رسائل زوجي وخجلي

[كرز ارتكواز]

في البدايه أشكركم على مشاركاتكم في موضوعي السابق

وشكر خاص إلي راسلوني على الخاص

وحابه أستشيركم في شي ثاني زي ما قلت في موضوعي إلي قبله

انا مره خجوله و أعترف أحياناً اذا أتصل علي ما ارد من

خجلي أحس إني الى الان ما تعودت عليه وأستحي أكلمه

الى الان ما شفته الا اربع مرات يجي بس يوم السبت صار لنا

متملكين شهر

لما يكلمني بالواتس أرد عليه عادي لكن المكالمات ما ادري ليش

أستحي لدرجة ان يدي ترجف واعرق مره

أحياناً يسأل عن احوالي ويسألني عن دراستي

اجاوب على قد السؤال لانه لا شعورياً يحرجني يعني قبل اسبوع

كلمني بالواتس و عقبها سألني وش سويتي اليوم قلت له

طول النهار اذاكر لان عندي امتحان خلصت على المغرب

وبعد شوي بنام

أرسل لي نوم العوافي

ما رديت عليه سكت عقبها ارسل متى بتنامين في حضني ما اقدر أصبر


انا مره أستحيت سكيت جهازي بعدها بربع ساعه ارسل

فديت إلي تستحي


وهذا غير الرسائل الغراميه ونادر ما ارد على رسائله لانه هو عارف

إني مره أستحي

وهذي هي المشكله الخجل وابغى اخففه

هل أتصل عليه و أكلمه وإلا أرسل له رساله غراميه

احس انه بيمل مني

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الــــدبـــــه]

الغاليه اول شي مبروك فديتج
والله يتمملكم على خير ان شاء الله
ثاني شي الافضل تخلين امورج معاه شبه سطحيه
واحلى البنت بخجلها في هالفتره لأن بعدين راح يروح هالخجل كله
فخلج مثل ما انتي افضل وعيشي وقتج وحياتج عادي
هذا زوجج الحين جدام رب العالمين ثم الناس
باقي بس العرس على شو هو مستعيل !!
اصبري وخلج ثقيله شوي معاه وخلي خجلج مثل ماهو
والسموحه منج الغاليه

[A l - j e e m]

هذا شي طبيعي ، لا تخافين وترى في انواع
عن نفسي كنت مثثثلج بس ريلي اعترف لي ما يحب
البنت اللي تستحي وجي وعقب غيرت شوي وتفتحت شوي

يعني تمي مثل م انتي بس لا تستحين بزياده لانه في
ريياييل م يحبون

[غلآ نفسي]

حلو انج تستحين انا اقول خليج ع طبيعتج وعفويتج وهو فاهم انج خجوله بس عقب العرس لا تمين جي وايد مستحيه

بالتوفيق

[{ آحلى دلع ..]

ياليت بنآت هالوقت نفسج

[كرز ارتكواز]

الله يبارك فيكم مشكورين

[وديمه]

الله يبارك لج ويتتم لج بخير والخجل والمستحى زين صدقيني

وهذا بالعكس راح يزيد من قيمتج عنده خليج خجوله لاتشلين

لباس الخجل هذا هي الصفه الاساسيه الي لازم تكون في الحريم

ولين صرتي عنده فديتج بتسويين وتقولين الي تبين

الله يوفقج

[كرز ارتكواز]

تسلمين يا قلبي وشكراً على المشاركه

[Fa.R]

أختي الصراحة ماله داعي تكتبين تفاصيل شو يقولج وشو يطرش
إذا أنتي خايفة وتستحين وماتعرفين تتصرفين ليش ملجتي من الأساس ؟
توقعت المشكلة كبيرة ، طيب بعد مانزلتي الموضوع شو راح تستفيدين

تراه خلاص قلنا لج فديتج هو زووووجج حلااااالج لازم تتعودين وهذا شيء طبيعي
يصير مع البنت لأنها تجربة يديدة وهيك ، بس نصحناج في موضوعج الثاني لا تطلعين معاه وايد إلا و حد معاكم
تفادياً لأي ظرف ممكن يصير

بس بخصوص الحياء هالصفة حلوة بس مش بزيااااااادة

بعد الزواج بيخف لا تحاتين

ومبروك حبيبتي والله يتمم امورج على خير يارب

[كرز ارتكواز]

الله يبارك فيك بس كنت بوضح السبب إلي يخليني أستحي منه

[m3andah]

الغاليه اول شي مبروك فديتج
والله يتمملكم على خير ان شاء الله
ثاني شي الافضل تخلين امورج معاه شبه سطحيه
واحلى البنت بخجلها في هالفتره لأن بعدين راح يروح هالخجل كله
فخلج مثل ما انتي افضل وعيشي وقتج وحياتج عادي
هذا زوجج الحين جدام رب العالمين ثم الناس
باقي بس العرس على شو هو مستعيل !!
اصبري وخلج ثقيله شوي معاه وخلي خجلج مثل ماهو
والسموحه منج الغاليه

كلام سليم

[غرووب 22]

لا اله الا انت سبحانك اني كنت من الظالمين

[كرز ارتكواز]

شاكره مروركم

[munamoor]

​باقي من موعد الزواج تقريبا شهرين أو أقل مثلما وضحتي لنا في الموضوع السابق
ما أجمل الفتاة عندما ترتدي لباس الحياء ،،،
كوني مثل ما كنتي عليه ،،،، ولا تجعليه يقضي على هذه الخصلة الجميلة التي قلما
نجده في هذا الجيل ،،،
بعد ما ينقضي الشهرين فهو حلالك أمام الناس و سيتم التشهير ،،،،
و بعدها اكتبي له ما تشائين عزيزتي ،،، ولكن كوني على ثقة بأن بعض الرجال يحبون
أن يختبروا زوجاتهم في هذه الفترة ،،،

[شعاع امل]

هههههههه قولي له .......يوم اطلع من حضن بابي ومامي!!!!! خخخ سموحه منك اختي...ردي عليه بصوره مضحكه.....او غيري الحديث معاه.... وقول لي له مشغوله وخلاص