{ عندج استفسار يخص التسوق اونلاين تفضلي هـــــنا }

[أدور حل]

شكرا فديتج

الحمدلله وصلت الطلبيه و كل شي تمام بس دفعت 135 درهم
ليش ؟؟؟ انا اتحرا ما بدفع لانه دافعه لهم تقريبا 300 درهم وشوي من myus ??
شو الموضوووع
وهل كل مره بدفع من الموقع و بدفع هنيه بعد ؟؟

مايواس يأخذون فلوسهم قبل.. اذا مجموع طلبياتج فوق الألف درهم يأخذون جمارك.. اعتقد اللي دفعتيه عقب هو قيمة التخليص الجمركي..
حاولي ما توصل فواتيرج الف درهم او قسمي الطلبات في المرات الياية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اختارها قلبي]

ماعليكم امر حد يعلمني كيف اطلب من كارترز بليز مب طائع يستوي العنوان عندي

واللي طلبت قبل ممكن اتخبرني كم كلف الشحن غالي والا لا

[bahooy sweet]

سلام عليكم

انا طلبت بقيمة 200 وشي من علي إكسبرس
وعقب تفاجات ان انخصم مني ستة الاف
وكنسلت بعض الطلبيات
والبعض لا

ورجعو لي ألفين لبعض الي كنسلتهم

وفي بعضهم مكررينه لي الطلبيات اكثر من مرة لنفس النوع

وبعد شي ثاني ماعرف كيف لو وصلو الطلبيات الامارات كيف استلمهم ووين؟


جزاها الجنه الي بتساعدني وتفيدني


مشكورات

[Jasmin44]

السلام عليكم

انا عندي استفسار بخصوص الدفع ، سمعت انه شيء بطاقه نشتريها و نعبيها بمبلغ معين عسب نطلب من المواقع

يعني اشوف البطاقه هاي احسن من انه نحن نغامر و نحط معلومات بطاقه الفيزا او البنك

ف سؤالي هو: حد عنده معلومه عن هالنوع من البطايق ؟ و شو موضوعهم و من وين نقدر ناخذهم ؟

شاكره لكم تعاونكم عزيزاتي

[أدور حل]

السلام عليكم

انا عندي استفسار بخصوص الدفع ، سمعت انه شيء بطاقه نشتريها و نعبيها بمبلغ معين عسب نطلب من المواقع

يعني اشوف البطاقه هاي احسن من انه نحن نغامر و نحط معلومات بطاقه الفيزا او البنك

ف سؤالي هو: حد عنده معلومه عن هالنوع من البطايق ؟ و شو موضوعهم و من وين نقدر ناخذهم ؟

شاكره لكم تعاونكم عزيزاتي

تحصلينهم في الكارفور

[أدور حل]

سلام عليكم

انا طلبت بقيمة 200 وشي من علي إكسبرس
وعقب تفاجات ان انخصم مني ستة الاف
وكنسلت بعض الطلبيات
والبعض لا

ورجعو لي ألفين لبعض الي كنسلتهم

وفي بعضهم مكررينه لي الطلبيات اكثر من مرة لنفس النوع

وبعد شي ثاني ماعرف كيف لو وصلو الطلبيات الامارات كيف استلمهم ووين؟


جزاها الجنه الي بتساعدني وتفيدني


مشكورات

الله يعينج.. حاولي تكلمين البنك يسوي بلوك على البطاقة
علي إكسبرس يشحن لصناديق البريد.. يعني تواصلي مع بريد الامارات

[اختارها قلبي]

مرحباً بغيت اعرف حد جرب يطلب من موقع toms وكيف الشحن يكلف وايد والا عادي

[3lya]

toms يشحن علي بريد امريكا وسعر الشحن يعتمد عالوزن انا طلبت مرتين منه بس ماذكر كم كلف

[مبتسمةمتفائلة]

السلام عليكم

خواتي بليز فيدوني حاولت اطلب من مايكل كورس واوصل لاخر مرحلة و يرفض البطاقة مع ني جربت بطاقة دبي الاسلامي و وبطاقة بنك دبي الامارات الوطني بس بليز شو السالفة حد جرب و ظبط معاه من مايكل كورس

بصراحة الموقع حلو جدا و في شنط و ساعات ارخص من المحل و نيوكولكش

انتظر ردكم بليزززززز

[اختارها قلبي]

toms يشحن علي بريد امريكا وسعر الشحن يعتمد عالوزن انا طلبت مرتين منه بس ماذكر كم كلف

مشكوره فديتج

[أدور حل]

مايكل كورس ما جربته بس اعرف انه ما يقبل غير بطاقة صرف امريكية

[مبتسمةمتفائلة]

السلام عليكم

خواتي بليز فيدوني حاولت اطلب من مايكل كورس واوصل لاخر مرحلة و يرفض البطاقة مع ني جربت بطاقة دبي الاسلامي و وبطاقة بنك دبي الامارات الوطني بس بليز شو السالفة حد جرب و ظبط معاه من مايكل كورس

بصراحة الموقع حلو جدا و في شنط و ساعات ارخص من المحل و نيوكولكش

انتظر ردكم بليزززززز

بليززززززز فيدوني فموضوع مايكل كورس مو معقولة ورد واحد طيب شو فايدة الجروب الخاص بأونلاين كل واحدة تقرا وتكسل او تستخسر ترد !!!!!!!!!!!!!!

- - - Updated - - -

مايكل كورس ما جربته بس اعرف انه ما يقبل غير بطاقة صرف امريكية

شكرا عزيزتي على الرد بس ممكن تخبريني مثل شو بطارقة امريكية مثلا؟؟؟

[Al jouri]

مايكل كورس أتوقع ما يقبل الا الفيزا الامريكيه يعني اذا ما عندج فيزا اميريكية ما بيضبط معج
بس فيه شركات شحن تساعدج اذا مثلا طلبتي من موقع يتعامل مع فيزا امريكيه يطلبون بدالج مثل فيشزفاست

[اختارها قلبي]

ماعليكم امر بغيت مواقع اطفال يديده
وبغيت مواقع اتبيع ديكورات لحديقة البيت مجسمات وجي

[Al jouri]

ماعليكم امر بغيت مواقع اطفال يديده
وبغيت مواقع اتبيع ديكورات لحديقة البيت مجسمات وجي

هذا الموقع حق الأطفال
search.crazy8.com/ppc/allreg?ref=main_map1&port=Email&ad=040616_LD_40OEP &utm_source=email&utm_medium=email&utm_campaign=04 0616_LD_40OEP

وبالنسبه لديكورات الحديقة وهالسوالف بتحصيلهم ف أمازون