المبالغة في التجهيزات

[ام حمده 77]

هلا خواتي الغاليات
الله يسهل على الحوامل ويرزق المحروم

حبايبي انا كتبت لكم هذا الموضوع

ﻻنني شفته بعيني ومن قريبتي اللي هي حرمت أخوي

الله يسلمكم حرمت اخوي ربت وهذا المولود الثالث لها

وخبرني اخوي أنها ربت بس البيبي تعبان وراح يدخلونه الحضانه

والله راد انه يتوفى البيبي بعد 12 ساعة والله يعوض عليها


المهم بعد ما طلعت حرمت اخوي من غرفة الولادة

رحت لها أودي لها أغراضها اخوي موصني عليها


شفت وايد مبالغين بالتعديل والتزيين والبالونات وتوزيع البيبي

غير طلبية اﻻكل والمفارش كأنها حفلة والبيبي وقتها تعبان

والله راد يأخذ أمانته


انت شو رايكم بهذا الشي المبالغ فيه ؟؟؟؟؟؟؟؟؟؟؟؟؟

واللي راح خسر بدون فايدة

الحرمة يوم تربي تفكر بالتسهيل وصحة البيبي

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[صفوويه]

انتي عيل ماشفتي شي خخخخ

والي تطلب صاالون لين المستشفى وتسوي شعرهاا وميك اب الولاده ههههههه

الي يقولون هذي ضيافه للناس اووكي سويها فالبيت يوم تطلعين انتي والبيبي بالسلامه

[الدرةالمصونة]

السلام عليكم

موضوعج حلو

انا طبعا وافدة وما اسوي شي من هالتوزيعات والطلبيات وغيرها لانها فوق طاقتنا

والوحدة يوم تربي وتكون في المستشفى حالها ما يعلم بي الا الله من الالم والتعب والهلاك

اي حفلة اي توزيعات اي بالونات

انا يوم اربي ما اروم امشي من التعب والهلاك واريد ارجع لبيتي ولاولادي

انا اشوف لو الوحدة تتبرع بهالفلوس للمحتاجين دفعة بلاء وشكر لله على سلمتها هي والبيبي افضل وأجر

شو رأيكم ؟؟؟

[حقيقة]

انا لله وانا اليه راجعون ، الله يخلف عليكم يارب ..

صدق شي مؤلم ، مالها داعي المبالغات، المهم سلامة الام والبيبي ، ابتلى المجتمع بها المظاهر نسال الله العافيه ..

[^الدماني^]

أحس أنه قدوم البيبي الى الدنيا فرحة لا توصف

ويمكن عشان جذيه الأم والأبو يبغون يحتفلون بهالمناسبة السعيدة

وكل حد يحتفل على قد امكانياته

أنا بس شي واحد مب مقتنعه فيه وهو التوزيعات !!

هالشي الوحيد اللي أحس انه خسارة بيزات لأنه أولا نحنا مب أجانب
(الأجانب يقدرون التوزيعات ويحتفظون بها مدى الحياة كنوع من الذكرى)

ثانيا : اللي تعطينهم التوزيعات ما يقدرون التعب اللي انتي تعبتيه في الاختيار
ياكلون حبة الحلاوة اللي فيه (هذا اذا أصلا كلوها) ويعقون الباجي في أقرب زبالة !

الله يعوّض على أخوج ومرته ويفرحهم بقدوم بيبي جديد ان شا الله

[صفوويه]

أحس أنه قدوم البيبي الى الدنيا فرحة لا توصف

ويمكن عشان جذيه الأم والأبو يبغون يحتفلون بهالمناسبة السعيدة

وكل حد يحتفل على قد امكانياته

أنا بس شي واحد مب مقتنعه فيه وهو التوزيعات !!

هالشي الوحيد اللي أحس انه خسارة بيزات لأنه أولا نحنا مب أجانب
(الأجانب يقدرون التوزيعات ويحتفظون بها مدى الحياة كنوع من الذكرى)

ثانيا : اللي تعطينهم التوزيعات ما يقدرون التعب اللي انتي تعبتيه في الاختيار
ياكلون حبة الحلاوة اللي فيه (هذا اذا أصلا كلوها) ويعقون الباجي في أقرب زبالة !

الله يعوّض على أخوج ومرته ويفرحهم بقدوم بيبي جديد ان شا الله

صح كلامج والله هههههههه

احيد انا سويت توزيعات حق ولاده اختي والبكس الواحد كان ب10 وتخيلي انا طالبه 70 حبه
فيه لعبه صغيره وحبه كاكاوو وانا من عندي حطيت 5 دراهم نوط

وشفت اليهال كيف طايرين بالنوط والباقي مفروور جدام البيت هههههه
ومن وقتها قلت ماابسوي خلاص

[mao]

ياربي الله يجعله شفيع لهم .. غمضوني اخوج وحرمته .. الله يعوضعهم ياربي جريب .. وعن المبالغه ف التجهيزات صح كلامج .. ع الاقل اذا كان اول بيبي ممكن بس مب مبالغه مباالغه .. الاعتدال زين .. والمبذرين كانوا اخوان الشياطين ..

[mao]

ياربي الله يجعله شفيع لهم .. غمضوني اخوج وحرمته .. الله يعوضعهم ياربي جريب .. وعن المبالغه ف التجهيزات صح كلامج .. ع الاقل اذا كان اول بيبي ممكن بس مب مبالغه مباالغه .. الاعتدال زين .. والمبذرين كانوا اخوان الشياطين ..

[وجدان الفجر]

الله يعوض أخوج وزوجته خير أختي . أنا ضد هذي الأشياء وأنا ما أسويها وللحين ما نعة حريم أخواني وأختي يسوها . ببساطة هذا إسراف وتبذير , وصرف بالألاف على مظاهر كذابة وفشرة قدام الناس ! .
من سنوات قليلة جانا طفل مولود حديث وكان تعبان جداً كان عمره يومين , ودخل العناية ساعات وتوفاه الله , بعدها طلعت غرفة أمه( لأنها والدة قيصري ) في المستشفى علشان أكون معاها وأحاول أخفف عنها ولو شي من مصابها , فوجئت بالحجرة مزينة كأنها فيها حفلة وما كأنها غرفة مستشفى حتي أنا ما عرفت شو أقول !!! أمه قالت لي الطفل كانت بخير ويرضع والزوار ما يخلصوا ومبهورين بالغرفة والتزين ولبسها ولبس الياهل !وخلال ساعة تدهورت حالته !
الأعمار بيد الله , والعين حق . والفلوس هذه لو تطلع صدق لوجه الله شكراً على نعمته أكيد بيكون فيها الخير والبركة .

[ام ميثاني..]

للرفع

[Ward-uae]

الله يعوضهم
استغرب من هالشي القعده في المستشفى تلوع بجبدي ما اصدق اربي وبالباجر اطلع حتى ما اخبر احد ما احب حد يشوف شكلي
ومن ارجع البيت سويت بوفيه وتوزيعات ما عندي بشكاره وما فيني اعابل الضيوف واضيفهم لاني اقعد في بيتي
اما التوزيعات اشتري شي يعمر شرات المرايا او ميداليات او ميني طيس
من رايي التوزيعات ذكرى وحتى الحريم يحبن سوالف الاهداءات

[بنت الشوامخ]

عورت قلبي حرمة اخوج :"( الله يعلم بحالها يوم شافت الترتيبات والتوزيعات للبيبي عقب ماتوفى

الله يعوضهم خير ويصبرهم

بالنسبه لي انا مب حق هالسوالف
مع اني حامل بأول بيبي

بس والله اكثر شي افكر فيه اني يارب ان شاء الله اربي بالسلامه ونكون بصحه وعافيه انا والبيبي

وعقب ان شاء الله نسوي عزيمه لما قريب اخلص النفاس
نحن جي نسوي في بيت ابوي

نسوي عزيمه للي ربت قبل ماتخلص النفاس وتروح لريلها
اللي حاب يبارك ويسلم او اييب هديه

وبهالعزيمه ممكن ازين بالونات وهالسوالف واييب توزيعات جوكلت وجي وشي مب مبالغ فيه

اما بالمستشفى يكفي صينية جوكلت
او ورد وبس

الله يسهل عالجميع
انا ماحب استعيل وازهب قبل ما اشوف المولود بعيني

[الوردة الجورية]

الله يتقبله شافع لهم ولا حول ولا قوّة إلا بالله

باقة ورد وحدة في الغرفة تشرح النفس وسلة حلويات للممرضات، المدس وشنطة البيبي وملابسه و سلة موسى طقم.. حلو فرحة بالبيبي اليديد وبعدين عادي بستخدمهم فترة لين يكبر شوي يعني مب تبذير

أما بالونات وتزيينات وديكور؟؟!!! ماجد سويتها
أنبه على امي ماتعلم حد لين اطلع من المستشفى
بس امي و ابوي وخواتي الله يحفظهم كلهم هم اللي يزوروني في المستشفى

وما أصدّق من الله اني اطلع من جو المستشفى

[jameela200]

الله يعوضهم خير ان شاء الله ..
انا ولدي البجر .. ماسويت له لا توزيعات ولا شي ..
مع انه الحمدالله انا ابروحي اعرف اصمم .. وعندي كل المعدات .. وبزنسي هالشي ..
بس ماسويت شي ابد ..
بس ملابسه الأساسية .. والمنز وسريري ..
لكن هالمرة ان شاء الله بسوي في الحدود المعقول ... يعني شي انا ولدي نستفيد منه ..

[ماما سلطان]

حبيبتي شوفي الانستقرام والدعايات والاغراءات.... فالوحده وحليلها حامل واتشوف هاي التوزيعات وما تحس بعمرها وتتطلب... وبعدين كل وحده اتنزل صور في الانستقرام واتسوي اغراءات لغيرها عشان يقلدونها..... الكل يركض ورا المظاهر... صدق ان التوزيعات خساره وتنعق .... لو تتصدقين ع الفراشات والممرضات عقب الولاده أفضل... وفي البيت اللهم اشوية حلويات وفطاير وشاي وقهوة للزوار وبس ... أكيد وحده مربية محتاجه للراحه التامه مب ناس داخلة وناس طالعه.... الله يسهل على كل حامل واتربي بالسلامه ويحفظ لها جنينها....