اريد اهاجر...........

[شعاع امل]

السلام عليكم ورحمة الله وبركاته

كيف الحال خواتي العزيزات ؟......

انا ماكتب هذا الموضوع الا وضافت بي السبل.....

قاعده افكر اني اهاجر الى بلد اخرى او بالاحرى .... أروح كندا........

انتوا تعرفون يمكن قصتي اني من فئة "البدون" وهذه الفئه للحين مب محصله حل على الاقل اتكلم عن نفسي

سمعت كلام الجوازات في العين وابوظبي وطلبوا مني اقدم حق جواز "جزر القمر" ورحت قدمت يمكن الحين من السنه الماضيه يعني ستة شهور يمكن


......... اتصلت على الموظف اليوم خبرني .... ان ماوصلت الموافقه والجواز ياخذ وقت .... وان مب بس انا مقدمه... في ناس كثير


المهم .......


امي عمانيه قدمت من سنتين حق حوازات سلطنة عمان........... وكل يوم يخبرونها اليوم باجر اليوم باجر..........

المهم

اخر كلام استني ليييييييييييين شهر ثلاثه ...........وانا اعرف انهم كذابين..........

وانا مليت من هذا الوضع......

يعني عيب انا عمري ثلاثين سنه من غير جنسيه .......حتى لو كان وضعي حاليا في البلد سليم ومشيت حسب كلامهم ليييييييييين متى انا بظل جي

صح عندي مشكله في السمع


بس فكرت وقلت خليني اقدم على جواز بلد ثانيه ......... وفكرت بالهجره الى كندا على الاقل كثير عرب هناك وعندها البلد مميزات


بس ماعرف كيف الواحد ممكن يهاجر وهو ماعنده جواز..........

يعني لو اتصلت على سفارتهم يوافقون.........

في حد عنده خبره بالموضوع......؟؟؟؟

أنا بصراحه عاقده العزم بس اريد اعرف كيف وشلون ؟؟

حد يقدر يعطيني معلومات؟

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

[ذات-النطاقين]

وعليكم السلام روحمة الله وبركاته

اختي ربي يسهلها عليكم .. ومن حقج تضيقين ..


سمعنا قبل فترة قصيرة ان هناك عائلة من فئة البدون وهي اخذت جواز جزر القمر وهذه العائلة سافرت الى المانيا .. (هجرت )
وهناك رفضت العائلة الرجوع للبلاد واخبرت الحكومة بذلك
وطبعا بعد خطوات كثيرة جدا واخيرا وافقت المانيا لمنحهم الاقامة وسكن وبعد كم سنة الجنسية الالمانية
وهالشي شجع شباب البدون يفكروا في نفس الخطوة


كثير من العوائل تعاني جدا .. وربي يكون في عونهم

[شعاع امل]

وعليكم السلام روحمة الله وبركاته

اختي ربي يسهلها عليكم .. ومن حقج تضيقين ..


سمعنا قبل فترة قصيرة ان هناك عائلة من فئة البدون وهي اخذت جواز جزر القمر وهذه العائلة سافرت الى المانيا .. (هجرت )
وهناك رفضت العائلة الرجوع للبلاد واخبرت الحكومة بذلك
وطبعا بعد خوات كثيرة جدا واخيرا وافقت المانيا لمنحهم الاقامة وسكن وبعد كم سنة الجسية الالمانية
وهالشي شجع شباب البدون يفكروا في نفس الخطوة


كثير من العوائل تعاني جدا .. وربي يكون في عونهم

هلا اختي ذات النطاقين مشكوره

بس اختي هم عندهم جواز القمر انا للحين ماطلع لي .......اختي

والمشكله ثانيه ان المانيا تحتاج لغه .... بس كندا الانجليزي والفرنسي وانا ماشيه في الانجليزي وعندي شهادات ....

بس المانيا ممممم ترتبيها صعب يمكن اكثر عن كنداا

اريد معلومات اكثر خواتي ........... انا الحين قايمه بيني وبين امي وحاولت اقنعها .....وهي اقتنعت في حال جبت اجوبه مرضه وكان في حل مرضي .......

[ذات-النطاقين]

وعلى فكرة بالنسبة لكندا قبل سنيييين طويلة كنت اعرف وحدة من الصومال .. كانت عائلتها تخطط تهاجر لكندا بس سفارة كندا كانت رافضة لييش
لانهم ساكنين دولة غنية مثل الامارات .. يعني في رايهم ما يعانون مجاعة وجي

أسال الله انه يوفقج هني في البلاد وانه يرزقج الاستقرار الي تريدينه انت وكل عائلة تعاني من نفس المشكلة

[شعاع امل]

وعلى فكرة بالنسبة لكندا قبل سنيييين طويلة كنت اعرف وحدة من الصومال .. كانت عائلتها تخطط تهاجر لكندا بس سفارة كندا كانت رافضة لييش
لانهم ساكنين دولة غنية مثل الامارات .. يعني في رايهم ما يعانون مجاعة وجي

طيب تمام اختي ........بس انا اعاني ماعندي جواز شلون هذا الموضوع.......!!!!!!!

[ذات-النطاقين]

طيب تمام اختي ........بس انا اعاني ماعندي جواز شلون هذا الموضوع.......!!!!!!!

اتصلي في سفارة كندا واستفسري من عندهم واشرحي لهم معاناتج .. ومرض امج وغيرا وان شاء الله .. الله يسرها لكم
لو مكانج ما اتصل وبس الا واسير لهم بعد
الين متى الصبر والصبر والصبر وماشي امل

[شعاع امل]

اتصلي في سفارة كندا واستفسري من عندهم واشرحي لهم معاناتج .. ومرض امج وغيرا وان شاء الله .. الله يسرها لكم

اهااااا مافي غير هذا الحل... طيب بحاول اخبرهم اني بدون وماطلع لي جواز واستنى من اكثر من ثلاثين سنه .... وامي مريضه واريد شغل وغيره من هذا الكلام......

بس ماعرف شو اقول اكثر عن جي؟ اخاف يرفضون.....بس هل في عرب يشتغلون في السفاره ولا كله اجانب

[شعاع امل]

اهااااا مافي غير هذا الحل... طيب بحاول اخبرهم اني بدون وماطلع لي جواز واستنى من اكثر من ثلاثين سنه .... وامي مريضه واريد شغل وغيره من هذا الكلام......

بس ماعرف شو اقول اكثر عن جي؟ اخاف يرفضون.....بس هل في عرب يشتغلون في السفاره ولا كله اجانب

عشان في حال كان حد بيفهم المعاناة اكثر ويوصلها لهم...!!!

[شعاع امل]

بلييز استنى جواب؟

[اسيرت شوق]

صلي استخارة يا اختي يا شعاع وتوكلي على الله

وعسى الله يقدم لج الخير
انتِ انسانة طيبة وتستاهلين كل خير

[شعاع امل]

صلي استخارة يا اختي يا شعاع وتوكلي على الله

وعسى الله يقدم لج الخير
انتِ انسانة طيبة وتستاهلين كل خير

ان شاء اختي اسيره مشكورره.......دعواتك الطيبه

[طيبة*قلب]

اقنعي الوالده بس شوفي احد تعرفينه هناك
وقبل لاتسافرين شوفي السكن وكل شئ
والله يفتحها بوجهك

[شعاع امل]

ان شاء الله اختي طيبه........ انا بصراحه ماعرف حد هناك بس اول شي بشوف موضوع الموافقه من السفاره بكره واسعى فيه ويحاول اسال مني ومناك ......

بس خلاص هي خطوه وبقوم به.......بدل القعده الفاضيه هذه.....


المستقبل مجهول وبيد الله بس انا اشوف اني ادور حياه افضل مب عيب


جزر القمر مابتسوي لي شي اذا طلعت ......وجواز عمان بيتاخر وامي سمعت كلام مب طبيعي بسببه ومب فايده



خليني اذكى ولم نفسي بنفسي

[ذات-النطاقين]

لا يا اختي جواز جزر القمر ما يقدم ولا يأخر
الا ونفس المعاناة
توكلي على الله ,, اختي عليج بالدعاء في السجود وصلاة قيام الليل .. والله يوفقج

[عساك تبقى لي]

الله يكون فعونج أختي شعاع ويعينج على ماابتلاج مااعرف ليش حسيت بالخوف وعورني قلبي وايد يوم طريتي الهجره فعلاً محد يحس باﻷلم إلا صاحبها. .عموما انتي انسانه قويه ومؤمنه والله يقدم لج اللي فيه الخير
وأتمنى أنج تحصلين اللي تحتاجينه هنيه فبلدج يارب بدون الحاجه أنج تهاجريين ثقي بالله وتوكلي عليه ولاتيأسي من الدعاء والله يقدم لج الخير