لا للمناسبات؟

[السنقباســـية]

السلام عليكم ورحمه الله وبركاته

حبيباتي ... حبيت أسأل : أنا زوجي من النوع لا يحب يوم ميلاد و لا يوم زواج ولا أي شيء يعني لا مناسبات ولا شيء ... مب عارفة متى احتفل معاه ... يقول لي ماحب ... يعني من تزوجته للحين يمكن سويت له كمن حفلة مع هدايا غاااااااالية بس هو مافكر حتى يهديني ورده ! على قولته ماعندي ميزانية ليش مايفهمون انه نحن الحريم عادي ممكن رسالة أو وردة تكفينا ... حاولت افهمه هالشيء يحسسني سخيفة واهتم لأمور تافهه و الحب مب جيه الخ الخ الخ ....... يعني روتين يومي ممل ( يروح الدوام يرجع المغرب يكون هلكان يتغدا يطلع شوي ويرجع ينام وهكذا ) الا اذا عندي مواعيد مستشفى ولا شيء ضروري مثلا جمعية ... يعني من تزوجت وهاي هي الحالة ..... انزين انا ابا اغير جو ابا مطاعم ابا طلعات رومانسية ابا حفلة بسيطة البس واسوي ...... هو مايبا هذا كله اونه الحب مب جيه انا ادري انه مب جيه بس قصدي متى بنحتفل ؟ متى بنسوي؟ متى بنحجز ليلة ف الفندق متى بتهديني هدية ؟ عنبو ولا ربع هدية؟ حتى يوم ربيت !!!!! أحلى وأكبر طاف مفتقده هالشيء........الخ من هالاشياء .... قال لي ماحب الفنادق سويت له في البيت ولا عبرني ... طرشتله هدايا .... كتبت رسايل حب ......الخ مافي اي ردة فعل ... انزين انا انسانه ويمكن رومانسية احب يراويني هالشيء يعني حب وحنان و رومانسية ... مب جمود وفوق هذا ماشوفه! يعني حتى الويكند اترياه بس مافي شيء اسبشل .. ايني احباط ..... ومن سنننننة اتريا اجازة ... يوم خذ اجازته كله برا يسوي اشغال ولا ويا ربيعه ولا يخلص أموره انزين متى يعني بنسوي وبنعيش ؟وفوق هذا مانزور حد ولا حد يزورنا يباني ايلس جي روحي ..... يعني لا اعراس ولا مناسبات ولا حفلات ولا اي شيء ..... يعني لا وياه ولا ويا حد مع انه عادي عندي ماروح ولا اسوي عشان رضاه بس ع الاقل هو يحتفل وياي .....سويت كل هذا لعل وعسى يحس ويسويلي او يعبرني او يعطيني ولو ورده مالقيت اي ردة فعل لايااااااااام وشهور....... ف اضطريت و اتناقشت وياه ف هالموضوع زعل مني وطلع ... انه انا ماحب هالسوالف احب الهدوء وماحب طلعات او فنادق او اي شيء قال اونه نحن مب يهال ليش اليهال يسوون جي ؟.....انزين اذا نحن مابنسوي منو بيسوي؟ يعني 24 ساعه محبوسة وطلعاتي مستشفيات أو اذا طاع الجمعية ..... يعني حتى شهر العسل ماوداني ..... واااااايد متضايقة من هالشيء .... هل بنتم جيه ولا شو ...... ولا هو الزواج جي وأنا مادري؟ حد يخبرني؟ عشان افهم يمكن انا فاهمة غلط .........!

أنا أبا نصايح أو حد يفهمني .... مابا خذيه بالسياسة أو رسايل .....لاني جربت ... ابا بطريقه افهمه وبأسلوب ابا حب ورومانسية وابا هدايا ولو بسيطة نفس الورود مثلا ... اونه بسج اختي يابت لج ولا خالتي يابت لج انا مابا من حد ابا منك انته ...... شيء اسبشل منك ..... ليش مب طايع يفهم شيء .. اباا اقضي وقت معاك ..... مب قاعد يفهم اني ابا اقضي وقت معاه .. يعني قمت اتحمل طلعات المستشفى الخ الخ عشان اقعد معاه ..... يالسة احاول وابا احاول .. مابا ابتعد عنه عاطفيا واكرهه واعيش معاه بس عشان اييب عيال واربيهم وهو طاف ..... لا ابا نكون عائلة ححلوة وارتاح معاهم ... يقول لي انتي 24 ساعة مكتىبة .... من تصرفاته او لانه ماعندنا اكشن ..... هو الزواج جي؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية