انتي ياللي تكلمين المتزوج هالموضوع لج

[بنت_بوظبي2]

السلام عليكم ورحمه الله وبركاته


شحالكن خواتي


اليوم بطرح موضوع قاهرني الا وهو اللي تكلم لج واحد متزوج وهالايام مستويه موضه الله يستر علينا وعلى بناتنا

شو مشكلتج حبيبتي فضفضيلي

تتحرين اذا كلمتي المعرس بيطلق حرمته وبياخذج .؟؟ والمصيبه والطامه الكبرى اذا طلعت هي بعد معرسه ( فإن لم تستح اصنع ماتشاء)

ابا اعرف شو المغزى انهن يكلمن معرسين ولا تفكر بيوم من الايام يمكن الله يسخر لها ريل وتعرس وتدور الدنيا ويكلمنه البنات شو بيكون شعورج ؟؟


كل شي فالدنيا هذي دين ومحد بيموت الا مايوفي دينه



الله لا يوفق كل وحدة تفكر تاخذ ريال عن حرمته وبيته وعياله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عاشقة السعادة]

قلتيها ...( فإن لم تستح اصنع ما تشاء) زادت هالنوعيات وخاصة في الشغل وبعض المتزوجات ماخذين المسالة للتسلية وتقزر وقتها بالسوالف مع اي حد ..الله يهديهم يارب العالمين.

[jumana]

إن لم تستحي فأصنع ماتشاء

وليش ماقلتي بعد الريال المعرس ما إستحى عويهه يوم رمس ، مافكر في حرمته وعياله ، وإلا حب التغيير ساري في دمهم ... لو فيه خير كان ما فكر فالحرام ورمس .. والقهر يوم مافيه عيب أو سبب في بيته يخليه يرمس أو يخليها ترمس

الغلط من الإثنين وماعتقد الريال وحدة بتجبره إنه يرمسها لو كان حازم من البداية مابيعطيها فرصة

بس سبحان الله كل ساقط وله لاقط
والله يهديهم

[NiceLondon]

كل شي للحرمة
اصلا اللوم على معرس مسود الويه دايما مجتمع يلوم الحرمة الريال مررة اغلاطه مثل ذبابه يحتقرها تراه يجمع ذنوب
لكن بعد حرمة مش معرسة تغلط جان تساير الموضة الله الكريم

[[..دانــة..]]

والله لو الريال حشيم ما يهمه لو تحاول من ما تحاول تغرييه بالكلام ولا اللبس ما تلفت لها
بس اللي فااااالت من يومه ماله علاج

الغلطه مب من الحرمه من الرياااال اللي ما يحترم بيته وحرمته وعايلته

[Ward-uae]

كله كوم واللي تغازل الريال جدام حرمته وعياله كوم
حتى خساره عليها النعال
ما اقول غير الله يهديهم ولا تلوم بعدين فكل وحده الله يرزقها على قد نيتها

[مالتيزرس]

ما أقول غير حسبي الله ونعم الوكييل ..

[أنسه زيتونه]

الغلط واللوم كله ع الريال المتزوج مب البنات مب ذنبهم انه الزوج مب محافظ ع بيته اصلا اذا كانوا يدرون انه معرس

الحين اغلب المتزوجين يقصون ع البنات اونه منفصل بينفصل
مطلق وحبكه درامية عسب يعلقون البنات
المشكله ف الزوج والنصح يكون للزوج والعتاب والعقاب له

والحرمة المعرسه ما ادري ش اقول وايد نماذج كنت اشوفها
بالدوام لا حيا ولا مستحي حال الدنيا تغير الله يستر بس
اخاف باجر تحجج الحرمه بالخيانه لانه مب مدلعها بالماركات والهدايا ..

[ساحره العين]

اللوم على الاثنين
عالريال اللي ما يقدر مشاعر زوجته وعالحرمه اللي مل تحافظ على بيتها وعيالها
وكلام سلييييييييم من راعيه الموضوع

[مالتيزرس]

من رأيي الشخصي
السبب الرئيسي .
1-قلة الوازع الديني ..الله قال فكتابه (ومن أعرض عن ذكري فان له معيشة ضنكا)..
2_كثرة الفتن والتسكع فالمولات لا رقيب ولا حسيب ..طبعا ما بخوض فالتفاصيل لأنه الكل يعرف شو الحركات اللي تصير
3_زيادة عدد البنات وقلة عدد الشباب اللي يروحون فالحوادث ..
4_طبعا بعض الشباب يعتبرونه نوع من التسلية وتضييع الوقت ..
5_أجهزة التواصل الاجتماعي بشتى أنواعها
وطبعا النتيجة ..
أما زواج من الثانية وهدم بيت الأولى ..
أو يخليها بس تسلية وتقضية وقت ..
أو يمل منها ويدور لبنت غيرها يلعب عليها وتلعب عليه
هذا من رأيي الشخصي ..
والله يهدي بناتنا وشبابنا ..ويستر عليهم

[الوردة الجورية]

كله كوم واللي تغازل الريال جدام حرمته وعياله كوم
حتى خساره عليها النعال
ما اقول غير الله يهديهم ولا تلوم بعدين فكل وحده الله يرزقها على قد نيتها

ههههههههه

صارت معاي.. في المارينا مول
وحدة تمشي مع ربيعتها من شافت ريلي.. بيدها وخرت شيلتها عن صدرها و عباتها مفتوحة و مبين جلد صدرها و تمسّح عليه وتطالعه!!!!

"فَحْلي" الله يحفظه ويبارك فيه ويخلينا لبعض..
بشكل سريع تف عليها تفّة وسبها جدام الرياييل والناس الموجودين وحتى شافوا الموقف بياعين كم واحد واقفين جدام محلاتهم غير المتسوقين بين المحلات وقال عنها زبالة ههههههه

تستاهل،،،



اتمنى كل واحد محترم يرد مثل رد زوجي على الزبالات

[فوااغي 11]

والله ياختي من الفتن ماتعرفين شوو تقولين اللي تتحرش بريلج جدامج واللي يتحرش فيج جدام ريلج مافي امان مووول
انا اقوول البنت اللي تغلط مع واحد او تكلمه وهوو معرس لازم تتعاعقب ع هالشي الحرمه ماتسكت عنها وتبلغ عليها عشان تتادب وتنفضح يعني خلصوو الريايل تدورين واحد معرس ولين متى نحن الحريم بنسكت ونشوف ريايلنا ينسحبوون شوس شوي وتنهدم بيوتنا الريال حتى لو غض البصر حتى لوو محتشم الحرمه حرمه لو بغت تغر ريال بتغره بصوتها او اي شي والريال ريال كم بيغض مرده بيرفع عينه يعني يووصلون الين مكتبه ويتميعون والدخون واصل الين اخر الممر شووو هالحاله والين متى بنتحمل يعني مافينا غيره على ريايلنا

انا ماقووول غيير الله لايوفق اي بنت تخرب بيت ريال معرس وعنده عيال وبيدور فيها الزمن وبتذوووق اللي ذاقوووه

[Fa.R]

اللوم على الاثنين
عالريال اللي ما يقدر مشاعر زوجته وعالحرمه اللي مل تحافظ على بيتها وعيالها
وكلام سلييييييييم من راعيه الموضوع

[الوردة الجورية]

اللعوبات ممكن يفضلن المتزوج عشان مايهددهن او يفضّح فيهن.. لأنه متزوج ويبا يحافظ على بيته.. اما العزابي ممكن يفضحها ويهددها بالصور وغيره

هذا اعتقادي والله أعلم

والخاينة المتزوجة وتغازل يمكن ريلها مثلها واثنينهم خبيثين

واللوم على الاثنين الحرمة والريال بالتساوي والا ما كان رب العالمين جعل حد الزاني والزانية مثل بعض

الاثنين غلطانين

[نوودي ~]

الحمدُلله على نعمة الحياء والاستحياء
اسأل الله الهدايه لي ولكم ولكل امة مُحمد شبابها وفتياتها ، نسائها ورجالها
في زمن كثُرت فيه الفتن واصبح الممنوع مَرغوب ..