امي خربت بيتي

[بطه_15]

اختي جان حطيتي موضوع كامل مره وحده انتي. مب موضحه سالفتج بس اكيد. لازم تتحركين. وتسوين شيء الدنيا غاليه والريال ملزوم يصرف ع عياله ودامه يسفر زوجته الثانيه وعيالها عيالج بعد لهم حق. روحي اشتكي ف المحكمه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[sarah161]

ما نقدر نحكم ع الموضوع لأنه مو واضح. حاولي تقعدين مع امج وتتناقشين وحاولي تقعدين مع احد يحبج يقولج عيوبج و أغلاطج وتتقبلينها وتصلحين من نفسج. اكيد فيه اشياء لازم تتراجع وتتصلح بس انتي غافله عنها. وامج قعدي معاها وتناقشي بهدوء بعد ما تعرفين اغلاطج

[ميرة المنصوري]

قوي عمرج و فكري في نفسج والعيال سيري المحكمة و طالبي بحقوقج انتي و عيالج

[سااجده]

انا اصدق بعض الامهات عدوه لبناتها
تغار منهن وتحاربهن مريضة

[ليندااااا]

الله يكون في عونك اختي
لكن غريبة ليش الام تسوي هالعمايل لو قلتي ام ريلج قلنا ممكن عادي بس ام تسوي جيه ببنتها غريبة

[الوردة الجورية]

شو الحل ذلني ذل طلبت منه يدور بيت ما رضي قال يلسي عند هلج . قلتله هلي ما تحملوني وما تحملو عيالي . ربوني والحين بيربون عيالي . . تزوج ولا سأل عني . وقال اذا تبيني وتبين عيال سوي ملحق في بيتكم . ويباني انا اربيهم . والثانيه يدلعها ويسفرها . بس انا ام عيال اربي .

اختي سواء كنتي مواطنة او وافدة قانونياً من حقج وحق عيالج سكن وصرف حتى لو كنتي مطلقة لج نفقة متعة ونفقة حاضنة ونفقة للاطفال ونفقة لإستقدام و رواتب خدم الأطفال وسائق وفواتير الماء والكهرباء والانترنت

ماعطاج.. القانون يلزمه يعطيج غصبن عنه
وهم يحددون كم على حسب مجموع دخله
بس انتي تحركي طالبي بحقوقج

[αℓ-ḲḁᶔḅḮαh]

والله صاحبة الموضوع بببببببببببببببببببببببببببببارررررررده ... على العموم لا تعليق !
الله يفرجها عليج وتنحل أمورج وتتصالحون

[حـ uae ـلا]

الحين انتي من سنتين فبيت اهلج و ساكته !!!

انا قعدت اسبوع فبيت اهلي و على طول سرت المحكمة رفعت قضية ع ريلي

و القاضي حكم نفقة لولدي الحمدلله و موضوعنا بعده ما خلص من سنه و شي ><

اذا تبي تردي لريلج رفعي قضية صلح و طالبي بحقوقج مثل البيت و النفقة الشهرية لج و لعيالج و خدامه مع راتبها

اذا تبي تتطلقي هالشي راجع لج بعد طالبي بحقوقج مثل البيت و نفقة العيال و نفقة حاضنة و نفقة متعه و تكاليف استقدام الخدامه و 1000 درهم راتب للخدامه و موخر الصداق

انتي شوفي اللي يريحج اما قعدتج فبيت اهلج ما بتحل مشاكلج مع ريلج

و امج الله يسامحها ع فعلتها

[أم زمرده]

أختي موضوعج مب واضح ممكن توضحين لنا علشان ننصحج

[مالتيزرس]

صاحبة الموضوع اذا انتي صغيرة فالعمر؟ خلي حد أكبر عنج يسير وياج المحكمة اتصرفي اضمني حقوقج ترا ماحد باجر بينفعج الغلا هذا أبسط شي ودامه بايعنج وشاري حرمته الثانية الله يسهل دربه ..وانتي لاتسكتين ودري عنج البروود وعيالج لهم حق حراام مناسبات واعياد ومدارس من وين لج تصرفين عليهم وكم اهلج بيصرفون يالغالية ..
أحس اني انقهرت أكثر وانفعلت من الموضوع

[نسيمة الورد]

صباح الخير ... لاني انا روحي ما بفاهمه شي طردني زوجي من البيت . حياتنا كانت زينه فجاة انقلبت صار يكرهني ولا ينظر الي ويحتقرني .ويضربني ولا يطيق يسمع سيرتي .. كانه ما يعرفني كل ما اكلمه يصير شخص ثاني ولا يطيق يجلس معاي وحطيت سورة البقرة في البيت الشريط اخترب كل ما اتقرب من زوجي هو يبتعد ولا ينظر الي ما اعرف شو السبب .... ما اعرف امه هنديه من كثر حبها له احسها تكرهني ...لاني اخذت ولدها عنها احنا عايشيين معاها في البيت .. انا شاكه انها مسويه سحر . لانها في الفترة الاخيرة من زواجنا كانت تسافر الهند ... خبرت اهلي .... ما حد مصدق ..

[khaleejiya]

شفيج اختي مره تتهمين امج انها خربت بيتج ومره امه شسالفه ارسي على بر
مب زين توجهين اصابع الاتهام عالناس اهدي وفكري عدل

[مراسيل الوفاآ]

اختي انتي بروحج مب عارفه شو مشكلتج !

يعني ف بدايه الموضوع قلتي امج خربت بيتج، وعقب
قلتي هو متعلق ف خواته والحينه تقولين امه هنديه
ومسويه سحر ! ترا إن بعض الظن اثم، خافي ربج
ولا تعقين مشاكلج ع الناس وتقولين هم السبب ..

يعني ف البدايه قلت يمكن فعلا الام هي السبب لأني
سمعت انه شي امهات جي من كثر التدخلات يهدمن
بيوت بناتهن لكن الحينه تأكدت انج انتي السبب ف
اللي تمرين فيه بسبب شكج ف كل اللي حولج !
وما عندج شي يثبت انج الصح وهم الغلط عشان جي
راضيه بكل اللي يصير لج وساكته عن حقج وحق عيالج


دام امج راضيه باللي انتي فيه وريلج راضي بحياته ويا
حرمته الثانيه وانتي يالسه بس تشكين ف امه ولا امج
ولا خواته، تصرفي واضمني حقوق عيالج لانج لو تميتي
جي عيالج بينظلمون وبتكونين انتي السبب ف النهايه

[الوردة الجورية]

بغض الطرف عن من الغلطان روحي التوجيه الاسري وطالبي بسكن ونفقة لج ولعيالج

بالنسبة من الغلطان حسيت بشي من أول ماقريت موضوعج بس ماحبيت اتطرق له

الله يصلح أحوالج

طالبي بسكن ونفقة هذي أهم خطوة الحين

[غرووب 22]

لا اله الا انت سبحانك اني كنت من الظالمين