ريلي و طلعاته

[شهنازووو]

هلا بنات شحالكم !!

بنات انا معرسة من ثلاث شهور ريلي الحمدلله زين وياي

بس احسه ما تغير بعد العرس من ناحية الطلعات

يعني يسهر لين وقت متاخر و جي يعني و كلمته كم مرة و ما في فايدة


و مثلا اليوم لازم يرد من الدوام الساعة 2 تميت اترياه لين الساعة 4 دقيتله قالي انا ف بيت ربيعي قلتله اوكي باي

يعني ابسط شي كان المفروض يخبرني عالاقل يكون عندي خبر لو بمسج و وايد يسوي هالحركة انا اي مكان بسيط اسيره لو ما قلتله يجلب الدنيا

هو بعده ما رد البيت عطوني حلول لا تقولون كلميه لاني كلمته كم مرة ابا شي ذكي يخليه يتلوم انا مابا اضغط عليه بس اباه يحس بطريقة ذكية

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الــــدبـــــه]

الغاليه ماعرف كيف انصحج
غير انج تصبرين وترمسين ريلج
يمكن ريلج بعده يحس انه عزوبي
حسسيه انج موافقه بس بشرط يخبرج
عشان بس ماتحاتينه
رمسيه بدال الـ10 رمسيـه 100 مره
اصبري واستغفري وادعي انه الله يهديه لج
والله لا يفرقكم عن بعض ان شاء الله
والسموحه

[Attimo]

خلاص حاولي كل ما تكون الساعه 2 الظهر انج تتصلين له اسأليه عن حاله وعقب قوليله اترياك ترجع ولا بتروح مكان ؟! وهيك كملي سوالفج عسب ما تكون مكالمة تحقيقية ..

ومرات طرشي له مسج قبل لا يخلص دوامه واكتبي فيها > بدا العد التنازلي للحريه ههههه .. وفرفشيه رد عليج زين ما رد عقب الدوام اتصلي له ..

وحاولي كل اتصال يكون غير عن الثاني .. مرة تسألي .. مرة تقولين له مجهزة لك كيكه باكلها معاك .. مثلا مسوية لك عصير فرششش بارد .. وهيك

بس اهم شي بالموضوع الابداع في الكلام الابداع في المسجات والابدااااااع بالافكار ...

[الــــدبـــــه]

صح
جربي هالطرق
وان شاء الله تنفع معاج

[امراه]

اختي ريلج يمكن بعده ماتعود عالعيشه اليديده اصبري عليه اتوقع روحه مع الايام بيتغير لان الاغلبيه جي ولاتلصقين فيه وايد يعني اذا يبا يطلع يطلع بس بحدود ومبيت برع البيت لااااا وربي يخليكم لبعض

[مراسيل الوفاآ]

دامج توج معرسه، حاولي تحلين اي شي بينج وبين ريلج اول بأول
واذا هالشي مضايقنج لا تقولين عادي بصبر وعقب بيتغير، لا الريال
ما يتغير اذا تعود ع شي واذا حاولتي تغيرينه عقب بيعصب وبتطلعين
انتي الغلط وهو الصح ف تحملي من هالنقطه . .

اما بخصوص انه يسهر برع، ف انتي حاولي انج تخوفينه عليج شويه
بينيله انج خوافه ما تقدرين اتمين بروحج، او وصيه من يطلع انه يتحمل
ع عمره وما يتأخر عليج واذا بغيتيه يخلص دوامه ويرد يكفي انج اتطرشيله
مسج وتقوليله اترياك ع الغدى، او تسألينه متى بتوصل البيت عشان اجهز
الغدى يعني من هالاشيا اللي تخليه يحس انج تتريينه واذا قالج ما بيي او
طنش بدون قصد، عاتبيه بطريقه حلوه وحسسيه انه اللي سواه ضايقج


واذا ما نفع شي من هالاشيا، ف مالج الا انج تيلسين وياه وتتناقشون
بخصوص هالموضوع

[Fa.R]

فديتج هو شكله مش متعود نفس ما قالن البنات بس أنا أشوف أنه كبير وعاقل المفروض ما يتأخر عليج
يعني يعرف أنه معرس ماله داعي هالحركات ، حاولي تسوين له جو وتعرفين شو جوه

يحب السهرات مثل الأفلام ويلعب بليستيشن أو مباراة أطاعين وياه وتاخذونها سوالف وضحك

[دواء مستخدم]

من يصير الساعة وحدة طرشيله مسج ...^^ ترا عيوني ما تغفى بدوونك لا تتإاخر .. ههههه
او ..
قاعدة اترياك اشتقتلك ...
أو
طمني عليك اذا بتتأخر لا تخليني أحاتيييك ...
أو
خاايفة ....^^ بطريقة دلع ( انتي وشطارتج )

انتي بأسلووبج هذا راح اتعودين الريال ان يرجع البيت بسرررعه ..

مو اتنازعييينه ليش تتااخر وليش ما طرشت لي مسج ..^^

قوليله اوكي بنتفق مرة فالاسبوع بس تتأخر بعد رجووعك من الدوااام ...


فهميييييييه وقووليله حبيبي انت اللحيينه متزوج مب عزابي

اظظنيي ريلج عمره تحت 25 .... ^^

[دواء مستخدم]

حبيبتي .. انتي اللحيييينه تقدرين اتعودين الريال على نظظظام وبعدها اغسلي اييييدج ...

[غرووب 22]

سبحان الله وبحمده سبحان الله العظيم

[الوردة الجورية]

اختي هدّي شوي عطيه مجال يتنفس وانتي ابتعدي شوي عنه

خذي لفّة شوي في هذا القسم واقري المواضيع تستفيدين منها ان شاء الله لمشوار حياتج

[sarah161]

بصراحه انا ما انصحج تتصلين له الساعه ٢ وترسلين مسجات ! لأنه بيتضايق منج وبينفر وبدل ما يشتاق ويجي البيت من نفسه بيحس كأنج حابسته وتراقبينه وتشكين و و و و و .
دلعيه وعطيه اهتمام زايد عشان هو من نفسه يجي الساعه ٢ مو تتصلين تدورين وراه ترى بتندمين صدقيني.
ارسلي له مسجات وهو في الدوام حبيبي وحشتني اشتقت لك... كلام حلو بس مو طول الوقت لا تزودينها ولا تقولين له بترجع والا؟؟؟؟
وترى سالفه انه راح مع صديقه صدقيني عاااادي لا تتحسسين يمكن صديقه عزمه علي غدا! يمكن صديقه كان مريض واحتاج يوديه المستشفي! ويمكن عندهم شغله مع بعض. عادي يعني التمسي له الاعذار و وضحي له انج دايما ما تشكين فيه وملتمسه اعذار. صحيح تحز في الخاطر شوي انج تنتظرين وما جا ولا قال بس مو شي كبير الواحد يسوي منه مشكله. لا تبين له انج متضايقه لا ينفر. اجذبيه لج باسلوبج وحركاتج وخليه هو اللي يجي من نفسه.

[غلآ نفسي]

بتكلم عن نفسي

انا دوم كنت اقوله وازن ع راسه ان وقته لي عن ربعه

كنت اقوله باجر هالربع يخلونك يوم بيعرسون وبتشوف

لين سبحان الله ربعه عرسو وما يتشاوفون وايد

وحس بغلطته ان كان يخليني ويروح لهم .. انا ما قلت له شي هو من نفسه قال ان كل واحد مشغول بحرمته ومشاغله

بالتوفيق

[sama DXB]

انا ماعرف اسلوب الدلع خخخخ
الريال على ماتعودينه
انا كنت اقوله وقت لك ولربعك ووقت لي
و كنت واضحة وياه اني ماحب الريال اللي حياته ربعه 24 ساعه
وكنت اردد ليش الحرمة تعرس اذا ريلها مب وياها !


والله يسخرلج ريلج

[شهنازووو]

مشكورين حبايبي بحاول اطبق الي قلتوه

و هو صح صغير تحت الخمس و عشرين

و اذا عندكم نصايح بعد ساعدو اختكم