أنا وأمي الغاليه ..؟

[ولوف]

السلام عليكن خواتي

شحالكن ...

ومبروك عليكم الشهر ...


اليوم ابا اقولكم سالفتي مع امي " ربي يطول بعمرها "
الموضوع مب مشكله ولا شي ... مجرد شي بسيط


اللي هو دايما رايي ورايها مختلفين وانا لجأت لكن عشان اشوف رايكم وياي بعد

بخبركم شو اخر موضوع تناقشنا فيه ...




عرسي سلمكن الله بعد كم شهر " الله يتمم لي على خير " --< دعواتكن
وانا قايله بسوي تقشيــــــــــــــر حق ويهي بس امي معنده عناد قوي اني مااسوي ><

انزين ليش ياامي ؟؟؟ ابا بشرتي تتغير شوي ؟؟؟
امي : لا تبين اتحرقين ويهج .. وهاي الدكتوره ماتهمينها تبى الفلوس وبس
لا ياامي هي فاهمه شغلها عدل وووو الخ -< ابا اقنعها


قلت لها انزين ليش رافضه قوليليييي

قالت انا سامعه دكتور في التلفزيون قبل يقول التقشير مب زيين ويضر البشره

قلت لها امي انا بس بسوي مره وحده مابيصير شي والبشره تجدد خلاياها دايما






بس هي مب راضيه


بنات ابا اوحد لون بشرتي والله شو اسوي الحين
في حد منكم جرب التقشير ونفع معاها ؟ عشان اراوي امي ردها يمكن تقتنع


او في وحده منكم سوت تقشير وتندمت ؟؟؟ يمكن اغيير راايي انا





وفي الاخير هاي امي حبيبتي ادري انها تبى مصلحتي وهي خايفه علييي والله
بس انا محتاجه طرف ثالث ويانا ويكون جرب التقشير او ع لاقل حد من معارفكم مسوي ...

يعني عندكم معرفه بمووضوع التقشيــــــــــر ..




واسمحلي خواتي
وربي يحفظكن من كل شـــــر



فمان الله

المزيد من آخر المواضيع من نفس القسم:

• سكراب الشوفان وعصير الليمون لتقشير البشرة في...
• طريقة استخدام زيت شجرة الشاي لعلاج الهالات...
• طريقة عمل مرطب شفايف طبيعي بالجريب فروت حصري
• سكراب القهوه للقدمين واهم فوائده حصري
• تعرفي على ابرز فوائد زيت الورد السحرية...
• سكراب الروزماري الفعال لتقشير القدمين في...
• طريقة عمل مقشر شفايف طبيعي بأربع مكونات فقط...
• افضل فيتامينات لصحة وجمال البشرة حصري
• سكراب القرفة وزيت جوز الهند لتقشير الشفايف...
• خلطات سحرية لتبييض الابطين والمنطقة الحساسة

[غــ الميث ــلا]

عن نفسي ماجربت بس سيري عند سعاد لطفي بتعطيييج كريم توحيييد للبشره

والسموحه منج

[فتفوته]

كلولولولووووووووووووووووش مبروك مقدما شوفي قدامج شهر يعني تقدرين توحدين بشرتج بالكريمات بس لازم يكون هالشئ عند دكتورة شاطرة وكل شئ الا الوالدة لاتسوين شئ من دون رضاه

[ولوف]

عن نفسي ماجربت بس سيري عند سعاد لطفي بتعطيييج كريم توحيييد للبشره

والسموحه منج

مشكووووووووره على مروورج اختي
وسعاد لطفي الصراحه مااثق فيها ><

تسلمين

الصراااااااحه ماجربته ,,,
ان شاء الله البنات مابيقصرن ....

و ربي يتمم لج عخير يالغاليه

امين يارب
واشكرج على مرورج الغلا وعلى دعوتج الطيبه

هلا الغاليه
الله يتمم لج على خير...
و مبروك عليج الشهر...

الغاليه انا جربت عند الدكتوره نابغه "نوع التقشير: الكيميكل + حمض الفواكه"
كلهن اوكي
والاحسن هي اتحط لج آخر شي كريم يوحد و يهدي البشره...
يعني اليوم الثاني ويهج ما يكون متقشر ولا يكون شااااااذ شكله من الجلد الطالع "مال التقشير"...

مكانها عند برج الدرة اللي ملااااااصق الفردااااااان ...
على ما اعتقد فالدوووووور الـ 8

مشكووووووووووره غناتي على مروورج
استانست على ردج خخخخخ
انزين حبوبه حسيتي بتغيييييييير في بشرتج ولالا ؟

وتسلمين على ردج

كلولولولووووووووووووووووش مبروك مقدما شوفي قدامج شهر يعني تقدرين توحدين بشرتج بالكريمات بس لازم يكون هالشئ عند دكتورة شاطرة وكل شئ الا الوالدة لاتسوين شئ من دون رضاه

ههههههه الله يبارك فيج الغاليه

اكيد اختي ماقدر اسوي شي اصلا من دون رضاها
وفي النهايه اكيد ابا الافضل لبشرتي ومشكووووره ^__^

[!!قلب طفل!!]

الصراااااااحه ماجربته ,,,
ان شاء الله البنات مابيقصرن ....

و ربي يتمم لج عخير يالغاليه

[أمـ راشــد]

هلا الغاليه
الله يتمم لج على خير...
و مبروك عليج الشهر...

الغاليه انا جربت عند الدكتوره نابغه "نوع التقشير: الكيميكل + حمض الفواكه"
كلهن اوكي
والاحسن هي اتحط لج آخر شي كريم يوحد و يهدي البشره...
يعني اليوم الثاني ويهج ما يكون متقشر ولا يكون شااااااذ شكله من الجلد الطالع "مال التقشير"...

مكانها عند برج الدرة اللي ملااااااصق الفردااااااان ...
على ما اعتقد فالدوووووور الـ 8

[دلـ دبي ـع]

السلامـ عليكمـ ورحمة الله وبركاتهـ؛

حبوبهـ؛

مباركـ عليجـ الشهر؛

ومبروكـ على العرسـ؛

عسى ربيـ يتممـ لجـ على خير؛

شوفيـ حبوبهـ؛ كلامـ امجـ نابعـ من خوفها عليجـ؛

عمر امهاتنا ما اتخذوا قراراتـ فيها مضرهـ لنا؛

حبوبهـ انتيـ ما تدرينـ ؛ يمكنـ بشرتجـ ما تتقبل هالتقشير؛

تصير بها بلاويـ ؛ ما يمديجـ تشيلينها ؛ لأن موعد العرسـ وايد قريبـ؛

جربيـ اشياء طبيعيهـ ؛ تسوينها بنفسج في البيتـ؛

بدون لا تضر؛

واذا بغيتيـ من هالوصفاتـ؛

فالجـ طيبـ؛

ارسليـ لي على الخاصـ؛

مشاكل البشرهـ التي تعانينـ منها ؛

وراح ارسل لجـ جدول؛

مع وصفاتـ طبيعيهـ؛ تغنيجـ عن الكيماوياتـ ؛

وتخليجـ قمر في ليلة عرسجـ؛

وتكونينـ ضربتيـ عصفورينـ بحجر؛

أولاً رضا امجـ عليجـ؛

ثانياً راح تكونينـ احلى عروسـ بإذن اللهـ؛

ومبروووووووووووكـ مرهـ ثانيه الغلا؛

[يا ورد]

[لحظات عابرة]

اول شي مبروك مقدما والله يتمم لج على خير
انا كنت حاضرة عرس وحدة اعرفها كانت مسوية تقشير في نفس اسبوع العرس والمسكينة كان محترق ومبين تحت كريم الاساس الحروق على شكل رضوض في منطقة الذقن اكثر شي ما ادري يمكن لانها مسوية في نفس الاسبوع مالحق الويه يرتاح

[الحياة]

اول شي مبروك مقدما والله يتمم لج على خير
انا كنت حاضرة عرس وحدة اعرفها كانت مسوية تقشير في نفس اسبوع العرس والمسكينة كان محترق ومبين تحت كريم الاساس الحروق على شكل رضوض في منطقة الذقن اكثر شي ما ادري يمكن لانها مسوية في نفس الاسبوع مالحق الويه يرتاح

الغلط من الدكتورة اللي سوت عندها تقشير

لانه اصلا التقشير يحتاااج فترة
يعني قبل العرس ماتسوين تقشير اللي يؤدي الى تقشر الجلد

[الحياة]

شوفي اذا بشرتج مافيها لا تسوين

بس انتي اشترقي مقشر لبشرة الوجه مناسب واستخدميه اسبوعيبا

مع خلطه بسيطه وطبيعيه استخدميها كل يوم
وممكن لو عندج عدم توحد اللون اتسيرين عند دكتورة جلدية توصف لج كريم طبي
ولا تنسين استخدام واقي الشمس دايما حتى لو دشيتي المطبخ
وكثري من الماي
وكريم الليل
وبعد سمعت الدتور الكويتي خالد الطيب يقول لتوحيد لون البشرة وصفائها نشرب كل يوم لمدة اسبوعين عصير خيار

وقبل العرس سوي تنظيف بشرة عند مركز موثوق فيه ومعروف
لا تسيرين صالونات لانهم يدمرون البشرة بتنظيفهم الغير مدروس

[وردة الجاردينيا]

اول شي الف الف مبروك و الله يتمم لج على خير

الله يخلي لج امج تراها الا تحاتيج و خايفة عليك و انا امايه تراها نفس الشي ما تحب نسوي شي فبشرتنا و لا فشعرنا

الله يحفظهن و يطول فعمارهن

[ولوف]

مشكووووووورات خواتي على مروووركن ماقصرتن


وان شاءالله براجع دكتوره جلديه وبشوف شورايها


لاني بعد ملاحظه على بشرتي من فتره كله اطلع حبوووب صغيييييييييييييييييييره مقهوره


ماعرف من شوو ؟؟



شورايكم في الدكتوره سميحه لطفي ؟؟ لاني افكر اراجع عندها



وتسلمن خواتي ع المرور

[بنت البر]

االغاليه كلام امج صحيح مول لا تستخدمينه التقشير انا جربته وندمت لانه عقب التقشير يبدأ يطلع لج نمششششششششششش

[ولوف]

بنت البببببببببببر

تدرين انه في وحده من الاهل تسوي تقشييييييير بس صدق فيها نمشششششششش ؟؟؟

بس انا ماصدقت انه من التقشير قلت يمكن لانها متينه ...!




ومشكوره الغاليه