خيارين صعبيييين

[بســـــكوته]

السلام عليكن بنات كل وحده تقول لو كانت فمكاني شو كانت بتسوي واتمنى بس المتزوجات والكبار واللي ارائهن حكيمه يردن لانه الموضوع واايد جاد وابا احسمه خلال ها الفتره

لو كنتي متزوجه للمره الثانيه وعندج ولد من ريلج الاول بس ماتشوفينه خير شر لان هو فبلد وانتي فبلد ونادر ماتتواصلين معاه

وتزوجتي من ريل ثاني فرق بينج وبينه 20 سنه وها الريال مايخلف وانتي كنتي عارفه من قبل ووافقتي لانه تبين الستر
المهم عقب زواجج اكتشفتي انه ريلج مديون يعني تقريبا حافي منتف وفي نفس الوقت معاملته معاج واايد قاسيه وهو انسان كسوول وملوول والحياه معاه تحسين مالها اي طعم مافي اكشن ولا متعه وفوق هاذا كله مايطيع ابد يروح للعلاج عشان الخلفه
وبعد اصرار طويل منج راح وتعالج وقالو له مافي اي امل
وزادت قساوته عليج لدرجة الظرب والاهانه مع انه انتي تحبينه ولو كان زين كنتي بتتمسكين فيه

بس لو كنتي في ها الموقف وانتي بعدج صغيره وحلوه وتحسين انه مرغوب فيج والريال هاذا يحاول ينفرج منه بكل الطرق عشان ماتذكرينه بعجزه

شو بتسوين ف ها الموقف
هل بتطلقين للمره الثانيه وبتقولين بعدني صغيره ويمكن ربي يكتب لي حياه افضل مع غيره واخلف واعيش سعيده
ولا بتقولين بصبر وبتنازل وبشغل وقتي باالقرءان والعباده وبخلص دراستي وبنسى موضوع اليهال وخلاص مابتطلق مره ثانيه واللي ربي كاتبه بيصير

هنا مانبى عواطف مبى كلام حكيييم رجائا


يااااارب 💗

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[طيبة*قلب]

اولا الله يفرحها علينا وعليك

ثانيا شوفي وضع بيت اهلك اذا يساعد انك تردين له واخوانك وامك واهلك بيساعدونك اوكي فكري بالانفصال

لكن

هل لما خطبك كنتي عارفه وضعه المادي والا اذا كنتي عارفه فهنا ارضي باللي ربي كاتبه لك
واذا ماكنتي عارفه وحاسه انه بيسدد ديونه اصبري وان شاء مع الصبر والدعاء يتغير

[ام عنوده]

الصبر مع كل صبر الم وامل في ان يكون بعده سعاده في مثل هذي الموقف صعبه صح الرجل في البدايه يكون عنيد بس لكل رجل مفاتيح اذا عرفتيها تسهل عليج الحياه معاه بس موضوع الضرب مشكله ، ايغض الحلال الطلاق ليش ماتشوفين استشارات اسريه او موقع الدكتوره ناعمه الهاشمي ممتازه والكل يمدحها هي استشاريه اسريه وقريت لها قصص ومواضيع فنانه يمكن تقدر تفيدج

[احلى بعفويتي]

ع شو اصبر لا اخلاق و لا مال ولا عيال اتطلق أحسن ولا مغثته

[لحنْ #]

ع شو اصبر لا اخلاق و لا مال ولا عيال اتطلق أحسن ولا مغثته

+1

[غلآ نفسي]

الطلاق مب شي هين

وبعدين شي حريم يتحملن عادي وشي حريم لا تقول بتطلق وارتاح

انتي شوفي انتي شو تبين

حطي ايجابيات وسلبيات لموضوع طلاقج منه

وطبعا يات فكره في بالي واعتقد الكل بيي علي هجووووووووووم خخخخخخخخخخخخخخخخ

بس بقولها .. ليش ما تحاولين تردين لأبو ولدج طليقج الاولي اقصد

والسموحه اذا قلت شي غلط

بالتوفيق

[% الكاذي %]

القرار يعتمد على طبيعة علاقتج مع أهلج
هل بيتقبلونج ترجعين مطلقة للمرة الثانية ويعطونج فرصة تكملين دراستج وتتوظفين وتعيشين حياة طبيعية بدون منغصات ولا حرمان


أو


أهلج من النوع اللي يعتبرون الطلاق مقبرة للحرمة وتبدأ سلسلة الحرمان والممنوعات والمحظورات

أنا أشوف من وجهة نظري إن القرار يعتمد على دور أهلج ووقفتهم معاج

وفي النهاية الطلاق مب نهاية الدنيا خصوصا" إذا ما فيه عشرة طيبة ولا مودة ولا رحمة

بغض النظر عن الحالة المادية ومشكلة الانجاب

لأن إذا كان الود والرحمة أساس العلاقة الزوجية كل شي بيهون عقبها

[Fa.R]

الله يكون في عونج حبيبتي جد شيء صعب
إذا هو تغير عليج وعادي عنده يطلقج وتحسينه بايعنها
الله حلل الطلاق لحكمة وأشوف حالتج صعبة لو كنت في مكانج بطلق وبشوف حياتي

" الزواج عبارة عن مودة ورحمة "

وبثق في ربي أن الي كاتبلي ياه خيرة وأعرفي أن الدنيا دار إبتلاه
ومأجورة إن شاء الله . . بس بليز لا تكونين سلبية ثقي بالله واستغفري
وتوكلي عليه وخلي حياتج تمشي لمجراها بدون أي خوف وتوتر

فالنهاية الموضوع راجع لج والاستخارة هي أهم خطووووووووة !


موفقة يارب وطمنينا عليج

[مراسيل الوفاآ]

يا اختي، قبل لا تشوفين عمرج مظلومه بسبب هالريال، اعرفي انج انتي اللي ظلمتي نفسج
وظلمتي هالريال وياج، يعني زواجج سواء الاول او الثاني باختيارج انتي، اخترتي تتطلقين
من الاول وعندج منه ولد وف الزواج الثاني عميتي نفسج عن سلبيات ارتباطج ف هالريال
بحجه الستر، خاصه موضوع الانجاب يعني عرفتي انه ما يقدر ييب عيال والحرمه ما تعرس
الا عشان تكون ام، كان بإيدج انج ترفضينه وتتريين اللي احسن عنه دامج "صغيره ومرغوب
فيج"، لكن اللي اشوفه هني، انج انتي ما تعرفين شو تبين تسوين ف حياتج، مالج هدف معين
لو بتقولين انج تبين تتطلقين عشان تاخذين غيره وتيبين عيال بقولج ريلج الاول كان موجود
ويبتي منه ولد وشو كانت النتيجه؟ طلاقج و ولدج بعيد عنج ، الامومه مب بالانجاب بس،
اقل شي كنتي تقدرين تسوينه قبل لا تاخذين الثاني وانتي عارفه مشكلته انج تتمسكين
بولدج وتربينه، والسموحه لو كلامي يضايق لكن هاللي اشوفه، لو تحبين ريلج فعلا، ما بتفكرين
مجرد تفكير انج تنفصلين عنه بالعكس بتفهمين انه قسوته بسبب ضعفه وطبيعي يصير هالشي
يعني حطي نفسج مكانه وبتحسين باللي يحس فيه

اذا تبينه يتغير اصبري وياه وغيري تفكيرج عشان ما ينعكس هالشي ع تصرفاتج وياه
ويقسى اكثر، كلميه وتفاهمي وياه انج تبين تبدين حياه يديده وياه بدون قسوه ولا
اهانه وموضوع الضرب هدديه انه اخر مره واذا تكرر الجئي لأهلج يوقفونه عند حده،
دمرتي حياتج مره لا اتدمرينها مره ثانيه بـ هالقرار المتسرع بل اسعي ف انج تغيرينها
للأفضل

[ملكة الاحاسيس]

بتكلم من شي شفته

الا موضوع الانجااااااب موضوع صعب صعب فوق ماتتخيلي لكل رجل
عندي قريبي ظل سنين يتعالج وكان يبكي مثل الطفل

موضوع جداااا حساس
بما انج عرفتي علته ووافقتي من البداية فربي ولدج تحت ايدج وصلى الله وبارك وعيشي مع هالرجل ...

لنج ماتضمني تلاقين رجل ولا انا اضمن لج

وسوء المعاملة سببها عالموضوع لنه يمووووت الف مرة

[مس جوتشي]

+1

+2

[Crystal_Rose]

السلام عليكم و الرحمه

بعيد عن العواطف لو كنت صدق مكانج باختار نفسي باختار راحتي باختار كرامتي ماراح اطرق لموضوع زواجج الاول و زواجج الثاني و اسبابج لانه كل شخص له اسباب و معرض يغلط مب مره و مرتين يمكن مليون مره بس يحاول و يسعى يصحح الغلط وانتي الحين تحاولين تصححين الغلط زوجج الثاني فكر بنفسه ما فكر فيج حتى لو كنتي تحبينه شو فايدت الحب بدون قاسم مشترك اللي هو العيال شو فايدت الحب ضمن الذل و المهانه تلاحقي ع عمرج يا تحطين له حد و اتخيرينه يعدل من اسلوبه و لا كل واحد يروح بطريجه و ان شاءالله تكملين دراستج و تحصلين وظيفه و ريل مسؤوول.

[عاشقة السعادة]

انا مع راي الاخت/مراسيل الوفا..

[Cobon]

ما اقصد اشجع حد ع الطلاق
وصلنا ل 2015 و بعدهم الحريم يخافون من كلمة مطلقة
بالعكس القوانين مع المطلقات



اول شي تعطينه انذار و تكونين جادة
قولي ما غيرت طريقتك ف التصرف انا ف درب و انت ف درب
ما يبرر ان الريال يمد ايده ع حرمة
و حاولي ما تذكرينه ف الانجاب و تعالجوا و راجعوا الدكاترة
بس انتي قاعدة ف البيت لا تذكرينه بها السوالف يمكن نفسيا تعبان

و انتي ترومين تحكمين اكثر لو هو فعلا يضربج ليل نهار
ترومين تنفصلين و عندج سبب مقنع
لاكن لا تمنين عليه بموضوع الانجاب لانج خذتيه و تعرفين عوقه

[khaleejiya]

انتي قلتي انج تزوجتيه وانتي تدرين انه مايخلف وكان همج الستر بس يعني كنتي تعرفين ظروفه ومتقبلتنه
والحين تضغطين عليه عشان يتعالج وتفكرين تطلقين منه لانه ما يخلف؟!


فكري فيها بروحج القرار بالاخير راجع لج