لين متى بنسكت عن تاجرات الانستقرام النصابات؟

[ماما سلطان]

السلام عليكم خواتي....

أكيد الأغلب اللي يطلبون من الانستقرام ينصدمون من رداءة البضاعه وإنها مختلفة عن الصورة ... وإنها تعرضت للنصب من تاجرة الله أعلم بمكانها وين.... وضاع حقها وفلوسها وفوق هذا ماتت قهر هههه...


شو الحل؟

بتقولون لا تطلبين منهم... أوكيه انا وأنتي خذنا درس وما بنطلب... بس الناس الثانيه شو ذنبها؟؟؟؟

نبغي نرجع حقوقنا ونشتكي ونوقف أي نصابه عند حدها....

خبروني كيف؟

وإللي تعرضت لمثل هذا الموقف واشتكت ورجعت حقها اتخبرنا كيف عشان نسوي مثلها...

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Fa.R]

أي صورة مش من تصوير التاجرة لا تطلبين

[خياطة]

الله المستعان بس السوق فيه كل شي ليش تعورين راسج .!!

[ماما سلطان]

أنا مب متعوده اطلب وصحيح السوق فيه كل شي.... بس أبغي آخذ حقي في المرة الوحيده اللي غلطت فيها وطلبت... ما تهمني الفلوس كثر ما يهمني أرجع إعتباري ...

[مراسيل الوفاآ]

اختي ف الاخير هالموضوع يرجع لضمير التاجره هل هي تبا مال حلال ولا حرام
اما التجاره بشكل عام هي عرض التاجر لبضاعته وقبول الزبون لعرضه وموافقته
ع البضاعه والسعر وعقبها يتم البيع، ف اذا انتي رضيتي ببضاعتها ودفعتي قيمتها
قبل لا تشوفين الغرض اللي تبينه ف هني اللوم مب بس عليها بل عليج انتي بعد
لانه من حقج كـ زبونه تتأكدين من نوع وجوده البضاعه واذا هي امتنعت عن هالشي
او عندها من شروط الدفع انه يكون مسبق ف هني يعتمد عليج هل ترضين بـ هالشرط
ولا واذا رضيتي فيه وتم الدفع والاستلام ف خلاص مثل ما نقول "راحت عليج"

هاللي اعرفه عن التجاره عن طريق مواقع التواصل عندنا، لكن ماعرف هل حمايه المستهلك
يقدرون يتدخلون ف هالمواضيع ويحلونها ولا، الافضل انج تتصلين وتستفسرين اذا بينكم
المحادثات والصور والاتفاق اللي تم

بس اذا تبين تستمرين ف الطلب من خلال التاجرات ف الافضل انج تعتمدين اللي عندهم
الدفع عند الاستلام، جي تضمنين انه البضاعه اللي وصلتج هي نفسها اللي تبينها والتاجره
ما بيكون عندها مجال انها تغش وتنصب عليج والتاجره اذا تبا تضمن حقها ف تستلم رسوم
التوصيل عن طريق المسج والباقي عقب ما توصل البضاعه للزبونه واذا ما وصلت للزبونه
ف هني تشتكي ع التاجره وتقدر تاخذ بيزاتها حتى لو ٢٥ درهم او ٣٠ درهم اتم فلوس
وما يت بالحرام عشان تروح نتيجه غش بعض التجار

[Ward-uae]

اتصلي لحماية المستهلك

[صاحبة السمو85]

وعليكم السلام ورحمة الله وبركاته

باختصار لاتشترين من تاجرات ماتثقين فيهن..

اقصد لازم تعرفينها وتعاملتي وياها قبل غير جذيه لاتشترين من اي وحده

توه زبونه وحليلها اشترت من تاجره ب1600درهم وحولت لها على اساس انها تطرش لها شنطتين ...

وما اشترت منها الا انها فكرت اني انا اعرفها ومن صوبي لاني سويت وياها مجرد تبادل اعلاني ؟؟؟,؟.

قلت لها الله يهديج جان خبرتيني من قبلها ...؟؟؟

المهم الحين بشوف كيف اقدر اساعدها وحليلها

الخلاصه ياعيوني انتي وياها لاتشترون من تاجرات ماتثقن فيهن


وصل اللهم وبارك على سيدنا محمد وعلى اله وصحبه وسلمم اجمعين ومن تبعهم باحسان الى يوم الدين

[عبيرستايل]

انا مااشتري الا من المول واشوف بعيني القطعة وادفع وامشي وانا متطمنة
ولايغريني صور ومواقع وانستغرام عشان ماوجع راسي

[السنقباســـية]

انا انسانه في البيت وطول الوقت في البيت غصبا عني اخذ من انستقرام ... طبعا تاجرات ( صابون - حاجات مغربية - مغربيات - ملابس اطفال - او تاجرات مب معروفات ) أبو الطاف .. ولا اطلب منهن .. يمكن اطلب مكياج وهالسوالف كريمات وجي أو زيوت أو احاول اشياء اعرف اسعارها بس شيء ماعرف سعره وشكله ماعرف اوك ولالا ماطلب ... صارت لي مواقف وطلبت .. و طبعا راح حقي الخ الخ ... لكن سامحت مب لاني ماقدر عليها ولا ماقدر اشتكي بس المسامح كريم ... وطبعا سمعتها بتكون سيئة ... المفروض يكون في أكاونت في انستقرام عن التاجرات الموثوقات والي لا ههههه جي بيخافن هههههه وايد منهن اسلوبهن مب شيء وطبعا اذا غيرتي راج ولا مثلا طلع الشيء الي طالبنته مب مثل الصورة تسويلج طاف او تحذفج الخ الخ الخ الخ .... ف خلاص الحين اعرف من منو اطلب ومن منو ماطلب ... الحق عند ربج مايضيع .. الحين المفروض كله سلم واستلم ... الا اذا البضاعة غالية هنيه شيء ثاني .... !

[امراه]

هيه ولله اناطلبت عباه ب٨٠٠واخر شي طلعت مال بنقالي هاذي اوووول مره اطلب لاني كنت مستعيله عليها وتندمت وااااااايد ويلست افكر شو بيفيدنها فلووووس حررررام يااختي فلوس حرام هاذي مااتدرين شو يصير لج من وراها لكن شو بنقول غير حسبي الله ونعم الوكيل

[munamoor]

أنا عندي تاجرتين على الانستا ما غيرهن
الي اطلب منهن
و الباجيات بس اشوف بضائعهم عجبني اطلب من
حد يطلب لي إياهن أون لاين
او أسير المولات هني و اخذ

[امل الامارات8]

ما تتعاملو الا بطريقة سلم واستلم واذا وصلت بضاعة تختلف عن الصور ما تستلمي
الدفع المقدم يكون فيه مشاكل

[ساحره العين]

القانون لا يحمي المغفلين
شلكن بالتاجرات وما تاجرات والمولات تارسه الدنيا

[ام عنوده]

الله المستعان الدنيا دروس وعبر

[حلوات الاهداب]

الله المستعان ... انا بعد ما احب اطلب من اي حد