استري عسب الله يستر عليج

[Ms anime]

مثل ما هو مكتوب بالعنوان كثير نسمع بهالكلمه بس صدق هالكلام ينفع بهالزمن ؟ وايد اسمع عن زوجات اكتشفوا ان ازواجهم يتعاطون او يسكرون او يسوون علاقات مع البنات ويمكن توصل للشذوذ وطبعا في ناس تنصح وتقول استري عليه عسب الله يستر عليج بالمقابل لو الريال خربان وحرمته انسانه عفيفه وطاهره وطلقها ما يتردد لاهو ولا اهله ان يالفون عليها قصص عسبب يسترون على ولدهم ويبررون له والعكس صحيح , ناس تمدح ببنت طيبه وسمعتها زينه تطلع وحده ما تدانيها وتشوه سمعتها والبنت اللي ما تحترم احد او لها علاقات يوم يعرفون انها بتتزوج يقولون اسكتوا استروا عليها فليش هالتناقض والمثاليه الزايد والزائفه؟ بالاول كنت اصدق هالكلام بس الحين عرفت ان الطيبه والاخلاق العاليه بزمنا يعتبر غباء لان يتفسر انه خوف , فليش استر على ناس ما سترت على نفسها او على غيرها ؟ مثال وحده تزوجت مطلق واكتشفت ان سبب طلاقه من الاولى كان بسبب الشرب والاهل و الجيران يوم سالوهم قبل الزاج عن الريال الكل مدح باخلاقه وذموا طليقته وبالنهايه طلع العيب بالرجل لانه يشرب فالنتيجه ان بنت الناس راح مستقبلها مع واحد كانت تقدر تتجنبه
حبيباتي خلونا نتناقش بهالموضوع اترك المايك لكم

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ماحد شراتي]

صبـــاح الخيــر

صح كلامج وانا معاج 100% ولو تلاحظين هالايام صارت المجاهرة بالمعصية شي عادي فهم ما ستروا على اعمارهم ولا تابوا فكيف يبون الناس تستر عليهم والطيب واللي على نيته فهالزمن يطلع غبي وساذج لان الناس راح تستغله وتستهر فيه ..

الله يحفظنا من هالنوعيه من البشر

[غنه]

اسمحوا لي اخالفكن الرأي
انا ما علي من الناس
بعاملهم بأخلاقي و باللي أمرني به ربي
لكن مسألة الزواج يجب أن لا نمدح شخص لا يستحق و لو حد سألني عن شخص خربان بكتفي اني أنصح بالابتعاد عنه دون ذكر الأسباب عل الله يتوب عليه

[Ms anime]

صبـــاح الخيــر

صح كلامج وانا معاج 100% ولو تلاحظين هالايام صارت المجاهرة بالمعصية شي عادي فهم ما ستروا على اعمارهم ولا تابوا فكيف يبون الناس تستر عليهم والطيب واللي على نيته فهالزمن يطلع غبي وساذج لان الناس راح تستغله وتستهر فيه ..

الله يحفظنا من هالنوعيه من البشر

صباح النور يا عسل وصدق كلامج في ناس ما تستر على نفسها بس هالنوعيه يظلون اهون من اللي يسوون واذا انكشفوا يصرون انهم ما سوا شي ويمكن يقلبون ويتهمونج انتي بالغلط

[Ms anime]

اسمحوا لي اخالفكن الرأي
انا ما علي من الناس
بعاملهم بأخلاقي و باللي أمرني به ربي
لكن مسألة الزواج يجب أن لا نمدح شخص لا يستحق و لو حد سألني عن شخص خربان بكتفي اني أنصح بالابتعاد عنه دون ذكر الأسباب عل الله يتوب عليه

هلا اختي غنه
طبيعي كل واحد فينا بعامل الناس على حسب دينه وتربيته و اخلاقه ولكن في بعض الناس ما تستحق وهاي الفئه اللي انا اتكلم عنها ,صحيح ان الدين حث على الستر وامور كثيره بس الاغلب من الناس بعيده عن الدين و تفسر الدين على كيفها او بمنظور تناسب مصلحتها للاسف

[ليندااااا]

انا معاك في كل الكلام الي قلتيه
بس الانسان يعامل الناس باخلاقه مو باخلاقهم

[ميميه88]

الاهل طبعا بيسترون لكن الجيران اتوقع مايبون كلمه تطلع منهم واطيح السالفه عراسهم او يتمشكلون
عنيه اذا فيه اشيا عاديه وماتضر مب لازم اطريها لكن مثل اشيا ماينسكت عنها بالعكس برمس خصوصا اذا انه لها تاثير بالمستقبل

[وديمه]

الله يستر علينا وعلا اعباده اجمعين


والله يعين الناس قامت تتفاضح ابلاش


الله يرحم زمان اول

[شعاع امل]

الله يستر على الجميع ويوفقهم...بس من ناحية السكوت مرات يعتبر غباء رغم انه طيبه وحسن تصرف..بس مب في كل الحالات

[غرووب 22]

لا حول ولا قوة الا بالله

[ام اثنين]

ليشً نسال الجيران السمج الخايس معروف مصره من وين ومحد يتكلم عن حد الا اذا شاف بعينه او اكثر عن حد تكلم

[اموووره]

الاهل يسترون عولدهم لانه بلوى ابتلوا فيها

البعض منهم طبعا يحبون الهذربان والحش باعراض الناس

وسبحان الله بيتهم مثالي جدااا (مايشوفون عيوبهم )

[احلى بعفويتي]

الله امر بالستر .. بس في زواج لا لازم نقول الحقيقة

[(خيماويه)]

الله يستر عالجميع