انا محتارة اخليه و لا انزله .. احس مالي بارض واستوتلي كآبه

[أمورة]

اختي استهدي بالله و اتعوذي من الشيطان الرجيم

شو هالكلام اللي تقولينه؟؟ و منو قالج مافي حرمه ما تحب تهتم بنفسها و بالرياضه و تبا تكون مانيكان!!

بس نحن مأجورين بالحمل و تربيه الاطفال.

انا الصراحه فقدت الامل (مؤقتا) اني اضعف و اصير فراشه مثل يوم عرسي لاني احمل ورا بعض على رضاعه على اساس اني امنع بالرضاعه الطبيعيه. و كل مره انصدم بس اقول الحمدلله. لانه اولا و اخيرا الخيره فيما اختاره الله

و بالعكس بعد ما اييب عيالي و انا في سن مناسبه و صغيره عقب امنع و ابدا اهتم في رشاقتي في ذروة شبابي. مب اروح اصرف على عمليات و عقب الله يريد لي احمل ههههههههههه تروح العمليه عالفاضي. او اني اشد بطني الحين و عقب احمل في سن متأخره و تكون خرابات الجسم اشد و الالتئام يباله شغل ووقت.

و شي ثاني ما فكرتي لو نزلتي اللي في بطنج يمكن الله ما يوفقج في خططج الثانيه اللي ناويتها؟؟

لا تخلين الشيطان يلعب براسج. و استهدي بالله


ان شاء الله بعد هالبيبي سوي اللي تبينه الدنيا ما بتوقف.

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أمورة]

توني اقرا رد صاحبة الموضوع انها عدلت عن فكرتها الحمدلله (قطعناها بردودنا السموحه منج صاحبة الموضوع)


خلاص اختي الدوا اللي عندج في الثلاجه عقيه عن يقص عليج الشيطان في وقت تكونين فيه مكتأبه لا سمح الله


و استغربت من الخوات اللي مرن بنفس شعور صاحبة الموضوع....خواتي لا تغركن الدنيا و لهوها ولا يقص عليكن الشيطان هاي كلها افكار من الشيطان

الحمدلله انكن ما لجأتن للاجهاض...

دوم تذكروا قول الله تعالي:

وَلَا تَقْتُلُوا أَوْلَادَكُمْ خَشْيَةَ إِمْلَاقٍ ۖ نَحْنُ نَرْزُقُهُمْ وَإِيَّاكُمْ ۚ إِنَّ قَتْلَهُمْ كَانَ خِطْئًا كَبِيرًا

ساره النعيمي الحمدلله انج تبتي و رجعتي لربج و الله يعوضج عن الطفل اللي راح...الله يعلم بنيتج وحزنج و ان شاء الله بيرزقج

[ليندااااا]

هذه نعمة وكل شيء من الله خير

[Ward-uae]

ههههههه مسويه فلم عيل شو بتقولي عني من يكمل الياهل سبع او ثمان شهور حملت بغيره خاطري ببنت تخاوي بنتي الله يحفظها
تعالي عندي بعلمج كيف تكونين رشيقه فتره الحمل وبعد الولاده ما يبالج غير الكرش
ضمي فلوسج لسفرة بعد الولاده استجمام بدل هذي السوالف اللي بتسويها شد جفون والخيبه انتي شو بتسوي مب لهذي الدرجه جفون انا عيني يدخل فيها رمل واتعذب وعمليه بطن اللي يقول وزنج فوق 100
ابوي ديري بالج على روحج بدل هذي الخرابيط وخلج بالاشياء الطبيعيه والصحيه
الصحه ما تنشرى بفلوس الدنيا

[أم شيمه]

حبيبتي قولي استغفر الله و لا إله إلا انت سبحانك اني كنت من الظالمين.. و فكري شوي ف البيبي تذكري اشكال ولادج لما كانوا صغاااار ف شهرهم الاول كيف كانوا حلوووين و بشرتهم ناااعمه تذكري لما كانوا يبكون و اول ما تحضنينهم يهدون و يسكتون قولي الحمدلله انج بتحسن بنفس الاحساس مره ثانيه .. اعرف واااااااايد حريم نزلوا البيبي و ندموا و صارو يتمنون يحملون مره ثانيه لان الله عاقبهم انه حرمهم من اليهال حبيبتي توكلي ع الله و صدقيني هالبيبي اللي تقولين ما تبينه صدقيني بيكون غيررر عن خوانه و بيكون بار فيج ان شاءالله كل شي يهون ي الغاليه و بعدين احمدي ربج ولدج عمره سنه و شهر يعني لما تربين بالسلامه بيكون عمره سنتين الا 3 شهور يعني ريال ربي يحفظه و يخليه لج هو و اخته و اخوهم اللي ف الطريج .. صدقيني اعرف وحده كانت تبا تنزل البيبي لانها حملت ولدها تقريبا عمره شهرين اول ثلاث شهوووور تخيلي و بعدين بعد ما نصحوها انها ما تنزله وافقت و تحلف ان حملها به اكن اريح حمل و ولادتها كانت اسهل ولاده شفتي كيف رب العالمين يسهل و ييسر الامور

الغاليه توكلي ع الله و لا تنزلينه هذي روح كيف تقتلينهااااا و مب اي روح روح منج وفيج روح ضناااااج كيف يهون عليج ..
الله يسهل عليج ي الغاليه و يارب تفرحين بشوفته

[بوظبي داري]

قولي الحمدلله هالشي الله كاتبنه

[حياتي انجاز]

من زمان ما شاركت لكن يوم قريت موضوعج حبيت انقل لج تجربتي حملت وولدي عمره 3 شهور و عندي 3اطفال غيره كلهم صغار صج انصدمت لكن هاي إرادة الله و الحمدلله ابدا ما فكرت و لا خطر علبالي أنزله ناس محرومين من هدي النعمة و الله أعلم فيج يمكن هدا اللي ما تبينه يكون أبر واحد من عياليج صوتي النعمة اختي هدي نصيحتي الله يحفظج

[أم زمرده]

طيِّبوا مواجعكم بالاستغفار .. سيتحول الضيق إلى بهجة والقلق لطمأنينية

[mouzan7mod]

لا تنزلينه ،، عندي ربيعاتي نزلو و ندمو شهر كامل و تم ضميرهم يعذبهم ، حبيبتي فكري عدل ولو ريلج طلقج ذكريه انه منع من انج تاخذين موانع

[ميثا عبدالله]

من قتل نفسا بغير حق فكأنما قتل الناس جميعا، ومن أحياها فكأنما أحيا الناس جميعا. .

[.Noura.]

حبيبتي احلى بعفويتي انتي الحين الهرمونات لعبه فيج لعبه .. انا نفس حالتج احس اني مب كفو 3 عيال لكن احس الشي حلو بعد ماتعدي هالفتره ..
بس بدايه تعب والحمل انا نفسج استوي وحش يوم احمل .. حليلها عليا عانت مني هههه ..
بس فتره وبتعدي والله يتمم لج حملج على خير فكري باللي عقب لا تفكرين الحين .. وصح مثل ما قالت امج دام تقدر تساعدج لا تفوتين هالشي .. وخذي نيرس لو تبين بعطيج رقم حق نيرسات للاطفال بدل الناني وجي ..

[banota.a7]

الحمد لله

الله يبارك لج فيه ان شاء الله

ونتريا البشرى بولادتج بالسلامهـــ

[احلى بعفويتي]

مشكورات بنات والله ما قصرتوا

[الأحلام الملونة]

نكتفي بهذا القدر من الردود

يغلق