ليش ماقلتي انج حامل ؟؟!!!!!!!

[حكاية روووح]

لا تحرص على اكتشاف الآخرين أكثر من اللازم ، الأفضل أن تكتفي بالخير الذي يظهرونه في وجهك دائماً ، واترك الخفايا لرب العباد.

كلام جميل

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[almal3ka1]

احمممم احممممم


انا اشوف عادي و اللي يبا يخبرج بيخبرج و بتفرحين معاهم و اللي ما يبا يخبر براحته


بصراحه هالشي مال خش و دس انا روحي اسويه لان اعتبره شي خاص مب لازم كل حد يعرف عنه

[فديتني دلوعه]

انا انقهر من الناس لي تخش كل شي وتيلس تسال عنا يعني لي يبا يخش لا يحاول يعرف كل شي عن الناس حلال عليهم وحرام ع غيرهم

[أم سيف و سارة]

في فئه من الحريم فضوليات و حشريات تقعد تتدخل بحياة غيرها بكل التفاصيل و ما يخبرون احد عن حياتهم بشي.. ليش يعني اذا هم ما يرضون على نفسهم حنا بعد ما نرضى ..حﻻل عليهم و حرام على غيرهم ..
أنا امر بهالمواقف كثير تقعد الوحده تسألني أسأله كثير و خصوصا" عن زوجي ... ليش انتي الزوجه الثانيه و ليش تزوحتيه و كم ولد عنده .... الخ الخ ..... تبي تعرف كل شي عنه و اذا بدلتها اﻷسئله ابي اختبرها كيف ردت فعلها تجاوب ماعرف و مادري ... اقوم ابتعد عنها

[دبي]

كل انسان حر في حياته
أنا إللي يصارحني ويخبرني أخبره وأصارحه ، لكن إللي يخش أخش عنه ، بصراحه وحده من حريم خواني كل ما تحمل تخش وما تقول لين يبين عليها ، ويوم سألتني قبل شهر انت حامل قلتلها ان شاءالله ، ماقلت هي ولا لا ، أشوف ماله داعي تسألني لأنها ماتخبر ، وأنا ما أسألها لأنه من أول حمل شفتها تخش وحتى بيوم ولادتها مع اني كنت ساكنه معاهم في بيت أهلي

[وديمه]

اول شي ال حمد لله انا طبعي هب فضوليه ابدا

ثاني شي الحين الله يخلي وسائل التواصل ماخلت شي

وبالنسبه محد درى هذي صد اظني بس عندنا

بالخليج كل لازم محد يعرف

يعني مادري شو بيصير لو حد درى

مشكوره ع الطرح الحلو

[جداً جميلة]

اللي بطنها مترين جدامها وتقول مب حامل ماعرف شو وضعها صراحة
شي حريم جي .. يتم ع رباها شهر وعقب تعترف .
جنه لو عرفنا بنحسد أو بنهتم .. كل الناس يابوا عيال عادي
بالنسبة لي ماحب اسأل ولا اتخبر حد عن شي .. بس اذا سألت بيكون من باب السوالف فقط
مب من باب الفضول ..

أنا مع انه نداري امورنا أحيان .. لكن اذا كان شي واضح للناس وأقولهم لا ماحصلته ولا ماعندي
ما يجوز صرااحة .. لأنه أطلع نفسي جذابة وأجرح اللي جدامي بنفس الوقت

[Dont_Care]

مب مجبور الشخص يقول حق اللي حوله شنو صاير له في حياته هو حر!

[mrs.abk]

لا موب كلام جميل

أغلب اللي يخشون هم ناس فضولين ينحشرون فيك وفي حياتك .. يبون يعرفون منو عرس ومنو حمل وشو الجنس ووين بتسيرون ف الاجازة ومال منو هالموتر انتي واللا ريلج وغيره وغيره

لكن هم حياتهم يخشون عنج خش

الصدمة تعرفين ان اليهال يدرون إن فلانة حامل وانتي مخشوش عنج الموضوع خش

وهالفلانة تنصب نفسها خبيرة عليج تسألج عن حملج كل دقيقة وعن جنس البيبي وهي خاشة أصلا إنها حامل ما بالج بجنس البيبي


أنا قمت أشوفهم ناس مرضى من كثر ما صدموني بأسلوبهم

[cute uae]

لا موب كلام جميل

أغلب اللي يخشون هم ناس فضولين ينحشرون فيك وفي حياتك .. يبون يعرفون منو عرس ومنو حمل وشو الجنس ووين بتسيرون ف الاجازة ومال منو هالموتر انتي واللا ريلج وغيره وغيره

لكن هم حياتهم يخشون عنج خش

الصدمة تعرفين ان اليهال يدرون إن فلانة حامل وانتي مخشوش عنج الموضوع خش

وهالفلانة تنصب نفسها خبيرة عليج تسألج عن حملج كل دقيقة وعن جنس البيبي وهي خاشة أصلا إنها حامل ما بالج بجنس البيبي


أنا قمت أشوفهم ناس مرضى من كثر ما صدموني بأسلوبهم

هيه صح

[المغتربة]

سبحان الله بعض الامور تكون خصوصية وكل واحد حر
لكن لاحظت الانسان الملقوف الحشري ما يقول لحد يسأل ولا يقول

انا بالنسبة لي كنت مكملة شهر ع الحمل و عادي خبرت كل اهلي
ما اجوف فيها شي ما ادري بالنسبة لي عادي
حتى يوم كان النونو ولد خبرتهم يوم يسألوني عادي جدا
بس في حريم ما يحبون لين ما تكبر كرشتهم يخافون من الحسد خخخخخخخخخ

فعلا احسها امور شخصية كل واحد براحته

[ريم العسووله]

أختي العين حق
و الحسد مذكور في القرآن

الأفضل أن الشخص ما يخبر غيره كل صغيره و كبيره بحياته و و يبين لهم أن هو فرحان و طاير من شدة الفرحة عشان الحسد
ياما ناس انحسدوا من ورى هالشيء
و الأمر الآخر لازم نراعي مشاعر غيرنه بعد

يعني مثلا الحامل الي طايره من الفرحه انها حامل ،،، من حقها تفرح و لكن لازم تتذكر ان في كثيرات يتمنون يحملون و ربنا ما كاتب لهم يحملون ...
و الي أرتقى بوظيفته او شراء بيت او شرى سيارة و طاير من الفرحة و يخبر الناس من حقه يفرح ،،، و لكن لازم يتذكر ان في غيره يتمنون وظيفة او بيت او سيارة و مب محصلين


باختصار الواحد لازم يراعي مشاعر غيره اولا
و يشكر الله على النعمة ، و ما يبالغ بفرحته و ينشر خصوصياته وسط الناس عشان الحسد
و يرقي نفسه بالاذكار و القرآن و يدعي لغيره بالخير
و يكون تصرفه معتدل من هالناحية ...

هاي افضل طرق للحفاظ على النعمه


موفقه غاليتي

[شعاع امل]

لوووووول انا من طبيعتي اقول كل شي اذا لاحظتوا في المنتدى ولكن حسيت مرات ان في ناس مايقولون لي كل شي ... فااحاول اسيطر على المموضوع

الانسان يرحه يطلع كل شي في قلبه بس يتعلم الاتزان يكون احسن والا بيتعب بعدين

[ماسه حساسه]

القهر انهم حتى لو دروا ينقهرون زيادة ويفكرون في الشي الي تسوينه لين يخترب عليج

لا حول ولا قوة الا بالله