لين متى؟

[رسايل غلا]

عليكم السلام والرحمه كلامج عيبنبي صراحه بس شو بتقول وكلن وفلوسه ولكني اشتري نعااال ب٢٠٠٠درهم ولله حرررام الله يهديهن هالحريم عساني مالبست ماركات ولاغيره بخذ لي ميه نعال وكل يوم وحده احسن عن نعال وحده ومادري كيف شكلها والمصيبه يوم اتي تاجره اتبيع تقليد بالف و٨٠٠ليش!!!!

تسلمين الغالية من ذوقج
ترى التاجرات يجوفن الحريم يدفعن مبلغ وقدره على الماركة في محلها فتقول في خاطرها راعي الماركة في شو احسن عني وتسير تشتري بالجملة وتبالغ فالسعر
وما تقهرني الا اللي تزيد السعر وتتحجج بالتكلفة والسعر وتقولج اصلي ومب اصلي المهم الله فوق

لا هنتي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رسايل غلا]

صدقج

خلي موضوع الماركات على صوب انا ما قهرني الا موضوع العبي
اووووووووووووووووفر الصراحه وشي يلوع بالجبد
الله المستعان

هيه والله انه شي يلوع بالجبد انا فالدوام انصدم من شكل العبي
لا ووحدة شافت عباتي كانت عادية جدا مجرد اني حاطة قطعة لونها عالبني او الذهبي خفييييييفة جدا اللون ما يبين وايد
وقالت حق ربيعاتها: مب جنه موضة هالعباة انتهت؟!
يعني ما ادري كيف يبون العباة, ما يسد العبي المطرورة اللي يسوونها والعبي القصيرة اللي طالعة موضة قسم بالله تقولين طلابات

تسلمين الغالية عالرد

[أم زمرده]

اللهم اجعلنا ممن عبدوا ربهم وسبحوه، وأحبوا الرسول واتبعوه، وسمعوا القرآن ورتلوه، وقاموا الليل وأحيوه .. آمين

[!! بنت دبي !!]

من كم يوم رحت بو هيل افصل عبايه انصصصصصدمت من اللي شفته

حسيت بعض العبي شرات المنشفه اللي تلبسينها بعد ماتطلعين من الحمام اعزكن ربي

ولا عبي شرات مريول المدارس قامو يسوون فيها جيوب

عجججججيبه اشكالهن !!!!

[sa7el]

على الشنط،،، سافري الفلبين وللا الصين وللا ماليزيا وللا تاااايلند واشتري من هناك من المحلات المعتبرة،، شو ما كان اتم وااااااااااايد أرخص عن هني طبعا

أما عن العبي،،، هاي السالفة طولت واتمصخت بزياااادة،، بعض العبي اسميها فساتين،، وشي موضة جديدة اسميها قمصان نوم،، فعلا قميص نوم،، ماشي حيا واللي يغيض سعرهم،،، شي عبا ماعرف كيف بس حاولوا تستوعبون معاي الموديل،، طبعا مخصرة عالخفيف بلون الخمري يعني العنابي لين الركب ومن عند الركب دانتيل أبيض أو بيج،، ومن تحت قطعة سودة شفافة ،، طبعا تحتها لابسين ليغنغ أو سكيني أو بوت،،ومن فوق اللون الخمري اليد لين الكتف شفاف و الكم وسيييع لدرجة يوم ترفع ايديها باطها يطلع!!! فعلا باطها طلع في المول وهي عاااااادي

والله هاي عبا؟؟؟؟شي ناس قالوا حلال الوجه والكفين،، بس اليد والباط والرقبة وبداية الصدر!!هاي عاااد حدث ولا حرج
أنا ما عرف هالبنات يوم يروحون يفصلون عبي،، امهاتهم ما يرووحون معاهم؟؟ وان ما راحت ما تشوف بنتها يوم تطلع المول وهي لابسة هالعبا؟أنا منها بشق العبا وبسطرها وبخليها تخيس في البيت لين تتعلم تلبس عبي محتشمة ،، مب قمصان نوم على 1000

اللي يضحك وحدة قالت لي ان الخامات ييايبينها من فرنسا وايطاليا،، حتى خيوط الخياطة من هناك عشان جي الأسعار غالية،،،

سرت سوق الجملة طبعا عندنا في الامارات بالهبل،، السوق زحمممة ومعظمهم مواطنات وأصحاب محلات العبي،، المهم أحسن طاقة عبي على 500،،، وعقب شلي الطاقة وسيري أي محل عبايات بيفصل العبايا السادة بدون خرابيط على 100 أو 80، عادة ترومون تفصلون فيها 6 عبايات وسيعة (اسلاميات او بحرينيات) أو 8 عبايات عادية مب وايد وساع،، يعني على الف وميتين 1200 او 1400 سويتي من 6 لين 8 عبايات
واصلا برع عند التارجات او بعض المحلات العبايا الوحدة سعرها اكثر عن هال 6 او 8؟؟؟؟



شفتوا كيف قمة الاستغلال والطمع؟؟؟؟؟

[ماما سلطان]

أعرف وحده عندها خزانه كبيرة في الديريسنق روم خاصة بالشنط والجواتي والماركات يعني تقدرون اتقولون فاتحه محل في بيتها ههههههه .... وكل يوم منزلة صورة في الانستقرام لشنطتها وجوتيها ولبسها الماركه والاكسسوارات الماركات .... وكل يوم يالسه في كوفي يديد ومطعم يديد ما اعرف كيف تندلهم وتكتشفهم ههههه في ناس همها الفشخره والمظاهر والانستقرام لاعب دور كبير ... يعني الناس قامت اتسوي اكبر الحفلات والعزايم وتخسر وايد على التوزيعات والديكور عشان التصوير والانستقرام وعشان تبين للناس انهم عيال عز وعندهم خير وذوق.... وآخر شي اتحصلين بيتهم إيجار ولا عندهم شي يمتلكونه لعيالهم وللزمن....


العبابات استوت ستاير وشراشف والله حتى الرياييل لايعه جبودهم ومستغربين... يعني الكنادير الرجاليه هي هي ما تتغير.... وأكشخ منهم ماشي ماشاءالله عليهم ... والبنات كل مره نازلين بموضة وكل مره عنشاق أكثر عن قبل غير الذنوب والاسراف .....

الحمدلله نلبس ونكشخ وعندنا ذوق بس باعتدال وستر وعدم إسراف .... ونعرف حق الفقير والمحتاج .... والله يبارك إن شاءالله ....

[رسايل غلا]

بشكل عام السوق عرض و طلب
محد ضرب حد ع ايده و قال اشتروا
و اللي عنده بيزات بالعافية عليه يشتري اللي يبغيه
تفرق الحرمة اللي يالسة ف بيتها عن اللي تشتغل
و عن اللي راتبها راهي و زين و حلو


مثلا كنت اقول ل ربيعتي ممكن ادفع ع الجواتي و الشنط لانهم ماركات و اروم استفيد منهم لان بطبيعتي احب اتبادل ويا خواتي او ابيعهم عقب بس اني ادفع ع روج 300 درهم يعني 10 ارواج ب 3000 ؟ بشتر لي شنطة ب 3000 احسن

و سنتر بوينت عندهم ارواج حلوة و عملية لان طبيعة الارواج خاصة عندي تخترب و تذوب ههههههههههههه فهي يعيبها الارواج الغالية و الشنط العادية
وانا الارواج العادية و الشنط الغالية

يعني كل واحد له وجهة نظره

اختي صح ان السوق عرض وطلب
لكن الواحد ما يروح يشتري ويخلي التاجر يقص عليه ويضيع فلوسه عالفاضي
الشنطة لو بعتيها جم بتييبلج؟ هل انتي شايفة انه ممكن حد مثلا عارف ان الشنطة هاي سعرها الأصلي ما ايي بنفس الثمن اللي انتي اشتريتيها فيه ويقولج هاتي بشتري؟
وحاليا ما فيه فرق بين اللي تشتغل واللي يالسة في البيت بالعكس حتى اللي يالسات في البيت يشترن غالي ومن جي الرياييل يضايجون؟!
انا اشتغل لكن مهما كان راتبي عالي ولا شوي مب مستعدة ابدا اني اسير اشتري شنطة ولا جوتي بالآلاف
طبعا كل واحد ووجهة نظرها بس حبيت افسر بعض النقاط

لا هنتي الغلا

[رسايل غلا]

احترم رايج وايد و كلامج عين العقل احسنتي

تسلمين يالغالية من ذوقج ما قصرتي

[رسايل غلا]

اللهم اجعلنا ممن عبدوا ربهم وسبحوه، وأحبوا الرسول واتبعوه، وسمعوا القرآن ورتلوه، وقاموا الليل وأحيوه .. آمين

امين يارب

تسلمين الغالية

[رسايل غلا]

من كم يوم رحت بو هيل افصل عبايه انصصصصصدمت من اللي شفته

حسيت بعض العبي شرات المنشفه اللي تلبسينها بعد ماتطلعين من الحمام اعزكن ربي

ولا عبي شرات مريول المدارس قامو يسوون فيها جيوب

عجججججيبه اشكالهن !!!!

ههههههههههههههههههه ضحكتني سالفة المنشفة
والله هاللي يصممن ما ادري وين عقولهن, انا يوم ياني الهندي اللي افصل عنده يايب عبي بموديلات شوي عادية وبينهن عباة يوم جفتها
قلت فخاطري الحين هاي عباة ولا ستارة ولا شو السالفة؟!
عاد مريول المدارس وايد انتشر عند اللي يفصلون الواحد ما ادري شو يقول الله يرحمنا برحمته

تسلمين الغالية عالمرور الحلو

[رسايل غلا]

على الشنط،،، سافري الفلبين وللا الصين وللا ماليزيا وللا تاااايلند واشتري من هناك من المحلات المعتبرة،، شو ما كان اتم وااااااااااايد أرخص عن هني طبعا

أما عن العبي،،، هاي السالفة طولت واتمصخت بزياااادة،، بعض العبي اسميها فساتين،، وشي موضة جديدة اسميها قمصان نوم،، فعلا قميص نوم،، ماشي حيا واللي يغيض سعرهم،،، شي عبا ماعرف كيف بس حاولوا تستوعبون معاي الموديل،، طبعا مخصرة عالخفيف بلون الخمري يعني العنابي لين الركب ومن عند الركب دانتيل أبيض أو بيج،، ومن تحت قطعة سودة شفافة ،، طبعا تحتها لابسين ليغنغ أو سكيني أو بوت،،ومن فوق اللون الخمري اليد لين الكتف شفاف و الكم وسيييع لدرجة يوم ترفع ايديها باطها يطلع!!! فعلا باطها طلع في المول وهي عاااااادي

والله هاي عبا؟؟؟؟شي ناس قالوا حلال الوجه والكفين،، بس اليد والباط والرقبة وبداية الصدر!!هاي عاااد حدث ولا حرج
أنا ما عرف هالبنات يوم يروحون يفصلون عبي،، امهاتهم ما يرووحون معاهم؟؟ وان ما راحت ما تشوف بنتها يوم تطلع المول وهي لابسة هالعبا؟أنا منها بشق العبا وبسطرها وبخليها تخيس في البيت لين تتعلم تلبس عبي محتشمة ،، مب قمصان نوم على 1000

اللي يضحك وحدة قالت لي ان الخامات ييايبينها من فرنسا وايطاليا،، حتى خيوط الخياطة من هناك عشان جي الأسعار غالية،،،

سرت سوق الجملة طبعا عندنا في الامارات بالهبل،، السوق زحمممة ومعظمهم مواطنات وأصحاب محلات العبي،، المهم أحسن طاقة عبي على 500،،، وعقب شلي الطاقة وسيري أي محل عبايات بيفصل العبايا السادة بدون خرابيط على 100 أو 80، عادة ترومون تفصلون فيها 6 عبايات وسيعة (اسلاميات او بحرينيات) أو 8 عبايات عادية مب وايد وساع،، يعني على الف وميتين 1200 او 1400 سويتي من 6 لين 8 عبايات
واصلا برع عند التارجات او بعض المحلات العبايا الوحدة سعرها اكثر عن هال 6 او 8؟؟؟؟



شفتوا كيف قمة الاستغلال والطمع؟؟؟؟؟

ترى عسب جي وضحت انه هاي الشنط اصلا تتصنع عندهم بحكم خبرتهم فهالمجال

صدمتيني بالعباة اللي وصفتيها ههههههههههه ما توقعت انهم وصلوا لهالدرجة عاد تطلع باطها شو معنى هالحركة يعني؟
تعرفين حركة قصة الباط وين جفتها؟ هاي كانوا يسوونها في ملابس المسرحيات المصرية عشان سالفة العرق وجي مثل التهوية

بعض التاجرات وايد استغلاليات ما ادري ليش جذي, ترى الحريم الحين يعرفن كل شي مب غبيات عشان يخلن وحدة تقص عليهن الا ما ندر طبعا
الله يعيننا ويستر علينا ويهدي هالبنات والتاجرات

تسلمين الغالية عالمرور الحلو

[مكيفة دبي]

أشجع شراء شنط تقليد الماركة درجة أولى عشان تشتري أكثر
وبالنسبة للعبي إذا فيها شغل بالأسود فقط لأنها أحلى

[ساحره العين]

صححححححح كلامج ميه بالميه
وانا من وجهه نظري الخص اللي كتبتيه في كلمه وحده اللي اهي (المظاهر)

[توته الحلوه]

الله المستعان
موضوع جميل

[nooraaaa]

و شو بلاه سوق نايف ولة نادي الشعب من شو يشكي؟

سرت بالخميس اللي طاف نادي الشعب و حصلت عندهم سوالف حلوة .. شريت بجامات شتوية 3 حبات على 100
و شريت ارواج الوانهن طررر على 25 الواحد .. و شريت نعول حق الدوام على 30 الواحد
و بجامات حق عيالي 5 ب100

وين المشكلة؟ بنموت اذا ما لبسنا ماركات ؟ خلي نحمد ربنا و نشكره في ناس يالس تموت من البرد و الصقيع و ما عندهم شي يسترهم ولة يدفيهم !
الله يعينهم يارب و يفك ازمتهم .. ياليت انفكر بغيرنا و نحمد ربنا الف مرة على النعمة تراها زوالة ما دامت لغيرنا عسب تدوم لنا