ولدي والاسهال ضروري ؟

[انين الحب]

السلام عليكم

ساعدوني ولدي بينغرض والسبب الاسهال ما عارف شو اسويله

وما طايع ياخذ المغذيه فشو اسوي

ممكن خبرتكم في هالمجال

والله يعطيكم العافيه

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

[يتيمة 555]

الغاليه انا بعطيج خلطه عجيبه اسويها دووم لعيالي اتروحين تشترين زبدي المراعي ولازم زبادي ومب روب لانه الرب حامض واتحطين اشوي ملح وزعتر مطحون وقطعة ثوم صغيره اكرر صغيره واطحنها وخلطيهم وعطيه العلبه كامله وفلليل او العشا تعطيه علبه ثانيه وان شالله فنفس اليوم بتشوفيه وقف على طووول ؟؟؟

لانه الثوم معروف عنه مضاد حيوي والزعتر علاج للبطن والروب يوقف الاسهال والملح يعوض الجسم من الاملاح اللي فقدها عشان ما يستويله جفاف .....

[امـ فطومـ]

وتقدرين تعطينه ماي العيش.....

خذي عيش مغسول واظربيه فالخلاط مع ماي.... وصفيه على طول يمسك البطن...

واذا ولدج كبير قريب السنتين.... عطيه سقن اب مع نشا فظييييع هذي الخلطه من عند الدكتور...

[أمـ راشــد]

هلا الغاليه..
انا كان ولدي فيه اسهاااااال شدييييييييدلدرجه انه قرحو ما كنت اعرف شو اسوي لدرجه اني يلست اصيح...
ف يوم يتني حميتي و قالت لي ليش ما سويتيله نشا و ليموووووون!!!!!!!!!!!
قامت و اخلطتني نشا و ليمون و لازم يكون اشوي غليييييظ...
و حطيه بالابره مال الدوااااء لين رقم واااااحد بس اذا هو صغييير "يعني عمره لين 6 اشهووور و اذا اكبر زيدي نص عالواحد"
و الحمدلله من عطيته على طووووووول وقف الاسهااااااال...

الله يعافيه انشالله...

[سيده طموحه]

هلا الغاليه..
انا كان ولدي فيه اسهاااااال شدييييييييدلدرجه انه قرحو ما كنت اعرف شو اسوي لدرجه اني يلست اصيح...
ف يوم يتني حميتي و قالت لي ليش ما سويتيله نشا و ليموووووون!!!!!!!!!!!
قامت و اخلطتني نشا و ليمون و لازم يكون اشوي غليييييظ...
و حطيه بالابره مال الدوااااء لين رقم واااااحد بس اذا هو صغييير "يعني عمره لين 6 اشهووور و اذا اكبر زيدي نص عالواحد"
و الحمدلله من عطيته على طووووووول وقف الاسهااااااال...

الله يعافيه انشالله...

صح الغاليه
انا جربت هالخلطه واااااااااااايد نفعتني
وبعد عطيه بعض الاكل بطاطا مهروس
جزر مهروس
ماي العيش مثل ماقالت بعض الخوات عصير تفاااااااااااااح
وانشالله الله يشفيه

[انين الحب]

مشكورات خواتي

الله لا يحرمني منكم

والله يعطيكم العافيه

[بنوته راك]

عليج بالمكسرات واو علطول يوقف

[ام ندى ...]

نفس كلام الاخت عليج بالنشا جربي ما بتندمين واييد زين ....وذا يشرب حليب صناعي حطيله مع الحليب نشا وقللي من الحليب وزيدي النشا ..والله يشفيه ويعافيه ان شا الله ...

[ام لولوتي]

نفس الخوات عليج بالنشا والليمون وااايد يفيد
الله يعافي ولدج ويشفيه

[ام عبدلله 2]

العسل ثم العسل ثم العسل

وفي حديث ورد عن الرسول ما اذكره بالضبط
لكن اعرف القصة
اان ياة واحد وسال الرسول عن هالشي ان ولده عنده اسهال
قاله العسل
ورد عليه الريال وقال يارسول الله عطيته عسل ورزاد حالته
قال ارجع وعطه عسل
وتم ايي للرسول والرسول يقوله عطه عسل لين ماشفى الولد

[انين الحب]

انا اليوم جربت السفن اب ويا النشا

وان شاء الله باجر بجرب العسل

مشكورات خواتي

والله يعطيكم علي قد نيتك

[miss_ebda3]

نصائح الدكتورة....البطاطا المفورة ...اسهل شي حق الاسهال ..ياكلها مقطعه وليست مهروسه ...في فرق ..والله يعافيه يا رب

ولا تنسين تقرين علي الفاتحه ..والمعوذات...وسورة الكرسي...والرقية الشرعيه ...

اللي هي// بسم الله ارقيك من كل شي يؤذيك ومن شر كل نفس او عين حاسد الله يشفيك بسم الله ارقيك...
وبعد // بسم الله الذي لايضر مع اسمه شيء في الارض ولا في السماء وهو السميع العليم...3 مراات
وبعد/// اعيذك بكلمات الله التامه من كل شيطان وهامه ومن كل عين لامه ...3 مراات
//// اعيذك بكلمات الله التامات من شر ما خلق...3 مرات
//// اعيذك بعزة الله وقدرته من شر ما تجد وتحاذر 7 مرااات وصلي الله على سيدنا محمد وعلى آله وصحبه اجمعين ...
وبعد هذا شوفيه ..بينش بعافيه بإذن الله ..مجرب...
وهذي الرقيه مفروض تكون يوميه ...
عن نفسي ارقي عيالي ليل ونهار...واكثر في حال المرض الله يبعده عن الجميع ...