سؤال ----- لييييييين متى !!!!!!

[حرم غاليها]

السلام عليكم ورحمه الله وبركاته
يسعدلي مساكن بكل خير وطيب


عاد انا دوم اتابعكن بصمت واقرى مواضيعكن
واشوف سوالفكن ووافكاركن

وامس الصراحه قررت ارمس بخصوص موضوع الخيانه

صدق خواتي لين متى بنتم نسمع هالكلمه
لين متى بنسمع هاي تشكي وهاي تبا مساعده
والخيانه وخاني ويخوني ووو و و و و و الى ماله نهايه هالموضوع

جد شي يقهر كل يوم ادخل اشوف موضوع الخيانه
واعتقد لو حسبنا وسوينا احصائيه فالقسم اعتقد موضوع الخيانه بيحتل المركز الاول وبجداره ههههههه

وطبعا كل موضوع يختلف عن الثاني وتختلف درجه الخيانه ههههه محللله استويت

لا جد والله لين متى
ماعتقد وحده مامرت ب هالتجربه
وانا منكن ترى هههههههههه

طبعا صدمتي كانت وايد كبيره وما ابالغ
ياخواتي شو هالريايييل الي مايحسون تخيلو اكتشفت ب خيانته من عقب 6 شهور من عرسنا
والحبيب كان يخوني من عقب العرس ب شهر وانا وحليلي المكسينه هههههه مادري وين الله حاطني

تدرن احيد اربيعتي كانت تقولي انه هي دووم تفتش تيلفون ريلها وانا كنت انصحها اقولها لا لا لا لا تسوين جي
ولا تدخلين الشك من بينكم طبعا ها كلامي وانا توني عروس ههههههه ف قالت حبيبتي الريال مامنه امااااان ابدا

تخيلن ماحطييت رمستها ف بالي بالعكس قلت لا لا مابسمع رمستها انا ريلي وعاطتنه كل الثقه وماشوف منه شي
وحليلي كنت مسكينه ههههههه والله اضحك ع عمري

وطبعا اكتشفت خيانته وكانت صدمه لانه مثل ماذكرت اني كنت عاطتنه كل الثقه والله تيلفونه ماصد صووبه وهو عكسي كان يزخ تيلفوني بس بطريقه ذكيه وانا ماكنت احس ولا اعرف

انزين ومن عقبها طبعا شليت من بالي شي اسمه ثقه واصبحت مب انا القبليه
لانه خلاص احس ماقدر اكون شرات قبل وهودوم يقولي خلج شرات قبل لا وتهدمين ههههه شوفو الرده ع العنز المربوطه
الحين انا اللي اهدم هههههههههه

المهم كشفته يمكن ثلاث مرات وماشي فايده
ولين يومكن ادري انه عنده شي بس مطنشه لانه مالي بارض ع الصدعه
عندي ولدي وكل اهتمامي له وريلي اهتمامي طشونه لا تقولن لا ردي اهتمي
لانه لو شو اسوي احس مابيكون من خاطري مثل قبل

يالله قبل شو اسوي اطير واحل عشان ارضيه
الحين طاف ماقول ماهتم بس مب شرا قبل ومب من الخاطر

ف يا خواتي ماعرف شو الحل
ولا الحين ترى كل وسائل التواصل موجوده ومسهله حق الرياييل
وحتى الرمز السري طورووه وصار ببصمه يعني امنوو عليهم عدل ههههههههههه

تدرون انه هو عادي عنده يستخدم كل وسائل الاجتماعيه من تويتر وغيره
وانا لا هههههه يخاف عليه ويغار ههههه اخرررط علكين تعرفن الريال اللي يسوي شي يخاف حرمته تسوي شي هههههههه

ف لا تي وحده وتقول ترى من الحرمه لا والف لا
يعني الحين كل حريييييييييييم العالم مقصرات والرياييل كامليييين ولا فيهم شي !!!!!!!!

اذا الحرمه مقصره ريلها بيي وبينصحها مب بيسير يركض ورى الشقره والحمره

ياما حرييييم مب مسوين سالفه لريايييلهم وشوفو رياييلهم كيف ماشين ع السراط المستقييم
ونحن نركض وراهم ولا معبرييينا
جيه ان شالله شو كاضني
ماعتقد بيدخلني الجنه ولا شو رايكم


انا مارمس واقول احقرو رياييلكن لا
انتي يالي مجروحه ومكسور خاطرج قومي نشي واصحي
شوفي نفسج وعيشي حياتج لا تقولين عيالي ترى عيالج بيكبرون وبيشلون عمارهم
البنت بتعرس وبتيلس بيت ريلها والولد بيعرس وبيشل حرمه والريل وين هههههه ف تايلند يسوي مساج وانتي حطي ايدج ع خدج
وصيحي ههههههه

بسكن عاد حزن وكآبه ترى كنت شراتكن بس فكرت نعم يعني لين متى بتم ادور حط يطبطب ع جتفي ويواسيني
لا فديتج لا تترييين حد قومي واوقفي ع ريلج وعيشي حياتج وترى ريلج جزء من حياتج
يخون ومقصر وياج من ناحيه ماديه كلميه .. ماسمع رمستج كلمي حد من اهله ترى ها حقج يصرف عليج وان مايابته الرمسه
اكوه هاا القانون والدين وياج
مايدلعج؟ بالطقاق دلعي نفسج بنفسج كلمي اربيعاتج واهتمي ف نفسج وارقدي ع كيفج ونشي واكلي كله لنفسج مب عشانه

واللي بتي بتكتب ريلي يخوني وغيره بهزبها بسكن يا خواااااتي والله اقول خواتي لانه نحن كلنا شرات بعض ونحس ببعض
بس بعد لازم مانسوي جي بعمارنا

شورايكن نسوي قروب معا ضد الخيانه الزوجيه هههههههههههه

والله ياخواتي انا يايه اني ارمس وافضفض
ومب يايه اطرح مشكله وابا حل لا لا لا بسنا ونحن نتريا حلول وندور افكار حق فلان وعلان
عيل شحقه ماشوف منتدى رجال الامارات ههههه تخيلو عقب ندخل منتدى ونشوف الريال يشكي الحال ههههههههه

طبعا مستحيل لانه الريال يعرف كيف يعيش نفسه ويستانس ويركض ورى الشلقه والبلقه ههههههههه

الله يهديهم ياخواتي هالزمن يزيغ والله
والله كل مره ايلس ويا وحده لازم تقولي هالشريط اللي اسمه الخيانه هههههههه
لين متى انزييييين شو هي العله ولا شو هو بالضبط

المهم وفي الختام اتريا اشوف كلام يفتح النفس
ويبرد الفواد

ويلا انطلقوووو

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام حارب 2]

صح كلامج .. بالذات اذا عرف انج زخيته انه يخونج بيركض شرات جلب بس عسب يرضيج .انا اتكلم عن نفسي خخخخ
كم مره زخيته انصحح مول ما شي فايده عقب طنشت الموضوع لين متى اضارب واحرق قلبي بعيش حياتي احسن بلا عوار قلب
الحرمه تسوي كل شي حق ريل .. بس ريال ما يعيبهاا شي ... طبعاا مب كل رياييل نفس شي ...

[امراه]

عليكم السلام والرحمه احس مالها علاج ههههه لااتعصبين عليه ماايبرد الفواد ردي اناعن نفسي مااراقب ريلي ابدا بس اشغله بالبيت واعوده عالصرف فالبيت والاهتمام فينا احس جي ماعده وقت حق خرابيط واحليله من ينزل من دوامه يراكض حقنا وحق اهله واحاول جاهده اوفره كل شي فالبيت وتلفوناتنا مافيهم ارقام سريه متى مابغيت تلفونه اشله وهو نفس الشي متفاهمين جي احسن عن المراقب ولله مابتخصلين من واره غير الهم حاولن تكسبنهم احسن لكن

[دنيا غدارة]

صح كلامج يا ختي بس بنسبه للي أشوفه في الواقع اي وحده تقرا في مشاكل البنات وتسمع لهم ودخل شك بنفسها لحياتها ودمرها لو كان ريلها اوكي ماعليه اي كلام ولا أفعال ولا ادله على انه يخونها فهي تحطي هالشي في باله انا ما أوقف مع الريال. ولا مع المره في الحيان المشاكل الي نسمعها ونقراها هي سبب المشاكل

[sarah161]

ساعات أشك ان الدنيا مافيها رجال عدل!
بصراحه صديقاتي على اختلاف جنسياتهم كلهم ازواجهم يخونون أحيانا لما اشوف اقصصهم أقول الحمدلله يمكن اللي عندي على أخف شوي.

بصراحه موضوع الخيانه صار مثل شرب الماي! انا ما احب اكتب موضوعي و استشير احد لأن مثل ماقلتي خلاص ليش نهم نفسنا ! كل وحده تدلع نفسها وتعطي الي عندها طاف وخلاص.
اللي استفدته واستنتجته من صيداتي ان ابو طبيع ما يجوز عن طبعه. وكلهم يقولون (أنا اسف, انا ذليت نفسي اعتذر, انا اوعدج ما اكررها, انا احبج, انا حقير وتافه ونذل, سااااااامحيني) لوووول هذه الجمل المعتاده نسمعها في اغلب البيوت و ياليت على سنع.
من قلبي احسد كل وحده عزباء وياليت الزمن يرجع ورا كان عشت حياتي صح.

[اموووره]

لين متى ؟؟؟؟؟ لين مايشبع والانسان بطبعه طمااااع ومن شب على شيء شاااب عليه

سمعت قصص وااااااااايد وباعتراف من اصحابها

وسالت الشخص نفسه ليش تخون مع انه حرمته مو مقصررره ابدااا وبيرفكت وجميله جداااا

جوابه كان بكل بساااطه ( مليت من الروتين واحب اغير بس مردي لزوجتي ام عيالي )

جربت الخيانه وكرررهتها جدااا وكانت فعلا سبب باتخاذي قرار الانفصال النهائي

والحين اعيش حياة خالية من شبح الشك والخيانه اللي فعلا يذبح الحرمة الف مره باليوم

الله يهديهم ويصبر كل امرأة خانها زوجها

ويعوضها بشي افضل منه بحياتها

[Fa.R]

كلامج برد فوادي ياربي من متى ودي أكتب موضوع عن الخيانة وما أتفيج
لأن كم بكتب بس مايفيد لأن الحرمة طبعها عصبية وحارة ومتسرعة صعب تغير هالعادة
إلا بالممارسة والثقة بالنفس والتفكير الإيجابي

بس جوفي فديتج إذا الحرمة مش مقصرة ! 100% العيب من الريال ،،،،، هذيلا وين يعرفون الدين غير الصلاة خبريني ؟
عندهم وقت يقرون عن شخصية الرسول صلى الله عليه وسلم وتعامله مع زوجاته ؟ ماعندهم وقت يتثقفون في
هالسوالف يشوفونه تضييع وقت .. هذيلا يدورون جمال وجسم وبس ....... متعطشييييين

[غرووب 22]

سبحان الله وبحمده سبحان الله العظيم

[ناروتا]

الله المستعان
سؤال لكل حرمه زوجها خانها , هل كان زوجك عنده وقت فراغ كبير في يومه ؟ !
انا احس ان الزوج لو كان يومه فل ما بيحصل وقت للخيانة , هل هالتفكير صح؟

يعني الزوجة تحاول توجد برنامج يشغل كل اليوم , مثلا بعد الدوام يكون في موعد لزيارة الأهل , موعد لزيارة الأصدقاء , موعد للطبيب تشيك عام عالاسنان او او او , موعد للجيم , طلعه مع اليهال حديقة او غيره , مشوار للكارفور او للسوق نشتري الأغراض سوا (الحرمه مع ريلها ) مب تسير الحرمه بروحها او الدريول او الخدامه لالا , موعد لأي نشاط آخر مثل حضور دوره تعليمية او حضور دروس حفظ القرآن او او او
والله يا اخواتي احيانا اسوي سينما في البيت حتى ما يطلع او الشباب السينما برات البيت مع الربع , يعني احمل من الانترنت فيلم هو يحبه اكشن او رعب مثلا واجهز البوب كورن وهالسوالف ونشوف الفيلم عالتلفزيون عندي شاشة كبيره , وبس يخلص الفيلم احمسه اني مجهزه فيلم ثاني او الجزء الثاني من الفيلم بنشوفه بكره او بعده

ليه ما تفكرون يكون لكم تجارة خاصة تشغلون وقتكم فيها , وينشغل فيها الزوج على وجه الخصوص بعد فترة دوامه , محل كرك محل عبايات كشك بالقرية العالمية اي شي اي شي

واكيد في افكار كثيرة بحيث الريل ما يكون عنده وقت للف والدوران
وفي شي مهم , الريل لي عنده بيزات فايضه تخربه , وتخليه يفكر يسير فنادق وسفرت مع ربعه وغيره , ليه ما تفكرين تستغلين بيزاته الفايضة باي شي مهم مثلا تسيرون حج وعمره , تكفلون يتيم او اكثر , تبنون بيت يديد لكم , تساعدون محتاج , تساهمون في بناء مسجد الخ

اخيرا
اتمنى يسكرون التويتر والانستجرام وكل وسائل التواصل الاجتماعي خربت كثير بيوت وما احس منها فايدة غير للي يبي يتاجر

[(خيماويه)]

سوري بس لو حرمته ملكت جمال بعد بيطالع وبيبصبص يعني ماشي وحده تاخذ مقلب بنفسها وتقول ريلي مايشوف غيري ههههه وﻻ جان ماحللهم رب العالمين 4 حريم هذا بالفطره يعني لو شو ماسويتي بيغازل وﻻ بيتزوج وﻻ بيبصبص !

[Fa.R]

سوري بس لو حرمته ملكت جمال بعد بيطالع وبيبصبص يعني ماشي وحده تاخذ مقلب بنفسها وتقول ريلي مايشوف غيري ههههه وﻻ جان ماحللهم رب العالمين 4 حريم هذا بالفطره يعني لو شو ماسويتي بيغازل وﻻ بيتزوج وﻻ بيبصبص !

حتى الحريم يوم يتزينن ويطلعن المول فطرة ؟ عسب يغرن الرياييل !

الله أمر على الجنسيين يغضون البصر ما يت عالريااااال

الله سبحانه حلل ال4 لحكم كثيييرة مش بس الفطرة


دامه يبا وحدة ملكة جمال وجسم وشخصية عيل يابوية لا يلعب ع بنات الناس
وياخذها وأخر شيء يمل ويفرها !! دامك تبا وحدة ب هالصفات دور دور لين تتعب وتحصلها
بس أنك تاخذ وحدة عسب تسد شهوتك وتخليها وتسير تدورلك وحدة تحبها ويكون بينكم قصة حب لا مايصير ابداً ......

[جداً جميلة]

بنات صدمتوني .. بعدني انا مب متزوجة يبتولي صدمة عاطفية هههه
بروحها حياتي صعبة وافكر فالعرس بس عشان اطلع من البيت ومن المشاكل اللي انا فيها،
مادري شو الاكثر مرارة اكمل حياتي عزوبية وكلها مشاكل ولا اتزوج وانصدم فريال خاين

[جدران ملتهبة]

انا اشوف الحل الوحيد لهذه الجريمة تفعيل حد الرجم
يوم تم تعطيل هذا الحد نسبة الخيانة بترتفع وبترتفع وبترتفع مهما كان

[ناروتا]

انا اشوف الحل الوحيد لهذه الجريمة تفعيل حد الرجم
يوم تم تعطيل هذا الحد نسبة الخيانة بترتفع وبترتفع وبترتفع مهما كان

+1
من أمن العقاب أساء الأدب
هلكنا يوم عطلنا حدود الله

[Fa.R]

بنات صدمتوني .. بعدني انا مب متزوجة يبتولي صدمة عاطفية هههه
بروحها حياتي صعبة وافكر فالعرس بس عشان اطلع من البيت ومن المشاكل اللي انا فيها،
مادري شو الاكثر مرارة اكمل حياتي عزوبية وكلها مشاكل ولا اتزوج وانصدم فريال خاين

لا تخلين مواضيع المنتدى تأثر عليج ، مش كل الرياييل جي
إذا أنتي حببتيه فيج وعطيتيه الي يباج أكيد بيحبج ولو كنتي دبلوماسية فالتعامل بيمووت فيج
أما لو تفكرين تكونين مجرد زوجة وأم وحدود تفكيرج بيتج والعيال لا ما ينفع
فكري كيف تكونين أخت وصديقة وزوجة وأم وكل شيء لريلج

الله يوفقج حبيبتي ويرزقج الزوج الصالح ، تفائلي خير الغالية وثقي برب العالمين
الدنيا دار إبتلاء

" وإذا أحب الله عبداً إبتلاه "


وقال النبي صلى الله عليه وسلم: ((ما يصيب المؤمن من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه)). رواه البخاري و مسلم