سجلي حضورج بنصيحه زوجيه

[دواء مستخدم]

يسعد لي صباحكم ومساكم بكل خير
موضوعي بسيط وفكرته مو جديده بس اتمنى تكون الفكره مفيده للجميع



موضوعنا هو عباره عن نصائح زوجيه من افكارنا وارائنا

بتسجيل حضورنا اليومي

بنصائح زوجيه نستفيد منها جميعا ا تمنى التفاعل من الجميع لنجمع ونستفيد

باكبر كميه من النصائح الزوجيه لتستفيد منها كل زوجه والجميع

ونا ببدء باول نصيحه

الغيره الزائده والشك من اهم العوامل الضاره والهادمه للاسس الحياه الزوجيه الناجحه

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رسايل غلا]

نصيحتي لكل وحدة متزوجة:
لا تتكلمين جدام حد عن مشاكلج الخاصة والزوجية حتى لو كانت تافهة, ولا تسمعين ابدا حق اي وحدة يالسة تعطيج تجاربها مع ريلها وخليج واثقة من نفسج
ودووم خلي ريلج جميل ف عينج وعين الناس لا تذمينه نهائيا مهما كان فيه من عيوب ومهما صار بينكم.

شكرا عالموضوع اختي

[افناان]

تجملي لزوجج و نفسج مو للناس
احرصي على تعلم طبخات جديدة
اكتمي اسرارج الزوجية
خلي بيتج دايم نظيف ، و مرتب و ريحته حلوة
كوني الزوجة الحنونة فالمشاعر الايجابية تتنقل له بالعشرة
حصني نفسج و بيتج دايما و عليج بالمعوذات دايما
الاستغفار و الصدقة من اسباب دفع البلاء عنج و عن عيالج

[Jawharah]

لما يعصب ويصرخ اكظمي غيظج لين يهدء تعاتبوا

[hamoudmam]

اولا شكرا عالطرح القيم

أول نصيحة اسجلها بهالموضوع



الصبر ثم الصبر ثم الصبر

[ناروتا]

تعلمي وعلميه كيف تتعاتبون و تفضفضون لبعض اول بأول , لا تخلون الزعل والعتب والاستفسارات تتراكم , لانكم ساعتها بتنفجرون ما بتتعاتبون وخلاص, وبتسوتي مشكله عوده
الله يوفق كل زوجييييين ويهدي سرهم

[احلى بعفويتي]

انا واااايد عندي نصايح .. انصح فيها نفسي قبل غيري ..
الريال عنده البطن والشكل بنفس المستوى يعني املي بطنه وعينه .. لا تهملين البطن ترا يسوي مشاكل خخخخخخ
عيالج موب بس انتي مسؤوله عنهم .. خليه يشاركج فيهم حتى لو عندج خدامه .. هالشي بخليه يشتاق لبيته و لعياله و لج .. سبحان الله سارت مشاكل عواصف هالشي بيخليه يرجع ويراضيج بعد ...

جسمج ثم جسمج ثم جسمج .. لا تهملين رشاقتج و ريحتج و شعرج مو مهمه الملامح مثل جمال القوام و غلظ الشعر و ريحه الحلو هالاشيا تغري الرجل عدل ..

يوم بيعصب اسكتي عنه .. لين ما يهدى و افجعيه بطبق عجيب .. بيراضيج بكارتير عادي .. خخخخ

اهله .. وجبيهم و ماعليج من القال والقيل لان مافي اهل ريل تمام دوووم ..

و اهم شي نفسج وصحتج ..
ونصيحه لا تقولين ضحيت عشانك و ضحيت عشان عيالي .. اذا سويتي خير كبير و لا صغير لا تترين شكر من ريلج و لا عيالج ترا اجرج اكتب عند ربج .. التضحيه فكرتها سلبيه .. غيريها بكلمه سويت خير عشان عمري ..

خليج برستيج دووووووم .. حتى لو تمثلين .. ترى الريال يحب البرستيج بس عاد موب اوفر ..

[uaepearl]

قولوا اذكار الصباح و المساء سوى لا تزنين خلج فرفوشه الكل يكره النكد رمسوا عن الرسوم الدعاء ادعي دايما بالهدايه لج و له و للعيال

[غرووب 22]

وَذَا النُّونِ إِذْ ذَهَبَ مُغَاضِباً فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ
فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ

[ام صبيح]

كلها نصايحكم حلووووة وصحيحه وااكد عالصبر ثم الصبر ثم الصبر وركزي عالجانب الديني فيه وفيج عشان تتصلح كل الجوانب والاخطاء فحياتكم..

[المغتربة]

- لا تنسين يوم في الاسبوع او يوم كل اسبوعين يكون خاص فيكم تطلعين بروحج بدون قرقرة اليهال ، في نوعية امهات---> اليهال لاصقين فيهم لصقة سوبر قلوو
تبغي حتى عيالها وياها ف السرير
عودوهم ع سرير خاص و لو في مجال حجرة خاصة


- ما اطلعين اسرارج و مشاكلج الخاصة لاي حد و حاولي تحلينها بشكل دبلوماسي

- الريال يبغي شيئين : ............ و بطنه ، الأول وايد مهم و الثاني مهم .


- خلي الريال يشاركج في تربية اليهال خليه يسوي الحليب و يبدل و يلبس النونو بمبرز
طيب ما يعرف ، سيري تسبحي و خليه يتوهق مب مشكلة هههههههههه

[زينب الطيبة]

نصيحتي ان كل وحدة تشوف النصائح هذي مب شرط تناسبج كلها

يعني خذي الي يناسبج وانتي وشطارتج ترى كل ريال غير عن الثاني

[الدرةالمصونة]

نصيحتي عدم الغيرة الزايدة على الزوج

طبعا انصح فيها نفسي اولا هههه

لان غيرتي متعبتني اني مو هو

ودايما يقول لي نفس الجملة انت تبيني لج وحدج ملكج لا اسير ولا اطلع

وانا ولا على بالي

بس يوم خفيت من غيرتي وبصعوبة طبعا ارتاحيت شوي وصارت علاقتنا اقوى من قبل

ربي يحفظ ازواجنا ويسعدنا

[دواء مستخدم]

أنصتي للزوج .. قدمي له الراحة... أشكريه ...أنظري الى محاسن زوجك قبل عيوبه

[خبايا سنين]

الله يوفقنا جميعا لما يحب ويرضى
والله عن تجربة احسن حل لجميع المشاكل الصبر وحسن الظن ............. دايما خليج صبورة واحسني الظن في زوجك ولا تخلي الشيطان يلعب راسج
الاستغفاااااار يا اخواتي سحر والله ويفك الأزمات كذلك الصدقة عودي نفسج عليها لأنها خير لج انتي مو لأي شخص.

واخيرا تعلمي الدلع والتزين لأجل زوجك ودايما خليج كاشخة ........... أنا اكلت مقالب وبلاوي في هالنقطة لحد ما تعلمت ههههههههههه والله كنت دفشة ولا افهم في اللبس ولا غيره لحد ما الله كتب لي الهداية.
أسأل الله السلامة لي ولكم وربي يحفظكم من كل مكروه