بناء على طلب ام ذياب والأخوات العضوات الطريقة الأساسية للدخون

[الرفيعة]

معالكم التاجرة الرفيعة
أجرى على رب العالمين
تعلمت الدخون من سنة 1980 من خالتي رحمة الله عليها ثم أكدت لي المعلومات رحمة الله عليها حرمة عطتني سر خلطاتها وبحط لكم المقادير اللي اسويها والأجر من الله واللي تبا تشتري من عندي ترى حاضرة وأسعاري حدها مناسبة مقارنة بأسعار الأغراض اللي احطها في الدخون أو العود
بالنسبة للدخون
أخذ عود بودر من الرصاصي وهذا وصية من المرحومة بإذن الله قيمة الكيلو 300درهم
أما العطور فهي متوفرة عندهم واللي تبا مخلطات ثقيلة ويمكن غاليةعليكم

فهي عند أجمل


وأخذ العطر اللي احبه وعندكم مثلا اللي تطلع ريحته مثل ريحة دخون فزاع اول دخون كانت له سمعته في الامارات تاخذ عطر سلفر موجود عند الرصاصي بعد او نيود أو كول ووتر أو موناليزا كيفيكم حسب الذوق
ولازم طبعا مسك وانا ما اخذ مطحون انا اخذ مسك البانيان وأطحنه فالبيت لأنه أفضل
ولازم ماء ورد دبة بو لترين
الحين المهم إذا تبين تسوين كمية كبيرة يعني فوق 20 غرشة بوغطاء اصفر
يبالك هاي المقادير
12 كوب مال شاء حليب بودرة العود
10 اكواب المسك
3 كوب سكر مطحون
أول نخلطهن مع بعض مع اخذ الأحتياط التالي أثناء العمل( البسي قناع واقي أو عدة طبقات من الشيلة على الفم والأنف حتى ما تتأثر الرئتين واللي ما بيسمع النصيحة خسران) ونضيف السكر عليهم
الخطوة الله عقب 1ملاعق مال اللي نغرف فيها الأكل مسك سائل وان قللتي الكمية قللي المقادير- ملعقة الغراف فل
وعقب نصب الغرشة مالة العطر هي طبعا حوالي نص كيلو
نخلط بملعقة كبيرة وعقب نبدأ نصب الماي الورد شوي ونعجن شوي ونعجن حتى تصير عجينة إن مسكتيها باليد تلاقينا لا ترابية ولا سائلة يعني تقدرين تكورينها أو تسوينها قروص
أتركيها ترتاح وهي مغطاية في القدر مدة نص ساعة
هاتي صينية وأشتغلي عليها قروص أو كور حسب ذوقك
والأفضل تبقى اسبوع قبل الأستخدام في الغراش

ما ابغي حد يشكرني ولا حد يسأل حتى تجربون طريقتي وعقب بسمع آرائكم .. ما في شيء ع الخاص الا الطلبيات وبحط هاذي الاضافة أو الرد في موضوع حتى الكل يستفيد
اللي تبا من منتجات بيت الرفيعة ما بتندم ابد

المزيد من آخر المواضيع من نفس القسم:

• افضل طرق تثبيت المكياج في الصيف
• طريقة تطبيق محدد الشفاه
• طريقة تطبيق الكونسيلر كالمحترفين
• الفرق بين المكياج الاصلي والمكياج المغشوش
• طريقة تطبيق مكياج خفيف نهاري للجامعة
• طريقة تطبيق مكياج العيون الصغيرة
• افضل حيل واسرار مكياج لتبرزي جمالك
• افضل بدائل مزيل مكياج طبيعية وفعالة
• طريقة تطبيق مكياج صباحي ناعم وجذاب
• افضل حيل نحت الوجه بالمكياج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الرفيعة]

السموحة إن تأخرت في الدخول لأني اكون مشغولة مب طول الوقت ع النت

[ام يوسف ويس]

والله انت عسل وربنا يرزقك ان شالله
وعل نياتكم ترزقون

[[..دانــة..]]

ما قصرتي تسلمين ع الموضوع الغاوي

[munamoor]

مشكورة وما قصرتي ،،، كلج ذوق
في ميزان حسناتج
احيد حليلهن البنيات طلبن حد يعلمهن
بس محد طاع ،،،

[الرفيعة]

محد بياخذ رزقي .. كلنا رزقنا مكفول من رب العالمين

[امل السورية]

موووفقة

[شما الهاجري]

تسلمين الغالية وماقصرتي

[كتكوتة حبيبي]

خاطري اتعلم
مشكورة في ميزان حسناتج
اريد اسامي مخلطات حلوة للعود المعطر...
سؤال: كيف حجم الكوب الي تستخدمينه؟؟
كم كيلو عود مطحون نشتري لكمية [١٢ غرشة] ؟؟

[سامية22]

مشكوره

[الرفيعة]

خاطري اتعلم
مشكورة في ميزان حسناتج
اريد اسامي مخلطات حلوة للعود المعطر...
سؤال: كيف حجم الكوب الي تستخدمينه؟؟
كم كيلو عود مطحون نشتري لكمية [١٢ غرشة] ؟؟

أنا حطيت أسامي عطور والمخلطات متوفرة عند أجمل والرصاصي وفي عند الحرمين وانتي وذوقك بس قولي له أي نوع يصلح للدخون وأي نوع للعود المعطر
الكيلو وايد انتي ما بتسوينه كله بس بتاخذين بالكوب اللي نشرب فيه الشاي مع الحليب وبتعطيك مقاديري اكثر من 12 غرشة إذا حجم العبوات صغير والكور صغيرة
بالتوفيق

[الرفيعة]

وع فكرة عندي اروع مخمرية معتقة وفي نوع جديد عود معطر غاوي غاوي غاوي

[m3andah]

تسلمين عالموضوع الحلو

[شمسة المرر]

  
في ميزآن حسنآتج

[نفسي اسيرمكه]

الله يرزقك الجنه يارب