وين احصل مدسات للبيبي حلوة ؟

[جنح الظلام86]

هلا خواتي احترت وين انزل سؤالي قلت هذا احسن مكان
انا في شهوري الاخيره والحمدلله خلصت اجهز اغراض البيبي كلها باستثناء المدس اللي احط فيه البيبي ان شاء الله وانا طالعه من المستشفى .
ادور على مدس حلو وصغير للاسف بيبي شوب تشكيلاتهم ما عيبتني ولفيت كذا محل ماعرف ليش المدس كبير وطويل ابا مدس صغير انيق شفت تجهيزات حريم سعوديات ماشاء الله محلاتهم فالسعوديه مدساتهم حللللوة صغيره و انيقه
ولا تقولون تاجرات لاني شفت شغل كذا تاجره نفس الشي احسه كبير وطويل
ماعرف لو فهمتو علي بس ياليت تخبروني من وين تاخذون مدس البيبي
انا من بوظبي وماعندي مشكله مستعده الف الامارات وادور
اتريا ردودكن ومشكورات

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت رفيعه]

انزين شورايج تطبعين الشكل اللي تبينه و تسيرين عند الخياط و خبريه المقاس اللي تبينه شي خياييط في بوظبي اللي فالكرامه حذال مدرسة الشويفات وين اللي يسوون جلاليب بالدانتيل و بيفصلونه لج

[سلام85]

عندج ماركه فيندي مدساتهم صغيره و عندج محل جكادي في دبي مول حلوات


اذا تقدرين طلبي من جلدرن سلون عنده أشياء تجنن و حلوه


ودمتم سالمين

[بنت الشوامخ]

انا مع الاخت سلام
children salon هالموقع مدساتهم رووعه
بس للاسف كلها قريب الالف او الف وشي هذا للماركات واحلى شي اشكال مدسات الماركات خاصتا ديور وفيرساجي

انا استخسر اعق هالسعر على مدس مابستعمله الا شوي
فصلت عند تاجره في الانستجرام وايد حلو بس بعدني ما استلمته
نفس ستايل ديور وبيج ساده لاني ماحب الاوفر شكلج نفس ذوقي
ماعيبني شي في بيبي شوب

[صمتي_قرار]

السلام عليكم
نفس معاناتي في كل حمل
الحمدالله هالمره لقيت مدس نفس المواصفات اللي تبينها في اوبيبي [اوكايدي]
ما اعرف احط صور والا بحط صورته

[(الجوووري)]

خواتي انا بعد ابا بس يكون سعره معقول
اذكرولنا محلات ف بوظبي شو اساميهم ؟؟

[hala24crochet]

حياتي لو تحبي ممكن افصلك مدس من الكروشيه اللون والشكل اللي تختاريه

[شما الهاجري]

سيري السوق الصيني بتحصلين مدسات ماركات مقلدة

[ليندااااا]

بالتوفيق اختي

[ماما سلطان]

أنا زرت ورحده مربية وعيبني مدس البيبي مالها واااايد.... اصراحه ما احب أتعامل مع الصور لازم أشوف بعيني ... وعيبني اصارحه خذيت أكاونت التاجرة وماشاءالله مدسات البنات عندها روووعه اشكالهن... أنا قلتلها سويلي اصغر من اللي عندج واستغربت قالت الحريم يطلبن أكبر عشان يستخدمونه فترة أطول عاد أنا قلتلها لا أنا أحب المدس الصغير.... وطلبت منها مدس وشنطه وبستلمهم نص شهر واحد ان شاءالله... @stitchesdxb

[wf1]

اختي شما بسئلج وين في الصيني اي بوابه درت ماحصلت شي او اني ماعرفت دخلت من بوابه غلط

[Ward-uae]

اذا تبين قماطات عندج كوزي كوكون ما شي محل لكن اذا عندج احد برع البلاد او تعرفي تطلبي من النت بيكون اسهل عليج
نوعيه قطن وشكل مرتب
جكايدي واوكايدي وبربري وفراري حلو ومرتب والقطعه ناعمه وسهل ينكمش وللشل
نارايا عندهم اطقم والوان
نك نك عندهم لفات حلوه وراقيه بدل المدس ويغوص الياهل
حطي في بالج المدس يمكن تستخدميه مره او مرتين لكن القماط واللفات اسهل في العربات والتمشيه حتى في مراجعات المستشفى القماط مريح وراقي اكثر وخاصه لو فيه تطريز على طرف

[wf1]

الاخت اللي كتبت الموضوع حصلتي شي دلينا وين

[ملاذ الحزن]

أنا بعد أدور مدس وشنطه طقم ؟

[مشتاقة لقطر]

انستغرام bedandbabystyle