه دايما وتقربي منه أكثر ودايما توددي له وطرشي له مسجات حب وغيره عشان يتعود ولو تقدرين طرشي له أشياء ومقاطع سوالف وضحك

لانه في نوعية من الرياييل يحبون جذيه وايد .. وحتى لو شي عن هواياته شاركيه فيها

واستانسي .. بس أهم شي الحين تردين تصلحين الموقف البارحي وانتي مستانسه بعد جدامه وأرد أأكد لج لاتبينين إنه هالشي منه

لأنه الرياييل مايحبون يطلعون هم إللي مقصرين في أي شي ..

والسموحه

[طيبة*قلب]

حبيبتي مارجعت قريت ردك
شوفي زوجي زي زوجك مايحب الهدايا بس جالسه اعوده وان شاء الله اقدر
هو من طبعه مايحب السوق ولاعمره اهدا حد اهئ اهئ ههههههههههههههههههههههههه
بس مو مشكلة ان شاءالله نقدر نعودهم
ومن ناحية اننا نحتفل بااعياد الميلاد والزواج وبميلاد ولدي لا عنده لا بس عندي عادي لو يطاوعني وزين انه ماهو مطاوعني

[المغتربة]

حياتي بخبرج شي

انا صارت وياي مرة كانت عندي مناسبة و رمست مال المطعم يسون لي كيكة و يغنون شوي حقه
هو انحرج وايد و قال انا ما عيبني جي انحرج و جني ياهل
قلت له عادي انا راضية وانا احب احتفل و بتم احتفل لين عمر ال 100 سنة


و كررت المحاولة و يبت له كيكة يدام اهلي و مرة يدام اهله و انحرج و تموا يغنون
عادي ما يهمني و I don't care اهم شي احتفل بمناسباته
و هو شوي شوي تعود ع ستايلي و تغير بصورة حلوة


اختي نحن صغار ف العمر لو ما استانسنا الحين متى بنستانس
و يمكن يعتمد ع طبيعة ريلج يمكن طبيعة اهله جي ما يحتفلون وما يكونون فرفوشيين

انتي شوي شوي ترومين تغيرينه بدون لا يحس

[المصارعه]

شكلج متاثره بالمسلسلات نادر في ريال يعطي لاتقولين الخليجي الكل وهو نادر

[ليندااااا]

في ريايل ما يعرفون الرومانسية على بالهم خرابيط وسوالف
الصراحة ريلج جامد زيادة