ساعدوني تعبت وتبهدلت ....

[نجودالامارات]

السلام عليكم ورحمه الله وبركاته
خواتي الكريمات لاتنسوني من صالح الدعاء

عمليتي كانت بتاريخ 19-10 يعني تقريبا كملت قريب الشهر على عمليتي للاسف ياخواتي العمليه كانت ناجحه خلال 10 ايام في مستشفى راشد دكتور من سويسرا زائر بس وفجاه انفتحت الخياط والجرح كبر ومااللتئم يعني فشل ولازم من اول وجديد

والله العظيم هذي العمليه 8 او 9 والله اسويها تفشل هل من العين من الحسد الله يعلم

جربت مسشتفيات الحكوميه دبي وراشد والخاصه والعيادات وكانت اول عياده دكتور جهاد للي تعرفه حسبي الله عليه سبب مشاكلي لان سوالي ثقب في عنق الرحم وبعد عمليه الناسور بين الشرج والمهبل بهدلني بهدله وللاسف ان الافرازات والدم والبراز يخرج من الخلف و الامام ماقدر اتحكم بنفسي حسبي الله عليه ونعم الوكيل والله اني متبهدله ومعناه خلال 4 سنوات تعبت والله ومتحمله الاوجاع والالام وغير البكاء ونفسيتي على حالتي لان 9 عمليات خلال 4 سنوات والله خلاص تعبت وايد والجرح مفتوح تعبت اكثر
حبيت استفسسر
منو سوت او من اهلها سوت هالعمليات بلخارج يعني منو راحت لندن الهند بانكوك او أي دوله ونجح معاها او مع اهلها وتجاربكم وتكتبون لي اسم الدوله والدكتور والعنوانين اللي تعرف ضروري

وتاريخ 25_11 من هشهر الحالي قالي الدكتورلازم نحط ليش خيط عشان هالخيط يلتئم ويخفف من نسبه الالتهابات انا جربت قبل العلمليه 5 شهور والحين بعد الدكتور يقولي دام العمليه انفتحت لازم احط هالخيط عشان يخف المكان من الافرازات وغيره منو جربت هالشي ؟؟؟؟؟؟؟؟؟؟؟؟
وحسبي عليك يا جهاد حسبي الله عليه ما انصح اي وحده تروح عند جهاد اللي تمدحه انا مستغربه منها الله المستعان
ادعولي بلخير والشفاء وان عمليتي المقبله تنجح اذا الله راد احتمال اسافر خارج الدوله

لاحول ولا وقوه لا بالله
اللهم اني مسني الضر وانت ارحم الراحمين
جزاكم الله خير

لاتبخلون علي بردود لو سمحتو اكتبولي اللي تعرف

المزيد من آخر المواضيع من نفس القسم:

• اهم اسباب حساسية الطعام وطرق علاجها
• اهم اعراض قصور عضلة القلب وطرق علاجه
• اهم أسباب واعراض التهاب المفاصل وطرق علاجها
• اهم الأعراض وطرق الوقاية من الجلطات
• شو علاج عرق النسا نهائيا بدون عمليات في حد...
• اهم الفوائد الصحية للشوكولاتة الداكنة
• اهم لقاحات كورونا المنتظرة خلال الفترة...
• تطبيق جديد على الهاتف سيكشف إصابتك بفيروس...
• اهم أعراض الانزلاق الغضروفي والأسباب...
• طرق علاج غازات البطن وطرق الوقاية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[.pure.]

ربي يشفيج اختي .. انصحج بالمانيا

[نجودالامارات]

ربي يشفيج اختي .. انصحج بالمانيا

تسلمين اختي ان شاءالله ارتب اموري وشوف وين استقرر

[نجودالامارات]

74 وحددددددددده بس تقرا بدون دعاء بدون رد الله يسامحكم

اللي تعرف تكتب عنوايين دكاتره لو سمحتو تكتبه لي

واللي تتدخل تتطمش الله يسامحها

[قلب الكندي]

الله يشفيج ياااا رب

[مالتيزرس]

ربي يفرج همج وييسر أمرج حبيبتي ..والله قلبي عورني عليج ..
انزين اختي ليش ماتسيرين الديوان مال محمد بن زايد وتشلين تقاريرج كلها وهم يشوفون حالتج وين ألزم لها السفر فاي دولة

[مونتاج]

الله يتم عليج الشفا و تقومين بالسلامه ان شاء الله

[um mohsin]

ربي يشفيك حبيبتي وان شاء الله طهور

ماتخافين الطب متطور واسالي وابحثي ولا تيئسي من رحمه الله

ربنا معك ويشفيك ويرفع بلاك باءذن الله ..

[Ward-uae]

الله يشافيج ويعافيج
المستشفيات وايد لكن حاولي قبل لا تسوي العمليه اسمعي اكثر من استشاري ومن كذا مستشفى وراويهم التقارير
عندج مستشفى القرهود
ومستشفى ويلكير
ومستشفى الامريكي
ومستشفى سليمان الحبيب
ما جربت المستشفيات لكن صارت عندي مشكله في القلب وحبيت اطمن اكثر وعطوني هاللسته من المستشفيات وانه عندهم دكاتره زينين
اتصلي واخذي موعد والله ييسر امورج

[نجودالامارات]

السلام عليكم

خواتي الكريمات اشكر كل وحده جاوبتني وكتبت لي جزاكم الله خير ماقصرتو

والله ياخواتيي ماخليت مكان مارحت خاص حكومه عيادات رحت عند اخصائيين استشارييين

ودكاتره زائييرين ماخليت حد ماعرف شو السالفه وكل وحد يمدح نفسه
ماعرف العمليه ليش ماتنجح وهي المره 9 تقريبا هل هو عين حسد الله اعلم

ان شاءالله اخذ تقارير من المستشفيات واشوف اذا اقدر اسافر للخارج

تسلمون خواتي الله يرزقكم الجنه ويوفقكم دنيا واخرى ويسعدكم اميين

[^الدماني^]

الله يعافيج يا رب ..

انزين هالنوع من العمليات شو يكون تخصص الدكتور عشان نقدر نفيدج ؟
يعني الجهاز الهضمي ؟ والا جراح ؟

[Ward-uae]

السلام عليكم

خواتي الكريمات اشكر كل وحده جاوبتني وكتبت لي جزاكم الله خير ماقصرتو

والله ياخواتيي ماخليت مكان مارحت خاص حكومه عيادات رحت عند اخصائيين استشارييين

ودكاتره زائييرين ماخليت حد ماعرف شو السالفه وكل وحد يمدح نفسه
ماعرف العمليه ليش ماتنجح وهي المره 9 تقريبا هل هو عين حسد الله اعلم

ان شاءالله اخذ تقارير من المستشفيات واشوف اذا اقدر اسافر للخارج

تسلمون خواتي الله يرزقكم الجنه ويوفقكم دنيا واخرى ويسعدكم اميين

اجر وعافيه
هو جيه ولاجيه هم دكاتره يايين من مستشفيات اوروبيه لو بتفتحي ملفاتهم وتشوفي السيره الذاتيه على الاقل انتي هنيه في البلاد قريب اهلج
هالعمليه دقيقه وانتي بعد يبالج ما تتحركيه بعد العمليه واهم شي الامساك لانه يخرب كل شي
الله يعينج

الله يعافيج يا رب ..

انزين هالنوع من العمليات شو يكون تخصص الدكتور عشان نقدر نفيدج ؟
يعني الجهاز الهضمي ؟ والا جراح ؟

باطنيه للفحص لكن هي بحالتها جراحه

[^الدماني^]

باطنيه للفحص لكن هي بحالتها جراحه

عيل اذا جذيه أنا أعرف دكتور شاطر في الهند تخصص باطنية وهو جرّاح في نفس الوقت
خبره لا يستهان بها
تقدرين تطرشين له حالتج بالايميل وتاخذين استشارة
واذا عنده الحل تسيرين له بمبي

اذا بغيتي رقمه راسليني حبيبتي

[كتكوتة حبيبي]

الله يشفيه وماجورة باذن الله

[(الجوووري)]

الله يشفيج يارب ويعافيج