لحقوني بيب شغالة وماعرف اي شي عن عالمهم !

[علمتني الحياه]

قبل كل شي قبل لا تييبيها البيت قولي لها كل شروطج في المكتب اذا رضت وديها معاج البيت واذل ما رضت خليها في المكتب..
وأول ما تييبيها معاج البيت عرفيها على مكان المطبخ ووين بترقد وغرفه الغسيل وغرفكم
واكدي عليها غرفتكم ما تدخلها الا اذا انتي موجوده لانه الصراحه ما منهم أمان حتى لو انتي واثقة منها ..
وحاولي انج لا تشدي عليها ولا ترخي حاولي تكوني وقت الجد جد ووقت المزح مزح ..
وقولي لها متى تقوم الصبح وعطيها مهام لي لازم تسويها واذا بتطبخ قولي لها تسألج قبل كل وجبه شو تبون تاكلون لانه في بعضهم يلعبون بالأكل وبعدين اهل البيت ما ياكلونه فحرام التبذير ..
وعن سالفه الفون الصراحه ما احب أعطي الخدامه تلفون الا اذا كانت تبا تتصل لاهلها بس انتي لانه بتم تتلاهى بالفون وما بتسوي شغلها وانتي على راحتج اذا بتعطينها بس قولي لها عادي في اي وقت أخذ الفون عنج لانه في بعض الخدم يصورن اهل البيت وغرفهم بدون علمهم ..

واذا حرقت الملابس سامحيها اول مره يمكن مب قصدها بس اذا كررتها اخصمي من راتبها عشان تتعلم ..
وطلعيها معاج مره في الشهر عشان تاخذ الاشياء لي محتاجه لها وترفه عن نفسها من الشغل ..