ولدي ينني

[المغتربة]

عندي ولد الله يحفظه
عمره سنة و 3 شهور
يمشي و شوي يطيح بس ما شاء الله يمشي
و يقول ماما و بابا و دادا بس



مشكلته :
ما يحب حد يشيله ابدا ابدا بس ناس معينين شراتي و شرات البشكارة و امي و ام ريلي فقط
ما يحب يلس في مكان فيه ناس وايد و زحمة يتضايق
ما يحب يلس ف العربانة خير شر مع اني احاول




خواتي يوم اطلع مكان اتوهق فيه
ما يحب المولات- يفشلني
ما يحب اليلسة ف العربانة ابدا ابدا ابدا
اطر اشيله بإيدي و عقب يصيح ما يحب الزحمة و الناس
لو بنسير تيمع ف البر و لا مكان يتضايج واييييييييد و ينكد عيشتي
مرات كل اهلي يطلعون وما اقدر اطلع واتم يالسة

يوم اسير بيت ناس غرب
يشيلونه و جي و احاول انبههم لها الشي بس ما شي فايدة
يتم يصيح طول الوقت لو حد غريب شاله


جربت كل شي
احط لها العاب رسوم اغاني للاطفال اشتت انتباهه
بس لين متى بتم احط له رسوم طول عمره اخاف نظره ينزل
ابغيه يتعلم يلس ف العربانة وقت الطلعات بدون ما احط له رسوم او اغاني



ساعدوني
فكرت ادخله حضانة يمكن يحتك باليهال و يتغير شوي و يصطلب بس يغمضني

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[mao]

فديته الله يحفظه شكله دلوع بزياده ههه امم اختي ماشي الا انج تحاولي تغصبينه بالعربانه يتم يالس فيها وتعطينه حلاوه وهو يالس ف العربانه ياكلها ..

[غلايوووه]

حطيه بالعربانه وخليه اول مره يصيح لين يتعب
عقب والله بيتم ساكت

ولدي وبنتي جي كانو
بالكارسيت او القاري مناحه بس عقب يتعودون


وبنتي نفس حالت ولدج صياح ونواح ودموع تقولين حد جاتلنها ضرب
ماتبا حد الا انا والبشكاره
بس احاول اخليها عندهم وانا حذالها عشان ماتصيح لان توها ست شهور

[ناروتا]

حطيه بالعربانه وخليه اول مره يصيح لين يتعب
عقب والله بيتم ساكت

ولدي وبنتي جي كانو
بالكارسيت او القاري مناحه بس عقب يتعودون


وبنتي نفس حالت ولدج صياح ونواح ودموع تقولين حد جاتلنها ضرب
ماتبا حد الا انا والبشكاره
بس احاول اخليها عندهم وانا حذالها عشان ماتصيح لان توها ست شهور

انا معاها خليه يصيييييييييييح , دامك متأكده انه يصيح ما يبا العربانه , يعني تكوني متأكده انه شبعان ونظيف وصياحه فقط من العربانه
حاولي ما تكوني في مكان عام وزحمه مثل حديقه تكون فاضيه وحطيه بالعربانه وخليه يصيح لين يتعب , صدقيني اول مره بيصيح ثاني مره بيصيح بعدها بيعرف انه ماشي فايده

لكن لو كل مره بيصيح بتشيلينه بيتعلم ان الصياح هو الحل لينزل من العربانه
ونفس الشي بالنسبة لموضوع الشيل والزحمه
بتنحرجين من صياحه بالبداية بس بترتاحين بعدين
واعطيه بسكوت او عصير او اي شي بايده يلتهي شوي
والله المستعان اختي تربية الاطفال صعبه ويبالها نفس طويييييييل

[Ward-uae]

الحضانه ما تعلمه التربية واذا تبين تعلميه وتعوديه يبالج صبر وجان بديتي وهو صغير بعمر الشهور
سمعي لما تحطيه في العربانه في المولات خليه مجابلج ولما المكان مفتوح وحديقة عامه خليه يجابل الناس الاصوات بتشتت انتباهه
القعده في الكرسي بتململه فخليه يمشي ومن يتعب يلسيه بالكرسي عطيه بسكوت في ايده او تفاح لما يقعد بالتدريج بيتعود
عوديه انه في البيت يقعد بكرسي الاكل وقت الاكل بيريحج في المطعم وما بيراكض وقت الاكل بيوصخ يمكن عادي في البيت لكن بيوت الناس
وعن الشل ما عليه مب متعود وهذا الشي زين لما يمسكه غريب
وعن القرايب بيكبر بيعرفهم لا تحاتي

[بنت الجهرة]

حياتي الله يحفظه لكم

حلو شعور الامومة والاحلى ان اليهال يتدلعون عليج

حبيبتي حاولي تدورين لج مواقع مميزة ع جوجل عن التربية
حصلت هالموقع http://supermama.me/ar
ان شاء الله يفيدج
وعليج بالكتب لانها وااايد مهمة واايد تفيد الام في تربية عيالها

[ترنيمة النود]

تحية طيبة وبعد ,,,
حبيبتي ربي يحفظه ولدج .. في هالعمر اليهال يحبون المشي بروحهم متخبلين في البداية .. وشي من اليهال فيهم فرط الحركة ماحبون ييلسون في مكان واحد ويكونون ملولين ,, وع طاري مايحب الزحمة اعتقد ها شي موجود في العايلة اطالعي منوا مايحب جيه يمكن ريلج ولا حد من اهل امه او ابوه .. وبخصوص الصياح انه مايبا ييلس خلوه في الترولي ماله ماعليج من صياحه لنه هو عارف انه في حد بيشله من جيه اتشوفينه يتم ينووح .. خليه وعقب بروحه بيسكت وحاولي تنزلين لمستواه وكلميه شوي شوي لاتصارخين عليه بالذات الياهل ان حاولتي تزعجين بيحاول يسوي شراتج ولا صوته بيكون اعلى من حسج بعد . .. وربي يحفظلكم عيالكم يارب ^_^

[M-Alshehhi]

بالبيت عوديه ييلس بالترولي وعقب بتعود ييلس فيها برع

[الوردة الجورية]

الله يحفظه

عيالي من صغرهم في البيت عربانة اذا بطلعهم في الحوش او اتنقل من قسمي لين اهلي او عشان اربطهم وقت اطبخ ومعودتنهم من صغرهم على الطلعات والناس ومدخلتنهم حضانة واوديهم الألعاب في الحدائق العامة
في البداية مايقربون من الاعاب ويخافون ياخذون دور حد،، امسكهم اشلهم واحطهم في الالعاب واشجعهم يلعبون مع اليهال واخليهم واليهال يحترمون دور بعض في اللعب

الحين الامراض منتشرة بس يهدى الجو وتخف الأمراض دخليه الحضانة يسير اجتماعي ويتعود على الناس والاطفال ويسير عنده ذكاء اجتماعي (ذكاء عاطفي)

تراج انتي متمسكة فيه اكثر منه.. واحاسيسج هي اللي مؤثرة عليه

لاتمنعين نفسج من الطلعات عشانه خله يواجه وطنشي صياحه
متضايق خليه في حضنج لين يتعود على الناس

[اليزوي]

بنتي جي الصراحه لانه من البدايه ماعودتها المفروض من هي صغيره تنشل من افراد جميع العايله والحينه ماتخلي حد يشلها الا المقربين جدا نفسج والله والحضانه نصيحه لاتودينه كله امراض ف امراض بعده صغير وايدد يباله وقت لين يمشي وبيتعلم وانصحج سيرو اقرب حديقه للبيت

[الأمل الساطع]

كأنج ترمسين عن بنتي يوم كانت بيبي ووايد صياحه حتى من عمومتها وابوي وخوالها تخاف .. بس ولا كأني اسمع ههه وين ما اروح صرت اخذها كل مكاااان ف البدايه اتصصيح وماتبا حد عقب الصياح خف وصارت من يشيلونها اتم ساكته ولا تضحك ولا شي ... لين فتره وتأقلمت وسافرت وخذتها وياي ..
وصرت امشيها بالعربه بحوش البيت وااكلها واهي بالعربه ... والحمدلله مشت الأمور