لين متى بنسكت عن تاجرات الانستقرام النصابات؟

[چـۈھړﮧ آلْـچـﮢـﮧ‎]

انا مرة شريت من وحدة مشد الحراري الي طايحيين فيه وانا مصدقة سالفة خبله ههههه
المهم مع التوصيل كلقني كامل 380 درهم قالتلي البسيه اكتر من 8 ساعات في اليوم عشان النتيجة تبين اسرع
ماعلينا لبستوا اسبوع خلال هالاسبوع بالظبط طلعتلي حبوب في كرشتي وبدات تنتفخ هالحبوب و داخلها ماي و سببلي حكه رهييييبة ما انام الليل الا وانا احك احك في بطني وتحت المكيف لازم مكان بارد ودوم عريانة ادا غطيتها احس بالحكة و التهبت بطني يوم سئلتها قالت انتي عندج حساسية
البسي تحته تيشرت
وانا الخبلة صدقت لانها حاطة تجارب بنات بالهبل يمدحونها هذا الي خلا الخبل عندي يزيد
جيت البسه تيشرت وفوقه مشد بس ماقدرت وايد عورني الاتهاب مينونة مصرة اني انحف هالبطن ههههه
بعدين رديت اكلمها وصورت جزء من بطني تشوف الالتهاب
شافت وطنشتني عقب اسبوع من التعب والعذاب حصلتها سوتلي بلوك في الانستغرام
وانا شهر وانا اعالج الالتهاب واثارها ما اقول غير حسبي الله ونعم الوكيل الله لا يبارك لها في فلوسي الي نصبت عليا فيهم وخلت بطني تلتهب
وقريت انه المشد مصنوع من نايلون وهو السبب الرئيسي في الالتهاب
المصيبة انها حاطة تجارب بنات بالهبل يمدحونها و محادثات علي الواتساب وصور بعضهم مصورة قبل وبعد و عليها زباين بالهبل كل الناس تطلب

بس توبة موضوه التاجرات فقدت الثقة نهائيا (الا من رحم ربي ) طبعا في تاجرات يخافون ربهم
بس انا عن نفسي مستحيل اكرر تجربة الشراء من تاجرات الانستغرام حتي لو صدق

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مس ميم]

انا طلبت أشياء و الحمدلله اوك للحين

[الوردة الجورية]

انا مرة شريت من وحدة مشد الحراري الي طايحيين فيه وانا مصدقة سالفة خبله ههههه
المهم مع التوصيل كلقني كامل 380 درهم قالتلي البسيه اكتر من 8 ساعات في اليوم عشان النتيجة تبين اسرع
ماعلينا لبستوا اسبوع خلال هالاسبوع بالظبط طلعتلي حبوب في كرشتي وبدات تنتفخ هالحبوب و داخلها ماي و سببلي حكه رهييييبة ما انام الليل الا وانا احك احك في بطني وتحت المكيف لازم مكان بارد ودوم عريانة ادا غطيتها احس بالحكة و التهبت بطني يوم سئلتها قالت انتي عندج حساسية
البسي تحته تيشرت
وانا الخبلة صدقت لانها حاطة تجارب بنات بالهبل يمدحونها هذا الي خلا الخبل عندي يزيد
جيت البسه تيشرت وفوقه مشد بس ماقدرت وايد عورني الاتهاب مينونة مصرة اني انحف هالبطن ههههه
بعدين رديت اكلمها وصورت جزء من بطني تشوف الالتهاب
شافت وطنشتني عقب اسبوع من التعب والعذاب حصلتها سوتلي بلوك في الانستغرام
وانا شهر وانا اعالج الالتهاب واثارها ما اقول غير حسبي الله ونعم الوكيل الله لا يبارك لها في فلوسي الي نصبت عليا فيهم وخلت بطني تلتهب
وقريت انه المشد مصنوع من نايلون وهو السبب الرئيسي في الالتهاب
المصيبة انها حاطة تجارب بنات بالهبل يمدحونها و محادثات علي الواتساب وصور بعضهم مصورة قبل وبعد و عليها زباين بالهبل كل الناس تطلب

بس توبة موضوه التاجرات فقدت الثقة نهائيا (الا من رحم ربي ) طبعا في تاجرات يخافون ربهم
بس انا عن نفسي مستحيل اكرر تجربة الشراء من تاجرات الانستغرام حتي لو صدق

انا اشتريت كمن واحد من اكثر من تاجرة بعضهم ريحة كيماويات قوية وايد ماستخدمته وبعضه لا، اللي مافيه ريحة قوية استخدمته
تأكدي من مكان الصنع صيني كله كيماويات، الكولومبي هو الاصلي ومافيه ريحة قوية

انا جربته الصراحة واستفدت، صح انهم كاتبين عادي تلبسينه على الجلد، بس انا البس تي شيرت قطني وابدله مرتين، لأن يطلع عرق وايد ومب زين رطوبة على الجلد فترة طويلة

طبعاً في حالتج ماتقدرين تستخدمينه مرة ثانية الا اذا شفى جلدج 100%
ولبسيه عدد ساعات اقل او تجربين اشياء ثانية للتنحيف

[الوردة الجورية]

طيب اللحين اللي بتطلب من تاجره بسعر غالي ابفهم ليش ماتروح السوق وتاخذ شي اصلي وثقه وبنفس السعر ليش تطلب من تاججره وماتضمن جوده البضاعه

صحيح كلامج، بس مب كلنا نقدر نطلع الاسواق
واذا طلعنا تكون طلعاتنا محدودة
يعني مافينا نفر على الاسواق فر

والحين الحلو ان الاسعار في الانستجرام صار فيها مقارنة تقدرين تقارنين قبل ماتشترين لكثرة التاجرات على نفس السلعة او سلع متشابهة

وبعض التاجرات يوفرون بضايع غير متوفرة بالاسواق مثل المنتجات خارج البلاد او فساتين من تصاميمهن او عطور او بخور من خلطاتهن الخاصة

[mlso0nh]

انا عن نفسي احب شيء غير متوفر في السوق وللحين الحمدلله اموري طيبه