هل يلي سوته صح او لا؟

[مها الكعبي]

السلام عليكم والرحمه

بدش ف السالفه ع طول وهالموضوع يخص ربيعتي

ربيعتي قبل فترة راحة البنك تسوي حساب وجي وقالوا لها تسوي حساب توفير
المهم وقعت اوراق عسب تسوي

عقب يومين تموا كل يوم يدقون ويدقون وهي ترد عسب تكمل الاجراءات عسب ياكدون الموضوع
المهم عدا اسبوع وراحت وخذت البطاقة من البنك
وعقب هذيج الموظفه ردت دقت تقولها ليش ما يتي توقعين اوراق ثانية
سئلتها ربيعتي قالت اي اوراق اانا وقعت اوراق عندكم وما خبرتيني ايي مره ثانية
وعقب ربيعتي قالت لها خلاص يوم بفضى بييكم وبكمل باجي الاوراق لانه هي تدرس وعندها كلاسات وهي اخر سنه ما تقدر تطوف كلاسات
وما انها خبرتهم انها مشغوله وما تقدر تي الا انهم تموا يدقون ويدقون
بس طنشتهم لانه هي مخبرتنهم انه ما تقدر هالفتره
وف الاخير طرشت مسج لهم انه لغت السالفه حقت حساب التوفير وعقب اذ غيرت رائها بتيهم بنفسم وامها دقت لهم وقالت لهم هي ما تبى خلاص الغوا الموضوع لانه مثل ما قلت لكم هي بزي وعندها مشاريع
بس ردوا دقوا وهي طنشتهم

تتوقعون يلي سوت صح او لا؟
وهل من حقها تلغي الموضوع دام اوراق ناقصه ما وقعتها؟

وع فكره هالبنك ابدا مب بروفيشنل ف تعامله المفروض يحترومون العميل وكله يدقون اغلب الوقت من الموبايل مب من المكتب من شهر وهم يدقون

وحساب التوفير هم بعد بيستفيدون منه بعد لانه بأستثمرون فيه وفيه فائده حقهم والباجي للعميل

ياليت تفدون ربيعتي لانه تحاتي يسون لها سالفه وتتوهق

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[شعاع امل]

هلا اختي هههههههههه لا اختي هذا بس حساب توفير وهي لغت هذه الحساب

حسب قوانين البنك ........ولكن ماتصور ان عليها رسوم على الالغاء وحتى لو كان في يعني شي بسيط 100 درهم


بس لازم تتصل تتاكد من الالغاء


المتصلين هم خدمة العملاء يريدون زبون فيتصلون باي وقت يمكن البنك جديد او شي


هذا اختي الغاء حساب جديد ....وليس اختلاس.........او شي غلط

[امراه]

الله يحفظها ماعليها خلاف

[sakura-san]

المفترض اذا لغت الحساب ترجع البطاقة للبنك عشان يلغونها وتوقع اوراق الالغاء

والموظف في البنك يتحاسب اذا ما كمل الاجراءات لان عندهم مدققين كل فترة يدققون على شغلهم ( انا كنت اشتغل في بنك واعرف الاجراءات ) ونفس الشيء كنت اضطر اتصل للعميل عشان يخلص الاجراءات

الافضل اذا في اجراءات محتاج انها تروح تقدر يوم السبت تخلصها لان البنوك ما يأجزون السبت

[غرووب 22]

لا اله الا انت سبحانك اني كنت من الظالمين

[ماحد شراتي]

مشكلة هالبنوك

لا عادي بس لازم تروح للبنك او تتصل على خدمة العملاء وتطلب الكنسلة احسن عسب تم في safe side

[ماما سلطان]

ترا الموظفه اللي تشتغل في السيلز لازم في كل شهر اتييب عدد معين من العملاء وعندها ليمت لازم تكمله.... فأكيد تحرق فونها بالاتصالات عشان ما تحصل إنذار أو تخسر.... طنشوهم .... شي بنوك أفضل مثل الهلال وأبوظبي الاسلامي ....

[مها الكعبي]

تسسلمون ع ردكم ما قصرتن

وهي يوم سوت حساب توفير ابد ما عطوها لا بطاقة ولا شيء
ها معناه انه بعده ما خلصوا
وحتى الموظفه يوم ربيعتي راحت ما خبرتها انه باجي اوراق توقعها الا عقب فتره
بس خبرتهم انها كنسلت ما تبي لانه ما تروم تروح لهم هالفتره وهم مصرين تييهم وحشروها يدقون كل يوم ف ما كان عندها غير تغلي الموضوع

مره ثانية مشكورات ما قصرتن ربي يعطيكن الصحه والعافيه

[munamoor]

حساب التوفير إلغاؤه عليه من 50/100 درهم
أما المصارف الاسلامية ما اعتقد أن عليها رسوم إلغاء
قولي لها لا ترد على الموبايلات تتصل في المصرف او البنك نفسه
و تطلب ال customer Ser ... و تتأكد من الموضوع
أو تروح البنك و تدخل على المدير على طول بدون صدعة راس

يعجبني تعامل ابوظبي الاسلامي و أبوظبي الوطني بس المصرف احسن عسب
إنه إسلامي فالإنسان يكون مرتاح اكثر